Leksyon 42

Ikapulo

Katuyoan

Aron sa paglig-on sa tinguha sa mga bata sa pagbayad og ikapulo.

Pagpangandam

1. Sa mainampuon nga paagi pagtuon sa Doktrina ug mga Pakigsaad 119:3–4 ug Malaquias 3:10.

2. Pangandam sa pagtabang sa mga bata sa pag-awit o pagsulti sa mga pulong sa “Buot Ko’ng Mohatag sa Dios sa Ako’ng Ikapulo [I Want to Give the Lord My Tenth]” (Children’s Songbook, p. 150).

3. Mga kagamitan nga gikinahanglan:

   1. Usa ka Biblia ug usa ka Doktrina ug mga Pakigsaad.

   2. Pagkuha og usa ka hulagway sa templo diha sa inyong dapit.

   3. Usa ka resibo ug sobre sa ikapulo ug uban nga mga halad alang kaninyo ug sa matag bata.

   4. Usa ka lapis alang sa matag bata.

   5. Napulo ka mga sensilyo nga managsama ang kantidad.

   6. Usa ka botelya.

   7. Napulo ka mga mansanas (o uban nga mga prutas) o mga butang.

   8. Hulagway 3-26, Bata nga Nagbayad sa Ikapulo; hulagway 3-62, Templo sa Portland Oregon (62617); hulagway 3-68, Mga Tawo Nagbuhat sa Kasaysayan sa Banay; ug hulagway 3-69, Mga Misyonaryo Nangita og Katudloan (62611).

4. Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Ang Balaod sa Ikapulo

Pang-atensyon nga kalihokan

Ipakita ang napulo ka mga mansanas (o uban nga mga butang) diin ang tanan makakita.

Pang-atensyon nga kalihokan

• Kon ako mohatag kaninyo niining napulo ka mga mansanas ug unya mangayo kaninyo og balik sa usa lamang kanila, kamo andam ba sa paghatag niini ngari kanako? Ipataas ang inyong kamot kon kamo mobuot.

• Kinsa ang naghimo niini nga ang mga mansanas motubo?

• Kinsa ang naghimo sa kalibutan?

Pagtudlo sa magtutudlo

Hatagi og gibug-aton nga kining kalibutan ug ang tanang butang niini nga maayo gihatag ngari kanato sa Langitnong Amahan ug ni Jesukristo. Sila naghigugma ug nag-amuma sa matag usa kanato. Kita makapakita sa atong pagpasalamat alang sa ilang gugma ug kaayo pinaagi sa pagsunod sa ilang mga sugo ug pagbuhat sa atong bahin aron sa pagtabang sa paglig-on sa Simbahan.

Ipasabut nga kini nga leksyon mahitungod sa usa ka mahinungdanon nga sugo. Kon kita mosunod niini nga sugo, kita nagtabang sa Simbahan nga motubo.

Hangyoa ang mga bata sa pagpaminaw samtang ikaw mobasa sa Doktrina ug mga Pakigsaad 119:3–4.

Pagtudlo sa magtutudlo

• Unsa nga sugo ang atong pagahisgutan? (Ikapulo.)

• Unsa ang ikapulo?

Leksyon nga may butang nga gamiton

Balika pagtuon ang konsepto nga ang ikapulo nagpasabut og ikanapulo nga bahin. Pagpakita sa mga bata og napulo ka mga sinsilyo.

Leksyon nga may butang nga gamiton

• Kon ang usa ka tawo nakapangita og ingon niini ka daghan nga salapi, kinahanglan pila ka ikapulo ang ibayad niining tawhana?

Paduola ug pakuhaa og usa ka sinsilyo ang bata alang sa ikapulo.

Ipasabut nga ang Langitnong Amahan ug si Jesukristo naghangyo sa mga sakop sa Simbahan sa paghatag sa ikanapulong bahin sa salapi nga ilang napangitaan ngadto sa Simbahan alang sa ikapulo. Tungod kay ang tanang butang nga kita aduna nagagikan sa usa ka paagi o sa lain gikan sa Langitnong Amahan, ang pagbayad sa ikapulo sa tinuod mao lamang ang paghatag og ikanapulong bahin balik ngadto kaniya. Ang ikapulo iya sa Langitnong Amahan, ug kita kinahanglan dili mohikaw niini ngadto kaniya.

