Leksyon 6

Simbahan ni Jesukristo Gipahiuli

Katuyoan

Aron sa pagtabang sa matag bata sa pagsabut nga ang tinuod nga Simbahan ni Jesukristo gipahiuli.

Pagpangandam

1. Pagtuon sa Amos 3:7.

2. Kon kini anaa sa inyong dapit, pakigsabut sa pagsalida sa Joseph Smith: The Man (9 ka mga gutlo) diha sa videocassette Moments from Church History (53145).

3. Pag-andam sa pag-awit o pagsulti sa mga pulong sa “Ang Pagkapari Gipahiuli [The Priesthood Is Restored]” (Children’s Songbook, p. 89); ang mga pulong gilakip diha sa luyo niini nga tamdanan nga basahon.

4. Mga kagamitan nga gikinahanglan:

   1. Usa ka Doktrina ug Mga Pakigsaad ug usa ka Biblia.

   2. Usa ka maanindot nga butang o hulagway, sama sa usa ka bulak, usa ka kinhason, o maanindot nga hulagway gikan sa lawak sa mga basahon sa balay tigumanan.

   3. Tisas, pisara, ug papas.

   4. Mga palid sa papel nga lukoton aron mahimong mga trumpeta.

   5. Hulagway 3-10, Ang Unang Panan-awon (62470; Sudlanan sa Hulagway sa Ebanghelyo 403); hulagway 3-11, Juan Bautista Nagtugyan sa Aaronic nga Pagkapari (62013; Sudlanan sa Hulagway sa Ebanghelyo 407); hulagway 3-12, Pagpahiuli sa Melchizedek nga Pagkapari (62371; Sudlanan sa Hulagway sa Ebanghelyo 408); hulagway 3-13, Bata nga Lalaki Gibunyagan (62018); ug hulagway 3-14, Bata nga Babaye Gikumpirmahan (62020).

5. Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga inyong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Ang Tinuod nga Simbahan Gipahiuli

Pang-atensyon nga kalihokan

Basaha ang Pagpadayag 14:6–7 ngadto sa mga bata. Ipasabut nga ang anghel dinhi niining balaan nga kasulatan mao ang anghel Moroni, kinsa mipakita ngadto kang Joseph Smith ug mipahibalo nga ang ebanghelyo ipahiuli. Ipalukot sa mga bata ang mga palid sa papel aron mahimo nga mga “trumpeta.” Papulipuliha ang matag bata nga magpaka-aron ingnon nga usa ka anghel nga nagpahibalo nga ang Simbahan gipahiuli.

Hulagway ug panaghisgutan

Ipakita ang hulagway 3-13, Bata nga Lalaki Gibunyagan.

Hulagway ug panaghisgutan

• Unsa ang mahitabo kon walay usa nga mabunyagan? (Walay usa nga mahimong magpasakop sa simbahan ni Jesukristo.)

Sultihi ang mga bata nga sa panahon nga si Jesus nagpuyo dinhi sa yuta, siya buot nga ang mga katawhan makakat-on ug mosunod sa iyang mga pagtulun-an. Kini nga mga pagtulun-an motabang sa mga katawhan sa pagkat-on unsa ang ilang kinahanglan gayud nga buhaton aron makabalik ug makapuyo uban kaniya ug sa Langitnong Amahan pag-usab. Si Jesus mitukod sa iyang simbahan aron sa pagtabang sa mga katawhan sa pagkat-on sa paghupot sa iyang mga pagtulun-an. Human si Jesus ug ang iyang mga Apostoles mamatay, ang mga katawhan wala magsunod sa unsay gitudlo ni Jesus. Ang mga katawhan miusab sa iyang mga pagtulun-an mao nga ang tinuod nga Simbahan nawala. Si Jesus mikuha sa iyang pagkapari gikan sa mga katawhan dinhi sa yuta. Kini nagpasabut nga ang mga katawhan dili na mahimo nga mabunyagan sa tukma nga pagtugot. Usab, kon walay pagtugot nga pagkapari, ang mga katawhan dili makadawat sa mga gasa sa Espiritu Santo, mabugkos diha sa templo ingon nga usa ka banay, o makabaton og usa ka propeta aron sa pagpamulong alang sa Langitnong Amahan o ni Jesukristo dinhi sa yuta.

