Mga Manwal sa Primary ug Panahon sa Pagpakigbahin

Leksyon 31: Jesukristo Buot Kanato nga Mohigugma sa Matag Usa

Leksyon 31

Jesukristo Buot Kanato nga Mohigugma sa Matag Usa

Katuyoan

Aron sa pagtabang sa matag bata nga makasabut nga sila makapakita og gugma pinaagi sa pagtabang sa uban nga makasabut sa ilang walay katapusan nga pagkabililhon ngadto sa Langitnong Amahan ug ni Jesukristo.

Pagpangandam

Sa mainampuon nga paagi pagtuon sa Juan 13:34 ug 3 Nephi 17:18–25.
Pangandam sa pagtabang sa mga bata sa pag-awit sa “Maghigugmaay [Love One Another]” (Children’s Songbook, p. 136; ang mga pulong gilakip sa luyo niining tamdanan nga basahon) ug “Ako Naghunahuna Samtang Nagbasa Nianang Matuhum nga Sugilanon” (Mga Himno ug mga Awit sa mga Bata o Children’s Songbook, p. 56).
Mga kagamitan nga gikinahanglan:
1. Usa ka Biblia ug usa ka Basahon ni Mormon.
2. Pisara, tisas, ug papas.
3. Hulagway 3-57, Jesus Nagpanalangin sa Nephite nga mga Bata.
Paghimo sa gikinahanglan nga mga pangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Jesukristo Buot Kanato nga Mohigugma sa Matag Usa

Pang-atensyon nga kalihokan

Dapita ang mga bata sa pagsulti unsa ang ilang nabuhat sa dili pa dugay aron sa pagpakita og pagkamabination ngadto sa usa (tan-awa sa leksyon 30, pagpalambo nga kalihokan 5).

Pang-atensyon nga kalihokan

Unsa ang inyong bation kon kamo mabination ngadto sa uban?
Sa unsa nga paagi ang Langitnong Amahan ug si Jesukristo nagsugo kanato sa pagtagad sa uban?

Balaan nga kasulatan nga panaghisgutan

Ipataas ang usa ka Biblia ug usa ka Basahon ni Mormon. Ipasabut nga ang balaan nga mga kasulatan nagtudlo kanato sa unsa nga paagi kita kinahanglan motagad sa uban nga mga tawo. Basaha og kusog ang Juan 13:34.

Balaan nga kasulatan nga panaghisgutan

Unsa ang gisulti sa balaan nga kasulatan nga atong buhaton? (Maghigugmaay).

Hatagi og gibug-aton nga mahinungdanon kaayo nga kita makat-on sa paghigugma sa usag usa nga kini nga sugo gibalik-balik sa makadaghan diha sa balaan nga mga kasulatan. Ang Langitnong Amahan buot kanato nga mohigugma sa matag usa sa iyang mga anak, sama lamang nga siya buot kanato nga mohigugma sa matag sakop sa atong kaugalingon nga mga banay.

Awit

Awita o isulti ang mga pulong sa “Maghigugmaay [Love One Another].” Hatagi og gibug-aton nga si Jesukristo buot kanato nga mohigugma sa uban.

Pang-pisara nga panaghisgutan

Isulat ang pulong nga gugma diha sa pisara.

Pang-pisara nga panaghisgutan

Sa unsa nga mga paagi si Jesukristo nagpakita sa iyang gugma alang sa uban? (Kamo mahimo nga mosulat sa mga tubag sa mga bata diha sa pisara.)
Sa unsa nga mga paagi kita makapakita og gugma alang sa uban pinaagi sa pagsunod sa panig-ingnan ni Jesus og sa pagbuhat unsa ang iyang gitudlo kanato nga buhaton? (Kamo mahimo usab nga mosulat niini nga mga tubag diha sa pisara sunod ngadto sa lista sa unang pangutana.)

