Leksyon 36

Pagpakita og Gugma alang ni Jesukristo

Katuyoan

Aron sa pagtabang sa mga bata sa pagpakita og gugma alang ni Jesukristo pinaagi sa pagbuhat unsa ang buot niya nga ilang buhaton.

Pagpangandam

1. Sa mainampuon nga paagi pagtuon ug pagpangandam sa pagbasa sa Juan 14:15.

2. Sa unom ka gagmay nga piraso sa mga papel, isulat ang usa sa mosunod nga mga timaan:

   1. Timaan 1: Siya naghigugma kanato.

   2. Timaan 2: Siya gibunyagan pinaagi sa papaunlod sa sama nga paagi nga kita gibunyagan.

   3. Timaan 3: Siya nakakat-on og trabaho sa pagpamanday sa diha nga siya usa pa ka gamay nga batang lalaki.

   4. Timaan 4: Siya naghigugma sa gagmay nga mga bata ug nagpanalangin kanila.

   5. Timaan 5: Siya nagtudlo kanato nga maghinigugmaay.

   6. Timaan 6: Siya namatay alang kanato ug mihimo sa paghinulsol nga mahimo. Sa wala pa ang klase, tagoi ang matag timaan diha sa usa ka dapit sa lawak-klasehanan.

3. Pangandam sa pag-awit sa “Maghigugmaay [Love One Another]” (Children’s Songbook, p. 136); mga pulong gilakip diha sa luyo niining tamdanan nga basahon.

4. Mga galamiton nga gikinahanglan:

   1. Usa ka Biblia.

   2. Usa ka lapis ug papel o kard alang sa matag bata.

   3. Hulagway 3-9, Jesus Kristo (62572; Sudlanan sa Hulagway sa Ebanghelyo 240); hulagway 3-23, Bata nga Nagbasa sa Balaan nga mga Kasulatan; hulagway 3-25, Pagsimba; hulagway 3-26, Bata Nagbayad og Ikapulo; hulagway 3-27, Pakigbahin sa Tricycle (62317); hulagway 3-59, Pagpaambit sa Sakramento (62021); ug hulagway 3-60, Bata nga Babaye Nag-ampo (62310).

   4. Tisas, pisara, ug papas.

5. Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sa sulod sa semana.

Jesukristo Naghigugma Kanato

Pang-atensyon nga kalihokan

Ipasabut nga ikaw nagtago og daghan nga mga timaan diha sa lawak nga may kalabutan ngadto sa leksyon. Ipapangita sila og hilum sa mga bata. Human ang tanan nga mga timaan makit-an, tabangi ang mga bata sa pagbutang kanila sa hustong pagkasunod-sunod gikan sa usa hangtud sa unom. Basaha uban sa mga bata. Pangayo sa ilang mga ideya human sa matag timaan.

Pang-atensyon nga kalihokan

• Mahitungod kang kinsa kini nga mga timaan? (Jesukristo.)

Hulagway ug panaghisgutan

Ipakita ang hulagway 3-9, Jesus ang Kristo.

Sultihi ang klase nga kita nakahibalo nga si Jesukristo naghigugma kanato tungod kay siya nakahimo og daghan kaayong mga butang alang kanato.

Hulagway ug panaghisgutan

• Unsa ang nabuhat ni Jesukristo alang kanato? (Tabangi ang mga bata sa pagsabut nga si Jesukristo mihatag kanato sa mga sugo, sa mga propeta, sa iyang Simbahan, ug sa mga ordinansa sa pagkapari. Pinaagi sa iyang pag-ula, siya mihimo usab niini nga mahimo alang kanato sa paghinulsol alang sa atong sayop nga mga buhat aron nga kita usa ka adlaw makabalik sa pagpuyo uban sa Langitnong Amahan ug kaniya.)

Ipasabut nga si Jesukristo nakapakita sa iyang gugma alang kanato pinaagi sa paghatag kanato niining maanindot nga mga panalangin. Matag usa kanato mahal ngadto kaniya ug ngadto sa Langitnong Amahan.

