Leksyon 33
Ang Sakramento Nagpahinumdom Kanato sa Atong mga Pakigsaad
Katuyoan
Aron sa pagtabang sa mga bata nga makaamgo nga ang pag-ambit sa sakramento makatabang kanila sa paghinumdom sa mga pakigsaad sa bunyag.
Pagpangandam
-
Basaha ang Moroni 4:3 ug 5:2.
-
Pangandam sa pagtabang sa mga bata sa pagsulti ug pagkat-on sa ikatulong artikulo sa hugot nga pagtuo.
-
Mga kagamitan nga gikinahanglan:
-
Usa ka Basahon ni Mormon:
-
PAM nga taming (shield) ug singsing.
-
Hulagway 3-13, Batang Lalaki Gibunyagan (62018); hulagway 3-59, Pagpaambit sa Sakramento (62021); hulagway 3-9, Jesus ang Kristo (62572; Sudlanan sa Hulagway sa Ebanghelyo 240).
-
-
Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga imong pagagamiton.
Gisugyot nga Pagpalambo sa Leksyon
Pagdapit og usa ka bata sa paghatag sa pagsugod nga pag-ampo.
Tinoa ang mga bata kon ikaw nag-awhag kanila sa paghimo og usa ka butang sulod sa semana.
Ang Sakramento nga Pag-ampo Nagpahinumdom Kanato sa Atong mga Pakigsaad sa Bunyag
Pang-atensyon nga kalihokan
Sultihi ang mga bata sa pagpaminaw og maayo. Kon kamo mosulti og usa ka butang nga ilang himoon o hunahunaon sa panahon sa sakramento, sila mobarug og tarung. Kon kamo mosulti og usa ka butang nga dili himoon o hunahunaon sa panahon sa sakramento, sila mobako.
Basaha ang mosunod nga mga pahayag sa tinagsa-tagsa, paghatag sa mga bata og higayon sa pagtubag.
Pang-atensyon nga kalihokan
-
Paghinumdom nga ang Langitnong Amahan ug si Jesukristo naghigugma kanato. (Barug)
-
Paghunahuna mahitungod sa pag-adto sa piknik. (Bako)
-
Paghinumdom nga si Jesukristo mihimo sa masakiton nga mga tawo nga mamaayo. (Barug)
-
Paghagawhaw ug pakigtabi ngadto sa imong katupad. (Bako)
-
Pagliso-liso ug pagbalhin-balhin sa inyong gilingkuran. (Bako)
-
Paghatag og pag-ampo ngadto sa Langitnong Amahan. (Barug)
-
Pagdibuho og mga hulagway o pagdula sa usa ka dulaan. (Bako)
-
Paghinumdom og mga sugilanon mahitungod ni Jesukristo. (Barug)
Hulagway nga kalihokan
Ipakita ang hulagway 3-13, Bata nga Lalaki Gibunyagan, ug hulagway 3-59, Pagpaambit sa Sakramento. Hangyoa ang mga bata sa paghunahuna sa katapusan nga higayon nga sila miambit sa sakramento. Papaninguhaa sila sa paghinumdom mahitungod sa unsa ang ilang gihunahuna ug gibuhat sa panahon sa sakramento. Sultihi sila sa pagtubag sa mosunod nga mga pangutana ngadto sa ilang mga kaugalingon, dili sa kusog nga tingog:
Hulagway nga kalihokan
-
Kamo ba may balaan nga pagtahud sa panahon sa sakramento?
-
Kamo ba naghunahuna mahitungod sa Manluluwas sa panahon sa sakramento?
-
Kamo ba namati ngadto sa mga pulong sa sakramento nga mga pag-ampo?
Balaan nga kasulatan ug panaghisgutan
Basaha ang Moroni 4:3 og kusog ug ipapamati sa mga bata ang duha ka mga saad nga ilang gihimo ngadto sa Langitnong Amahan kon sila moambit sa sakramento. Hatagi og gibug-aton ang mga pulong, kon gikinahanglan, aron sa pagtabang kanila sa pagpili niining duha ka mga saad.