Hulagway ug panaghisgutan

Ipakita ang hulagway 3-10, Ang Unang Panan-awon

Hulagway ug panaghisgutan

• Kinsa ang ania sa hulagway? (Langitnong Amahan, Jesus ug Joseph Smith.)

• Unsa ang nahitabo sa diha nga si Joseph Smith nag-ampo aron masayud hain nga simbahan ang tinuod? (Ang Langitnong Amahan ug si Jesus mipakita ngadto kaniya. Si Jesus misulti kaniya sa dili pagpasakop sa bisan hain sa mga simbahan tungod kay walay usa kanila nga tinuod.)

Ipasabut ngadto sa mga bata nga ang tinuod nga Simbahan wala dinhi sa yuta niana nga panahon. Si Jesus buot nga ang iyang mga pagtulun-an ug ang iyang Simbahan mapahiuli nganhi sa yuta.

Leksyon nga may galamiton

Leksyon nga may galamiton

• Unsa ang gipasabut sa pulong nga ipahiuli? (Pag-uli sa usa ka butang nga sama gihapon kini sa kaniadto.)

Human ang bata motubag, ihatag ang mosunod nga panig-ingnan:

Ipakita ang butang o hulagway nga iyong gidala. Paghisgot nganong kamo nagtuo nga kini nga butang maanindot ug angay angkunon, ug hangyoa ang mga bata sa pagpakigbahin sa ilang mga pagbati. Unya pagdapit og usa ka bata sa pagkuha sa butang ug paggunit niini diin ang uban nga mga bata dili makakita niini.

Leksyon nga may galamiton

• Kamo ba nangandoy nga kita makaangkon niining maanindot nga butang o hulagway pagbalik diin kita makakita niini?

Ipauli sa bata ang butang og balik nga makita ug ipakita kini sa klase pagusab. Ipasabut nga ang butang gipahiuli sa iyang daan nga dapit. Itudlo nga ang pagpahiuli nagpasabut sa paghimo sa usa ka butang nga sama kini kaniadto. Pahinumdumi ang mga bata nga bisan tuod si Jesus mitukod sa iyang Simbahan sa paagi nga siya buot, ang mga katawhan mikuha sa mga kamatuoran human si Jesus ug ang iyang Apostoles mamatay. Si Jesus buot nga ang iyang mga pagtulun-an, iyang Simbahan, ug iyang pagtugot sa pagbunyag sa mga katawhan ipahiuli ingon nga siya aduna niini samtang dinhi pa siya sa yuta.

Panaghisgutan

Sultihi ang mga bata nga ang Langitnong Amahan ug Jesukristo mipili og usa ka batan-on nga lalaki kinsa masulundon ug kapiyalan sa pagtabang kanila sa pagpahiuli sa tinuod nga simbahan.

Panaghisgutan

• Kinsa kining batan-on nga lalaki? (Joseph Smith.)

Itudlo ang hulagway sa Unang Panan-awon pag-usab, ug ipasabut nga sa matag panahon nga ang tinuod nga Simbahan ania sa yuta, ang Ginoo nagpili og usa ka propeta sa pagpangulo niini. Si Jesus mipili ni Joseph Smith nga mahimo nga propeta karong panahona.

Videocassette ug panaghisgutan

Kon kini anaa, ipasalida ang Joseph Smith: The Man.

Videocassette ug panaghisgutan

• Unsa ang usa ka propeta?

Ipasabut nga ang usa ka propeta mao ang usa ka tawo nga gihatagan ni Jesus og mga panudlo alang sa iyang Simbahan.

