Mga Manwal sa Primary ug Panahon sa Pagpakigbahin

Leksyon 45: Ako Makahimo nga Mahimong usa ka Maayo nga Panig-ingnan sa Akong Banay

Leksyon 45

Ako Makahimo nga Mahimong usa ka Maayo nga Panig-ingnan sa Akong Banay

Katuyoan

Aron sa pagtabang sa mga bata sa pagsabut nga sila makahimo nga mahimong maayo nga mga panig-ingnan sa ilang mga banay.

Pagpangandam

Sa mainampuon nga paagi pagtuon sa 1 Nephi 2:1–4; 3:4–5, 7: ug 3 Nephi 12:16.
Pag-andam og usa ka dakong karatula sa sidlak sa adlaw ingon sa mosunod:

Ako makahimo nga mahimo nga maayo nga panig-ingnan sa akong banay pinaagi sa—
Paghimo sa mosunod nga mga gilis sa pulong aron sa pagliyok sa karatula:

pagkamatinabangon

pagkamapasayloon

pagkamasulundon

pagkadili hakog

pagkamabination ug pagkamahigugmaon

pagkamaghuhusay

pakamatinuoron

pagkamasinabtanon

Alang sa labaw ka gagmay nga mga bata kinsa dili makabasa, ikaw tingali buot nga mangita o mohimo og mga hulagway nga magpakita niini nga mga hiyas o ipakita sa mga bata ang pagkamatinabangon, pagkamasulundon, pagkamabination, ug uban pa.
Paghimo o pagsubay og mga kopya sa balay sa katapusan sa leksyon alang sa matag bata.
Pag-andam sa pagtabang sa mga bata sa pag-awit o pagsulti sa mga pulong sa “Kon Kita Motabang [when We’re Helping]” (Children’s Songbook, p. 198); ang mga pulong gilakip diha sa luyo niining tamdanan nga basahon.
Mga kagamitan nga gikinahanglan:
1. Usa ka Basahon ni Mormon.
2. Mga krayola alang sa matag bata.
3. Ang PAM nga taming (shield) ug singsing.
4. Masking tape.
5. Hulagway 3-9, Jesus ang Kristo (62572; Sudlanan sa Hulagway sa Ebanghelyo 240).
Paghimo sa gikinahanglan nga pagpangandam alang sa bisan unsa nga pagpalambo nga mga kalihokan nga inyong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Ang usa ka Maayo nga Panig-ingnan Naghatag sa Uban sa Pagkat-on mahitungod ug Pagsunod ni Jesukristo

Pang-atensyon nga kalihokan

Bisan diing dapit sa lawak, ipakita ang hulagway 3-9, Jesus ang Kristo.

Pantindoga ang mga bata, papiyonga sa ilang mga mata, ug pagunita sa ilang mga kamot. Guniti ang kamot sa unang bata diha sa linya. Giyahi ang linya sa mga bata libut sa lawak, naggiya kanila pinaagi sa inyong tingog kon gikinahanglan aron malikayan ang mahitabo nga kadautan ug kalibug. Human sa daghan nga mga pagliyok sa lawak, giyahi sila ngadto sa hulagway ni Jesukristo. Ipasabut nga pinaagi sa pagsunod kanimo, sila nakahimo sa pagpangita sa ilang dalan sa walay kadaot padulong ngadto sa hulagway sa Manluluwas. Hangyoa ang mga bata sa pagpabalik ngadto sa ilang mga lingkuranan.

Pang-atensyon nga kalihokan

Ngano nga ang usa ka pangulo makatabang diha sa usa ka ngitngit nga dapit?
Unsa ang usa ka maayo nga panig-ingnan?

Ipasabut nga ang usa ka maayo nga panig-ingnan mahimo nga sama sa usa ka pangulo nga naggiya kanato ngadto sa walay kadaot. Sama lamang nga ang pagsunod sa tingog sa ilang pangulo nagdala sa mga bata nga walay kadaot ngadto sa hulagway ni Jesukristo, mao usab ang pagsunod sa mga pulong sa propeta nagtugot kanila sa pagbalik ngadto sa Langitnong Amahan ug ni Jesus pipila ka adlaw.

Pang-atensyon nga kalihokan

Unsa nga maayo nga mga panig-ingnan ang nakatabang kaninyo nga labaw nga maduol ngadto sa Langitnong Amahan ug ni Jesus?

Balaan nga kasulatan nga panaghisgutan

Ipasabut nga si Jesukristo mitudlo nga kita kinahanglan nga mahimo nga maayong panig-ingnan alang sa uban. Basaha ug paghisgot sa 3 Nephi 12:16. Itudlo nga kon kita mopasunod og maayo nga mga panig-ingnan alang sa uban, kita sama sa mga kahayag diha sa kangitngit ngadto sa mga tawo aron sa pagpakita kanila sa pagpuyo sa matarung nga paagi.