Unsaon Pagbayad sa Ikapulo

Kalihokan

Pagpakita og sobre sa ikapulo ug uban nga mga halad. Ipasabut asa ang mga sobre ug mga resibo sa ikapulo ug uban nga mga halad makita diha sa inyong balay-tiguman sa purok. Kini nga mga sobre sa kasagaran makita duol sa opisina sa obispo. Sila gigamit sa pagbayad og ikapulo.

Panghatag og sobre ug resibo sa ikapulo og uban nga mga halad ug lapis ngadto sa matag bata. Ipakita sa mga bata asa isulat ang ilang mga ngalan ug isulat ang kantidad sa ikapulo nga ibayad.

Ipasabut nga kon sila mobayad sa ilang ikapulo, kinahanglan nga ilang sulatan ang resibo, ibutang ang salapi diha sa sobre, itak-op kini, isulat ang ilang ngalan diha sa atubangan, ug ihatag kini ngadto sa obispo o sa usa sa iyang mga tigtambag.

Ipasulat sa mga bata ang ilang mga ngalan diha sa atubangan sa mga sobre.

Hatagi og gibug-aton unsa kamahinungdanon kini ang pagbayad sa ikapulo sa bisan unsa nga salapi nga atong pinangitaan o nadawat ngadto sa obispo alang sa ikapulo.

Kalihokan

• Kadaghanan kaninyo nakabayad na og ikapulo. Buot ba kamo mosaysay sa inyong kasinatian?

Ikapulo Gigamit sa Pagtabang sa Simbahan ni Jesukristo nga Motubo

Mga Hulagway ug panaghisgutan

Ipakita ang hulagway 3-26, Bata Nagbayad sa Ikapulo. Ipasabut unsa ang mahitabo sa ikapulo human ang obispo modawat niini. Kini iphon, ug ang ikapulo ipadala ngadto sa mga punoang buhatan sa Simbahan. Ang mga pangulo sa Simbahan dayon mogamit niini sa lain-lain nga mga paagi aron sa pagtabang sa Simbahan nga motubo, sama sa pagtukod og mga templo ug mga balay-tigumanan, paghatag og mga kagamitan alang sa atong pagtuon, ug alang sa mga seminary aron sa pagtabang kanato sa pagkat-on sa ebanghelyo.

Sultihi ang mga bata nga kamo mopakita kanila unsa ang gibuhat sa mga pangulo sa atong Simbahan sa ikapulo nga salapi, ang ikanapulo sa Ginoo. Kuhaa ang usa sa mga mansanas ug putla kini ngadto sa igo nga mga piraso alang sa matag bata nga makaangkon og usa ka piraso, ug ipakaon kanila. Ipasabut nga, sa susama nga paagi, ang ikapulo nga atong gibayad makatabang sa daghan nga mga tawo.

Ang atong ikapulo giipon uban sa ikapulo sa uban nga mga sakop aron sa pagtabang sa Simbahan sa tibuok kalibutan. Kini mobalik ngari kanato sa daghan nga mga paagi.

Ipagula ang mosunod nga mga punto, ug ipakita ang nabagay nga mga hulagway:

Mga Hulagway ug panaghisgutan

1. Ang ikapulo nga salapi ibayad sa mga galastohan alang sa gambalay ug sa pag-atiman sa mga balay-tigumanan, mga templo, ug uban nga mga gambalay sa Simbahan.

2. Ang uban nga ikapulo nga salapi ibayad sa mga buluhaton sa kasaysayan sa banay ug sa templo.

3. Ang uban nga ikapulo gigamit sa pagtabang sa misyonaryo nga buhat.

Ipasabut nga ang ikapulo nagtabang usab sa pagbayad alang sa ubang daghan nga mga butang, sama sa mga palakaw sa seminary ug sa institute. Kini usa ka kahigayonan ug panalangin ang pagbayad sa ikapulo. Kita kinahanglan mobati og kaayo ingon nga nakahibalo nga ang salapi nga atong gihatag alang sa ikapulo nagtabang sa Simbahan.

Sugilanon

Papaminawa ang mga bata sa mosunod nga sugilanon aron makita sa unsa nga paagi ang ikapulo sa usa ka tawo gigamit sa pagtabang sa Simbahan:

Si Brother Wilson usa ka unang lumulupyo niana nga dapit. Siya adunay parisan sa maayong mga baka. Kini nga mga hayop mitabang ni Brother Wilson sa pagdaro sa iyang uma.

Sa makausa sa diha nga panahon na sa pagbayad sa ikapulo, si Brother Wilson nakahibalo nga walay igo nga salapi. Siya dili buot nga mobayad og kabahin lamang sa iyang ikapulo. Siya buot mobayad sa tibuok nga kantidad.

