Mga Manwal sa Primary ug Panahon sa Pagpakigbahin

Leksyon 40: Pagsimba

Leksyon 40

Pagsimba

Katuyoan

Aron sa paglig-on sa tinguha sa mga bata sa pagsimba.

Pagpangandam

Sa mainampuon nga paagi pagtuon sa Exodo 2:8 ug sa Doktrina ug mga Pakigsaad 25:12.
Pag-andam og usa ka upat og tumoy nga bitoon ingon sa gihulagway. Ibutang kini sa bulsita aron gamiton diha sa dula.

Pagsimba

Pag-awit

Pag-ampo

Sakramento

Pagpaminaw
Pag-andam aron pagtabang sa mga bata sa pag-awit o pagsulti sa mga pulong sa “Kon Mosimba ‘Ko [When I Go to Church]” (Children’s Songbook, p. 157).
Mga kagamitan nga gikinahanglan:
1. Usa ka Doktrina ug mga Pakigsaad.
2. Usa ka bulsita.
3. Hulagway 3-35, Pag-adto sa Simbahan, hulagway 3-59, Pagpaambit sa Sakramento (62021); hulagway 3-64, Pag-ampo diha sa Simbahan; hulagway 3-65 Pag-awit diha sa Simbahan; hulagway 3-66, Pagpaminaw diha sa Simbahan; hulagway 3-67, Presidente Spencer W. Kimball.
4. Tisas, pisara, ug papas.
Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Domingo Usa ka Linain nga Adlaw

Pang-atensyon nga kalihokan

Tabangi ang mga bata sa pagsulti sa mga pulong sa “Kon Mosimba ‘Ko [When I Go to Church].”

Ako malipayon kanunay
Kon mosimba ‘ko.
Sa mananoy nga organo
Sa hinay molingkod ako.
Timbayahon ang higala
Sa ‘kong pagsimba.

Tingog ko kusgon sa pag-awit
Kon mosimba ‘ko.
Magkyugpos, magduko,
Samtang naminaw ko sa giampo;
Pag-ampo’ng gihunahuna
Sa ‘kong pagsimba.

Makat-on bahin sa Amahan
Kon mosimba ‘ko.
Pasalamat kaniya
Sa panimalay og higala,
Og tanang butang makita
Sa ‘kong pagsimba.

Ipasabut nga ang Langitnong Amahan nakahibalo nga kita nagkinahanglan og panahon matag semana nga kita makakat-on og daghan pa mahitungod kaniya ug ni Jesukristo. Siya mihimo sa Domingo nga usa ka linain nga adlaw alang kanato, usa ka adlaw nga kita motambong og tigum sa sakramento ug Primarya. Siya buot nga ang Domingo mahimo nga usa ka malipayon nga adlaw, usa nga kita naglantaw. Kon kita mopili sa pagsimba, kita nagpili sa matarung.

Simbahan usa ka Linain nga Dapit

Sugilanon ug panaghisgutan

Isaysay sa mga bata ang mahitungod sa usa ka batang lalaki kinsa adunay usa ka suliran nga hapit mihimo kaniya sa paghunong sa pagsimba. Ang iyang ngalan mao si Vaughn Featherstone, ug siya sa wala madugay nahimo nga usa ka Kinatibuk-ang Kadagkoan. Ipaila ang sugilanon pinaagi sa pagpasabut nga sa panahon nga si Vaughn Featherstone gamay pa, ang iyang banay kabus kaayo ug dili makapalit og daghan nga panaput.

“Ako dihay sapatos nga akong isul-ob ngadto sa simbahan. Sila dili labing nindot nga mga sapatos. Sila adunay mga lungag diha sa taliwala sa lapalapa, busa ako migunting og mga piraso sa karton (gikan sa usa ka karton sa cereal) ug gipaslok sila ingon og lapalapa sa sulod sa sapatos. Kon ako mosimba ako molingkod nga ang duha ka mga tiil gihapla diha sa sawog; Ako dili buot nga mopataas sa akong usa ka bitiis ug adunay usa ka tawo nga makakita sa (imprinta sa karton nga gikan sa karton sa cereal) nga nagbabag sa ilawom sa sapatos. Ako misimba niana nga paagi, ug ang tanan maayo ra hangtud kadto nga mga sapatos nagguba. Unya ako wala makahibalo unsay akong buhaton. Ako nakahinumdom nga kadto Sabado, ug ako naghunahuna, ako kinahanglan nga mosimba. Didto sa simbahan ako giila. Sila sa tinuod nagmahal kanako. Ako nakahinumdom nga naghunahuna og balik niana, ug ako mikuha sa kahon sa mga sapatos nga ang mga silingan mihatag kanamo. Ako miukay kanila, apan ako nakakita og usa lamang ka parisan sa sapatos nga moarang kanako. Sila usa ka parisan sa sapatos sa nars. Ako mihunahuna, ‘Unsaon ko kadto pagsul-ob? Sila mangatawa sa pagbiaybiay kanako didto sa simbahan.’ Ug busa ako mihukom nga dili mosul-ob kanila, ug ako dili mosimba.”