Ang Balaan nga mga Kasulatan Nagtabang Kanato nga Makahibalo Unsa Kita ka Mahal ngadto ni Jesukristo

Hulagway, balaan nga kasulatan, ug panaghisgutan

Ipasabut nga sa diha nga si Jesukristo miduaw sa mga Nephite sa America, sila mibati og kahinam ug napasidunggan nga maanaa sa iyang atubangan. Sila nahigugma nga maduol kaniya ug mamati sa iyang mga pagtulun-an.

Ipakita ang hulagway 3-57, Jesus Nagpanalangin sa Nephite nga mga Bata.

Ipasabut nga ang 3 Nephi nagsaysay mahitungod sa pagduaw sa Manunubos ngadto sa mga Nephite. Basaha ang 3 Nephi 17:21, nagsugod sa “ug siya mikuha.”

Tudlo sa hulagway ug pangutana—

Hulagway, balaan nga kasulatan, ug panaghisgutan

Sa inyong hunahuna unsa ang gibati sa gamay nga batang babaye dinhi niini nga hulagway?

Hangyoa ang mga bata sa paghunahuna nga sila anaa sa usa ka pundok sa mga bata uban ni Jesukristo.

Hulagway, balaan nga kasulatan, ug panaghisgutan

Unsa ang inyong bation kon si Jesus mobutang sa iyang mga kamot diha sa inyong ulo?

Awit

Ipaawit o ipasulti sa mga bata ang mga pulong sa duha ka mga garay sa “Ako Naghunahuna Samtang Nagbasa Nianang Matahum nga Sugilanon.”

Ako naghunahuna samtang nagbasa,
Nianang matahum nga sugilanon ni Jesus
nga nagtawag sa mga bata,
Sama’s karnero ngadto’s panon.

Nangandoy sa ‘yang kamot sa ‘kong ulo,
Mogakos kanako ang ‘yang bukton,
Ug nawong n’ya nga mosulti, makita ko,
“Bata, duol ngari kanako.”

Kita Makatabang sa Uban sa Pagbati sa Ilang Bili ngadto sa Langitnong Amahan ug ni Jesukristo

Sugilanon

Hangyoa ang mga bata sa pagpaminaw ngadto sa mosunod nga sugilanon aron sa pagtan-aw giunsa ni Lenny pagtabang si Mark nga mobati nga gihigugma:

“Si Lenny hapit na mahuman sa iyang paniudto … sa diha nga si Rich ug si Jerry miabut nga nagdagan agi sa luyo nga pultahan.

“ ‘Tana!’ si Rich miapura.…

“ ‘Apan,’ si Lenny misulti nga nahibulong, nagtan-aw sa mga kagamitan sa besbol nga gidala sa iyang mga higala, “Gipakaingon ko ba og kita adto sa tibuok hapon uban ni Mark.”

“ ‘Mao kana sa wala pa kami moapil niini nga dula. Kini nindot ra kaayo nga adlaw nga igahin uban sa usa ka dili makalakaw!’

“Si Lenny nagpanuko samtang siya mibutang sa iyang pinggan ug baso sa hugasan.

“Ang ilang higala, si Mark Wilson, mao pa lamang ang pag-abut gikan sa ospital. Daghang mga bulan ang milabay nga siya (nagdaot og grabe). Ang mga doktor nakasiguro nga si Mark makadagan ug makadula pag-usab apan miingon nga tingali kini dugay-dugay pa. Sa wala pa ang iyang sakit, si Mark (nakadula) diha sa ilang … pundok sa mga magdudula.”

Ipasabut nga si Lenny kinahanglan nga mohimo og paghukom. Unya ipadayon ang sugilanon:

“ ‘Dali na, Lenny! Tana!’ si Rich namugos. Apan si Lenny milingo-lingo sa iyang ulo.

“ ‘Ako misaad sa mama ni Mark nga ako moadto ngadto,’ siya misulti kanila. ‘Kamo mga higala padayon kon kamo buot.’

“ ‘Apan Lenny,’ sila misupak, ‘ikaw mao ang among labing maayo nga (magdudula).’

