Leksyon 32

Paghinumdom ni Jesukristo sa Panahon nga Kita Nag-ambit sa Sakramento

Katuyoan

Aron sa pagtabang sa mga bata sa paghinumdom kanunay ni Jesukristo ug sa ilang mga pakigsaad sa bunyag samtang sila nag-ambit sa sakramento.

Pagpangandam

1. Pagtuon sa 3 Nephi 18:1–11; 20:1–9; ug Mateo 26:17–30.

2. Pag-andam og usa ka bag nga may sulod nga daghang gagmay nga mga butang.

3. Balika pagtuon ang asoy ni Jesus ug sa Nephite nga mga bata gikan sa leksyon 30 ubos sa ulohan “Jesukristo Naghigugma sa Tanang mga Bata.”

4. Pangandam sa pagtabang sa mga bata nga moawit o mosulti sa mga pulong sa “Gibati Ko Ang Gugma sa Akong Manluluwas [I Feel My Savior’s Love]” (Children’s Songbook, p. 74); ang mga pulong gilakip diha sa luyo niining tamdanan nga basahon.

5. Mga kagamitan nga gikinahanglan:

   1. Usa ka Basahon ni Mormon ug usa ka Doktrina ug mga Pakigsaad.

   2. Hulagway 3-57, Jesus Nagpanalangin sa Nephite nga mga Bata; hulagway 3-22, Ang Katapusan nga Panihapon (62174, Sudlanan sa Hulagway sa Ebanghelyo 225); hulagway 3-1, Juan Bautista Nagbunyag ni Jesus (62133, Sudlanan sa Hulagway sa Ebanghelyo 208); hulagway 3-51, Wali sa Bukid (62166, Sudlanan sa Hulagway sa Ebanghelyo 212); hulagway 3-56, Kristo ug ang mga Bata (62467, Sudlanan sa Hulagway sa Ebanghelyo 216); hulagway 3-10, Ang Unang Panan-awon (62470, Sudlanan sa Hulagway sa Ebanghelyo 403); ug hulagway 3-59, Pagpaambit sa Sakramento (62021).

   3. Kon mahimo, usa ka sudlanan alang sa pan ug alang sa tubig sa sakramento.

6. Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Ang Sakramento Makatabang Kanato sa Paghinumdom ni Jesukristo

Pagdapit og usa ka bata sa paghatag sa pagsugod nga pag-ampo.0

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Pang-atensyon nga kalihokan

Kuhaa ang gagmay nga mga butang, tagsa-tagsa, gikan sa bag nga imong giandam. Sa daklit ihulagway ang matag butang. Sa panahon nga ikaw nakahuman na, ipasulti sa mga bata nganha kanimo hain nga butang ang imong gikuha pag-una, ikaduha, ikatulo, ug ang sunod.

Ipasabut ngadto sa mga bata nga kini nga kalihokan motabang kanila unsa ka maayo sila mohinumdom.

Ipakita ang hulagway 3-57, Jesus Nagpanalangin sa Nephite nga mga Bata. Ipasulti sa mga bata unsa ang ilang nahinumdoman mahitungod niini nga hitabo. Dayega sila alang sa unsay ilang ikasulti.

Hulagway ug panaghisgutan

Ipasabut nga sa diha nga si Jesukristo kauban sa iyang mga Apostoles sa Jerusalem, siya misugo ni Pedro ug ni Juan sa pag-andam og usa ka linain nga panihapon alang kaniya ug sa Napulog Duha ka mga Apostoles (tan-awa sa Mateo 26:17–30).

Ipakita ang talan-awon 3-22, Ang Katapusan nga Panihapon.

Ipasabut nga si Jesukristo misulti sa iyang mga Apostoles nga kini mao ang katapusan nga higayon nga siya mokaon uban kanila. Siya nakahibalo nga siya sa dili madugay mamatay. Human sa panihapon, si Jesus mibuhat og usa ka butang nga sukad wala pa gayud mabuhat dinhi sa yuta. Siya mipanalangin ug mipaambit sa sakramento. Iyang gipikaspikas ang pan ngadto sa mga piraso ug misulti sa iyang mga Apostoles nga kon sila mokaon niini sila kinahanglan mohunahuna sa iyang nabugto nga kinabuhi. Siya mihatag kanila og bino ug misulti kanila sa paghinumdom sa iyang dugo nga ipaagas diha sa yuta alang kanila. Siya misulti kanila nga sila kinahanglan mohinumdom nga siya mihatag sa iyang kinabuhi aron kita unta mabuhi sa kahangturan.

