Leksyon 46

Jesukristo Mihimo Niini nga Mahimo alang Kanato nga Mabuhi sa Kahangturan (Pasko sa Pagkabanhaw)

Katuyoan

Aron sa pagtabang sa mga bata nga makasabut nga tungod sa gugma ni Jesukristo alang kanato, siya mihimo niini nga mahimo alang kanato nga mabuhi sa kahangturan.

Pagpangandam

1. Sa mainampuon nga paagi pagtuon sa Marcos 10:13–16, ang mga asoy sa kamatayon ug pagkabanhaw ni Jesukristo nga makita diha sa Lucas 23 ug 24, ug ang asoy sa pagduaw ni Jesukristo ngadto sa mga Nephite diha sa 3 Nephi 11.

2. Pag-andam og gilis sa mga pulong nga may Imortal nga nakasulat diha niini.

3. Isulat ang mga ngalan sa matag bata sa lain nga piraso nga papel.

4. Pangandam sa pagtudlo sa mga bata sa pag-awit o pagsulti sa mga pulong sa “Si Jesus Nabanhaw [Jesus Has Risen]” (Children’s Songbook, p. 70).

5. Mga kagamitan nga gikinahanglan:

   1. Usa ka Biblia ug usa ka Basahon ni Mormon.

   2. Usa ka bola nga humok o bulsita.

   3. Papilit.

   4. Usa ka gwantis.

   5. Hulagway 3-71, Ang Paglansang sa Krus (62505, Sudlanan sa Hulagway sa Ebanghelyo 230); hulagway 3-15, Ang Nabanhaw nga Jesukristo (62187; Sudlanan sa Hulagway sa Ebanghelyo 239); Hulagway 3-72, Jesukristo Nagpakita ngadto sa mga Nephite (62047; Sudlanan sa Hulagway sa Ebanghelyo 315); hulagway 3-56, Kristo ug ang mga Bata (62467; Sudlanan sa Hulagway sa Ebanghelyo 216); hulagway 3-17, Jesus Nagtudlo sa Kasadpang Katunga nga Bahin sa Kalibutan (62380; Sudlanan sa Hulagway sa Ebanghelyo 316); hulagway 3-73, Samuel nga Lamanite diha sa Paril (62370; Sudlanan sa Hulagway sa Ebanghelyo, 314); hulagway 3-74, Paglubong ni Jesus (62180; Sudlanan sa Ebanghelyo 231); ug hulagway 3-75, Mga Babaye diha sa Lubnganan.

6. Paghimo sa gikinahanglan nga mga pagpangandam alang sa bisan unsa nga mga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Tungod kay si Jesukristo Naghigugma Kanato Siya Nagtabang Kanato

Pang-atensyon nga kalihokan

Sultihi ang mga bata nga si Jesukristo naghigugma kanato. Sultihi sila unsa ka himuot ug kalipay kaha siya nga nakahibalo nga sila anaa sa Primarya niining buntag sa Pasko sa Pagkabanhaw.

Ipakita ang hulagway 3-15, Ang Nabanhaw nga Jesukristo, diha sa bongbong, pisara o uban nga dapit.

Ipasabut nga ikaw misulat sa ilang matag mga ngalan diha sa usa ka piraso nga papel, ug ikaw buot kanila nga moduol sa tinagsa-tagsa ug mopapilit sa ilang mga ngalan duol kaayo ngadto sa hulagway ni Jesus. Samtang ang matag bata mopuli, sulti ngadto kaniya: “Jesukristo naghigugma ni (ngalan sa bata).”

Sugilanon sa balaan nga kasulatan

Isaysay ang mosunod nga sugilanon gikan sa Marcos 10:13–16 sa imong kaugalingon nga mga pulong:

Sa diha nga si Jesukristo nagpuyo dinhi sa yuta, pipila sa mga inahan midala sa ilang mga anak ngadto kaniya. Sila milaum nga siya mohatag sa matag usa og usa ka panalangin. Ang mga higala ni Jesus buot kaniya nga mopahulay, ug sila mihangyo sa mga inahan sa pagpalayo sa ilang mga anak ug sa dili pagsamok kaniya.