Kita nagsaad sa—
Balaan nga kasulatan ug panaghisgutan
-
Paghinumdom kanunay ni Jesukristo. (Himoa nga ang bata mopakita sa hulagway 3-9, Jesus ang Kristo.)
-
Pagsunod sa mga sugo. (Ipakita sa mga bata ang PAM nga taming (shield) ug singsing. Balika pagtuon uban sa mga bata unsa ang gipasabut sa PAM.)
Awhaga ang mga bata sa pagpamati og maayo ngadto sa sakramento nga mga pag-ampo matag semana aron makadungog sa duha ka mga saad nga ilang gihimo:
Balaan nga kasulatan ug panaghisgutan
-
Paghinumdom kanunay ni Jesukristo.
-
Pagsunod sa iyang mga sugo.
Ipasabut nga kini mao ang sama nga mga saad nga atong gihimo sa diha nga kita gibunyagan. Ipasulti og balik sa mga bata kining duha ka mga saad og kusog. Hatagi og gibug-aton nga ang Langitnong Amahan nagsalig kanato sa paghupot sa atong mga saad ngadto kaniya, ug kita nakahibalo nga ang Langitnong Amahan sa kanunay mohupot sa iyang mga saad ngari kanato.
Ipasabut nga kini dili sa kanunay masayon ang paghinumdom sa atong mga saad. Pag-ambit sa sakramento matag Domingo ug pagpamati sa sakramento nga mga pag-ampo nagtabang kanato sa paghinumdom sa paghupot sa atong mga saad ngadto sa Langitnong Amahan.
Artikulo sa hugot nga pagtuo
Tabangi ang mga bata sa pagsulti sa ikatulo nga artikulo sa hugot nga pagtuo. Hatagi og gibug-aton nga kita mahimo lamang nga mobalik pagpuyo uban sa Langitnong Amahan ug ni Jesukristo kon kita mosunod sa ilang mga sugo.
Sugilanon
Isaysay sa imong kaugalingon nga mga pulong ang sugilanon ni Jonathan, usa ka batang lalaki kinsa mibati sa kamahinungdanon sa sakramento:
Si Jonathan nagpuyo uban sa iyang mga ginikanan diha sa usa ka dako nga rancho. Siya adunay gamay nga kabayo nga iyang kaugalingon, ug sa kasagaran siya mitabang sa iyang amahan sa pag-amuma sa mga kabayo sa rancho. Usa ka adlaw si Jonathan nahulog sa iyang gamay nga kabayo ug nabali ang iyang buko-buko. Human siya mahiling, ang doktor misulti ni Jonathan ug sa iyang mga ginikanan nga si Jonathan mamaayo ra apan siya kinahanglan nga magpabilin nga maghigda sulod sa daghan nga mga semana.
Si Jonathan nabunyagan nga usa ka sakop sa Simbahan duha pa lamang ka bulan sa wala pa ang aksidente. Siya mihimo og usa ka pakigsaad, o saad, uban sa Langitnong Amahan nga siya musonod sa iyang mga sugo. Ang pag-ambit sa sakramento nakatabang sa pagpahinumdom ni Jonathan sa iyang pakigsaad. Siya namati og maayo ngadto sa sakramento nga mga pag-ampo ug naglingkod nga may balaan nga pagtahud samtang ang sakramento gipaambit. Matag higayon, si Jonathan namati alang sa mga pulong nga nagsulti mahitungod sa iyang mga pakigsaad—sa paghinumdom kanunay ni Jesus ug sa paghupot sa iyang mga sugo. Si Jonathan nakahibalo nga sa diha nga siya miingon og “amen” ug miambit sa sakramento, kini nagpasabut nga siya maningkamot sa iyang labing mahimo sa paghupot sa iyang mga pakigsaad uban sa Langitnong Amahan.
