Leksyon 30

Jesukristo Naghigugma Matag Usa Kanato

Katuyoan

Aron sa pagtabang sa mga bata nga makahibalo nga si Jesukristo naghigugma ug nagpanalangin sa mga bata sa tanang dapit.

Pagpangandam

1. Basaha ug sa mainampuon nga paagi pagtuon sa Marcos 10:13–16 ug sa 3 Nephi 17.

2. Pag-andam og ighahatag nga basahonon alang sa matag bata ingon sa gipakita:

   

   Si Jesukristo Naghigugma Kanato

3. Andama ang mosunod nga gilis sa mga pulong:

   Holland

   Fiji

   Mexico

4. Pangandam sa pagtudlo sa mosunod nga mga dapit diha sa mapa sa kalibutan: (a) inyong nasud, (b) Jerusalaem, (c) ang mga America, (d) Holland (ang mga Netherland) (e) Fiji, ug ang (f) Mexico.

5. Pangandam sa pagtudlo sa awit “Mga Bata sa Tibuok Kalibutan [Children All Over the World]” (Children’s Songbook, p. 16).

6. Mga kagamitan nga gikinahanglan:

   1. Ang mosunod nga mga ginunting sa mga bata sa ilang nasudnong saput aron sa paghulagway sa mga sugilanon: Batang lalaki nga taga-Dutch (ginunting 3-7), Batang babaye nga taga-Fiji (ginunting 3-8), duha ka batang lalaki nga taga-Mexico (mga ginunting 3-9 ug 3-10).

   2. Hulagway 3-56, Kristo ug ang mga Bata (62467; Sudlanan sa Hulagway sa Ebanghelyo 216); hulagway 3-57, Jesus Nagpanalangin sa Nephite nga mga Bata; ug hulagway 3-58, Mapa sa Kalibutan, o usa ka globo sa kalibutan kon aduna.

7. Paghimo sa gikinahanglan nga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Jesukristo Naghigugma sa Tanang mga Bata

Pang-atensyon nga kalihokan

Ipakita ang hulagway 3-58, Mapa sa Kalibutan, ug tudlo ngadto sa nasud diin kamo nagpuyo. Sultihi ang mga bata nga ikaw buot nga sila makakat-on mahitungod sa uban nga pipila ka mga nasud sa kalibutan. (Kon ang usa sa mosunod nga mga panig-ingnan gikan sa nasud diin kamo karon nagpuyo, pagpili og lain nga nasud.)

Ipakita ang “Holland” nga gilis sa pulong ug ginunting 3-7. Itudlo ang Holland (ang mga Netherland) diha sa mapa. Ipasabut nga kasagaran sa yuta niana nga nasud kanhiay gitabunan sa tubig. Ang mga tawo mipahubas sa tubig ug mitukod og mga pugong aron dili makasulod ang tubig. Mga palabad kanhiay gigamit sa pagpadagan sa mga bomba sa tubig. Ang mga tawo gibantug sa pagpasanay og mga tulip ug uban nga matahum nga mga bulak. Pipila sa mga tawo diha sa mga dapit nga umahan ug balangay nga palaisdaan nagsul-ob og bakya nga gitawag og klompen. Kini nga mga bakya saba diha sa gahi nga mga sawog ug uban nga mga patag, apan sila manalipod sa mga tiil sa mga tawo gikan sa umog nga yuta labaw ka maayo kay sa panit nga mga sapatos.

Ipakita ang “Fiji” nga gilis nga pulong ug ginunting 3-8. Itudlo ang Fiji diha sa mapa. Ipasabut nga ang mga bata sa Fiji nagpuyo sa usa ka yuta nga gilibutan og lawod. Ang mga tawo nagtanom ug mga saging, mga lubi, ug mga tubo. Ang init nga tropiko nga klima hayahay kaayo. Ang uban nga mga tawo nagtawag niini og ang yuta sa matahum nga mga pagsilang sa adlaw, apan ang mga taga-Fiji nagtawag sa ilang panimalay og malipayon nga gagmay nga mga isla, tungod kay ang mga tawo ingon og nakagusto sa ilang isla nga panimalay.