Pang-pisara nga panaghisgutan

Ipasabut nga si Jesukristo nakapakita sa iyang gugma alang kanato ug nga kita makapakita usab sa atong gugma ngadto kaniya. Isulat ang hugpong sa mga pulong “Ako makapakita og gugma alang kang Jesukristo pinaagi sa—” diha sa pisara o sa usa ka piraso nga papel, ug basaha kini og kusog. Unya sultihi ang mga bata nga karon ikaw mohisgot og mga paagi nga kita makapakita og gugma alang ni Jesukristo. Alang sa mga bata kinsa makabasa, ilista kini nga mga paagi diha sa pisara samtang ikaw maghisgot kanila. Alang sa labaw ka gagmay nga mga bata, ikaw mahimo nga modibuho og yano nga mga hulagway aron sa pagpakita sa butang nga gihisgutan.

Kita Nagpakita sa Atong Gugma alang ni Jesukristo Pinaagi sa Pagsunod sa mga Sugo

Balaan nga kasulatan ug pang-pisara nga panaghisgutan

Hangyoa ang klase sa pagpaminaw og lain nga paagi sa pagpakita og gugma alang ni Jesukristo samtang ikaw nagbasa sa Juan 14:15.

Si Jesukristo misulti kanato nga pinaagi sa paghupot sa iyang mga sugo, kita nagpakita kaniya nga kita nahigugma kaniya. Sa diha nga kita gibunyagan, kita nagsaad sa pagsunod sa iyang mga sugo. Kon kita mosunod sa mga sugo, kita nagpakita nga kita nahigugma kaniya. Isulat “Paghupot sa mga sugo,” o pagdibuho og usa ka nagpahiyom nga nawong, diha sa pisara o lista sa papel.

Hulagway nga panaghisgutan

Hulagway nga panaghisgutan

• Unsa ang mga sugo? (Mga balaod gikan sa Langitnong Amahan ug ni Jesukristo aron sa pagtabang kanato nga magmalipayon.)

• Unsa ang pipila sa mga sugo nga atong masunod aron sa pagpakita sa atong gugma alang ni Jesukristo?

Mahimo nga imong patindugon ang tanan nga mga bata; unya ang matag bata mahimo nga molingkod human siya mohingalan og usa ka sugo. (Pangandam sa pagtabang sa mga bata kinsa tingali dili makahimo sa paghunahuna og usa.)

Pagpakita og angay nga mga hulagway samtang ang mga bata mosugyot sa mga ideya sama sa pagtambong og mga tigum sa Simbahan, paghunahuna mahitungod ni Jesukristo sa panahon sa sakramento, pagbayad sa ikapulo, pagsulti sa tinuod, pag-ampo, pagkat-on gikan sa balaan nga mga kasulatan, pagtabang sa atong mga banay sa panimalay, ug uban pa.

Kita Nagpakita sa Atong Gugma alang ni Jesukristo pinaagi sa Pag-amping sa Butang sa Simbahan

Sugilanon

Ipasabut nga ikaw buot nga ang mga bata maminaw ngadto sa usa ka sugilanon mahitungod sa unsa nga paagi ni Kim mipakita sa iyang gugma alang ni Jesukristo:

Usa ka grabe nga bagyo bag-o pa lamang nga milabay sa dapit diin si Kim nagpuyo. Tungod kay ang Kim nga banay nagpuyo duol kaayo sa balaytigumanan, ang obispo mitawag sa iyang amahan aron sa pagpatan-aw sa gambalay human sa bagyo. Si Kim ug ang iyang amahan nagkuyog, samtang naglakaw namunit sa mga sanga sa kahoy nga nabali sa hangin. Ang pipila sa mga balay nawad-an og mga bintana, ug sila nakalabay og naguba nga mga sakyanan. Si Kim naguol nga ang balay-tigumanan tingali naguba usab.

Samtang sila nagkaduol sa balay-tigumanan, sila nakakita nga dihay usa ka dako nga bintana nga nabuak sa bagyo. Tubig sa ulan mibanlas sa sulod, inubanan sa lapok, mga dahon, sagbut, mga kagingking, ug gagmay nga sanga. Ang amahan ni Kim mihangyo kaniya sa paghulat sa gawas samtang iyang gisiguro nga kini walay kuyaw kon mosulod. Siya sa dali mibalik, nagpahibalo nga ang uban nga bahin sa balay-tigumanan ingon og walay naguba. Silang duha misulod sa balay-tigumanan. Samtang ang amahan ni Kim milibut aron sa pagtan-aw pag-ayo sa naguba, si Kim misugod sa pagkapuliki. Wala sugoa, siya misugod sa pagpundok sa mga dahon, mga kagingking, gagmay nga mga sanga, ug sagbut nga gipalid ngadto sa sulod sa panahon sa bagyo.

