Mga Manwal sa Primary ug Panahon sa Pagpakigbahin

Leksyon 47: Jesukristo Natawo Dinhi sa Yuta (Pasko)

Leksyon 47

Jesukristo Natawo Dinhi sa Yuta (Pasko)

Katuyoan

Aron sa pagtabang sa mga bata sa pagsabut sa kamahinungdanon sa pagkatawo ni Jesukristo.

Pagpangandam

Sa mainampuon nga paagi pagtuon sa Helaman 14; 3 Nephi 1; ug Lucas 2. Pangandam sa pagbasa sa Helaman 14:5; 3 Nephi 1:13, 21; ug Lucas 2:9–15.
Pag-andam og kopya sa ighahatag nga bitoon nga tanghaga, nga anaa sa katapusan sa leksyon, alang sa matag bata. Guntinga ngadto sa piraso ang tanghaga, ug pundoka sila og tingub o ibutang sila sa usa ka sobre alang sa matag bata.
Pangandam sa pagtudlo sa mga bata sa pag-awit o pagsulti sa mga pulong sa “Mga Bitoon Nagdan-ag [Stars Were Gleaming]” (Children’s Songbook, p. 37) ug “Mahilum nga Gabii [Silent Night]” (Mga Himno ug mga Awit sa mga Bata o Children’s Songbook, p. 37).
Mga kagamitan nga gikinahanglan:
1. Usa ka Biblia ug usa ka Basahon ni Mormon.
2. Ang mosunod nga mga ginunting: ang pagkatawo ni Jesukristo (ginunting 3-11), ang mga magbalantay sa mga karnero (ginunting 3-12), ang anghel (ginunting 3-5), ug ang mga Nephite ug ang bitoon (ginunting 3-13).
3. Usa ka palid nga papel nga may kolor alang sa matag bata.
4. Glue o papilit.
5. Hulagway 3-73, Samuel nga Lamanite diha sa Paril (62370; Sudlanan sa Hulagway sa Ebanghelyo 314).
Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang bata kon ikaw nag-awhag kanila sa pagbuhat og usa ka butang sulod sa semana.

Kang Jesukristo nga Pagkatawo Gipahibalo Pinaagi sa usa ka Anghel

Pang-atensyon nga kalihokan

Kamo ba sukad nakahulat og usa ka talagsaon nga butang nga mahitabo?
Unsa kini (Ang tubag sa mga bata mahimo nga maglakip sa pagkatawo sa usa ka bag-o nga bata, usa ka pagduaw gikan sa mga apohan, usa ka pagsaulog sa adlaw nga natawhan, ilang bunyag, ug uban pa.)
Ingon ba kini og dugay kaayo ang paghulat?
Unsa ang inyong gibati sa diha nga sa katapusan kini nahitabo?

Hatagi ang mga bata og kahigayunan sa pagpakigbahin og mga kasinatin ug sa pagpahayag sa mga pagbati sa ka kulbahinam nga sila aduna. Ikaw mahimo nga makigbahin og hitabo nga imong gipaabut.

Ipasabut nga sukad sa panahon ni Adan, ang atong Amahan sa Langit misaad nga usa ka mahinungdanon nga hitabo mahitabo. Siya misaad sa pagpadala sa iyang Anak nganhi sa yuta, kinsa mahimo nga Manluluwas sa kalibutan. Matarung nga mga tawo naglantaw nga matinguhaon ngadto niining mahinungdanon nga hitabo. Sila nakahibalo nga ang Langitnong Amahan motuman sa iyang saad. Sila mihulat sa pagkatawo ni Jesus.

Balaan nga kasulatan ug ginunting nga sugilanon

Ipakita ang ginunting sa pagkatawo ni Jesus. Hangyoa ang mga bata sa pagasoy kon unsa ang ilang nahibaloan sa sugilanon sa pagkatawo ni Jesus. Tabangi ang mga bata sa pagtampo og usa ka bahin ngadto sa sugilanon.

Balaan nga kasulatan ug ginunting nga sugilanon

Kinsa ang didto sa mga kapatagan duol sa Bethlehem niana nga gabii? (Mga magbalantay kinsa nagbantay sa mga karnero.)

Ipakita ang ginunting nga mga magbalantay.

Ipasabut nga nianang gabii sa pagkatawo ni Jesus, usa ka anghel mipakita niining mapainubsanon nga mga magbalantay sa pagsulti kanila sa mahinungdanon nga balita sa pagkatawo ni Jesus.

Ipakita ang ginunting nga anghel.