Ipakita ang “Mexico” nga gilis nga pulong ug mga ginunting 3-9 ug 3-10. Itudlo ang Mexico diha sa mapa. Ipasabut nga ang mga tawo sa Mexico nagsulti og kinatsila. Sa dugay na nga panahon sila nakakat-on unsaon sa pagpatubo og mais, ug kini nahimo nga ilang labing mahinungdanon nga pagkaon. Sa ikasiyam nga gabii sa dili pa ang Pasko, mga higala ug mga silingan magpundok ug idula ang panaw ni Maria ug ni Jose ngadto sa Bethlehem. Human niana, ang mga bata magdula sa piñata nga dula. Ipasabut nga ang piñata usa ka sudlanan nga hinimo gikan sa yuta o papier-maché nga gihulma sama sa usa ka hayop ug gipuno sa karmelitos, prutas, ug mga dulaan. Kini gibitay ibabaw sa mga ulo sa mga bata, kinsa gitaptapan ang mga mata ug magpulipuli sa pagsulay sa pagbuak sa piñata ginamit ang usa ka kahoy. Human mabuak ang piñata, sila mag-ilog sa mga karmelitos ug sa uban nga mga sulod.

Ipasabut nga ang mga bata kinsa nagpuyo niining nagkalain-lain nga mga nasud managsama sa uban nga mga paagi ug lahi sa uban. Apan bisan kon sila makita o molihok nga managsama sa tinuod dili igsapayan: Ang Langitnong Amahan ug si Jesus naghigugma kanila sama lamang nga sila naghigugma kaninyo. Ang Langitnong Amahan ug si Jesus naghigugma ug nagbantay sa tanang mga bata sa bisan diin nga dapit.

Awit

Itudlo sa mga bata ang awit “Mga Bata sa Tibuok Kalibutan.” Ipaawit o ipasulti kanila makausa o makaduha ang tibuok awit.

Mga bata sa kalibutan

Nagluhod, nag-ampo sa Amahan,

Matag usa nagapasalamat,

Nagasulti sa iyang pinulongan,

“Gracias.” “Malo.” “Wir danken dir.”

Uban nga kabataan moingon og “tak,” uban “merci,”

“Kansha shimasu,” salamat.

Langitnong Amahan, ang tanan nga nasabtan

Siya nakaila ug naghigugma gayud kanila.

Hulagway ug balaan nga kasulatan nga sugilanon

Ipakita ang hulagway 3-56, Kristo ug ang mga Bata, ug itudlo ang Jerusalam diha sa mapa sa kalibutan. Ipasabut nga kini mao diin si Jesus mipuyo sa diha nga siya dinhi pa sa yuta. Isaysay sa imong kaugalingon nga mga pulong ang sugilanon ni Jesus, sa iyang mga Apostoles, ug ang gagmay nga mga bata nga makit-an diha sa Marcos 10: 13–16. Ipagula ang mosunod nga mga punto:

1. Usa ka dakong pundok sa mga katawhan naglibut ni Jesus aron sa pagpamati ngadto kaniya nga nagtudlo.

2. Pipila sa mga katawhan buot nga modala sa ilang mga bata ngadto ni Jesus aron siya makapanalangin kanila.

3. Tungod kay ang mga Apostoles nabalaka alang sa kaayohan sa Manluluwas, sila buot nga mopapalayo sa mga bata.

4. Si Jesus misulti sa mga Apostoles sa pagtugot sa mga bata sa pagpaduol.

5. Si Jesus naghigugma sa mga bata ug mipanalangin kanila.

Hulagway ug balaan nga kasulatan nga sugilanon

Ipakita ang hulagway 3-57, Jesus Nagpanalangin sa Nephite nga mga Bata, ug itudlo ang mga America diha sa mapa sa kalibutan. Isaysay sa imong kaugalingon nga mga pulong ang mosunod nga sugilanon gikan sa 3 Nephi 17:

Human si Jesukristo ilansang sa krus ug mabanhaw ug mikayab ngadto sa langit, siya miduaw sa Nephite nga mga katawhan sa mga America ug mitudlo kanila og daghan nga mahinungdanon nga mga butang.