Karon nga si Jonathan kinahanglan nga magpabilin nga maghigda, siya dili maka-adto sa simbahan ug dili makaambit sa sakramento. Si Jonathan gimingaw niadtong mahilom, may balaan nga pagtahud nga mga higayon sa diha nga ang sakramento gipanalanginan ug gipaambit. Siya nakahibalo unsa ka mahinungdanon kini nga mapahinumdom sa kanunay mahitungod sa mga pakigsaad nga iyang gihimo. Siya buot nga makabaton sa Espiritu sa Langitnong Amahan diha kaniya. Si Jonathan mihukom sa paghangyo sa obispo kon ang sakramento mahimo ba nga dad-on sa iyang panimalay sa Domingo.
Ang obispo nahimuot sa pagkahibalo nga si Jonathan dili buot nga makapalta sa sakramento ug nga siya buot nga mapahinumdoman sa mga pakigsaad nga iyang gihimo uban sa Langitnong Amahan ug si Jesukristo. Siya nakigsabut sa duha ka tighupot sa pagkapari sa pagduaw ni Jonathan didto sa rancho ma-Domingo ug sa pag-andam sa sakramento alang kaniya.
Sugilanon
-
Unsa ang gikamingawan ni Jonathan sa pagsimba? (Ang pag-ambit sa sakramento.)
-
Ngano nga siya buot moambit sa sakramento? (Siya buot nga mapahinumdoman sa iyang mga saad sa bunyag ug sa saad nga siya makabaton sa Espiritu sa Langitnong Amahan uban kaniya.)
Paghinumdom sa mga Pakigsaad sa Bunyag Nagtabang Kanato sa Pagsunod sa mga Pagtulun-an ni Jesukristo
Mga sitwasyon ug mga panaghisgutan
Ipasabut nga kon kita sa inadlaw-adlaw maghunahuna ni Jesukristo, kita lagmit nga labaw nga mahinumdom sa iyang mga pagtulun-an ug sa mga saad o mga pakigsaad nga atong gihimo nga mosunod kaniya. Dapita ang mga bata sa pagdula sa mosunod nga sitwasyon, ug pahukma sila unsaon nila pagsulbad ang matag usa:
Mga sitwasyon ug mga panaghisgutan
-
Si Anna ug si Gretchen managsoon. Ang higala ni Anna mianha aron sa pagpakigdula. Si Gretchen buot nga makigdula uban kanila, apan si Anna dili buot kaniya nga modula. Unsa ang kinahanglan buhaton ni Anna?
-
Sa unsa nga paagi nga ang paghinumdom ni Jesukristo makatabang ni Anna sa pagsunod sa usa ka sugo?
-
Unsa ang sugo nga iyang pagasundon?
-
-
Si Darren misul-ob sa kamisadentro sa iyang igsoon nga lalaki nga walay pananghid ug namansahan kini. Unsa ang kinahanglan buhaton ni Darren?
-
Sa unsa nga paagi nga ang paghinumdom ni Jesukristo nagtabang ni Darren sa pagsunod sa usa ka sugo?
-
Unsa nga sugo ang iyang pagasundon?
-
-
Si Ian nakakita og usa ka dulaan nga sakyanan sa gawas sa iyang balay. Siya buot nga motipig niini, apan siya nakasiguro nga kini gipanag-iya sa iyang higala nga si Dee, kinsa nagpuyo ngadto sa unahan sa dalan. Unsa ang kinahanglan nga buhaton ni Ian?
-
Sa unsa nga paagi nga ang paghinumdom ni Jesukristo makatabang ni Ian sa pagsunod sa usa ka sugo?
-
Unsa nga sugo si Ian magsunod?
-
-
Si Jacob padulong sa gawas aron sa pagdula. Ang iyang inahan naninguha sa paglimpyo sa balay. Samtang si Jacob nagpaingon sa gawas aron sa pagdula, siya makamatikod nga ang iyang inahan ingon og gikapoy kaayo. Unsa ang kinahanglan nga buhaton ni Jacob?
-
Sa unsa nga paagi ang paghinumdom ni Jesukristo nagtabang ni Jacob sa pagsunod sa usa ka sugo?
-
Unsa nga sugo ang gisunod ni Jacob?
-
Pasalamati ang mga bata alang sa ilang maayo nga mga hunahuna.