Sugilanon ug panaghisgutan

Unsa ang inyong bation kon kamo anaa sa dapit ni Brother Featherstone?
Unsa unta ang inyong buhaton?

Patubaga ang daghan nga mga bata; unya padayon sa sugilanon:

“Ako naghunahuna niana nga gabii, ug sa sunod nga buntang … Ako nakahibalo nga ako kinahanglan nga moadto! … Ako mihukom unsa ang buhaton. Ako modagan ngadto sayo kaayo sa buntag ug molingkod duol ngadto sa atubangan sa wala pay bisan usa nga moadto didto. Ako naghunahuna, ‘akong ibutang ang akong tiil ilawom sa luyo nga bangko aron walay usa nga makakita kanila, ug unya ako mohulat hangtud ang matag usa nga mobiya. Human sila makalakaw ako modali sa pagdagan sa panimalay tunga sa oras dili madugay o ingon niana.’ Kadto mao ang akong laraw. Ako midali pag-adto ngadto sa simbahan tunga sa oras ang kasayo, ug kini milampos. Walay usa ka tawo nga didto. Akong gibutang ang akong tiil ilawom sa luyo sa bangko. Sa wala madugay ang tanan miabut, ug sa kalit usa ka tawo mipahibalo: ‘kita karon magbulag na alang sa atong mga klase.’ Ako nakalimot nga kamo kinahanglan nga moadto sa klase… . Ako gikuyawan. Ang mga tigpahiluna misugod sa pagsibug ngadto sa awahian nga agianan, sila miabut sa among laray, ug ang tanan mibarug ug mibiya. Apan ako milingkod lamang didto. Ako dili makalihok. Ako nakahibalo nga ako dili makahimo tungod sa kahadlok nga adunay makakita sa akong sapatos. Apan ang pag-apura hilabihan. Kana nga panagtigum ingon og mihunong ug mihulat hangtud ako molihok, busa ako napugos sa paglihok. Ako mibarug ug misunod lamang sa klase ngadto sa silong.

“Ako nagtuo nga ako nakakat-on sa labing mahinungdanon nga leksyon nga ako sukad nakakat-on sa akong kinabuhi nianang adlawa. Ako nanaog sa silong, ug ang magtutudlo mipalingkod kanamo sa usa ka dako nga katunga sa lingin. Ang matag usa sa akong sapatos mibati og duha ka tiil ang gilapdon. Ako dili makasulti kaninyo unsa ako kaulaw. Ako nagtan-aw, apan, nakahibalo ba kamo, walay usa niadtong walo-ug-siyam-ka tuig-ang edad nga mga bata niana nga klase mibiaybiay kanako. Walay usa kanila nga mitan-aw kanako. Walay usa nga mitudlo sa akong sapatos. Ang akong magtutudlo wala motan-aw. Ako nagtan-aw sa kanunay. Ako nagbantay sa tanan aron sa pagtan-aw kon aduna bay usa nga nagtan-aw kanako…. Dayag lamang nga sila nakakita niadtong mga sapatos sa nars kinahanglan akong isul-ob ngadto sa simbahan. Apan sila adunay maayo nga kinaiya sa dili pagbiaybiay” (Vaughn J. Featherstone, “Acres of Diamonds,” diha sa Speeches of the Year, 1974 [Provo: Brigham Young Univerdity Press, 1975], pp. 351–52).

Sugilanon ug panaghisgutan

Ngano nga si Brother Featherstone andam sa pagsul-ob sa sapatos sa nars ngadto sa simbahan nga siya usa man ka batang lalaki? (Kay siya gusto kaayo nga mosimba.)