Sa diha nga ang panahon miabut alang kang Jesus sa pagbiya, ang mga tawo misugod sa paghilak tungod kay sila nahigugma kaniya ug mibati sa iyang dakong gugma alang kanila. Sila buot kaniya nga mopabilin pa og dugay.

Tungod sa hugot nga pagtuo ug mga tinguha sa mga katawhan, ang Manluluwas mipabilin pa og dugay.

Unya si Jesus misulti sa mga amahan ug mga inahan sa pagdala sa ilang gagmay nga mga bata ngadto kaniya. Sa wala madugay ang gagmay nga mga bata tanan naglibut ni Jesus.

Sa tagsa-tagsa siya mikugos kanila ug mipanalangin kanila. Unya siya nagampo ngadto sa atong Amahan sa Langit alang sa mga bata.

Human niana siya miingon ngadto sa mga amahan ug mga inahan, “Tan-awa ang inyong gagmay nga mga bata” (3 Nephi 17:23). Samtang ang mga ginikanan nagtan-aw, ang mga langit miabli; mga anghel nanaog, nagliyok sa mga bata, ug unya nakigkuyog uban kanila.

Ipasabut nga sama lamang nga si Jesus mihigugma ug mipanalangin sa mga bata sa Jerusalem ug mga America, siya naghigugma ug nagpanalangin sa mga bata nga nagpuyo karon sa tibuok kalibutan.

Jesukristo Naghigugma ug Nagpanalangin Kanato Karon

Mga ginunting ug sugilanon

Ipakita ang mga ginunting nga mga bata sa ilang nasudnong saput. Ipasabut nga ikaw buot sa mga bata nga maminaw sa mga sugilanon mahitungod sa mga bata gikan sa nagkalain-lain nga mga nasud ug mahitungod giunsa sila sa pagpanalangin sa Langitnong Amahan ug ni Jesus.

Tabangi ang usa ka bata sa pagpapilit sa ginunting nga batang lalaki nga taga-dutch duol sa Holland diha sa mapa sa kalibutan. Unya isaysay ang mosunod nga sugilanon:

“Ang napulog usa ang edad nga si John Roothoof nagpuyo sa Rotterdam, Holland. Siya sa kanhiay malipayon nga nag-eskwela ug nagsimba, nakigdula uban sa iyang mga higala, ug nagbuhat sa tanang mga butang nga ang usa ka batang lalaki malingaw. Unya sa walay pagpasidaan, usa ka sakit sa mata nakabuta kaniya. Dili na siya maka-eskwela o makabasa. Siya dili na gani hapit makakita igo sa pakigdula sa iyang mga higala. Matag adlaw puno sa kangitngit ug pag-antus.

“Balita miabut sa mga Santos sa Ulahing Adlaw sa Holland nga si Presidente Joseph F. Smith umaabut aron sa pagduaw kanila. Si John naghunahuna mahitungod niini sulod sa taas nga panahon, ug unya siya miingon ngadto sa iyang inahan, ‘… Kon ikaw modala kanako uban kanimo ngadto sa tigum aron siya makakita sa akong mga mata, ako nagtuo nga ako mamaayo.’