Balaan nga kasulatan ug ginunting nga sugilanon

Unsa ang gibati sa mga magbalantay sa mga karnero sa diha nga sila nakakita sa anghel? (Ang mga magbalantay sa mga karnero nahadlok sa diha nga ang anghel mipakita.)

Sultihi ang mga bata nga ang mga magbalantay sa mga karnero wala makasabut nga ang mga anghel adunay ingon ka mahinungdanon nga mensahe alang kanila. Basaha ngadto sa klase unsa ang nahitabo diha sa Lucas 2:9–15.

Balaan nga kasulatan ug ginunting nga sugilanon

Unsa sa inyong hunahuna ang gibati sa mga magbalantay sa mga karnero sa diha nga sila nakabati sa balita mahitungod sa pagkatawo ni Jesus?
Unsa ang gibuhat sa mga magbalantay sa mga karnero aron sa pagpakita nga sila nalipay mahitungod sa pagkatawo ni Jesus? (Sila milakaw aron sa pagpangita sa bata nga Jesus diha sa Bethlehem.)

Ipasabut nga tungod kay usa ka anghel mipakita ngadto sa mga magbalantay sa mga karnero aron sa pagsulti kanila mahitungod sa pagkatawo ni Jesukristo, sila nakahibalo nga si Jesus mao ang anak sa Langitnong Amahan ug nga ang iyang pagkatawo mahinungdanon.

Awit

Aron sa pagtabang sa mga bata sa pagbati sa hingpit nga kalipay ug ka kulbahinam sa pagkatawo ni Jesus, tabangi sila sa pagsulti sa mga pulong sa “Mga Bitoon Nagdan-ag.”

Mga bitoon nagdan-ag,
Sa gabii’ng mangitngit.
Mga anghel nanag-awit
Magbalantay nangurog.
Ug unya sa tingog nga malanog,
Pasko atong saulogon!
Ang batang Diosnon.

Pagkaduol kon tan-awon;
Sa Pasko nga bitoon.
Maalamon gitultulan
Padulong sa pasungan.
Kanindot, kahayag,
Giya sa naglakaw,
Mao ang bitoon’g hayag sa Pasko!

(“Stars Were Gleaming” ni Nancy Byrd Turner gikan sa Hymns for Primary Worship. Gigamit pinaagi sa pagtugot sa John Knox Press.)

Human maawit o masulti ang mga pulong sa awit, ipasabut nga wala lamang makadawat ang mga magbalantay sa mga karnero niining mahinungdanon nga mensahe mahitungod sa pagkatawo ni Jesus, apan ang mga Nephite ug ang mga Lamanite didto sa America nakadawat usab sa pulong.

Ang Pagkatawo ni Jesukristo Gipahibalo didto sa America

Hulagway, balaan nga kasulatan, ug sugilanon

Ipasabut nga sa tibuok Basahon ni Mormon ang mga propeta nagsulti mahitungod ug nagpaabut sa pagkatawo ni Jesukristo. Ang mga sakop sa Simbahan nagpaabut sa pagkatawo sa Manluluwas ug nag-ampo mahitungod niini sulod sa daghan nga mga tuig. Iasoy ang mosunod nga sugilanon sa imong kaugalingon nga mga pulong:

Lima ka tuig sa wala pa ang pagkatawo ni Jesus, usa ka propeta nga ginganlan og Samuel gitawag sa Dios aron sa pag-andam sa mga tawo alang sa pagkatawo ni Jesus. Siya kinahanglan nga mopasidaan kanila sa paghinulsol ug sa pagtuo sa Manluluwas. Si Samuel usa ka Lamanite. Ang mga Nephite nahimo nga dautan ug dili maminaw. Sila nasuko kaayo ni Samuel nga sila mipapahawa kaniya sa ilang dakbayan. Apan ang tingog sa Ginoo nadungog ni Samuel ug misulti kaniya sa pagbalik og usab. Siya maisugon nga mikatkat diha sa paril sa dakbayan ug misugo sa mga tawo sa paghinulsol ug sa pagandam sa ilang mga kaugalingon alang sa umaabut nga pagkatawo ni Jesukristo.

Ipakita ang hulagway 3-73, Samuel nga Lamanite diha sa Paril.