Balaan nga kasulatan nga sugilanon

Ipasabut nga sa diha nga si Jesus miduaw sa mga Nephite, siya usab mihatag kanila sa sakramento (tan-awa sa 3 Nephi 18:1–11). Sama sa iyang gibuhat didto sa Jerusalem, si Jesus mipadala sa napulog duha nga mga tinun-an aron sa pagkuha og pan ug bino. (Ipasabut nga kita naggamit og tubig kay sa bino alang sa sakramento karon) Samtang ang mga tinun-an milakaw, si Jesus misugo sa mga tawo sa pagpundok liyok kaniya diha sa yuta.

Sa diha nga ang mga tinun-an mibalik dala ang pan ug bino, si Jesukristo mipikaspikas sa pan ngadto sa gagmay nga mga piraso ug mipanalangin niini. Siya mihatag sa matag tinun-an og usa ka piraso sa pan aron kan-on. Unya si Jesus mitudlo sa mga tinun-an sa paghatag sa pan ngadto sa uban nga nahibilin nga mga katawhan. Sa diha nga kini nahimo, si Jesus mipanalangin ug mihatag sa bino ngadto sa mga tinun-an ug unya gipahatag kini ngadto sa mga katawhan. Siya mipasabut nga siya mohatag kanila sa pagtugot sa pagpanalangin ug paghatag sa sakramento ngadto sa tanan nga mga sakop sa iyang Simbahan.

Pag-usab, human ang matag usa nakaambit sa sakramento, si Jesuskristo mipasabut sa katuyoan niini sama sa iyang nabuhat alang sa iyang mga Apostoles sa Jerusalem.

Balaan nga kasulatan nga pagbasa ug panaghisgutan

Basaha ug kusog ngadto sa mga bata ang 3 Nephi 18:7 diha sa Basahon ni Mormon. Sultihi sila nga kini mao unsay gisulti ni Jesukristo sa diha nga siya mihatag sa mga Nephite sa sakramento. Hatagi of gibug-aton nga ang pag-ambit sa sakramento nagpakita ngadto sa Langitnong Amahan nga kita mohinumdom ni Jesukristo.

Balaan nga kasulatan nga pagbasa ug panaghisgutan

• Sa inyong hunahuna unsa ang gibati sa mga Nephite mahitungod ni Jesukristo sa diha nga sila miambit sa sakramento?

Panaghisgutan nga may mga butang

Ipakita ang hulagway 3-59, Pagpaambit sa Sakramento.

Paghisgut uban sa mga bata unsa ang mahitabo sa panahon sa sakramento nga pag-alagad. Gamit og mga pangutana aron pagtudlo sa mosunod nga mga ideya:

Panaghisgutan nga may mga butang

1. Kita sa kasagaran mag-awit og usa ka himno sa sakramento.

2. Mga tighupot sa pagkapari (kasagaran mga pari) mopikas-pikas sa pan. Ipakita sa mga bata ang usa ka sakramento nga sudlanan alang sa pan.

3. Usa ka tighupot sa pagkapari (kasagaran usa ka pari) moluhod ug mohatag sa sakramento nga pag-ampo sa pan. (Kamo mahimo nga mobasa sa mga pulong sa sakramento nga mga pag-ampo nga makita diha sa Moroni 4 ug 5 diha sa Doktrina ug mga Pakigsaad 20:77, 79.)

4. Mga tighupot sa pagkapari (kasagaran mga deakono) mopaambit sa pan.

5. Usa ka tighupot sa pagkapari (kasagaran usa ka pari) moluhod ug mohatag sa sakramento nga pag-ampo sa tubig. (Ipakita ang usa ka sakramento nga sudlanan alang sa tubig.)

6. Mga tighupot sa pagkapari (kasagaran mga deakono) mopaambit sa tubig.

Panaghisgutan nga may mga butang

• Mahitungod sa unsa ang kinahanglan nga atong hunahunaon sa panahon nga ang sakramento gipaambit? (Si Jesukristo ug unsa ka dako ang iyang paghigugma kanato.)

Kita Kinahanglan Gayud Mohinumdom ni Jesukristo sa panahon sa Sakramento

Panaghisgutan

Panaghisgutan

• Unsa ang atong mabuhat aron sa paghinumdom ni Jesukristo sa panahon sa sakramento?