Sa diha nga si Jesus nakadungog unsa ang gisulti sa iyang mga higala, siya miingon, “Tugoti ang gagmay nga mga bata sa pagduol ngari kanako ug ayaw pagdili kanila. Sa laing mga pulong, siya miingon, “Paduola ang gagmay nga mga bata ngari kanako; ayaw sila papahawa. Ako nahigugma sa mga bata.” Unya siya mikugos sa mga bata ug mipanalangin kanila.

Panaghisgutan

Ipataas ang hulagway 3-56, Kristo ug ang mga Bata. Ipaduol kini ngadto sa mga bata nga sila igo nga makakita niini og maayo ug mobati sa espiritu sa hulagway. Ipangutana ang mosunod nga mga matang sa pangutana aron sa pagtabang sa mga bata nga mobati sa dako nga gugma nga si Jesukristo aduna alang kanila.

Panaghisgutan

• Sa inyong hunahuna unsay gibati sa mga bata?

• Kon kamo didto pa, unsa unta ang inyong buot nga isulti ni Jesukristo nganha kaninyo?

• Kon kamo kauban ni Jesus sama niini nga mga bata, unsa kaha ang inyong isulti ngadto kaniya?

• Unsa ang gibati ninyo sa pagkahibalo nga si Jesus naghigugma kaninyo ingon lamang nga siya naghigugma niini nga mga bata?

Jesukristo Namatay alang Kanato

Sugilanon ug mga hulagway sa balaan nga kasulatan

Ipataas ang balaan nga mga kasulatan, ug ipasabut nga pinaagi sa pagbasa sa Biblia ug Basahon ni Mormon kita makakat-on unsa ang gihimo ni Jesukristo aron sa pagtabang kanato. Isaysay ang mosunod nga sugilanon sa imong kaugalingon nga mga pulong:

Si Jesukristo mipuyo sa dugay na nga panahon ang milabay. Ang Langitnong Amahan mipadala kaniya nganhi sa yuta aron sa pagtabang sa mga amahan ug mga inahan ug batang mga lalaki ug batang mga babaye sa pagbuhat sa matarung nga mga butang. Sa kadaghanan nga higayon siya mipuyo sa usa ka yuta nga karon gitawag og Israel.

Si Jesus mihigugma sa tanang mga katawhan. Ang ubang mga katawhan mga dautan ug wala makagusto kaniya. Sila milansang kaniya diha sa krus.

Ipakita ang hulagway 3-71, Ang Paglansang diha sa Krus.

Si Jesukristo nag-antus ug namatay. Ang mga katawhan kinsa mihigugma kaniya hilabihan sa kaugol. Ilang gitangtang ang iyang lawas gikan sa krus ug giputos kini sa usa ka matahum nga puting panapton. Ilang gidala ang iyang lawas sulod sa usa ka lubnganan. Ang usa ka lubnganan sama sa usa ka langob diin ang mga tawo gilubong. Sa dakong kaaghup ilang gilubong siya.

Ipakita ang hulagway 3-74, Paglubong ni Jesus.

Ang mga higala ni Jesukristo dayon misira sa agianan sa lubnganan pinaagi sa pagpaligid og usa ka dako nga bato diha sa atubangan sa pultahan.

Ang mga higala ni Jesukristo wala makasabut nga siya mabuhi pag-usab. Pipila ka mga sundalo miabut ug mibantay sa lubnganan diin ang iyang lawas gilubong. Sa ikatulo nga adlaw human siya mamatay, sa wala pa mosidlak ang adlaw, mga anghel miabut ug miligid sa bato palayo sa pultahan. Ang iyang lawas wala didto. Ang mga sundalo hilabihan sa kahadlok nga sa makadiyut sila dili makalihok. Sa diha nga sila makalihok na, sila midagan sa layo.

Ipakita ang hulagway 3-75, Mga Babaye diha sa Lubnganan.