Ipasabut nga si Samuel misulti sa mga katawhan nga sulod sa lima ka tuig si Jesukristo moanhi dinhi sa yuta. Ang hitabo nga gipanagna sa dugay na kaayo sa tinuod hapit na gayud moabut. Si Samuel mipasabut nga pipila ka mga butang ang mahitabo nga mosulti kanila nga si Jesus natawo sa Bethlehem. Sa gabii nga si Jesus dili pa matawo adunay dako nga mga kahayag diha sa langit. Sila hilabihan sa kahayag nga sa panahon sa gabii walay kangitngit. Sa gabii kini ingon ka hayag sama nga kini panahon sa adlaw.

Basaha ang Helaman 14:5 ngadto sa klase.

Hulagway, balaan nga kasulatan, ug sugilanon

Unsa ang gisulti ni Samuel ngadto sa mga Nephite nga pangitaon? (Usa ka bag-o nga bitoon.)

Sultihi ang mga bata nga si Samuel nga Lamanite misulti ngadto sa mga Nephite nga sila makakita og bag-o nga bitoon diha sa langit sa panahon nga si Jesus matawo. Si Samuel nakahibalo niini tungod kay siya gisultihan pinaagi sa usa ka anghel nga kini nga mga timailhan moabut.

Hulagway, balaan nga kasulatan, ug sugilanon

Ngano sa inyong hunahuna ang Langitnong Amahan mopadala sa anghel aron sa pagsulti ni Samuel niining mga butanga? (Aron siya makasulti ngadto sa mga katawhan.)
Ngano sa inyong hunahuna ang Langitnong Amahan buot ni Samuel mosulti ngadto sa mga Nephite mahitungod niini nga mga timailhan? (Aron sila makahibalo kanus-a matawo si Jesus ug aron sa pagpaningkamot sa pagkuha sa mga katawhan nga maghinulsol.)

Ipasabut nga ang Langitnong Amahan mipadala og anghel aron sa pagsulti ni Samuel mahitungod sa umaabut nga mga hitabo. Siya buot sa mga katawhan diha sa America nga magpaabut ngadto sa pagkatawo ni Jesukristo. Ang Langitnong Amahan buot kanila nga makahibalo nga kini hapit na gayud moabut.

Lima ka tuig human si Samuel misulti sa mga Nephite nga si Jesus matawo, ang mga sakop sa Simbahan nagpaabut sa mga timailhan nga gisulti ni Samuel kanila. Sila nagbantay sa gabii nga walay kangitngit nga motimaan sa iyang pagkatawo. Ang dautan nga mga tawo, kinsa wala motuo sa mga pulong ni Samuel, misulti sa matinud-anon nga mga sumusunod nga sila ilang pamatyon kon ang mga timailhan dili mopakita sa usa ka piho nga adlaw.

Ang propeta niana nga panahon mao ang usa ka tawo nga ginganlan og Nephi. Si Nephi naguol mahitungod sa unsay buhaton sa mga dili matuohon ngadto sa matarung nga mga tawo kon ang mga timailhan dili moabut sa adlaw nga gipili sa mga dili matuohon. Siya naguol kaayo nga siya nag-ampo ngadto sa Langitnong Amahan tungod sa mga kagubot nga sila aduna. Si Nephi nag-ampo sa tibuok adlaw. Unya ang tingog sa Ginoo miabut ngadto ni Nephi.

Balaan nga kasulatan nga panaghisgutan

Basaha ang 3 Nephi 1:13 ngadto sa mga bata.

Balaan nga kasulatan nga panaghisgutan

Unsa sa inyong hunahuna ang gibati ni Nephi sa diha nga siya nakadungog ni Jesukristo nga namulong niini nga mga pulong?

Ipasabut nga si Nephi nahupay ug nakahibalo nga si Jesus matawo sa sunod nga adlaw. Niana gayud nga gabhiona ang unang timailhan miabut.

Balaan nga kasulatan nga panaghisgutan

Unsa ang nahitabo niana nga gabii?

Pasultiha ang mga bata unsa ang ilang nahibaloan. Tabangi sila sa pagsabut nga ang gabii miabut, apan walay kangitngit. Ang mga tawo nahibulong nga ingon og walay gabii. Sila nahibulong kaayo nga sila natumba ngadto sa yuta. Ang matarung nga mga tawo nakahibalo nga ang panahon nga ilang gipaabut sulod sa dugay nga mga tuig miabut na. Sila nakahibalo nga si Jesukristo natawo. Unya lain nga butang nahitabo.

Balaan nga kasulatan ug ginunting

Basaha ang 3 Nephi 1:21 ngadto sa klase aron mahibaloan unsa kini.

Ipakita ang ginunting nga mga Nephite ug ang bitoon (kaatbang niadto nga gigamit na).