“ ‘Pasayloa ako,’ si Lenny misulti nga dili matarug.

“Si Rich nangusmo sa kapungot.

“ ‘Ako wala magdahum nga imong pakyason ang pundok sa magdudula!…’

“Human ang batang mga lalaki (makalakaw) gawas sa balay, si Lenny nanamilit ngadto sa iyang inahan didto sa taas diin siya nagpakatulog sa masuso.

“Sa wala madugay si Lenny naglakaw og hinay sa dalan padulong sa balay ni Mark … si Lenny sa pagkatinuod buot modula … ,ug siya wala mobati og maayo kaayo mahitungod sa pagpakyas sa pundok sa magdudula, apan siya naguol alang kang Mark. Kadtong dugay nga mga adlaw sa ospital dili sayon alang kaniya.

“ ‘Hain si Rich ug si Jerry?’ ang inahan ni Mark nangutana sa diha nga siya midapit ni Lenny sa pagpasulod.

“ ‘Sila dili makaanhi,’ si Lenny (miingon).

“Ang inahan ni Mark nanghupaw ug si Lenny nakakita sa kapoy nga mga linya libut sa iyang matahum nga mga mata. Kang Mark nga sakit lisud usab diha sa iyang mga ginikanan. Unya siya mipahiyom samtang siya miingon, ‘Apan ako nalipay nga ikaw ania, Lenny. Si Mark naghulat.’

“Si Lenny nakamatikod nga si Mark luspad ug masulub-on og dyutay. Siya adunay tukod sa usa ka bitiis, apan pinaagi sa paghimo og dako nga paningkamot siya nakahimo sa paglakaw aron sa pagsugat ni Lenny.

“Si Gng. Wilson mibiya sa batang mga lalaki ug sila milingkod sa lawak dawatanan og bisita ug nag-istorya. Human sa pipila ka mga gutlo ni Mark nahilom ug si Lenny nakamatikod nga siya nagtan-aw gawas sa bintana sa tingpamulak nga kahapunon.

“ ‘Si Papa nag-ingon nga ako makadula og bola pag-usab sa pipila ka adlaw,’ siya malaumon nga misulti. ‘Ako sa tinuod naglaum nga kini dili na madugay.’

“Sa kalit si Lenny may ideya.

“ ‘Ako mobalik dayon,’ siya misiguro ni Mark nga may kahinam, nagdali ngadto sa kusina aron sa pagpangita sa inahan ni Mark.

“ ‘Ang sunod nga labing maayo nga butang sa pagdula og usa ka dula mao ang pagtan-aw og usa,’ si Lenny mipasabut human siya misulti kaniya sa iyang laraw.’

“ ‘Ako dili makakita og katarungan ngano nga kini dili mahimo, Lenny,’ siya miingon, ‘Ako nagtuo nga kini makahimo ni Mark og dako nga kaayohan.’

“Si Lenny mibati usab sa iyang kahinam. Siya nakahibalo nga ang upat ka mga eskina ngadto sa … natad dulaan layo kaayo alang ni Mark sa paglakaw busa siya miadto sa garahe ug gipagula ang kang Mark … nga karomata.

“Pipila ka mga gutlo wala madugay si Lenny nagduot ni Mark subay ngadto pa-ingon sa natad dulaan diha sa karomata. Pipila sa batang mga lalaki mitutok sa katingala sa diha nga sila miabut, apan sa wala madugay nagsunod sa pagduol aron sa pagpangumusta ni Mark.

“ ‘Ikaw (modula)?’ ang usa kanila nangutana ni Lenny.

“ ‘Sigurado … !’ pahayag ni Mark.

“Si Rich midutdot padulong sa unahan nga may gamay nga kaulaw ug si Jerry minunot kaniya sa luyo.

“ ‘Ako dili modula karon, Lenny,’ si Jerry mitanyag, ‘Ako makigsulti ni Mark.’