Taming, singsing, ug sugilanon

Ipakita ang PAM nga taming (shield) ug singsing. Hangyoa ang mga bata sa pagpaminaw sa unsa nga paagi sa Jayant mibuhat sa unsay buot sa Langitnong Amahan ug ni Jesukristo sa mosunod nga sugilanon:

“Si Jayant nahigugma sa Simbahan bisan siya wala pa mahimo nga sakop. Siya buot nga maminaw ngadto sa iyang uyoan nga mosulti mahitungod sa ebanghelyo ug mosulti giunsa nga siya ang nahimo nga unang tawo gikan sa India nga nagpasakop diha sa Simbahan sa Fiji.

“Human maminaw sa mga misyonaryo, si Jayant mihangyo sa iyang mga ginikanan kon siya mahimo ba nga magpasakop sa Simbahan. Sila mihatag sa ilang pagtugot, ug si Jayant naningkamot og maayo nga mahimo nga misyonaryo ngadto sa iyang banay pinaagi sa pagpuyo sa mga baruganan sa ebanghelyo ug ingon nga usa ka maayo nga panig-ingnan.

“Sa wala madugay ang amahan ug igsoon ni Jayant gibunyagan apan ang iyang inahan nagpanuko. Ang iyang apohan nga lalaki usa ka bantugan nga Hindu nga pari sa India, ug siya naguol mahitungod sa unsay ikasulti sa iyang banay kon siya mahimo nga usa ka [Santos sa Ulahing Adlaw]. Tungod sa panig-ingnan sa iyang anak nga lalaki, bisan pa niana, siya usab sa katapusan mipasakop sa Simbahan.

“Karon ang tanan nga banay ni Jayant mga aktibo diha sa ilang sanga sa Suva, Fiji, ug sila nakahibalo sa gugma ug sa hingpit nga kalipay nga moabut gikan sa pag-alagad sa atong Amahan sa Langit” (“A Good Example,” Friend, Mar. 1974, p. 48).

Taming, singsing, ug sugilanon

Sa unsa nga paagi si Jayant mipasunod og usa ka maayo nga panig-ingnan alang sa iyang banay?
Unsay sangputanan sa maayo nga panig-ingnan ni Jayant diha sa iyang banay?

Tudlo ngadto sa PAM nga taming (shield) ug singsing. Ipasabut nga kon kita mobuhat unsay buot sa Langitnong Amahan ug ni Jesukristo nga ipabuhat kanato, kita nagbuhat unsa ang matarung ug nagsunod sa mga sugo. Kon kita mobuhat niini, kita nagtabang sa uban sa pagpuyo usab sa matarung nga paagi.

Kita Makahimo og Maayo nga mga Panig-ingnan sa Atong mga Banay

Mga Sugilanon ug panaghisgutan

Pagkamasulundon

Iasoy ang sugilanon sa banay ni Lehi nga mibiya sa Jerusalem (tan-awa sa 1 Nephi 2:1–4).

Sa unsa nga paagi ang anak nga lalaki ni Lehi misumbalik sa diha nga siya mihangyo kanila sa pagbalik ngadto sa Jerusalem alang sa mga palid (tan-awa sa 1 Nephi 3:4–5)?

Ipasabut nga human si Laman ug Lemuel mibagulbol ug miingon nga sila dili buot moadto, si Nephi misulti unsa ang iyang gibati. Basaha og kusog ang 1 Nephi 3:7.

Sa unsa nga paagi si Nephi mipasunod og usa ka maayo nga panig-ingnan alang sa iyang igsoon nga mga lalaki?
Sa unsa nga paagi kamo makapasunod og usa ka maayo nga panig-ingnan pinaagi sa pagkamasulundon?

Pagkamatinabangon

Si Bruce nakakita sa iyang inahan nga nagkapuliki sa pag-andam sa iyang gamay nga igsoong babaye alang sa simbahan. Siya nakahibalo nga ang iyang inahan kinahanglan mag-andam pa sa iyang kaugalingon ug moilis pa sa masuso. Si Bruce mihukom sa pagtabang sa iyang inahan. Siya miadto sa lawak sa masuso ug giilisan siya. Ang inahan ni Bruce mapasalamaton alang sa iyang tabang. Siya mipahiyom ug migakos ug mihalok ni Bruce.

Unsa ang gibuhat ni Bruce nga mipasunod og usa ka maayo nga panig-ingnan alang sa iyang banay?
Sa unsa nga paagi kamo makapasunod og usa ka maayo nga panig-ingnan pinaagi sa pagkamatinabangon?