“Sa pagkahuman sa tigum sa sunod Domingo, si Presidente Smith miadto sa luyo sa gamay nga kapilya aron sa pakighimamat sa mga tawo ug pakiglamano sa matag usa. Si Sister Roothoof miagak ni John, ang iyang mata gibendahian, mikuyog sa uban aron sa pagpakigsulti ngadto sa ilang pinalangga nga pangulo.

“Si Presidente Smith mikuha sa buta nga batang lalaki pinaagi sa kamot ug unya uban ang dakong kalumo miwalis sa mga bendahe ug mili-li sa kang John nga puno sa kasakit nga mga mata. Ang propeta mipanalangin ni John ug misaad kaniya nga siya makakita pag-usab.

“Pag-abut sa panimalay, ang inahan ni John mitangtang sa mga bendahe gikan sa iyang mga mata aron siya makahunad kanila sumala sa gisugo sa doktor nga iyang buhaton. Samtang siya nagbuhat sa mao, si John misinggit sa kalipay, ‘Hala, Mama, ang akong mga mata maayo. Ako makakita og maayo karon—ug sa layo usab. Ug ako walay gipamati nga bisan unsa nga sakit!’ ” (“Presidente Smith Mikuha Kaniya pinaagi sa Kamot,” Friend, Aug. 1973, p. 36).

Mga ginunting ug sugilanon

• Unsa ang nahitabo ni John? (Ang propeta mipanalangin kaniya aron makakita pag-usab, ug ang Langitnong Amahan miayo kaniya.)

• Sa unsa nga paagi ang Langitnong Amahan ug si Jesukristo nagpakita sa ilang gugma alang ni John?

Mga ginunting ug sugilanon

Tabangi ang usa ka bata sa pagpapilit sa mga ginunting nga mga bata nga taga-Mexico duol sa Mexico diha sa mapa. Ipaila ang sugilanon pinaagi sa pagpasabut nga ang mga ngalan sa mga bata mao si Miguel ug si Tomas ug nga ang ilang inahan nanginabuhi pinaagi sa paglabada alang sa uban nga mga tawo:

“Usa ka adlaw sa diha nga ang (ilang inahan) miabut sa panimalay gikan sa paghatud sa nilabadahan, siya nawad-an og paglaum. Siya mitrabaho og maayo, apan walay usa nga nakabayad kaniya nianang adlawa, ug siya walay bisan unsa nga salapi nga ikapalit og pan. Siya nakahibalo unsa ka gutom ang iyang mga anak tungod kay sila wala makakaon sukad sa ilang dyutay nga panihapon nga pan sa miaging gabii. Si Miguel, ang kamagulangan, nakigbahin sa iyang piraso nga pan ngadto kang Maria, kinsa gigutom pa apan gamay pa kaayo nga makasabut ngano nga wala nay pan. Si Tomas nakamatikud nga si Mama wala makakaon ug mihatag sa iyang bahin sa pan.

“Si Miguel ug si Tomas buot motabang. Si Miguel nakahinumdom sa mga sugilanon nga si Mama misaysay mahitungod ni Jesus (Kristo) sa diha nga siya mitudlo sa mga tawo sa pag-ampo alang sa panabang. Si Miguel ug si Tomas nanginahanglan og tabang, busa sila miluhod og dungan ug nag-ampo. Human mag-ampo, si Miguel ug si Tomas miadto sa panaderiya ug mihangyo ni Ginoo Alonzo kon sila makahimo ba og pipila ka mga sugo alang kaniya. Si Ginoo Alonzo, wala masayud unsa ka gutom ang batang mga lalaki, miingon nga sila walay bisan unsa nga trabaho alang kanila nga buhaton. Sila nagpadayon sa pagpangita og mga trabaho. Sa pagkangitngit sila nakakita og pipila ka salapi apan dili igo.