Ipasabut nga ang bata nga si Vaughn Featherstone nakahibalo nga kini mahinungdanon ang pagsimba. Siya malipayon nga magsimba matag semana, bisan tuod ang iyang banay dili makapalit og maayo nga sapatos alang kaniya. Siya mihukom nga ang pagsimba labaw ka mahinungdanon, bisan siya walay nindot nga sapatos.

Kita Moadto sa Simbahan aron sa Pagsimba sa Langitnong Amahan ug ni Jesukristo

Pisara ug mga hulagway

Ipasabut nga sa tibuok kalibutan ang bata nga mga lalaki ug bata nga mga babaye ug ang ilang mga ginikanan moadto sa simbahan matag Domingo. Kon kita moadto sa simbahan ug moapil pinaagi sa pagpaminaw ug pagkat-on, kita nagsimba sa Langitnong Amahan ug ni Jesukristo. Ipakita ang hulagway 3-25. Pag-adto sa Simbahan. Ipasabut nga sila mosimba.

Isulat ang Pagsimba diha sa pisara

Ipasabut nga adunay daghan nga mga paagi nga kita makasimba diha sa Simbahan. Ipakita ang hulagway 3-59, Pagpaambit sa Sakramento.

Pahinumdumi ang mga bata nga kon kita moambit sa sakramento, kita naghinumdom ni Jesukristo. Kon kita nabunyagan, kita nagbag-o sa mga pakigsaad nga atong gihimo nga sa kanunay maghinumdom kaniya ug magsunod sa iyang mga sugo. Ang pag-ambit sa sakramento mao ang usa sa labing mahinungdanon nga mga paagi nga kita nagsimba samtang nagtambong sa simbahan.

Ipakita ang hulagway 3-65, Pag-awit diha sa Simbahan, sunod sa hulagway sa sakramento.

Balaan nga kasulatan

Itudlo nga kon kita mag-awit og usa ka himno uban ang pagbati, kita nagpahayag sa atong gugma ngadto sa Langitnong Amahan ug ni Jesukristo. Kon kita dili moawit, kita mawad-an og kahigayunan sa pagsimba kanila.

Basaha ang Doktrina ug mga Pakigsaad 25:12 ngadto sa mga bata. Hatagi og gibug-aton nga ang Langitnong Amahan mahimuot kon kita mag-awit og mga himno ug sagrado nga mga awit ngadto kaniya.

Hulagway nga kalihokan

Ipakita ang hulagway 3-64, Pag-ampo diha sa Simbahan, sunod sa hulagway sa pag-awit.

Ipasabut nga kita makadungog og daghan nga mga pag-ampo kon kita anaa sa simbahan. Pahinumdumi ang mga bata nga kon ang lain nga tawo naghalad og usa ka pag-ampo, kita kinahanglan mopiyong sa atong mga mata, moduko sa atong ulo, ug maminaw sa unsay gipamulong.

Hulagway nga kalihokan

Unsa ang inyong isulti sa katapusan sa usa ka pag-ampo? (Amen.)
Ngano nga kita moingon og “Amen” (Aron sa pagpakita nga kita miuyon ug mibulig sa unsay gipamulong.)

Itudlo nga sa panahon sa pag-alagad sa sakramento kita mahimo nga makaampo sa hilum. Samtang kita naghunahuna mahitungod ni Jesukristo, kita makahangyo sa Langitnong Amahan sa pagtabang kanato sa pagpili sa matarung ug sa pagsunod sa mga sugo.

Ipakita ang hulagway 3-66, Pagpaminaw diha sa Simbahan, sunod sa hulagway sa pag-ampo.

Panaghisgutan nga kalihokan

Sa unsa nga paagi kita makapakita nga kita naminaw diha sa Simbahan? (Pinaagi sa paglingkod nga may balaan nga pagtahud, pinaagi sa dili pagtabi, ug pinaagi s pagtan-aw sa namulong o magtutudlo.)

Awhaga ang mga bata sa paghingalan og pipila ka mga tawo nga kita kinahanglan nga maminaw samtang anaa sa simbahan. Tudloi sila sa pagpataas og usa ka tudlo alang sa matag ideya. Posible nga mga tubag naglakip sa: usa ka mamumulong diha sa Primarya o tigum sa sakramento, sa batan-on nga lalaki nga nagpanalangin sa sakramento, usa ka tawo kinsa nag-ampo diha sa klase o sa tigum, ug usa ka magtutudlo.