Awit

Tabangi ang mga bata sa pag-awit o pagsulti sa mga pulong sa “Kon Kita Motabang.”

Pagkamabination ug Pagkamahigugmaon

Si Katy hilabihan ka naghinam-hinam sa diha nga ang iyang inahan midala sa panimalay sa iyang bag-o nga masuso nga igsoong lalaki, si Timothy. Siya dili sama sa uban nga mga masuso. Siya anaa sa kahimtang nga may sakit sa utok, nga mahimo kaniya sa pagkurog ug sa pag-ulpot sa dili kasagaran nga paagi. Apan kana wala makahasol ni Katy. Siya nahigugma ni Timothy uban sa iyang tibuok nga kasingsing. Sa diha nga ang iyang inahan nagkapuliki, si Kathy miduyan ni Timothy ug miawit ngadto kaniya. Si Timothy mipahiyom ngadto ni Katy sa bisan kanus-a nga siya mihimo og mga butang alang kaniya. Sa diha nga si Timothy midako, siya mipasakay-sakay kaniya sa usa ka stroller atubangan sa ilang panimalay. Si Katy sa kasagaran miilis og sinina ni Timothy alang sa pagkatulog ug mibasa og mga sugilanon ngadto kaniya hangtud siya makatulog.

Sa unsa nga paagi si Katy mipasunod og usa ka maayo nga panig-ingnan?
Sa unsa nga paagi kamo makahimo nga mahimong usa ka maayo nga panig-ingnan sa mahigugmaon nga pagkamabination diha sa inyong panimalay?

Usa ka Maghuhusay

Si Carrie nagdula sa duyan diha sa nataran sa diha nga ang iyang igsoon nga lalaki migula sa balay, midagan ngadto sa duyan, ug misugod sa pagsinggit, “Pahawa diha sa duyan, Carrie. Ako dili gayud makaduol sa duyan tungod kay ikaw kanunay anaa diha.”

Kay sa makiglalis, si Carried miingon, “O sigi. Magpuli-puli kita og tabyog sa usag usa. Ako ang motabyog nimo og una.”

Tungod kay si Carrie wala makiglalis, siya ug ang iyang igsoon nga lalaki nalingaw nga nagdungan og duyan.

Sa unsa nga paagi si Carrie usa ka maayo nga panig-ingnan alang sa iyang igsoon nga lalaki?
Sa unsa nga paagi kamo makahimo nga mahimong usa ka maayo nga panig-ingnan sa inyong panimalay pinaagi sa pagkamaghuhusay?

Pagkamapasayloon

Samtang ni Spencer didto sa tulunghaan, ang iyang gamay nga igsoong lalaki midula sa iyang dulaan nga mga sakyanan ug nawad-an og usa kanila. Sa diha nga si Spencer nakahibalo unsa ang nahitabo, siya wala masuko. Hinoon, siya mitabang sa iyang igsoong lalaki sa pagpangita sa nawala nga sakyanan. Ilang nakit-an kini ilawom sa katre.

Unsa ang gibuhat ni Spencer aron sa pagsunod og usa ka maayo nga panig-ingnan alang sa iyang banay?
Sa unsa nga paagi kamo makahimo nga mahimong usa ka maayo nga panig-ingnan alang sa inyong banay pinaagi sa pagkamapasayloon?

Pagkamasinabtanon

Si Roberta adunay hilanat ug dili makaadto sa salu-salo sa Pasko diha sa tulunghaan. Ang iyang igsoon nga babaye, si Linda, nakahibalo unsa kaguol ang gibati ni Roberta tungod kay siya dili makaadto busa siya midala sa panimalay og usa ka bag sa karmelitos ug mga mani alang kaniya. Siya usab misulti ngadto ni Roberta unsa ang nahitabo diha sa salu-salo.

Sa unsa nga paagi si Linda usa ka maayo nga panig-ingnan ngadto sa iyang banay?
Sa unsa nga paagi kamo makahimo nga mahimong usa ka maayo nga panig-ingnan ngadto sa inyong banay pinaagi sa pagkamasinabtanon?

Pagkadili hakog

Si Tony nakapangita og pipila ka mga salapi pinaagi sa pagtrabaho diha sa tanaman sa iyang silingan. Siya naghunahuna sa iyang banay ug buot nga mobuhat og usa ka butang alang kanila, busa siya mikuha og bahin sa salapi ug mipalit og ikalipay sa iyang banay.