Duha ka nahimangod ug gutom nga batang lalaki misugod sa pagpauli sa panimalay. Samtang sila naglakaw subay sa dalan, usa ka lalaki nga nagbisekleta milabay. Siya nakaagi og libaong, ug adunay nahulog gikan sa iyang basket. Si Miguel migukod kaniya ug mitawag kaniya sa paghunong, apan ang lalaki mipadayon. Gipunit ni Tomas ang putos aron sa pagtan-aw unsa ang nahulog. Kini usa ka bag-ong luto nga pan. Sila midali pagbalik ngadto sa panaderiya ni Ginoong Alonzo ug mipasabut unsa ang nahitabo. Si Ginoong Alonzo nakahinumdom kinsa ang lalaki ug miingon nga siya mohatag kaniya og lain nga tibuok nga pan sa sunod nga higayon nga ang lalaki moanha sa iyang tindahan. Siya misulti dayon sa batang mga lalaki nga iyang ibaligya ang nadaot og diyutay nga tibuok nga pan sa katunga nga presyo. Si Miguel ug si Tomas sa dali miihap sa ilang salapi; sila adunay igo lamang gayud. Ang batang mga lalaki mipalit sa pan ug midali sa pagpauli sa panimalay.

“Si Mama nahibulong nga nakakita sa pan. Ang batang mga lalaki mipasabut sa unsa nga paagi ang ilang mga pag-ampo gitubag. Niana nga gabii usa ka gigutom nga banay miluhod ug mihatag og mga pasalamat ngadto sa (Langitnong Amahan) alang sa pagkaon” (Lakaw diha sa Iyang mga Pamaagi: Sukaranang Tamdanan nga Basahon alang sa mga Bata, Bahin B (1979).

Mga ginunting ug sugilanon

• Sa unsa nga paagi ang Langitnong Amahan ug si Jesukristo nagpanalangin ni Miguel ug ni Tomas? (Pinaagi sa pagtubag sa ilang mga pag-ampo.)

Pagtudlo sa magtutudlo

Ipasabut ngadto sa mga bata nga ang Langitnong Amahan ug si Jesukristo nagpanalangin sa mga bata bisan diin sila nagpuyo sa kalibutan. Ang tinuod nga Simbahan ni Jesukristo managsama sa tibuok kalibutan. Ipasabut nga ang mga bata sa Simbahan adunay kahigayunan sa pagtambong sa Primarya, diin sila mag-awit sa sama nga mga awit ug makadungog sa sama nga mga leksyon sa tibuok kalibutan. Sa tibuok kalibutan, ang mga bata nga sama og edad ingon niadtong inyong klase nagsul-ob sa PAM nga mga singsing aron sa pagtabang kanila sa paghinumdom sa pagpili sa matarung. Mga bata sa Simbahan mahimo nga bunyagan kon sila walo ka tuig na ang edad dili igsapayan hain sila magpuyo. Sila mahimo nga bunyagan diha sa bunyaganan sa balay tigumanan sa usa ka Simbahan, sa usa ka may yelo nga linao, diha sa lawod, o sa usa ka gamay nga sapa o danaw. Apan ang ilang bunyag sa kanunay pinaagi sa pagpaunlod ug sa kanunay gipahigayon pinaagi sa usa ka tawo kinsa naghupot sa pagkapari.

Katingbanan

Balaan nga kasulatan ug pagpamatuod sa magtutudlo

Basaha ngadto sa mga bata ang 2 Nephi 26:33, nagsugod sa mga pulong, “siya nagdapit kanilang tanan sa pagduol ngadto kaniya.” Unya papuli-puliha ang mga bata sa pagsulti sa unsa nga paagi sila nakahibalo nga si Jesukristo naghigugma kanila.

Pagmatuod nga ang Langitnong Amahan naghigugma sa tanang mga bata, dili igsapayan kon kinsa sila, o diin sila magpuyo, o unsa nga matang sa balay ilang gipuy-an, o unsa ang kolor sa ilang buhok, mata, o panit. Ang Langitnong Amahan buot kanatong tanan nga malipay ug mobalik pagpuyo uban kaniya pag-usab.