Ipasabut nga ang Manluluwas natawo. Ang hugot nga pagtuo nga sila aduna sulod sa daghan nga mga tuig karon nahimo nga dakong hingpit nga kalipay samtang sila nagtan-aw sa bag-ong bitoon diha sa langit. Bisan tuod ang mga Nephite wala makahimo sa pag-adto aron makakita sa bata, sila nakahibalo nga ang iyang pagkatawo mahinungdanon ngadto kanila.

Balaan nga kasulatan ug ginunting

Ngano nga ang Langitnong Amahan misiguro nga ang mga Nephite makakita sa bitoon? (Aron sila makahibalo nga si Jesukristo natawo.)
Sa inyong hunahuna unsa ang gibati sa mga Nephite sa diha nga sila nakakita sa bitoon?

Ipasabut nga ang bitoon nakita usab sa Jerusalem. Ang pagkatawo ni Jesukristo mahinungdanon ngadto sa tanan. Kini usa ka butang nga ang mga tawo nagpaabut sulod sa daghan nga mga tuig, ug kini sa tinuod nahitabo.

Awit

Awita o isulti ang mga pulong sa “Mahilum nga Gabii.”

Mahilum nga gabii!
Kamingaw niini
Tan-awa ang birhen ug bata,
Balaan, kaaghup nakita.
Natulog sa kalinaw,
Natulog sa kalinaw.

Malilum nga gabii!
Kahadlok tingali!
Himaya midan-ag sa langit,
Langitnong panon nag-awit!
Si Kristo natawo!
Si Kristo natawo!

Mahilum nga gabii!
Dios Anak mianhi
Kahayag sa nawong balaan,
Uban ang grasya’g kaluwasan,
Daygon nato si Jesus,
Siya ang Manunubos.

Katingbanan

Pagtudlo sa magtutudlo

Ipasabut nga kini dili kinahanglan alang kanato nga makakita og usa ka anghel o usa ka bitoon matag Pasko aron sa pagsulti kanato nga si Jesukristo natawo. Kita nakahibalo nga kini tinuod. Kita nakahibalo nga kini mahinungdanon alang kanato. Kita mobati sa sama nga hingpit nga kalipay nga ang mga magbalantay sa karnero ug ang mga Nephite mibati sa diha nga sila nakahibalo nga siya natawo. Kita mobati niini pinaagi sa pagsabwag sa gugma ug hinpit nga kalipay sa iyang pagkatawo ngadto sa uban.

Pagtudlo sa magtutudlo

Unsa sa mga paagi kamo makahimo nga makigbahin sa hingpit nga kalipay sa pagkatawo ni Jesukristo ngadto sa uban?

Pagpamatuod sa magtutudlo

Pagpamatuod mahitungod sa kamahinungdanon sa pagkatawo ni Jesukristo ug sa unsa nga paagi kita makahimo sa pagpakigbahin sa gugma ug hingpit nga kalipay ngadto sa uban.

Kalihokan

Paghatag og usa ka pundok sa mga piraso sa tanghaga ngadto sa matag bata. Ipaporma kanila ang tanghaga ug ipapilit sila diha sa usa ka piraso nga papel nga may kolor. Human ang tanan nga mga bata makahuman sa ilang buhat, basaha ang mensahe diha sa bitoon: “Kay nganha kanimo natawo niining adlawa diha sa dakbayan ni David ang usa ka Manluluwas, nga mao si Kristo ang Ginoo” (Lucas 2:11).

Panaghisgutan

Kinsa ang midawat niini nga mensahe gikan sa anghel (Ang mga magbalantay sa mga karnero diha sa uma.)
Kinsa ang nakadawat sa bitoon ingon nga usa ka timailhan sa pagkatawo ni Jesukristo? (Ang mga Nephite ug ang mga katawhan sa Jerusalem.)

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon og usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

Paggamit og yano nga mga kagamitan sa pagdula sa sugilanon sa pagkatawo ni Jesukristo.
Hatagi ang matag bata og usa ka papel ug mga krayola. Tabangi ang mga bata sa pagpilo sa papel sama sa usa ka kard. Isulat ang pulong nga Pasko diha sa atubangan. Hangyoa ang klase sa paghimo og mga kard sa Pasko alang sa ilang mga banay pinaagi sa pagdibuho og mga hulagway mahitungod sa unsay ilang nakat-unan gikan sa leksyon.

Kay nganha kaninyo matawo niining adlawa diha sa dakbayan ni David ang usa ka Manluluwas, nga mao si Kristo ang Ginoo”

(Lucas 2:11)