Sa katapusan siya mihukom nga iyang ihatag ang iyang pinangga nga baka alang sa ikapulo, bisan tuod og kini nagpasabut nga siya adunay usa na lamang ka baka.

Si Brother Wilson mihatag sa baka ngadto sa obispo. Ang obispo mihatag ni Brother Wilson og usa ka resibo alang sa iyang ikapulo. Si Brother Wilson mibati og kaguol sa paghatag sa iyang baka. Apan tungod kay siya mihigugma sa Langitnong Amahan ug ni Jesukristo, siya nalipay nga iyang nahatag ang baka ngadto sa Simbahan ingon nga ikapulo.

Si Brother Wilson sa kanunay naghunahuna mahitungod sa baka nga iyang nahatag ingon nga ikapulo. Siya nahibulong unsaon paggamit sa iyang baka aron sa pagtabang sa Simbahan. Unya usa ka adlaw niana siya didto sa Dakbayan sa Salt Lake diin ang templo gitukod. Siya nakamatikod og duha ka maayo nga mga baka nga nagbitad og bug-at nga mga pinintol nga bato. Siya hilabihan kaayo sa kaikag sa pagtan-aw sa nagtrabaho nga mga baka nga siya mipaduol pa aron makakita og maayo. Sa iyang kahibulong ug kalipay iyang nailhan nga ang usa kanila mao ang dugay na nga pinangga nga baka. Unsa kalipay ang gibati ni Brother Wilson sa pagkahibalo nga ang baka nga iyang gihatag ingon nga ikapulo nagtabang sa pagtukod sa templo!

Sukad niadto, ang pagbayad og ikapulo mihimo ni Brother Wilson og labaw ka malipayon. Siya mihunahuna sa daghan nga mga paagi ang iyang ikapulo gigamit aron sa pagtabang sa Simbahan.

Ipasabut nga bisan tuod kita sa kasagaran dili makakita giunsa paggamit ang ikapulo,ingon ni Brother Wilson, kita nasayud nga ang atong ikapulo gigamit sa pagtabang sa Simbahan.

Kita Kinahanglan Mobayad sa atong Ikapulo sa Kinabubut-on

Awit

Itudlo sa mga bata ang mga pulong sa “Buot Ko’ng Mohatag sa Dios sa Ako’ng Ikapulo.”

Buot ko’ng mohatag sa Dios

Sa ikapulo ko

Mahinumduman ko’ng tanan

Nga panalangin n’ya.

Kinabuhi, kalibutan

Kita gihatagan,

Ikapulo ko Ginoo

Gipasalamatan.

Awit

• Kinsa ang nahimuot kon kita mobayad sa ikapulo? (Langitnong Amahan ug Jesukristo.)

• Unsa ang atong gipakita sa Langitnong Amahan kon kita mobayad sa atong ikapulo? (Nga kita nahigugma kaniya ug mapasalamaton alang sa mga butang nga iyang gihatag kanato.)

Ipasulti og balik sa mga bata ang unang garay sa awit. Itudlo nga kon kita mobayad sa atong ikapulo, kita nagpakita sa Langitnong Amahan nga kita nahigugma kaniya. Hatagi og gibug-aton unsa ka malipayon ang Langitnong Amahan ug ni Jesukristo kon kita mobayad sa atong ikapulo, ilabi na kon kita mobayad niini sa kinabubut-on.

Kita Mapanalanginan Kon Kita Mobayad sa Atong Ikapulo

Pagbasa sa balaan nga kasulatan

Sultihi ang mga bata nga ang Langitnong Amahan ug si Jesukristo nagsaad sa pagpanalangin kanato kon kita mobayad sa atong ikapulo.

Basaha ang Malaquias 3:10.

Pagbasa sa balaan nga kasulatan

• Unsa sa inyong hunahuna ang gipasabut sa diha nga ang Langitnong Amahan nagsaad sa pag-abli sa mga bintana sa langit ug mopanalangin kanato?

Ipasabut nga ang mga panalangin moabut ngadto niadto kinsa mobayad sa ilang ikapulo. Si Presidente Heber J. Grant, usa sa atong mga propeta sa ulahing adlaw, miingon nga kita mapanalanginan uban sa usa ka labaw nga kahibalo sa Langitnong Amahan ug ni Jesukristo, usa ka labaw ka lig-on nga pagpamatuod, ug usa ka nagdugang nga kahanas sa pagsunod sa mga sugo (tan-awa ang Conference Report, Apr. 1925, p. 10). Ang uban nga mga propeta nagsulti usab kanato nga kon kita mobayad sa atong ikapulo, kita mouswag. Uswag nagpasabut nga kita mapanalanginan og materyal nga mga panginahanglan sama sa pagkaon ug kapasilongan.