Nianang sama nga buntag pipila ka mga babaye miabut sa lubnganan. Sila nahigugma ni Jesukristo ug mianha aron sa pagbutang og mga pahumot diha sa iyang lawas ingon sa naandan sa mga tawo kaniadto. Ilang nakita ang bato nga giligid layo sa pultahan. Sila misulod ngadto sa lubnganan ug nakakita og usa ka anghel nga nagsul-ob og puti, ug sila nahadlok. Ang anghel miingon, “Ayaw og kahadlok. Siya wala dinhi, kay siya nabanhaw.”

Tudlo ngadto sa hulagway sa nabanhaw nga Kristo.

Sugilanon ug mga hulagway sa balaan nga kasulatan

• Unsa sa inyong hunahuna ang gibati sa mga higala ni Jesukristo sa diha nga ilang nakita nga siya nabanhaw?

Pang-pisara nga panaghisgutan

Ipasabut nga sa diha nga si Jesukristo nabanhaw, iyang nadawat ang iyang lawas pag-usab aron mahiusa uban sa iyang espiritu, apan ang iyang lawas nausab.

Ibutang ang gilis sa pulong nga Imortal.

Pang-pisara nga panaghisgutan

• Unsa ang gipasabut sa Imortal?

Ipasabut nga sa diha nga ang lawas sa Manluluwas nahimo nga imortal, kini nausab aron kini dili na gayud mamatay pag-usab apan mabuhi sa kahangturan.

Sultihi ang mga bata nga sa diha nga si Jesus nabanhaw, siya nahimo nga imortal, ug siya mihimo niini nga mahimo alang sa tanan kanato nga mabanhaw ug mahimo nga imortal. Kini nagpasabut nga human kita mabanhaw, kita dili na gayud mamatay pag-usab. Kita makapuyo uban sa atong mga banay sa kahanguturan.

Pagpasundayag ug panaghisgutan

Ipakita ang imong walay gwantis nga kamot ngadto sa mga bata ug sultihi sila nga sa panahon nga kita mipuyo uban sa Langitnong Amahan kaniadto sa wala pa kita matawo kita gitawag og mga espiritu. Kita makalihok (lihoka ang mga tudlo sa imong walay gwantis nga kamot) ug makahunahuna ug makakat-on.

Sa diha nga ang mga espiritu mianhi sa pagpuyo sa yuta, kita gibutangan og yutan-on nga mga lawas. (Isul-ob ang gwantis,) Kita sa gihapon makalihok (lihoka ang imong mga tudlo sulod sa gwantis) ug makahunahuna ug makakat-on, apan ang Langitnong Amahan mihatag kanato og maanindot nga mga lawas nga maangkon ug maamuma.

Kon kita mamatay, ang lawas kinahanglan nga mobulag gikan sa espiritu (kuhaa ang gwantis). Ang lawas dili makalihok pinaagi sa iyang kaugalingon (itudlo ang gwantis) apan ang espiritu sa gihapon buhi.

Sa panahon nga kita mabanhaw, ang lawas mahimo nga hingpit ug sa makausa pagahiusahon uban sa espiritu (ibalik og sul-ob ang gwantis diha sa kamot). Human kita mabanhaw, kita dili na gayud mamatay pag-usab. Kana nagpasabut nga ang espiritu ug ang lawas dili na gayud magkabulag.

Hatagi og gibug-aton nga tungod kay si Jesukristo naghigugma matag usa kanato pag-ayo, siya namatay alang kanato. Si Jesus mao ang unang tawo nga nabanhaw. Tungod sa unsay iyang gibuhat alang kanato, kita pagabanhawon ug mahimo nga mabuhi pag-usab uban sa Langitnong Amahan. Kon kita maghunahuna mahitungod sa Pasko sa Pagkabanhaw, kita kinahanglan nga mohunahuna mahitungod sa unang Pasko sa Pagkabanhaw ug mohinumdom sa gugma nga si Jesukristo aduna alang kanato. Siya mihatag sa iyang kinabuhi alang kanato. Siya nabanhaw. Karon siya nagpuyo didto sa langit uban sa iyang Langitnong Amahan.

