Mga Manwal sa Primary ug Panahon sa Pagpakigbahin

Leksyon 7: Hugot nga Pagtuo diha ni Jesukristo

Leksyon 7

Hugot nga Pagtuo diha ni Jesukristo

Katuyoan

Aron sa pagtabang sa matag bata sa pagsabut nga ang pagpalambo sa hugot nga pagtuo diha ni Jesukristo mao ang unang baruganan sa ebanghelyo.

Pagpangandam

Sa mainampuon nga paagi pagtuon ug pangandam sa pagtudlo ug pagpasabut ngadto sa mga bata sa mosunod nga balaan nga mga kasulatan: Marcos 10:46–52; Mateo 3:13–17; 3 Nephi 11:8–17; ug Doktrina ug mga Pakigsaad 76:19–23.
Pagdapit og usa ka tawo nga may lig-on nga pagpamatuod ni Jesukristo sa pagduaw sa inyong klase sulod sa pipila ka mga gutlo diha sa sinugdanan sa leksyon aron sa pagpakigbahin sa iyang pagpamatuod ug pagbati mahitungod sa Manluluwas. Siguroha ang pagkuha sa pagtugot sa obispo o presidente sa sanga sa dili pa ang pagdapit sa usa ka tawo, ug usab pahibaloa ang presidente sa Primarya.
Sunda ang mga panudlo sa ubos sa paghimo og usa ka tsart nga giulohan og “Pagpasakop sa Simbahan ni Jesukristo.” (Ang usa ka panig-ingnan gilakip diha sa katapusan sa leksyon.) Kini nga tsart pagagamiton sa sunod nga upat ka mga leksyon, busa kamo mahimo nga mopataput niini sa usa ka baga nga papel ug mobutang niini og kolor. Himoa ang tsart nga igo ang gidak-on nga sayon makit-an sa tanan nga mga sakop sa imong klase. (Ikaw tingali buot mogamit sa tsart sa usa ka higayon alang sa panahon sa pakigbahin.)
1. Himoa ang mosunod nga mga gilis sa pulong:
  
  Gasa sa Espiritu Santo
  
  Bunyag
  
  Hugot nga pagtuo diha ni Jesukristo
  
  Paghinulsol
2. Ipapilit ang mga gilis sa pulong ibabaw sa mga paagi sumala sa gipakita diha sa leksyon. Kini nga leksyon naggamit lamang sa “Hugot nga Pagtuo diha ni Jesukristo” nga paagi.
Isulat “Pangutan-a ako unsa ang akong nakat-unan mahitungod sa pagpasakop sa Simbahan ni Jesukristo” diha sa usa ka gamay nga bahin sa papel alang sa matag bata.
Sa dili pa ang klase, pagbutang og kopya sa sumbanan nga mga kasulatan diin ang mga bata makakita kanila.
Pag-andam sa pag-awit o pagsulti sa mga pulong sa awit “Gibati Ko ang Gugma sa Akong Manluluwas [I Feel My Savior’s Love]” (Children’s Songbook, p. 74); ang mga pulong gilakip diha sa luyo niining tamdanan nga basahon.
Tabangi kadtong mga bata kinsa makahimo sa pagsag-ulo kutob sa mahimo sa ikaupat nga artikulo sa hugot nga pagtuo.
Mga kagamitan nga gikinahanglan:
1. Usa ka Biblia, usa ka Basahon ni Mormon, usa ka Doktrina ug mga Pakigsaad, ug usa ka Perlas nga Labing Bililhon.
2. Hulagway 3-9, Jesus ang Kristo (62572; Sudlanan sa Hulagway sa Ebanghelyo 240); hulagway 3-16, Pag-ayo sa Buta (62145; Sudlanan sa Hulagway sa Ebanghelyo 213); hulagway 3-1, Juan Bautista Nagbunyag ni Jesus (62133; Sudlanan sa Hulagway sa Ebangheylo 208); hulagway 3-17, Jesus Nagtudlo sa Kasadpan nga Katungang Bahin sa Kalibutan (62380; Sudlanan sa Hulagway sa Ebanghelyo 316); hulagway 3-10, Ang Unang Panan-awon (62470; Sudlanan sa Hulagway sa Ebanghelyo 403); ug hulagway 3-18, Presidente Lorenzo Snow.
Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga inyong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Pagsabut sa Hugot nga Pagtuo

Pang-atensyon nga kalihokan

Ipakita ang hulagway 3-9, Jesus ang Kristo. Ipabilin ang hulagway nga makita sulod sa tibuok leksyon.

Pang-atensyon nga kalihokan

Kinsa kini?

Pagpamatuod sa bisita

Ipaila ang inyong bisita ug isulti sa mga bata nga ikaw nagdapit niini nga tawo sa pagsulti kanila unsa ang iyang gibati mahitungod ni Jesukristo. Ipasabut nga kabahin sa pagpamatuod sa matag tawo naglakip sa iyang mga pagbati mahitungod ni Jesus. Pasalamati ang inyong dinapit dihadiha nga siya mahuman ug hangyoa siya sa pagpabiya. Human siya makalakaw, ipangutana ang mosunod nga mga pangutana:

Pagpamatuod sa bisita

Kinsa ang atong bisita karon?
Giunsa ninyo pagkahibalo nga ang bisita dinhi?

Paghunahuna og usa ka bata o lain nga tawo kinsa wala dinha ug ipangutana ang mosunod nga mga pangutana, ginamit ang ngalan sa bata diha sa blangko:

Pagpamatuod sa bisita

Si ______________ nakakita ba sa atong bisita karon?
Unsaon ni ______________ pagkahibalo nga kita adunay bisita sa klase karon?