Awit

Ipaawit o ipasulti ang mga pulong sa “Mga Bata sa Tibuok Kalibutan.”

Pagdapit og usa ka bata sa paghatag og panapos nga pag-ampo.

Ighahatag nga Basahonon

Paghatag og “Si Jesukristo Naghigugma Kanako” nga ighahatag nga basahonon ngadto sa mga bata samtang sila mobiya. Hangyoa ang mga bata sa pagsulti sa ilang mga banay unsa ang ilang nakat-unan mahitungod ni Jesus nga naghigugma sa tanan nga mga bata sa tibuok kalibutan.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon og usa ka balik-pagtuon o katingbanan. Alang sa dugang pag-giya, tan-awa ang “Panahon sa Klase” diha sa “Mga Tabang alang sa Magtutudlo.”

1. Pagdala og walay sulod nga botelya sa softdrink. Palingkura ang mga bata diha sa sawog nga magporma og lingin. Sultihi sila nga human ninyo patuyoka ang botelya, kini mohunong ug motudlo ngadto sa usa kanila. Kana nga bata kinahanglan mohingalan og usa ka butang nga nagpakita kaniya nga si Jesus naghigugma kaniya. Kini nga bata dayon mopatuyok sa botelya. Paninguha sa paghatag sa matag bata og higayon pinaagi sa paghangyo niadto kinsa diha nay higayon sa pagsibug og dyutay palayo sa lingin.

2. Itudlo sa mga bata ang mosunod nga balak ug ang mga lihok:

   Jesus Naghigugma sa Gagmay nga mga Bata

   Pipila ka mga bata midagan ubos ngadto sa abugon nga dalan, (dagan diha sa gibarugan)

   Nag-apura sa ilang gagmay nga mga tiil, (tudlo ngadto sa tiil)

   Ngadto sa pundok sa mga katawhan aron sa pagpangita og usa ka dapit (ipagawas ang mga siko ingon og naglakaw diha sa pundok sa mga katawhan)

   Paduol ngadto ni Jesus, aron pagtan-aw sa iyang nawong. (barug nga magkinto ug lingi-lingi)

   Pipila ka dagko nga mga tawo miingon, “Papahawaa sila.” (iduot ang mga kamot gikan sa dughan)

   “Siya daghan kaayo og giatiman nga dili makaabiabi sa mga bata karon.” (kusmod ug lingo-lingo)

   Apan si Jesus miingon, “Paduola sila ngari kanako.” (kamaya sa mga kamot)

   “Sila sakop sa gingharian sa Amahan ug sila gihigugma kanako ug kaniya.” (gaksa ang kaugalingon)

3. Uban sa labaw ka hingkod nga mga bata, ikaw mahimo nga buot mohisgot sa mosunod nga mga baruganan nga nagpakita sa gugma ni Kristo alang kanato. Hatagi og gibug-aton nga kini nga mga panalangin anaa sa tanan kanato dili igsapayan hain kita nagpuyo.

   • Si Jesukristo naghatag kanato og mga sugo aron sa paggiya kanato.

   • Kita adunay mga propeta aron sa paggiya kanato.

   • Kita makahinulsol tungod kay si Jesukristo miula sa dugo alang sa atong mga sala.

   • Kita makadawat og mga panalangin sa pagkapari.

4. Ipadibuho ug pabutangi og kolor sa mga bata ang hulagway sa usa ka butang nga nagpakita nga si Jesukristo naghigugma kanila (ingon sa banay, mga kahoy, mga bulak, o mga hayop).

5. Awhaga ang mga bata sa pagbuhat og usa ka mabination nga lihok alang sa usa ka tawo sulod sa umaabut nga semana ug pangandam sa pag-awit o pagsulti sa klase mahitungod niini. Kon mahimo, ikaw mahimo nga mopahinumdom kanila mahitungod niini sulod sa semana.