Katingbanan
Pahinumdumi ang mga bata nga sa dihang kita gibunyagan, kita misaad sa paghinumdom kanunay ni Jesukristo (ipataas ang usa ka tudlo). Kita usab misaad pagsunod sa iyang nga sugo (ipataas ang duha ka mga tudlo). Sultihi sila nga kon sila motan-aw sa ilang mga kamot ug makakita sa ilang PAM nga singsing, makakita sa duha ka mga tudlo sunod sa ilang singsinganan nga tudlo makatabang kanila sa paghinumdom sa duha ka mga saad nga ilang himoon sa panahon nga sila pagabunyagan.
Balika pagtuon ang balaan nga mga kasulatan nga mga sugilanon mahitungod ni Jesukristo nga nagpanalangin ug nagpaambit sa sakramento gikan sa leksyon 32.
Pagpamatuod sa magtutudlo
Pagpamatuod ngadto sa mga bata nga si Jesukristo naghigugma kanato ug nga siya buot kanato nga maghinumdom kaniya. Awhaga sila sa pag-andam alang sa mga pakigsaad nga sila mohimo sa panahon nga sila bunyagan pinaagi sa pagka may balaan nga pagtahud sa panahon sa sakramento, paghunahuna sa sakramento nga pag-ampo, ug sa paghinumdom ni Jesus. Ipahinumdom kanila nga human sila mabunyagi, sila mopakita sa Langitnong Amahan nga sila buot mohupot sa ilang mga saad ngadto kaniya matag higayon nga sila moambit sa sakramento.
Pagdapit og usa ka bata sa paghatag sa panapos nga pag-ampo.
Pagpalambo nga mga Kalihokan
Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”
-
Sultihi ang mga bata nga sila kinahanglan moadto sa sakramento nga tigum nga andam sa paglingkod og hilom sa panahon sa sakramento ug sa paghunahuna giunsa sila paghigugma sa Langitnong Amahan ug ni Jesukristo.
Tudloi ang mga bata sa mosunod nga balak:
Ako mokyugpos sa akong mga bukton, ako moduko sa akong ulo,
Ug maghilom, maghilom ako;
Samtang gipanalanginan ang sakramento,
Ako maghinumdom Kanimo.
Isulti ang balak sa mga bata. Unya balika pagsulti kini uban kanila, magkyugpos sa inyong mga bukton ug magduko sa inyong mga ulo ingon sa gipakita.
-
Unsa ang atong kyugpuson? (Atong mga bukton.)
-
Unsa ang atong iduko? (Atong ulo.)
-
Sa panahon sa sakramento kita ba angay nga maghilom o magsaba?
-
Kinsa ang kinahanglan nga atong hunahunaon sa panahon sa sakramento? (Jesus.)
Balika pagsulti ang balak, pabutangi sa mga bata og mga pulong ug buhata ang mga lihok hangtud sila makahibalo niini pag-ayo. Unya balika kini pagsulti uban sa mga bata.
-
-
Pangutan-a ang mga bata unsa ang ilang nahibaloan mahitungod ni Jesukristo. Kini mao ang pipila sa mga butang nga ilang mahunahuna sa panahon sa sakramento. Ipakita ang hulagway 3-46, Jesus Nag-ampo sa Gethsemane, ug sultihi ang mga bata mahitungod sa unsay nahitabo didto sa tanaman (tan-awa sa Mateo 26:36-46). Tuguti ang Espiritu sa paggiya kaninyo sa pagtudlo mahitungod niining sagrado nga hitabo.
-
Panghatag og mga gunting, papilit, ug mga kopya sa mosunod nga ighahatag nga basahonon ngadto sa mga bata. Basaha ang ibabaw nga bahin sa pahina uban sa klase. Tudlo-i ang mga bata sa paggunting subay sa tulbok-tulbok nga mga linya ug ibutang ang mga pulong sa husto nga pagkasunod-sunod. Kon ang mga bata nakabuhat na niini, ang mga pulong kinahanglan mabasa nga “maghinumdom sa kanunay ni Jesukristo” ug “magsunod sa mga sugo.” Ipapilit kanila ang mga piraso sa pulong sa dapit nga mohingpit sa pundok sa mga pulong.