Ang amahan ni Kim mikuha og lain nga sakop sa purok aron sa pagtabang, ug sa wala madugay ilang natabunan ang bintana. Samtang ang mga lalaki nagtrabaho aron sa pagpanalipod sa bintana, si Kim misigi sa pagbuhat sa iyang pagpanglimpyo. Sa wala madugay hapit tanan nga mga sanga ug mga dahon nakuha gikan sa agianan. Ang amahan ni Kim mitanyag sa pagdala kaniya pauli sa panimalay aron makapahulay, apan si Kim buot motabang sa pagpanglimpyo sa balay-tigumanan. Siya mipabilin ug mitrabaho samtang sila milimpyo sa lapok ug mihugas sa mga bongbong ug sa sawog.

Sugilanon

• Sa unsa nga paagi si Kim nakapakita sa iyang gugma alang ni Jesukristo? (Siya mitabang sa paglimpyo sa balay-tigumanan.)

• Sa inyong hunahuna unsay gibati ni Kim pagkahuman sa buhat?

Ipasabut nga adunay daghan nga mga paagi kita makatabang sa pag-atiman alang sa balay-tigumanan ug sa mga butang diha niini. Kita makatabang sa pag-atiman sa atong balay-tigumanan ug mobuhat sa atong labing mahimo sa paglimpyo ug pagnindot niini. Kita makapamunit sa papel ug dili mobiya og mga butang nga magkatag sa mga lawak. Kita makahimo sa paggamit sa mga basahon sa himno ug balaan nga mga kasulatan uban ang pag-atiman ug pagtahud. Usahay kita makatabang sa talagsaon nga mga proyekto sa paglimpyo sa balay-tigumanan o sa mga natad. Ang tanan makatabang sa pag-atiman sa butang sa Simbahan sa uban nga paagi.

Isulat “Pag-atiman sa butang sa Simbahan,” o pagdibuho og usa ka yano nga balay-tigumanan, diha sa pisara o papel ubos sa hugpong sa mga pulong “Ako makapakita og gugma alang ni Jesukristo pinaagi sa—.”

Kita Nagpakita og Gugma alang ni Jesukristo Kon Kita Naghigugma sa Uban

Awit

Hangyoa ang mga bata sa pagpaminaw og maayo aron sa pagkat-on og usa ka mahinungdanon kaayo nga sugo.

Awita o isulti ang mga pulong sa awit “Maghigugmaay” uban sa klase.

Panaghisgutan

Panaghisgutan

• Unsa ang gisulti sa awit nga buot ni Jesukristo nga atong buhaton? (Maghigugmaay sama sa paagi nga si Jesus naghigugma.)

• Unsa ang bag-o nga sugo? (Maghigugmaay.)

• Unsa ang gipasabut sa pulong tinun-an? (Ang usa ka tawo kinsa nagsunod ug nagtuo ni Jesukristo.)

• Sa unsa nga paagi nga ang mga tawo makahibalo nga kamo nagsunod ug nagtuo ni Jesukristo? (Kon kamo nagpakita og gugma ngadto sa uban ug naninguha sa pagbuhat og matarung diha sa tanan nga inyong buhaton.)

Ipasabut nga si Jesukristo mao ang labing mabination ug masinabtanon nga tawo kinsa sukad nagpuyo sa kalibutan. Kita kinahanglan gayud nga mahigugmaon ngadto sa uban kon kita gikinahanglan nga mohigugma sama nga siya naghigugma. Ang mga pulong niini nga awit mga tinuod, ug nagagikan sa Biblia. Si Jesus miingon, “Sama nga Ako naghigugma kaninyo,… maghigugmaay” (tan-awa sa Juan 13:34; tan-awa usab 15:12, 17). Kita nakahibalo nga siya naghigugma kanato pag-ayo. Kita gikinahanglan nga mahigugma ngadto sa uban nga mga tawo uban nianang sama nga gugma. Pinaagi sa paghigugma sa uban, kita nagpakita ni Jesus nga kita naghigugma usab kaniya.

Isulat “Paghigugma sa uban,” o pagdibuho og kasingkasing, diha sa ubos sa inyong lista.

Katingbanan

Ipasabut nga kita nagpakita nga kita nahigugma ni Jesukristo kon kita nagtabang sa pag-atiman sa butang sa Simbahan, naghupot sa mga sugo, ug naghigugma sa uban. Kita nagpakita sa atong gugma alang ni Jesus pinaagi sa unsay atong gibuhat.