Balaan nga kasulatan nga panaghisgutan

Tabangi ang usa ka hingkod nga bata sa pagbasa og kusog sa Amos 3:7 o basaha kini sa imong kaugalingon. Ipasabut nga ang “nagpadayag sa iyang tinagoan” nagpasabut sa paghatag sa iyang propeta og mga panudlo pinaagi sa mga panan-awon, mga damgo, o uban nga pagpadayag.

Balaan nga kasulatan nga panaghisgutan

• Ngadto kang kinsa si Jesukristo naghatag sa iyang mga panudlo? (Ngadto sa buhing propeta.)

Ipasabut nga ang propeta nagsulti sa mga katawhan unsa ang buot ni Jesus nga ilang buhaton. Ang propeta nagtabang kanato sa pagpili sa matarung aron kita makabalik sa pagpuyo uban sa Langitnong Amahan ug ni Jesus.

Pagpakita sa mga bata og usa ka kopya sa Doktrina ug mga Pakigsaad.

Ipasabut nga si Jesus mihatag ngadto kang Joseph Smith daghan sa mga pulong nga gisulat niini nga basahon. Uban niini nga mga pulong nagsulti ni Joseph mahitungod sa tinuod nga simbahan ni Jesus. Gikan niini nga balaan nga mga kasulatan, kita makakat-on nga si Jesus mipahiuli sa tinuod nga Simbahan pinaagi ni Joseph Smith.

Si Joseph Smith Midawat sa Pagkapari

Panaghisgutan

Ipasabut ngadto sa mga bata nga sa wala pa si Joseph Smith makatabang sa pagpahiuli sa Simbahan, siya kinahanglan nga hatagan og linain nga gahum— ang katungod sa pagbuhat alang kang Jesus.

Panaghisgutan

• Kamo nasayud ba unsay gitawag niini nga gahum? (Ang pagkapari.)

Hulagway ug sugilanon

Isaysay ang mosunod nga sugilanon mahitungod sa paagi giunsa ni Joseph Smith pagdawat sa pagkapari:

Si Joseph Smith ug ang iyang higala Oliver Cowdery nakahibalo mahitungod sa bunyag samtang naghubad sa Basahon ni Mormon. Sila buot nga magpabunyag ngadto sa tinuod nga Simbahan. Sila miluhod ug nag-ampo ngadto sa Langitnong Amahan. Sa wala madugay usa ka sinugo gikan sa langit mipakita ngadto kanila.

Ipakita ang hulagway 3-11, Juan Bautista Nagtugyan sa Aaronic nga Pagkapari.

Ipasabut nga ang sinugo mao si Juan Bautista, ang sama nga tawo nga mibunyag ni Jesus. Sa diha nga siya mipakita ngadto ni Joseph ug Oliver, siya mitudlo kanila mahitungod sa bunyag. Siya mihatag kanila sa gahum sa pagbunyag. Ang gahum gitawag og Aaronic nga Pagkapari. Sunod, si Juan Bautista misulti kanila sa pagbunyag sa usag usa sa sama nga paagi nga siya mibunyag ni Jesus. Una, si Joseph mibunyag ni Oliver diha sa usa ka duol nga suba, ug unya si Oliver mibunyag ni Joseph.

Ang tinuod nga paagi sa bunyag gipahiuli ngahi sa yuta, sama gayud nga si Jesus nagtudlo niini.

Mga hulagway ug panaghisgutan

Ipakita ang hulagway 3-12, Pagpahiuli sa Melchizedek nga Pagkapari.