• Unsa ang pipila sa mga sugilanon mahitungod sa Manluluwas nga mahimo nga atong hunahunaon sa panahon sa sakramento?

• Unsa ang pipila sa mga awit nga mahimo nga atong hunahunaon sa panahon sa sakramento?

Sa panahon sa sakramento, kita makahunahuna sa mga butang nga atong mahibaloan mahitungod ni Jesukristo aron sa pagtabang kanato sa paghinumdom ug paghigugma kaniya.

Awit

Tabangi ang mga bata sa pag-awit o pagsulti sa mga pulong sa “Gibati Ko Ang Gugma sa Akong Manluluwas [I Feel My Savior’s Love].”

Awit

• Unsa ang inyong gibati samtang kamo nag-awit o nagsulti sa mga pulong niini nga awit?

• Unsa ang inyong bation kon kamo maghunahuna mahitungod sa mga pulong niini nga awit sa panahon sa sakramento?

Hulagway nga panaghisgutan

Sultihi ang mga bata nga kamo adunay daghan nga mga hulagway ug kamo buot kanila nga mosulti mahitungod sa matag usa. Ipakita ang mga hulagway ug sa daklit paghisgot sa matag usa uban sa mga bata. Paningkamot sa pagpaapil sa matag bata kutob sa mahimo. Gamit og mga hulagway 3-1, Juan Bautista Nagbunyag ni Jesus; hulagway 3-51, Wali sa Bukid; hulagway 3-56, Kristo ug ang mga Bata; ug hulagway 3-10, Ang Unang Panan-awon.

Pahinumdom ang mga bata nga sila makahimo sa paghunahuna mahitungod ni Jesukristo pinaagi sa paghinumdom og mga sugilanon mahitungod kaniya ug sa paghunahuna unsa ka dako ang iyang paghigugma kanila.

Pagdula nga kalihokan ug panaghisgutan

Sultihi ang mga bata nga sila mohimo og kalihokan aron sa pagtabang kanila sa paghinumdom unsaon nila paglihok sa panahon sa sakramento. Pagpili og duha ka mga bata matag higayon sa pagpadula sa mosunod nga mga paagi sa paglihok. Paduola sila sa atubangan sa lawak. Hagawhaw ngadto sa matag usa unsa ang kinahanglan iyang buhaton. Patan-awa ang lain nga mga bata ug unya papilia hain nga paagi ilang kinahanglan nga buhaton sa panahon sa sakramento. Ipasulti sa duha ka tigdula mahitungod sa unsa ang ilang gihunahuna. Paghisgot uban sa mga bata ngano nga ang maayo nga panlihok nagtugot kanila sa paghunahuna mahitungod ni Jesukristo sa labaw nga balaan nga pagtahud nga paagi.

Pagpakaaron-ingnon nga nagdibuho og usa ka hulagway o nagkolor.	Lingkod sa balaanon nga paagi ug paghunahuna mahitungod sa mga sugilanon gikan sa balaan nga mga kasulatan mahitungod ni Jesukristo.
Pagpakaaron-ingnon nga naghagawhaw ngadto sa mga katupad.	Lingkod sa balaanon nga paagi ug paghunahuna unsa ka dako ang paghigugma ni Jesukristo kaninyo.
Pagpakaaron-ingnon nga nagdula sa usa ka dulaan ug naghimo og langas niini.	Sa balaanon nga paagi ambit sa sakramento ug unya sa balaanon nga paagi ipaambit kini sa uban.

Katingbanan

Pagbasa sa balaan nga kasulatan

Ipasabut ngadto sa mga bata nga sila kinahanglan mohinumdom ni Jesukristo sa panahon nga sila moambit sa sakramento ug usab sa panahon sa nahibilin nga mga adlaw sa semana. Basaha pag-usab ang mosunod nga pundok sa mga pulong gikan sa 3 Nephi 18:7: “Ug kon kamo sa kanunay naghinumdom kanako kamo makabaton sa akong Espiritu uban kaninyo.”