Sa unsa nga paagi si Tony usa ka maayo nga panig-ingnan alang sa iyang banay?
Sa unsa nga paagi kamo makahimo nga mahimong usa ka maayo nga panig-ingnan alang sa inyong banay pinaagi sa pagkadili hakog?

Pagkamatinuoron

Si Nelson ug si Jared diha sa trabahonan sa ilang amahan nagbuhat og dulaan nga barko gikan sa mga salin sa kahoy sa diha nga si Jared sa wala tuyoa nakapatid og usa ka lata sa pintal. Ang uban sa pintal nayabo diha sa sawog. Ang batang mga lalaki milimpyo sa kadaghanan niini, apan ang uban mipilit diha sa sawog. Sa pag-abut dayon sa ilang amahan sa panimalay, si Jared miduol kaniya ug mipasabut unsa ang nahitabo.

Ang amahan ni Jared wala makagusto sa pintal diha sa sawog, apan siya mapagarbuhon ni Jared tungod kay siya misulti sa kamatuoran. Siya mihatag ni Jared og pipila ka thinner sa pintal ug mitabang kaniya sa paglimpyo sa sawog.

Sa unsa nga paagi si Jared usa ka maayo nga panig-ingnan ngadto sa iyang banay?
Sa unsa nga paagi kamo makahimo nga mahimong usa ka maayo nga panig-ingnan alang sa inyong banay pinaagi sa pagkamatinuoron?
Unsa na ang hitsura sa karatula karon? (Usa ka nagsidlak nga adlaw.)

Ipasabut nga ang maayo nga mga panig-ingnan sama sa sidlak sa adlaw. Sila naghatag og kahayag ngadto sa uban ug nagpakita kanila sa matarung nga paagi.

Katingbanan

Pagpamatuod sa magtutudlo

Pagpamatuod sa kamahinungdanon sa pagkamaayo nga panig-ingnan ngadto sa imong banay. Ikaw tingali buot makigbahin og usa ka kinaugalingon nga kasinatian sa panahon nga ang maayong panig-ingnan sa usa ka tawo mitabang kaninyo.

Sining nga kalihokan

Pabutangi og kolor ang ilang “Ako Makahimo nga usa ka Maayong Panig-ingnan” nga mga balay ug ipadibuho ang ilang mga sakop sa banay diha sa mga balay. Hangyoa sila sa pagdibuho sa ilang mga kaugalingon nga nagbuhat og usa ka butang nga sila makahimo niini nga semana nga makapasunod og maayo nga panig-ingnan ngadto sa ilang mga banay.

Dapita ang mga bata sa pagpili og usa ka butang nga ilang mahimo alang sa ilang mga banay sa dili pa matulog karong gabii.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon og usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

Paghimo og yano nga medyas o bulsita nga mga tawo-tawo alang sa mga bata. Ikaw mahimo nga mogamit sa lamesa sa lawak-klasehanan alang sa usa ka entablado. Ang paggamit sa mga tawo-tawo, makatabang sa mga bata sa pagdula sa maayo nga mga paagi nga mahimong mga panig-ingnan ngadto sa ilang mga banay diha sa walo ka mga hilisgutan nga gilangkob sa leksyon.
Awita o isulti ang mga pulong sa “Buhat Sama sa Akong Gibuhat [Do As I’m Doing]” (Children’s Songbook, p. 276) samtang naghimo og mga lihok nga mosugyot og maayo nga mga buhat, sama sa pagsilhig sa sawog, paglakaw ngadto sa simbahan, o pakiglamano sa kaobispohan.

Buhat sama sa

Akong gibuhat!

Sunod kanako;

Sunod kanako!

Kon akong ipataas,

O akong ipaubos,

Hinay o kusog

Sunod kanako!

Buhat sama sa

Akong gibuhat.

(© 1963 ni D. C. Health ang Company Gigamit pinaagi sa pagtugot.)

Sultihi ang mga bata nga sa panahon nga ang uban makakita sa atong maayong mga panig-ingnan, sila sa kasagaran buot mobuhat unsa ang atong gibuhat.
Hangyoa ang mga bata sa pagpiyong sa ilang mga mata samtang ikaw mobutang og usa ka butang sa ilang mga sabakan. Pagbutang og usa ka hulagway diha sa sabakan sa matag bata; unya hangyoa sila sa pag-ukab sa ilang mga mata ug pagpuli-puli sa pagpakita sa ilang mga hulagway ug pagsulti sa unsa nga paagi ang mga katawhan diha sa hulagway nagpasunod og maayo nga mga panig-ingnan. Ikaw mahimo nga buot nga mogamit sa mga hulagway 3-13, 3-23, 3-24, 3-25, 3-26, 3-27, ug 3-59 gikan sa sudlanan sa hulagway sa klase.