Leksyon 35

Mga Templo ug mga Banay nga Walay Katapusan

Katuyoan

Aron sa pagtabang sa mga bata sa pagsabut nga ang mga banay mahimong magkauban sa kahangturan.

Pagpangandam

1. Pangandam sa pag-awit o pagsulti sa mga pulong sa “Mga Banay Mahimo’ng Mag-uban sa Kahangturan [Families Can Be Together Forever]” (Children’s Songbook, p. 188) ug “Malipayong Banay [A Happy Family]” (Children’s Songbook, p. 198); ang mga pulong sa duha ka mga awit gilakip diha sa luyo niini nga tamdanan nga basahon.

2. Sa tibuok niini nga leksyon, pagmabination ngadto sa mga bata kinsa walay inahan ug amahan diha sa ilang mga panimalay. Pagmabination usab ngadto sa mga bata kinsa adunay mga ginikanan o mga igsoon kinsa dili mga sakop sa Simbahan.

3. Mga kagamitan nga gikinahanglan: hulagway 3-5, Adan ug Eva Nagtudlo sa Ilang mga Anak; mga hulagway sa templo nga labing duol kaninyo ug daghan nga lain nga mga templo, kon anaa (o gamit og mga hulagway 3-62, Templo sa Portland Oregon (62617).

4. Paghimo sa gikinahanglan nga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Kita Adunay usa ka Langitnon ug Yutan-on nga Banay

Pang-atensyon nga kalihokan

Awita o isulti ang mga pulong sa “Malipayong Banay [A Happy Family].”

Hulagway nga panaghisgutan

Ipasabut ngadto sa mga bata nga sa wala pa kita matawo dinhi sa yuta, kitang tanan nag-ipon og puyo ingon og igsoon nga mga lalaki ug igsoon nga mga babaye sa usa ka matahum nga kalibutan sa espiritu. Kita kabahin sa usa ka langitnong banay nga may mahigugmaon nga langitnong mga ginikanan.

Ipakita ang hulagway 3-5, Adan ug Eva Nagtudlo sa Ilang mga Anak. Pangutana ang mga bata kon sila nakaila ba kinsa kining mga tawhana. Isulti kanila nga si Adan ug si Eva mao ang unang mga ginikanan dinhi sa yuta. Ang Langitnong Amahan misugo ni Adan ug ni Eva sa pagpanganak og daghan nga mga anak. Sila nagbaton sa unang banay dinhi sa yuta.

Ipasabut nga ang Langitnong Amahan mihigugma ni Adan ug ni Eva ug sa ilang mga anak. Siya misugo ni Adan ug ni Eva sa pagtudlo sa ebanghelyo ngadto sa ilang mga anak. Isulti sa mga bata nga sa atong panahon, ang Langitnong Amahan mipadala usab kanila ngadto sa mga banay, sama sa iyang gibuhat sa mga anak ni Adan ug ni Eva. Siya naghigugma sa tanan nga mga bata ug nagsugo sa tanan nga mga ginikanan sa pagtudlo sa ilang mga anak sa ebanghelyo.

Kon kita mamatay ug mobiya dinhi sa yuta, ang Langitnong Amahan ug si Jesukristo buot kanato nga mopuyo pag-usab ingon nga mga banay didto sa langit. Sila nagpakita kanato sa paagi nga kini mahitabo.

Sa mga Templo, Mga Banay Mahimo nga Bugkuson Sa Kahangturan

• Unsa ang usa ka templo?

Tabangi ang mga bata sa pagsabut sa mosunod nga mga ideya mahitungod sa mga templo:

1. Sila sagrado nga mga gambalay.

2. Matag usa gitawag og balay sa Ginoo.

3. Kita makakat-on og daghan nga mga butang mahitungod sa laraw sa Langitnong Amahan alang kanato diha sa mga templo.

4. Sa sulod sa mga templo, kita naghimo og talagsaon nga mga saad o pakigsaad ngadto sa Langitnong Amahan, ug ang Langitnong Amahan naghimo og talagsaon nga mga saad ngari kanato.

Ipasabut nga daghan nga sagrado ug mahinungdanon nga mga butang mahimo lamang diha sa templo.

Mga hulagway

Ipakita ang mga hulagway sa mga templo.

Mga hulagway

• Pipila kaninyo ang nakakita sa usa sa mga templo sa Langitnong Amahan?

• Unsa ang inyong gibati samtang kamo nagtan-aw sa templo?

Pasultiha ang mga bata mahitungod sa mga templo nga ilang nakita. Ipahayag ang paglaum nga kadtong mga bata nga wala makakita og templo makakita unta sa pipila ka adlaw. Awhaga ang mga bata sa pagbaton og usa ka hulagway sa usa ka templo diha sa ilang mga panimalay, kon kini mahimo.