Itudlo nga ang pagkabanhaw ni Jesukristo hilabihan ka bilihon nga matag tuig kita magsaulog sa Pasko sa Pagkabanhaw aron sa pagpakita kaniya unsa ka mapasalamaton kita alang sa unsay iyang gibuhat alang kanato.

Kalihokan

Iitsa ang usa ka gamay nga humok nga bola o bulsita ngadto sa mga bata, magpuli-puli aron ang matag bata makasulti og usa ka butang nga iyang nahinumdoman mahitungod sa sugilanon sa Pasko sa Pagkabanhaw.

Jesukristo Miduaw sa mga Nephite human sa Iyang Pagkabanhaw

Sugilanon ug mga hulagway sa balaan nga mga kasulatan

Sultihi ang mga bata nga kita nakahibalo nga si Jesukristo nabanhaw tungod kay ang balaan nga mga kasulatan nagsulti kanato nga kadaghanan sa iyang mga tinun-an ug mga sumusunod nakakita kaniya human siya mabanhaw.

Ipasabut nga ang matarung nga mga Nephite ug mga Lamanite kinsa mipuyo sa America nakakita ni Jesukristo ug nga ang Basahon ni Mormon nagsaysay kanato mahitungod sa iyang pagduaw. Human sa iyang pagkabanhaw sa Jerusalem, si Jesus miduaw niini nga mga katawhan. Sila nakabaton sa kahigayunan sa pagkakita, pagpaminaw, ug paghikap kaniya.

Ipasabut nga ang mga propeta misulti sa mga Nephite sulod sa daghan nga mga tuig nga si Jesukristo moduaw kanila pipila ka adlaw.

Ipakita ang hulagway 3-73, Si Samuel nga Lamanite diha sa Paril.

Ipasabut nga usa ka propeta ginganlan og Samuel nga Lamanite, kinsa mipuyo sa pipila ka tuig sa wala pa si Jesukristo matawo, misulti sa mga katawhan sa unsa nga paagi sila makahibalo kanus-a si Jesus ilansang ug mabanhaw sa Jerusalem. Siya mipasabut nga sa panahon nga si Jesus mamatay, usa ka dako nga kangitngit motabon sa yuta; kini molungtad sulod sa tulo ka mga adlaw hangtud siya mabanhaw.

Sultihi ang mga bata nga ang tanan nga panagna ni Samuel nga Lamanite nahitabo nga tinuod. Sa diha nga si Jesukristo namatay sa Jerusalem, usa ka dako nga kangitngit mitabon sa yuta sa America. Ang dautan nga mga tawo gilaglag, ug daghan sa mga matarung nga tawo nagpundok aron sa paghisgot unsa ang nahitabo ug unsa ang kinahanglan nga ilang buhaton. Samtang sila nagsinultihay, sa kalit nakadungog og usa ka tingog nga ingon og nagagikan sa langit. Kini usa ka maaghup, mahigugmaon nga tingog. Hangyoa ang mga bata sa pagpaminaw ngadto sa unsay gisulti sa tingog. Tabangi ang usa ka bata sa pagbasa sa 3 Nephi 11:7, o basaha kini sa inyong kaugalingon.

Sugilanon ug mga hulagway sa balaan nga mga kasulatan

• Kinsa ang nagsulti? (Langitnong Amahan.)

Ipasabut nga ang mga tawo mihangad ug nakakita og usa ka tawo nga nagsul-ob og usa ka puti nga saput gikan sa langit. Sila nakaingon og sila nakakita og usa ka anghel.

Ipakita ang hulagway 3-72, Jesukristo Nagpkita ngadto sa mga Nephite.

Sugilanon ug mga hulagway sa balaan nga mga kasulatan

• Kinsa sa tinuod ang mikunsad gikan sa langit? (Jesus.)