“Sukad niana si Mark wala na gayud mag-inusara ug si Lenny nakahibalo nga si Jerry ug si Rich nagmahay tungod sa ilang panlihok.

“Kadto usa ka makapaukyab nga dula ug pagkahuman niini si Jerry ug si Rich nagpuli-puli og (duot) ni Mark pauli sa panimalay samtang si Lenny naglakaw subay sa kilid sa karomata” (Eva Gregory de Pimienta, :Bad-Weather Friends,” Friend, Apr. 1975, pp. 8–10).

Sugilanon

Sa unsa nga paagi si Lenny mitabang ni Mark nga mobati nga gihigugma ug gikinahanglan?
Sa unsa nga paagi ang uban nga batang mga lalaki mitagad ni Mark sa diha nga siya miabut diha sa dula?

Sugilanon

Hangyoa ang mga bata sa pagpaminaw sa mosunod nga sugilanon:

Si Eileen ug ang iyang banay bag-o pa lamang mibalhin nganha sa purok gikan sa lain nga nasud. Sa diha nga si Eileen miadto sa Primary, ang mga bata diha sa iyang klase mihimo og kataw-anan sa iyang paninina ug pagsulti. Siya naglingkod nga nag-inusara sa iyang kaugalingon ug mibati nga wala gayud maabi-abi.

Ang leksyon ni Igsoon Harmon sa Primarya mahitungod sa giunsa ni Jesukristo sa pagkamabination ngadto sa matag usa ug paghimo sa matag usa nga mobati nga gihigugma ug may bili. Si Karen, usa sa kauban sa klase ni Eileen, mibati og ka dili maayo sa paagi nga siya ug ang uban mitagad ni Eileen.

Sugilanon

Unsa ang mabuhat ni Karen aron paghimo ni Eileen nga mobati nga gihigugma?

Si Karen mihukom sa pagpakisayud mahitungod sa mga gusto ug mga talento ni Eileen. Siya nakigsulti kaniya ug nakahibalo nga si Eileen hilabihan ka hawod sa math. Tungod kay si Karen adunay kalisud sa math, siya mihangyo ni Eileen kon sila mahimo ba nga magtuon og dungan. Siya motabang ni Eileen sa iyang mga leksyon sa language ug si Eileen motabang kaniya sa iyang math. Samtang sila nagdungan sa pagtuon, ilang nahibaloan nga sila gusto nga mobuhat og daghan nga sama nga mga butang; sila nahimo nga maayong mga managhigala.

Panaghisgutan

Sa unsa nga paagi si Karen mitabang ni Eileen nga mobati nga gikinahanglan?

Hatagi og gibug-aton nga kini sa kasagaran dili manginahanglan og dako nga paningkamot aron sa pagtabang sa uban nga mobati og ka maayo mahitungod sa ilang mga kaugalingon. Kita makahimo niini pinaagi sa pagpakita og kaikag diha kanila ug pagpakita kanila nga sila may bili ngadto sa uban.

Mga sitwasyon

Ipasabut ang mosunod nga mga sitwasyon, ug himoa nga ang mga bata maghisgot kanila. Ikaw mahimo nga mopadula sa mga bata sa matag sitwasyon ug unya hangyoa sila sa pagpakigbahin uban sa klase unsa ang ilang gibati.