Pagtudlo sa magtutudlo

Ipasabut nga diha sa templo, ang usa ka bana ug asawa makahimo nga ang usa ka ordinansa ipahigayon nga motabang kanila nga magkahiusa sa walay katapusan. Kini gitawag og pagbugkos o usa ka kaminyoon sa templo. Kon ang magtiayon naminyo gawas sa templo alang niini nga kinabuhi lamang, sila makaadto sa templo aron mabugkos aron sila magpabilin nga minyo sa kahangturan. Ang ilang mga anak mahimo nga ibugkos ngadto kanila ug niana mahimo nga kabahin sa ilang walay katapusan nga banay. Kini nga linain nga panalangin gihatag lamang ngadto niadto kinsa gibugkos diha sa templo ug naghupot sa mga saad nga ilang gihimo didto. Pahinumdumi ang mga bata og giunsa nila pagmahal ang ilang mga banay ug unsa ka nindot kini nga magkahiusa sa walay katapusan.

Ipasabut nga ang Langitnong Amahan naghigugma sa tanan nga mga tawo. Siya naghigugma niadto kinsa wala pa makaadto sa templo sama niadto kinsa nakaadto na. Siya nangandoy nga ang tanan nga mga banay mabugkos diha sa templo. Ipasabut nga daghan nga mga banay wala pa mabugkos diha sa templo. Bisan pa niana, kini nga mga banay makaadto sa templo kon sila mag-andam sa ilang mga kaugalingon sa husto nga paagi. Isulti sa mga bata nga sila makahimo sa pagpuyo nga takus aron nga kon sila maminyo sila mahimo nga makaadto sa templo aron mabugkos ug makasugod sa ilang kaugalingon nga mga banay sa kahangturan.

Awit

Itudlo sa mga bata ang unang garay ug ang koro sa awit “Mga Banay Mahimo’ng Mag-uban sa Kahangturan [Families Can Be Together Forever].” Paghisgot sa mga pulong sa awit. Pabaruga ug paawita o ipasulti sa mga bata ang awit.

Kita Kinahanglan Gayud nga Takus aron Makaadto sa Templo

Pagtudlo sa magtutudlo

Ipasabut nga bisan kinsa nga sakop sa Simbahan kinsa nagpuyo og usa ka matarung nga kinabuhi ug nakakuha og pagtugot (pinaagi sa usa ka rekomen sa templo) gikan sa obispo o presidente sa sanga makaadto sa templo. Kadto kinsa moadto sa templo kinahanglan gayud takus nga mosulod sa balay sa Ginoo.

Awit`

Paghisgot sa mga pulong sa ikaduha nga garay sa awit “Mga Banay Mahimo’ng Mag-uban sa Kahangturan [Families Can Be Together Forever].” Unya tabangi ang mga bata sa pag-awit o pagsulti og dungan sa mga pulong.

Panaghisgutan

Panaghisgutan

• Sa unsa nga paagi kamo makaandam nga mahimong takus sa pag-adto sa templo?

• Kon ang inyong banay nagpuyo duol sa templo nga ang inyong mga ginikanan makabalik sa templo kanunay, sa unsa nga paagi kamo makatabang kanila sa pagbuhat sa mao?

Ipahisgot sa mga bata ang mga paagi nga sila makaandam sa pag-adto sa templo. Tabangi sila nga makahibalo unsa ang ilang kinahanglan gayud nga buhaton aron makaandam sa pag-adto sa templo pinaagi sa pagpangutana og mga pangutana nga sama sa mosunod:

Panaghisgutan

• Unsa ang inyong kinahanglan nga buhaton kon kamo nakakita o nakadawat og kwarta? (Bayad sa ikapulo.)

• Unsa ang inyong kinahanglan nga buhaton ma-Domingo? (Apil sa mga tigum sa Simbahan ug simbahon ang Langitnong Amahan.)

• Sa unsa nga paagi kamo motagad sa inyong mga ginikanan ug igsoon nga mga lalaki ug igsoon nga mga babaye? (Sa mabination nga paagi ug may paghigugma.)

• Unsa ang buot ipasabut sa pagkamatinuoron? (Magsulti sa tinuod ug dili mangawat.)

• Sa unsa nga paagi kamo kinahanglan moalima sa inyong lawas? (Kaon og maayo nga mga pagkaon. Sunod sa Pulong sa Kaalam.)

• Sa unsa nga paagi kamo kinahanglan mobati ngadto sa Langitnong Amahan ug ni Jesukristo? (Mohigugma kanila, mosunod sa ilang mga sugo, ug mosunod sa mga pagtulun-an sa buhing mga propeta.)

• Sa unsa nga paagi kita motagad sa usag usa? (Maghinigugmaay.)

Ipasabut nga ang Langitnong Amahan buot sa iyang mga anak nga magpuyo og maayo nga mga kinabuhi aron sila mahimong takus sa pag-adto sa templo. Kon sila mosunod sa mga sugo sa Langitnong Amahan ug maninguha sa pagbuhat sa matarung, sila mahimo nga takus sa pag-adto sa templo ug sa pagdawat sa linain nga mga panalangin gikan sa Langitnong Amahan.

Artikulo sa hugot nga pagtuo

Balika pagtuon uban sa mga bata unsa ang gipaabut sa Langitnong Amahan nga atong buhaton sumala sa ikanapulog tulo nga artikulo sa hugot nga pagtuo. Ipasabut nga ang pagbuhat niining mga butanga motabang kanila sa pag-adto sa templo.