Sugilanon

Ipakita ang hulagway 3-67, Presidente Spencer W. Kimball. Ipasabut nga siya usa ka propeta ug ang ikanapulog duha nga Presidente sa Simbahan. Isaysay ang mosunod nga sugilanon mahitungod kaniya.

Si Presidente Spencer W. Kimball usa pa lamang ka bata sa diha nga siya nakadungog nga usa ka pangulo sa Simbahan gikan sa Dakbayan sa Salt Lake misulti sa katiguman nga sila kinahanglan nga mobasa sa mga kasulatan. Siya naka-amgo nga siya wala sukad makabasa sa Biblia, busa siya mihimo og usa ka tumong nga siya mobasa niini.

Si Spencer mipauli ug mikatkat sa iyang gamay nga lawak didto sa atup ug mipasiga sa gamay nga lana-sa-karbon nga lampara ug mibasa sa unang mga kapitulo sa Genesis niana gayud nga gabii. Bisan tuod kini malisud, siya nakahibalo nga kon ang uban mibuhat niini, siya usab makabuhat niini.

Usa ka tuig wala madugay iyang nabasa ang matag kapitulo diha sa Biblia. Sa diha nga siya nahuman, siya dihay maayo nga pagbati nga siya mihimo og tumong ug nga iya kining natuman. (Tan-awa Spencer W. Kimball, “Planning for a Full and Abundant Life,” Ensign, May 1974, p.88.)

Sugilanon

Ngano nga si Spencer W. Kimball mihukom sa pagbasa sa Biblia? (Tungod kay siya nakadungog og usa ka tigpamulong diha sa simbahan nga nagsugyot nga ang matag usa kinahanglan mobasa sa balaan nga mga kasulatan.)
Unsa ang inyong nadungog gikan sa usa ka tigpamulong diha sa Simbahan nga nakapaikag kaninyo o mitabang kaninyo sa paghupot sa sugo o pagkat-on og daghan pa mahitungod sa ebanghelyo?

Katingbanan

Dula

Ipakita ang bitoon nga imong giandam. Itudlo nga ang upat ka mga paagi sa pagsimba nga imong nahisgot karong adlawa gisulat diha niini. Ipasabut nga imong ibutang ang bitoon sulod sa usa ka bulsita ug hatagi ang matag bata og kahigayunan sa pagkuha sa bitoon gikan sa bag. Sila dayon motubag sa mosunod nga mga pahayag mahitungod sa mga pulong diha sa tumoy sa bitoon nga ilang gigunitan.

Ang mosunod mao ang uban nga gisugyot nga mga pahayag. Pangutana sa sama nga pangutana matag higayon ang mao nga tumoy napili. Tungod kay adunay daghan nga nagkalain lain nga mga tubag alang sa matag pahayag, kini nga dula mahimo nga balikon aron sa paghatag sa matag bata og daghan nga mga kahigayunan sa pag-apil.

Paminaw: Kinsa ang pipila sa mga tawo nga atong kinahanglan nga paminawon diha sa simbahan? (Ang kaobispohan, ang pari nga nagpanalangin sa sakramento, mga sakop nga naghatag og pakigpulong, ug mga magtutudlo sa Primarya.)

Awit: Paghingalan og usa ka awit nga imong gusto nga awiton sa simbahan. (Ikaw tingali buot sa klase nga moawit sa awit nga napili sa bata.)

Pag-ampo: Paghingalan og higayon nga kita naghalad og usa ka pag-ampo diha sa Simbahan. (Pagsugod nga pag-ampo, ang pagpanalangin sa pan, ang pagpanalangin sa tubig, panapos nga pag-ampo, hilum nga mga pag-ampo, o pagsugod ug panapos nga mga pag-ampo sa Primarya.)

Sakramento: Paghingalan og usa ka butang nga mahimo nga imong buhaton sa panahon sa sakramento. (Paghunahuna ni Jesukristo, pag-ampo, paglingkod nga may balaang pagtahud, pagpaminaw ngadto sa mga pag-ampo, o paghinumdom sa mga pakigsaad sa bunyag.

Pagpamatuod sa magtutudlo

Pagpamatuod nga dagko nga mga panalangin sa kalinaw, dugang nga pagsabut sa ebanghelyo, ug pagkaduol sa Langitnong Amahan ug ni Jesukristo mahimo nga moabut gikan sa pagpili sa pagsimba sa matarung nga paagi. Dapita ang mga bata sa pagpaminaw pa og maayo sa ilang sunod nga tigum.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon og usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang Alang sa Magtutudlo.”