Mga sitwasyon

Kamo nagtukod og usa ka balay sa langgam diha sa inyong luyo nga nataran uban sa inyong mga higala. Ang inyong gamay nga igsoon nga lalaki miduol ug nangutana kon siya ba makatabang.
- Unsa ang inyong mabuhat aron paghimo sa inyong igsoon nga lalaki nga mobati og kaayo sa iyang kaugalingon? (Patabanga siya ninyo pinaagi sa pagtunol og mga lansang ug paggunit sa mga tabla aron dili molihok.)
- Unsa ang inyong bation kon kamo pa ang gamay nga batang lalaki ug ang inyong magulang nga igsoong lalaki nagpatabang kaninyo sa pagtukod og usa ka balay sa langgam?
Ang inyong klase sa Primarya naglaraw og usa ka proyekto sa pag-alagad. Ang matag usa naghatag sa iyang mga ideya gawas ni Heather. Siya maulawon ug dili daghan og igsusulti. Sa kalit si Heather nagsugod sa pagsulti, apan siya gihunong sa lain ug wala makahimo sa paghuman unsa ang iyang isulti.
- Unsa ang inyong mabuhat aron sa pagpakita nga kamo naghunahuna mahitungod ni Heather ug buot kaniya nga mobati nga mahinungdanon?
- Unsa ang inyong bation kon kamo pa si Heather ug usa ka tawo mipakita kaninyo nga sila naghunahuna mahitungod unsay inyong gisulti?
Kamo nagdula sa gawas sa eskwelahan, ug kamo nakakita og pipila ka mga bata nagsulti ngadto sa lain nga bata sa dili pag-apil sa ilang dula. Sila ngil-ad ngadto niana nga bata.
- Unsa ang inyong buhaton aron sa pagpakita niana nga bata nga siya mahinungdanon?
- Unsa ang inyong bation kon adunay usa ka bata nga mohangyo kaninyo sa pagpakigdula samtang ang uban nga mga bata wala mopaapil kaninyo og dula?
Adunay usa ka bag-ong bata nga babaye sa inyong klase sa Primarya, ug pipila sa bata nga mga babaye nagbugal-bugal kaniya tungod kay siya naninina og lahi kay sa uban nga mga sakop sa klase.
- Unsa ang inyong buhaton aron sa paghimo sa bag-ong bata nga mobati nga gikinahanglan ug gikahinangup?
- Unsa ang inyong bation kon kamo bag-o sa simbahan ug usa ka bata mihatag og panahon sa pagpakigsulti kaninyo ug mihimo kaninyo nga mobati nga giabi-abi?

Sultihi ang mga bata nga kitang tanan adunay daghan nga mga kahigayunan matag adlaw sa pagpakita sa uban unsa ka mahinungdanon sila ngari kanato.

Katingbanan

Kinaugalingon nga kasinatian ug pagpamatuod

Ikaw mahimo nga mosaysay sa usa ka panahon sa diha nga usa ka bata naminaw o mihatag og pagtagad nganha kanimo ug mihimo kanimo nga mobati og kaayo. Sama pananglit, ikaw mahimo nga mosaysay sa usa ka panahon sa diha nga usa ka bata sa imong klase mikaway ug mipahiyom nganha kanimo diha sa usa ka tindahan o diha sa dalan ug giunsa niini paghimo kanimo nga mobati og kaayo.

Pagpamatuod nga ang Langitnong Amahan ug si Jesukristo naghigugma matag usa kanato. Kita bililhon ngadto kanila. Ang tanan nga ilang gihimo alang kanato mao ang pagtabang kanato. Sila buot kanatong tanan nga mobalik ngadto kanila aron magpuyo uban kanila sa kahangturan. Kita makatabang kanila pinaagi sa paghigugma sa uban ug sa pagtabang niadto nga nagliyok kanato sa pagpamati sa bili nga sila aduna ngari kanato ug ngadto sa Langitnong Amahan ug ni Jesukristo.

Pagdapit og mga bata sa pagpakigbahin og mga kasinatian sa diha nga usa ka bata mihimo kanila nga mobati og kaayo mahitungod sa ilang mga kaugalingon o sa diha nga sila mihimo sa lain nga mobati og kaayo og pagka may bili.

Artikulo sa hugot nga pagtuo

Sultihi ang mga bata nga ingon nga mga sakop sa Simbahan, kita nagtuo sa pagbuhat og maayo ngadto sa tanang mga tawo. Ipasabut nga kini kabahin sa ikanapulog tulo nga artikulo sa hugot nga pagtuo.