Pagpamatuod sa magtutudlo

Pagpamatuod nga ang Langitnong amahan nahimuot kanato kon kita maningkamot sa paghinumdom ni Jesukristo ug mosunod sa iyang mga pagtulun-an. Awhaga ang mga bata sa paghunahuna ni Jesukristo sa sunod panahon nga sila moambit sa sakramento.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Kon mahimo, pagkuha og usa ka gamay nga hulagway ni Jesukristo alang sa matag bata ug pagsulat og usa ka gamay, tinagsa-tagsa nga mubo nga sulat diha sa luyo. Sultihi ang mga bata nga sila makahimo sa pagbutang sa mga hulagway diin sila mapahinumdoman mahitungod ni Jesus ug sa iyang gugma alang kanila.

2. Basaha ang “Saysayi ‘Ko sa mga Sugilanon ni Jesus [Tell Me the Stories of Jesus]” (Children’s Songbook, p. 57).

   Saysayi ‘ko sa sugilanon ni Jesus,

   Butang nga ipangutana kon nia s’ya.

   Hitabo’s dalan ug sa dagat,

   Bahin ni Jesus, saysayi ‘ko.

   Giunsa pag-alirong sa mga bata,

   Panalangin kanako mahunahuna;

   Puno sa kalooy og grasya,

   Sa naw’ng ni Jesus makita ta.

   Saysayi ko ngano ang dagat mobalod,

   Sa Galile sakayan hapit malunod!

   Giunsa’s Ginoo pagbadlong,

   Kusog nga hangi’ng misungasong.

3. Dapita ang matag bata sa paghagawhaw diha sa inyong dunggan samtang siya mobiya sa klase og usa ka butang nga iyang hunahunaon mahitungod ni Jesukristo sa sunod nga higayon nga ang sakramento ipaambit. Ang paghagawhaw mopugong sa mga bata gikan sa yano nga pag-usab unsa ang gisulti sa uban ug motabang sa pagpabiya sa lawak-klasehanan uban ang balaan nga pagtahud.

4. Papaminawa ang mga bata sa mosunod nga sugilanon mahitungod sa usa ka bata nga lalaki kinsa gitabangan pinaagi sa paghinumdom ni Jesus:

   “Si Scott ug ang iyang banay mao pa lamang ang pagbalhin ngadto sa usa ka bag-o nga dakbayan. Ang unang adlaw diha sa iyang bag-o nga panimalay mao ang iyang ikawalo nga adlaw nga natawhan, apan siya walay mga higala nga makauban sa pakigdula ug walay mga pagduaw gikan sa mga apohan o mga ig-agaw ingon nga siya kanunay aduna kaniadto.

   “Ang iyang inahan miingon, “Ayaw kaguol, Scott, ang klase mosugod sa sunod semana ug unya ikaw makabaton og daghan nga bag-ong mga higala.”

   “Ang klase misugod, apan bisan unsaon si Scott misamot pagbati og kamingaw. Ang tanan nga batang mga lalaki ingon og adunay ilang kaugalingon nga mga higala. Sila nangatawa ug nalingaw nga nagkauban, apan si Scott wala dapita aron sa pagkig-uban kanila. Siya nagtan-aw sa daplin. Sa diha nga ang klase mahuman matag adlaw, siya maglakaw pauli sa panimalay sa iyang kaugalingon.

   “Si Scott wala madugay mihinumdom niining mamingaw nga panahon ug miingon, “Sa wala pa ako mobalhin, ang akong (Primarya) nga magtutudlo mihatag kanako og usa ka gamay, gikwadro nga hulagway ni Jesus. Gibutang ko kini sa may kilid sa akong higdaanan. Matag higayon nga ako motan-aw niini nga hulagway, ako mobati og kaarang-arang. Ako nakahinumdom nga si Jesus naghigugma sa mga bata. Ako mibati nga siya naghigugma kanako ug nakahibalo unsay akong gibati” (Family Home Evenings manual no.1 (1972), p. 140).

   • Sa unsa nga paagi nga ang paghinumdom ni Jesus nagtabang ni Scott?

   • Sa unsa nga paagi nga ang paghinumdom ni Kristo nagtabang kanato?

5. Awhaga ang mga bata sa pagpabilin nga hilom sulod sa usa ka gutlo ug sa paghunahuna ni Jesukristo.

6. Basaha ang “Ang Paghunahuna Mahitungod ni Jesus [To Think About Jesus]” (Children’s Songbook, p. 71).

   Dili malisud ang paghilum

   Maghunahuna ni Jesus diha’s krus.

   Tanan kanako nga iyang giantus;

   Dili malisud ang paghilum.

   Koro:

   Dili malisud bisan ako gamay,

   Paghunahuna N’ya sa kanunay.