Pag-andam og panyo nga may butones nga gihigot ngadto sa usa ka tumoy. Sultihi ang mga bata nga imong ihulog ang panyo. Sultihi sila sa pagpataas sa ilang mga kamot kon sila makadungog nga kini nahulog. Dayga kadto kinsa mipataas sa ilang mga kamot tungod kay sila naminaw pag-ayo. Kuhaa ang butones gikan sa tumoy ug ihulog pagbalik ang panyo. Hangyoa ang mga bata sa pagpataas sa ilang mga kamot kon sila nakadungog ba niining higayona.

Sultihi ang mga bata nga sila kinahanglan kanunay nga maminaw og maayo samtang sila maminaw sa panyo nga nahulog. Bisan kanus-a nga ang usa ka tawo mobarug aron sa pagpakigsulti ngadto kanila, ang obispo ba o ang presidente sa Primarya o usa ka bata sa Primarya ang naghatag og pakigpulong, sila kinahanglan nga maminaw. Kon ang ilang mga magtutudlo mobarug sa ilang atubangan diha sa lawak-klasehanan, kini usa ka senyas sa pagpaminaw aron sila makadungog unsa ang gisulti sa magtutudlo. Pahinumdumi ang mga bata nga sila kinahanglan gayud dili mopakyas sa pagpaminaw og usa ka butang nga mahinungdanon busa sila kinahanglan nga maminaw og maayo ngadto sa unsay gipamulong.
Isaysay ang mosunod nga sugilanon:

Si Karen buot nga moadto sa Primarya. Usa ka Domingo, ang amahan ni Karen nangutana, “Unsa ang imong nakat-unan sa Primarya karon, Karen?” Si Karen mihunahuna og makadiyut; unya siya miingon, “Ako dili makahinumdom, Daddy.” Samtang siya naghunahuna, siya nakahinumdom nga sa tibuok panahon sa Primarya siya naghunahuna unsa kaanindot kini sa kasaulogan sa adlaw ni Sally sa sunod adlaw. Siya wala gayud makapaminaw og bisan unsa sa Primarya!

Ang iyang amahan miingon, “Karen, ako nalipay nga ikaw moadto sa Primarya, apan si Mama ug ako buot usab kanimo nga may balaan nga pagtuhud samtang ikaw atua didto.

“Apan Daddy, ako hilum kaayo!”

Ako nalipay nga ikaw hilum, Karen, apan kana kabahin lamang sa pagkamay balaan nga pagtahud. Ikaw kinahanglan usab nga maminaw ug moapil sa tanan nga butang. Kon ang pag-ampo ipamulong, ikaw kinahanglan nga maghunahuna ingon og ikaw ang namulong sa pag-ampo sa imong kaugalingon ug unya moingon og amen. Kon ikaw moawit, ikaw kinahanglan mohunahuna mahitungod sa mga pulong sa awit. Ikaw kinahanglan maminaw og maayo sa imong magtutudlo. Kon ikaw moapil sa tanang mga butang, ikaw mobati og ka duol ngadto sa Langitnong Amahan. Kana mao ang pagkamay balaang pagtahud.
Kon adunay bata diha sa imong klase kinsa wala motungha o dili na kanunay mosimba, pangita og higayon uban sa klase sa pag-andam og usa ka sulat ngadto niana nga bata. Patabanga kaninyo ang mga bata pinaagi sa pagsugyot og mga butang nga ilang gibuhat sa simbahan nga kana nga bata wala makaapil. Isulat diha sa sulat nga ikaw ug ang mga bata gimingaw niana nga bata diha sa klase. Papirmaha ang matag usa diha sa klase sa sulat. Ipahatud ang sulat.
Tabangi ang mga bata sa pagsulti sa mga pulong sa “Pultahan sa Kapilya [The Chapel Doors]” (Children’s Songbook, p. 156).

Pultahan sa kapilya mi’ngon,

“Sh, hilum.”

Kini usa ka sagradong dapit,

“Sh, hilum.”

Sa Igpapahulay nga adlaw

Magpundok, mag-awit mag-ampo.

Kon moagi ‘ta sa pultahan

“Sh…, hilum.”