Ipasulti og balik sa mga bata uban kanimo ang mosunod nga pundok sa mga pulong: “Kami nagtuo sa … pagbuhat og maayo ngadto sa tanang mga tawo.”

Pagdapit og mga bata sa pagpaningkamot sulod sa semana sa pagtabang og usa ka bata nga mobati nga gihigugma ug ka maayo mahitungod sa ilang mga kaugalingon.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

Palingkura ang usa sa mga bata sa usa ka lingkuranan diha sa taliwala sa lawak ug pagpakaaron-ingnon nga usa ka prinsipe o prinsesa nga naglingkod sa trono. Ang prinsipe o prinsesa dili tugutan sa pagsulti, samtang ang uban nga mga bata mosulti sa tanan nga maayo nga ilang mahunahuna mahitungod kanila. Sila mahimo nga mosulti sama sa “Siya adunay nindot nga pahiyom”; “Ako nakagusto sa kolor sa iyang buhok”; “Siya may balaanong pagtahud sa klase”; “Siya nakigbahin sa mga krayola ngari kanato.” Koronahi ang prinsipe o prinsesa sa usa ka yano nga korona. Hatagi ang matag bata og higayon nga mahimong prinsipe o prinsesa.
Ipasabut nga ang pagkamaayo nga maminaw nagtabang sa uban nga makahibalo nga sila adunay bili. Kon ang uban nga mga tawo nagsulti, ang mga bata kinahanglan nga maminaw og maayo ug dili mosagbat. Hangyoa ang mga bata sa pagpaminaw og maayo ngadto sa mosunod nga sugilanon ug sa pagpataas sa ilang mga kamot kon ikaw mosulti og usa ka butang nga tingali dili mahitabo.

Si Michelle mimata lima ka mga gutlo sa dili pa ang panahon sa pagsimba. Kon siya dili magdali, siya mosimba nga ang hitsura sama gayud og mao pay pagbangon sa higdaanan. Siya midagan og dali ngadto sa banyo ug gihilamusan ang iyang nawong og cereal. Samtang siya nagdagan og balik ngadto sa iyang lawak-katulganan, siya napandol sa iyang dulaan nga buaya. “Michelle, sulod sa duha ka mga gutlo kita molakaw na,” mitawag ang iyang monyeka og kusog. Si Michelle misudlay pagdali sa iyang sinina, mibutang sa iyang labing nindot nga brush sa buhok, ug midagan ngadto gawas sa pultahan.

Pasalamati ang mga bata alang sa pagpaminaw og maayo ug sa wala pagsagbat. Unya balika pagbasa ang sugilanon ug ipasal-ot sa mga bata ang husto nga mga pulong puli sa sayop nga mga pulong.

Paghimo og usa ka tinohog nga monyeka nga papel (tan-awa ang mga hulagway) alang sa matag bata. Pabutangi og kolor ang mga monyeka aron makita nga sama og mga sakop sa klase o mga sakop sa banay. Pagsulti mahitungod sa paagi nga sila nakatabang sa usag usa nga mobati nga gihigugma. (Sila makasulti og mabination nga mga pulong ngadto sa usag usa, dili mosalikway og mga tawo kon sila magdula, maminaw og maayo, ug motabang sa usag usa kon adunay suliran.)
Paghimo og usa ka lista diha sa usa ka kilid sa pisara nga may ulohan “Sa unsa nga Paagi si Jesukristo Nagpakita og Gugma alang Kanato.” Unya paghimo og lista sa pikas kilid nga nag-ulohan, “Sa Unsa nga Paagi Kita Makapakita og Gugma alang sa Uban.” Himoa ang duha ka mga lista gikan sa mga tubag sa mga bata ngadto sa mga pangutana sa may sinugdanan sa leksyon. Kamo mahimo usab nga moitsa og usa ka bulsita ngadto sa matag bata nga mipuli, nagdapit sa bata nga may bulsita sa pagsugyot og usa ka butang alang sa usa sa mga lista sa dili pa kini iitsa og balik nganha kanimo.