Kalihokan

Paghatag og lapis ug papel o kard ngadto sa matag bata. Pakopyaha ang bata kinsa makasulat og maayo sa mga pulong “Ako makapakita og gugma alang ni Jesukristo pinaagi sa—” diha sa ilang mga papel. Kamo mahimong buot nga mosulat niini diha sa mga papel sa labaw ka gamay nga mga bata. Dapita ang mga bata sa pagsulat o pagdibuho og usa ka butang nga ilang buhaton niini nga semana aron sa pagpakita og gugma alang ni Jesukristo. Ipasabut nga sunod semana kamo buot nga maminaw sa unsa nga paagi sila mibuhat pagayo sa ilang buhaton. Awhaga ang mga bata sa pagdala sa ilang mga papel ngadto sa panimalay ug ibutang sila diin ilang makita sila sulod sa umaabut nga semana ingon og usa ka pahinumdom.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay alang sa imong mga bata. Ikaw makagamit kanila diha sa leksyon gayud o ingon og usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang sa Magtutudlo.”

1. Pagdala og bulsita o uban nga humok nga butang nga ipasa. Palingkura ang mga bata nga magliyok diha sa sawog. Pangutana kanila:

   Gihigugma ba ninyo si Jesus? Sa unsa nga paagi siya makahibalo? Pilia ang matarung ug kini mapakita ninyo.

   Isulti kini nga garay uban sa mga bata; unya pagtawag og usa ka ngalan ug sa hinay ipasa ang bulsita ngadto niana nga bata. Ang bata nga ginganlan kinahanglan gayud nga mosulti og usa ka butang nga iyang mabuhat aron pagpakita ni Jesukristo nga siya nahigugma kaniya. Siya dayon mopasa sa bulsita balik ngadto kaninyo. Padayon hangtud ang matag bata nakapuli na.

2. Awita ang awit “Maghigugmaay.” Ipasabut ngadto sa mga bata nga matag awit sa pulong nga maghigugmaay, ilang ikurus ang ilang mga bukton (ang mga kamot gikumo) ibabaw sa ilang mga dughan matag panahon ang pulong moguwa. Kini ngapasabut og gugma sa senyas nga pinulongan. Kita kinahanglan mopakita og gugma ug pagsabut ngadto sa tanang mga anak sa Langitnong Amahan. Tudlo-i ang mga bata unsaon pagsenyas sa “Nahigugma kanimo!” pinaagi sa paghimo sa senyas alang sa gugma, unya magtudlo ngadto sa usa ka tawo. Isugyot nga sila mohimo niini ngadto sa mga sakop sa banay kon sila moabut sa panimalay. Pahinumdumi ang mga bata nga ang paagi sa tinuod nga pagpakita sa gugma mao ang pagkamabination sama ni Jesus.

3. Isulti ang mosunod nga awit nga may lihok uban sa mga bata: “Higugmaa ang Tanan Mi’ngon si Jesus [Jesus Said Love Everyone]” (Children’s Songbook, p. 61).

   Higugmaa ang tanan (mga bukton ilugway, lingi ngadto sa silingan ug pahiyom)

   Mi’ngon si Jesus; (lingi ngadto sa silingan, pahiyom ug pakiglamano)

   Kay higugmaon usab (ibutang ang mga kamot ibabaw sa kasingkasing)

   Ikaw sa uban. (ibukhad ang duha ka mga bukton ug dad-a nganha nga maduol sa dughan.

4. Paggunting og tulo o labaw sa tulo ka gagmay nga papel nga mga kasingkasing alang sa matag bata. Ipasabut nga ang mga bata makagamit niini nga mga kasingkasing niini nga semana aron sa pagpakita og gugma. Sila kinahanglan mobuhat og usa ka butang nga nindot alang sa usa ka tawo ug mohatag sa kasingkasing. Hatag og pipila ka mga paning-ingnan sa matang sa mga butang nga ang mga bata makahimo. Kamo mahimo nga makadula sa pipila niining mga mabination nga mga buhat uban sa mga sakop sa klase.

5. Kon ang inyong purok nakapanag-iya og bisan unsa nga mga basahon sa awit nga wala maayo nga pagkaamping, ipakita kini ngadto sa mga bata ug hisguti sa unsa nga paagi sila kinahanglan unta nga ampingan ug ngano nga ampingan.