Basaha ang 3 Nephi 11:9–10. Ipasabut nga sa diha nga si Jesukristo misulti sa mga katawhan kinsa siya, sila nakahinumdom nga ang mga propeta nakapamulong nga siya moduaw kanila. Sila nalipay. Siya midapit sa mga katawhan sa pagpaduol ug sa paghikap sa mga agi sa mga lansang diha sa iyang mga kamot ug mga tiil ug sa samad sa iyang kilid. Siya mibuhat niini tungod kay siya buot kanila nga mosabut nga siya mao ang sama nga Jesus kinsa gilansang sa krus ug nga siya nabanhaw.

Ipakita ang hulagway 3-17, Jesus Nagtudlo sa Kasadpang Katunga nga Bahin sa Kalibutan.

Sugilanon ug mga hulagway sa balaan nga mga kasulatan

• Sa inyong hunahuna unsa ang gibati sa mga tawo nga diha nakig-uban ni Jesukristo?

Ipasabut nga ang mga tawo napuno sa hilabihan nga pagpasalamat og gugma alang sa Manluluwas nga sila misinggit, “Hosanna! Himaya sa ngalan sa Labing Halangdon nga Dios!” (3 Nephi 11:17). Sila miluhod ug misimba kaniya.

Ipasabut nga si Jesus mibati og hilabihan nga gugma alang niini nga mga tawo nga siya mipabilin taliwala kanila ug nang-ayo sa ilang masakiton, mipanalangin sa ilang mga anak, ug mitudlo kanila. Ang Basahon ni Mormon nagsulti kanato nga sukad wala pay labaw ka malipayon nga mga tawo dinhi sa yuta kay niini nga mga tawo.

Awit

Tabangi ang mga bata sa pag-awit o pagsulti sa mga pulong sa “Si Jesus Nabanhaw.”

Jesus nabanhaw,

S’ya nabuhi,

Atong higala,

Maglipay ‘ta.

Himaya awita,

Ngadto kan’ya,

Ibayaw Siya,

Mag-awit ‘ta.

Nabanhaw Siya,

Nabuhi S’ya!

Katingbanan

Pagpamatuod sa magtutudlo

Pagpamatuod ug ipahayag ang imong gugma ug pasalamat ngadto ni Jesukristo alang sa paghigugma kanato igo nga mohimo niini nga mahimo alang kanato nga mabanhaw ug makahupot sa atong mga lawas sa kahangturan.

Pagdapit og mga bata sa pagpauli ug pagsulti sa ilang mga banay unsa ang gibuhat sa Manluluwas aron paghimo niini nga mahimo alang kanato sa paghupot sa atong mga lawas sa kahangturan.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan nga labing moangay sa imong mga bata. Ikaw makagamit kanila diha sa leksyon gayud o ingon og usa ka balik-pagtuon o katingbanan. Alang sa dugang paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Pag-andam og kopya sa ighahatag nga basahon “Kang Jesukristo nga Lingin sa Gugma,” nga anaa sa katapusan sa leksyon, alang sa matag bata.

   Panghatag og usa ka kopya sa ighahatag nga basahonon, usa ka lapis, ug pipila ka mga krayola ngadto sa matag bata. Tabangi sila sa pagsulat sa ilang mga ngalan diha sa ilang mga papel diha sa taas, tuo nga dapit.

   Basaha uban sa mga bata ang mga pulong liyok sa sulod sa lingin. Ipadibuho ang hulagway sa ilang mga kaugalingon sulod sa lingin. Isulat “Jesukristo naghigugma kanako” diha sa pisara, ug ipakopya sa mga bata kini ngadto sa ilang mga papel ubos sa lingin.

2. Patindoga ang mga bata ug ipabuhat kini nga kalihokan uban kanimo.

   Kini mao ang dapit diin si Jesus gipahimutang. (itudlo)

   Tan-awa ang bato gipaligid sa luyo! (itudlo pag-usab)

   Yuko. (yuko)

   Tan-aw. (mga kamot naglandong sa mga mata)

   Wala na dinhi siya! (tindog)

   Si Jesus nabanhaw!

   Magmalipayon kita! (sa husay ipakpak ang mga kamot)

Tungod kay si Jesukristo nabanhaw,

ako makabaton sa akong lawas sa kahangturan.