Ipasabut nga pipila ka mga semana wala madugay, lain nga tulo ka langitnong mga sinugo mipakita ngadto ni Joseph ug Oliver. Kining mga tawhana mao ang tulo sa mga Apostoles ni Jesus samtang siya nagpuyo pa dinhi sa yuta ug ginganlan og Pedro, Santiago, ug Juan. Sila mipandong sa ilang mga kamot diha sa ulo ni Joseph ug sa ulo ni Oliver ug mihatag kanila sa Melchizedek nga Pagkapari. Kini nga pagkapari labaw nga gamhanan kay sa Aaronic nga Pagkapari ug naghatag sa mga lalaki sa pagtugot sa pagbuhat og daghan nga kahibulongan nga mga butang diha sa ngalan ni Jesukristo, sama sa paghatag og mga panalangin ngadto sa masakiton nga mga tawo, paghatag og panalangin sa usa ka amahan ngadto sa mga anak, ug pagpahigayon sa mga ordinansa sa templo.

Ang gahum sa pagkapari nagtugot kanato nga mahimo nga mabunyagan ug makumpirmahan nga mga sakop sa Simbahan ug mahatagan sa gasa sa Espiritu Santo. Ipakita pag-usab ang hulagway 3-13, Bata nga Lalaki Gibunyagan, ug hulagway 3-14, Bata nga Babaye Gikumpirmahan. Kini nga gahum mahimo usab nga gamiton sa pagpangayo niadto kinsa masakiton ug sa pagbugkos og mga banay diha sa templo aron sila magpabilin ingon nga mga banay sa kahangturan kon sila magpuyo nga matarung.

Awit

Awita o isulti ang mga pulong sa awit, “Ang Pagkapari Gipahiuli.”

Ipamatuod ngadto sa mga bata nga ang pagkapari ania na usab sa yuta. Ang gahum sa pagbuhat alang ni Jesus gipahiuli pinaagi ni Joseph Smith. Si Joseph migamit niini nga gahum aron sa pagtukod sa tinuod nga Simbahan ni Jesus. Kini nga pagkapari nagpabilin uban sa tinuod nga Simbahan sukad sa sinugdanan.

Awit

• Unsa ang ngalan sa tinuod nga simbahan ni Jesukristo? (Ang Simbahan ni Jesukristo sa mga Santos sa Ulahing Adlaw.)

Ipasulti pag-usab sa mga bata ang ngalan sa Simbahan. Ipasabut nga kini gitawag og Ang Simbahan ni Jesukristo sa mga Santos sa Ulahing Adlaw tungod kay kini mao ang tinuod nga Simbahan ni Jesus nga iyang gipahiuli sa ulahing mga adlaw. Ulahing mga adlaw nagpasabut nga karon, o ang mga panahon diin kita karon nagpuyo.

Katingbanan

Artikulo sa hugot nga pagtuo

Ipasabut nga kita adunay kahigayunan nga mahimong mga sakop sa sama nga Simbahan nga gitukod ni Jesus sa diha nga siya dinhi sa yuta. Usahay atong tawgon ang Simbahan nga gitukod ni Jesus kaniadto og ang “Karaan nga Simbahan” (tan-awa ang Mga Artikulo sa Hugot nga Pagtuo 1:6).

Isulti ang ikaunom nga artikulo sa hugot nga pagtuo, ug ipasulti kini pag-usab sa mga bata uban kaninyo. Awhaga kadto kinsa makasag-ulo sa tanan o bahin niini.

Pang-pisara nga panaghisgutan

Hangyoa ang mga bata sa paghunahuna og pipila ka talagsaon nga mga katarungan ngano nga sila buot magpasakop sa mao lamang nga tinuod nga Simbahan sa ibabaw sa yuta. Ilista ang ilang mga tubag, ingon sa mosunod, diha sa pisara::