Pagbasa sa balaan nga kasulatan

• Kamo buot ba niini nga mga panalangin?

Itudlo nga ang Langitnong Amahan nagpanalangin sa tanan nga mga tawo kinsa nagbayad sa ilang ikapulo. Sultihi ang mga bata nga ang ilang Langitnong Amahan naghigugma kanila, ug bisan tuod siya dili mopanalangin kanilang tanan sa sama nga paagi, sa panahon nga sila mobayad sa ilang ikapulo siya mopanalangin kanila sa mga paagi nga labing maayo kanila.

Hatagi og gibug-aton nga kita kinahanglan magmatinud-anon, magbayad og usa ka matinuoron ug hingpit nga ikapulo, ug mosalig sa Langitnong Amahan.

Katingbanan

Dula

Tabangi ang mga bata sa pagpahimutang sa ilang mga siya sa usa ka lingin, o palingkura sila sa sawog nga magporma og lingin. Pagdula og patuyok sa botelya. Pagbutang og botelya diha sa tunga sa lingin. Patuyoka ang botelya. Ang bata diin motudlo ang botelya ninig hunong niini hatagan og higayon sa pag-uyon o pagsupak. Dayon kana nga bata mopatuyok sa botelya.

Kon ang panahon motugot, kamo mahimo nga modula pag-usab sa dula.

Basaha ang mosunod nga mga pahayag. Kon ang tawo mosupak, ipahatag sa mga bata ang hustong kasayuran.

Dula

1. Usa ka sugo ang pagbayad og ikapulo. (Uyon.)

2. Ikapulo nagpasabut og ikalima nga bahin. (Supak. Ikapulo nagpasabut og ikanapulo nga bahin.)

3. Kita nagbayad sa atong ikapulo ngadto sa Simbahan. (Uyon.)

4. Ang ikapulo gigamit sa pagtabang og tukod sa mga gambalay sa Simbahan. (Uyon.)

5. Ang ikapulo gigamit sa pagtabang sa misyonaryo nga buhat, pag-imprinta sa mga basahon, ug pagtabang sa buhat sa kasaysayan sa banay ug templo. (Uyon.)

6. Kini dili igsapayan kon kita mobayad o dili sa ikapulo. (Supak.)

7. Ang Langitnong Amahan ug si Jesus nagpanalangin kanato kon kita mobayad sa atong ikapulo. (Uyon.)

Pagpamatuod sa magtutudlo

Tapusa ang leksyon pinaagi sa imong pagpamatuod sa mga panalangin sa pagbayad sa ikapulo. Awhaga ang mga bata sa pagpili kanunay sa matarung ug sa pagbayad sa ilang ikapulo sa malipayon nga paagi.

Ighahatag nga mga basahonon

I-uli ang mga sobre sa ikapulo ug uban nga mga halad ngadto sa mga bata human sa klase sa Primarya.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon og usa ka balik-pagtuon o katingbanan. Alang sa dugang paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Tabangi ang mga bata sa pag-andam og usa ka linain nga dapit diin sila makatipig sa ilang ikapulo nga salapi bulag sa ilang uban nga salapi. Kini mahimo nga usa ka kahon, usa ka gamay nga botelya o lata, o usa ka sobre. Sultihi sila nga matag panahon sila makapangita og salapi, sila kinahanglan una mokuha sa kantidad nga gikinahanglan nga ibayad sa ikapulo ug ibutang kini diha sa ilang linain nga sudlanan.

2. Dapita ang klerk sa panalapi sa purok nganha sa inyong klase aron sa pagpasabut unsa ang mahitabo sa ikapulo human kini madawat sa obispo o sa presidente sa sanga.

3. Ipakita ang video nga salida sa “Windows of Heaven,” nga makaplagan sa Beginning Course Videocassette 2 (53178).

4. Pag-andam og usa ka papel alang sa matag bata. Butangi og ngalan ang usa ka bahin sa papel og “Sa Langitnong Amahan” ug ang pikas nga bahin “Akoa.” Padibuhoa og siyam ka mga butang (mga sinsilyo, mga mansanas, ubp.) sa ilang bahin sa papel ug usa ka butang diha sa bahin sa papel nga gibutangan og ngalan nga “Sa Langitnong Amahan.”