Katingbanan

Tabangi ang mga bata sa pagsabut nga ang Langitnong Amahan naghatag kanato og usa ka laraw nga nagtugot sa mga banay nga maghiusa sa walay katapusan. Tungod kay ang Langitnong Amahan naghigugma kanato, siya buot nga ang iyang tanan nga mga anak makabaton sa mga panalangin nga gihatag diha sa atemplo. Adunay daghan nga mga templo sa tibuok kalibutan busa daghan nga mga anak sa kalibutan makabaton sa mga panalangin nga mabugkos o madugtong nga maghiusa sa walay katapusan ngadto sa ilang mga banay. Tan-awa pag-usab ngadto sa mga hulagway sa nagkalain-lain nga mga templo. Ipasabut nga samtang ang ginsakupan diha sa Simbahan nagtubo, ang Simbahan motukod og daghang pa nga mga templo sa tibuok kalibutan.

• Unsa ang inyong ikasulti sa inyong banay mahitungod sa mga templo?

Awhaga ang mga bata sa pagpakigbahin uban sa ilang mga banay unsa ang ilang nakat-unan. (Pagmabinantayon mahitungod niini kon ikaw nagtuo nga ang mga banay mosumbalik sa dili maayo nga paagi.)

Pagpamatuod

Pagpamatuod mahitungod sa mga templo. Ipasabut nga ang mao lamang nga paagi nga ang mga banay makabaton og mga panalangin nga magkahiusa sa walay katapusan mao ang pagpabugkos diha sa templo. Pagpamatuod mahitungod sa mga panalangin sa kaminyoon sa templo ug ang kalipay nga moabut ngadto sa mga anak kon sila mangandam sa pag-adto sa templo. (Kon ikaw wala pa makaadto sa templo, ikaw mahimo nga mohangyo sa obispo o presidente sa sanga, o sa usa ka tawo nga iyang gisugyot kinsa nakaadto na sa templo, sa pag-anha sa imong klase sa hapit na mahuman ang leksyon aron sa pagpamatuod sa mga panalangin sa templo.

Awhaga ang mga bata sa pagpaninguha sa paghimo sa ilang mga banay nga malipayon niini nga semana pinaagi sa pagsulti og mabination nga mga butang ngadto kanila ug pinaagi sa pagbuhat unsa ang gisugo sa ilang mga ginikanan kanila.

Pagdapit og usa ka bata sa paghatag sa panapos nga pag-ampo. Isugyot nga siya magpasalamat sa Langitnong Amahan alang sa mga banay ug alang sa mga panalangin diha sa templo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa imong leksyon gayud o ingon og usa ka balik-pagtuon o katingbanan. Alang sa dugang paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Pag-andam og igo nga mga gilis sa papel aron ang matag bata adunay usa ka gilis alang sa matag sakop sa iyang banay. Pagdala og papilit o tape ug usa ka ballpen.

   Pagsugod sa duha ka mga gilis sa papel alang sa matag bata, ug butangi og ngalan nga Inahan ug ang usa Amahan. Sumpaya ang duha aron mahimong kadena.

   Sultihi ang mga bata nga sa diha nga ang ilang mga ginikanan naminyo, sama sa kadena sila nahimo nga nasumpay nga naghiusa. Unya tabangi ang mga bata sa pagdugtong og usa ka sumpay alang sa matag bata diha sa ilang banay. Kon ang usa ka sumpay gikadugang na alang sa matag sakop sa banay, paghimo og lingin sa kadena. Sultihi ang mga bata nga kon ang ilang mga sakop sa banay gibugkos sa pagkahiusa diha sa templo, silang tanan gisumpay sa pagkahiusa sa walay katapusan. Sila mahimo nga usa ka walay katapusan nga banay, sama sa lingin nga nagpadayon nga walay katapusan.

2. Buhata ang mosunod nga dula sa tudlo uban sa mga bata.

   (Pagsugod nga gikumo ang kamot)

   Kini ang amahan, (ipataas ang kumagko)

   Kini ang inahan, (ipataas ang igtutudlo nga tudlo)

   Kini ang taas nga igsoong lalaki, (ipataas ang taliwala nga tudlo)

   Kini ang igsoon nga babaye, (ipataas ang singsingan nga tudlo)

   Kini ang among bata, (ipataas ang kumingking)

   O, giunsa namo paghigugma silang tanan (ipataas ang kamot nga ang mga tudlo gikatag)

3. Itudlo sa mga bata kining dugang nga garay sa “Malipayong Banay [A Happy Family].”

   Jesus gihigugma ko,

   Gihigugma n’ya ako.

   Mga templo gitukod,

   Nga kita’s hangtud magkuyog.

4. Kon adunay usa ka bata diha sa imong klase kinsa nakabaton sa kasinatian sa pag-adto sa templo uban sa iyang banay aron mabugkos, ikaw makahimo sa pagpasulti sa bata o sa iyang mga ginikanan mahitungod niini.