Pang-pisara nga panaghisgutan

1. Aron sa pagsunod sa Langitnong Amahan.

2. Aron sa pagbaton sa mga pagtulun-an ni Jesus nga mogiya kanato.

3. Aron mapasaylo sa atong mga sala.

4. Aron sa pagdawat sa gasa sa Espiritu Santo.

5. Aron mobalik ug mopuyo uban sa Langitnong Amahan ug ni Jesus.

6. Aron mahimo nga sakop sa gingharian sa Dios dinhi sa yuta.

Pagpamatuod

Ipahayag ang imong pagpamatuod ngadto sa mga bata mahitungod ngano nga kamo nagtuo nga kini usa ka kahigayunan nga mahimong usa ka sakop sa tinuod nga Simbahan ni Jesus. Ihulagway alang sa mga bata ang kalipay nga gikahatag sa Simbahan nganha sa imong kinabuhi ug sa imong pagpasalamat nga ikaw nasakop sa Simbahan.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay alang sa imong mga bata. Ikaw makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Sultihi ang mga bata nga tungod kay ang tinuod nga simbahan ni Jesus gipahiuli nganhi sa yuta, kita makakat-on sa sama nga mga butang nga gitudlo ni Jesus sa diha nga siya dinhi sa yuta. Kitang tanan aduna sa kahigayunan nga magpasakop sa iyang simbahan.

   Isaysay ang mosunod nga sugilanon sa imong kaugalingon nga mga pulong, o ipahimo sa mga bata ang pagpadula niiini:

   “Ang akong ngalan mao si Ila Marie Goodey. Ako napulog upat ka mga tuig ang panuigon ug ako adunay polyo sulod sa napulog usa ka mga tuig…. Ako nagpuyo diha sa Ospital sa Primarya nga mga Bata sa Dakbayan sa Salt Lake….

   “Sukad sa akong mahinumduman, ang akong mga ginikanan nagsilsil sa hunahuna diha sa akong salabutan nga ang labing mahinungdanon nga butang sa akong kinabuhi mao ang akong Simbahan ug ang akong Langitnong Amahan…. ako nakakat-on sa paghigugma [sa] Simbahan uban sa akong tibuok nga kasingkasing… .

   “Ang akong mga ginikanan mitudlo kanako unsa ka mahinungdanon ang bunyag, busa ako nagpaabut nga mahinamon ngadto sa akong kaugalingon nga bunyag. Sa diha nga ako mipanuigon na gayud og walo, ako diha sa ospital ug kadto opinyon sa doktor nga ako dili makabiya sa ospital gani bisan sa gidugayon sa pagbunyag. Ako naguol ug ako nagpakilooy ni Papa nga pabunyagan ako samtang ako walo pa ang panuigon. Apan kini ingon og ako kinahanglan nga maghulat hangtud ako maayo na igo nga makagula, ug walay usa nga nasayud kon kanus-a kana mahitabo.

   “Unya, [sa wala pa ang akong ikasiyam nga adlaw nga natawhan], ang akong mga ginikanan…. ug uban nga mga kabanay ug mga higala mianhi sa ospital, ug ako gibunyagan…. diha sa [tubig] tangke sa among lawak alang sa pagpahiuli sa lawas. Ako gikumpirmahan nga usa ka sakop sa Simbahan nga akong gihigugma.….

   “Karon, unom ka mga tuig ang milabay, ako gihangyo sa pagsulat niini nga sugilanon aron sa pagpakita sa uban unsa ka mahinungdanon gayud ang pagbunyag ngari kanako.

   “.…. Ako buot…. nga mosulti kaninyong tanan unsa ako ka mapasalamaton nga nahimo nga usa ka sakop sa Ang Simbahan ni Jesukristo sa Mga Santos sa Ulahing Adlaw” (Ila Marie Goodey, “I Was Baptized in a Hubbard Tank,” Children’s Friend, Jan. 1963, p. 30).

2. Ipahimo sa mga bata ang pagsaysay mahitungod sa usa ka bunyag nga ilang nakita, ingon sa usa ka igsoong magulang nga lalaki o babaye.

3. Tugoti ang mga bata sa pagdibuho ug pagkolor og usa ka butang nga mopahinumdom kanila sa pagpahiuli sa Simbahan, ingon sa usa ka trumpeta aron sa pagpahibalo sa pagpahiuli o si Joseph Smith nga nagampo sa kakahoyan.