Pagtudlo sa Magtutudlo

Tabangi ang mga bata sa pagsabut nga ang tawo nga wala dinhi wala makakita sa bisita. Hinoon, kon ang klase mopasabut nga ang bisita mianhi, ang tawo tingali motuo niini. Ang pagtuo sa usa ka butang nga kini tinuod ug dili bakak bisan tuod kita wala makakita niini sa atong mga kaugalingon mao ang pagbaton og hugot nga pagtuo.

Tsart

Ipakita ang tsart “Pagpasakop sa Simbahan ni Jesukristo.” Basaha ang ulohan sa tsart uban sa mga bata. Ipasulti pag-usab kini sa gagmay nga mga bata og kusog uban kaninyo.

Ipasabut nga ang pagbaton og hugot nga pagtuo diha ni Jesukristo mao ang unang lakang sa pagpasakop sa Simbahan ni Jesukristo. Ibutang ang unang gilis sa pulong, “Hugot nga Pagtuo diha ni Jesukristo,” ibabaw sa unang paagi diha sa tsart. (Alang sa gagmay nga mga bata, kamo mahimo nga mopakita og usa ka hulagway ni Jesus uban sa gilis sa pulong sa pagpahinumdom kanila og unsa ang giingon niini.) Ipabasa sa labaw ka dagko nga mga bata ang mga pulong uban kanimo. Sultihi ang mga bata nga sa panahon niini nga leksyon sila makakat-on mahitungod sa hugot nga pagtuo diha ni Jesukristo.

Ang Biblia ug ang Basahon ni Mormon Nagpamatuod mahitungod ni Jesukristo

Pagtudlo sa magtutudlo

Bisan tuod og kita tingali wala makakita ni Jesus, unsaon nato pagtuo o pagbaton og hugot nga pagtuo nga siya buhi ug naghigugma kanato? (Ang uban nga mga tawo nakakita ni Jesus ug makasulti kanato mahitungod kaniya.)

Tudlo ngadto sa mga basahon ibabaw sa lamesa ug ipasabut nga kini nga mga basahon gitawag og balaan nga mga kasulatan. Ang balaan nga mga kasulatan nagsaysay mahitungod sa daghan nga mga tawo kinsa nakakita o nakigsulti ni Jesus.

Ipataas ang Biblia. Itudlo kana nga bahin sa Biblia nga nagsaysay mahitungod sa panahon sa diha nga si Jesus mipuyo dinhi sa yuta, mihatag sa mga tawo sa iyang mga pagtulun-an, ug mitukod sa iyang Simbahan. Ang Biblia nagsaysay mahitungod sa mga tawo kinsa nakakita ug nakaila ni Jesus ug mahitungod sa paagi nga siya mitabang sa daghan kanila.

Hulagway ug balaan nga kasulatan nga sugilanon

Ipakita ang hulagway 3-16, Pag-ayo sa Buta. Isaysay sa mga bata ang sugilanon ni Bartimaeus, usa ka buta nga tawo kinsa mipuyo sulod sa panahon ni Jesus (tan-awa sa Marcos 10:46–52).

Ipasabut nga sa diha nga si Bartimaeus nakadungog nga si Jesus umaabut, siya nangalyupo ngadto ni Jesus nga hatagan siya og kalooy kaniya. Daghan nga mga tawo misulti ni Bartimaeus sa dili pagsamok ni Jesus ug sa paghilom. Apan si Jesus nakadungog ni Bartimaeus ug misugo sa pagpadala ni Bartimaeus ngadto kaniya. Si Bartimaeus mihangyo ni Jesus sa pag-ayo kaniya aron siya makakita.

Hangyoa ang mga bata sa pagpaminaw kanimo samtang imong basahon ang Marcos 10:52 aron masayud unsa ang nahitabo ni Bartimaeus.

Hulagway ug balaan nga kasulatan nga sugilanon

Unsa ang nahitabo ni Bartimaeus? (Si Jesus miayo kaniya. Si Bartimaeus nakakita.)

Si Jesus miingon nga si Bartimaeus naayo tungod kay siya adunay hugot nga pagtuo. Si Bartimaeus mituo nga si Jesus makaayo kaniya.

Hulagway ug balaan nga kasulatan nga sugilanon

Unsa sa sugilanon ni Bartimaeus ang makatabang kanato pag-ila ni Jesus? (Si Jesus naghigugma kanato ug motabang kanato kon kita adunay hugot nga pagtuo kaniya.)

Hulagway ug balaan nga kasulatan nga panaghisgutan

Ibutang ang hulagway 3-1, Juan Bautista Nagbunyag ni Jesus, ibabaw sa hulagway ni Bartimaeus.

Hulagway ug balaan nga kasulatan nga panaghisgutan

Unsa ang nahitabo dinhi niini nga hulagway? (Si Juan Bautista nagbunyag ni Jesus.)

Basaha ang Mateo 3:17.

Hulagway ug balaan nga kasulatan nga panaghisgutan

Sa diha nga si Jesus gibunyagan, kinsa ang misulti gikan sa langit ug miingon, “Kini mao ang akong hinigugma nga Anak, kang kinsa Ako nahimuot kaayo”? (Langitnong Amahan.)
Unsa ang atong makat-unan mahitungod ni Jesus gikan sa unsay gisulti sa Langitnong Amahan? (Si Jesus iyang Anak.)

Ipasabut nga ang Langitnong Amahan nagpamatuod nga si Jesus iyang Anak.

Ipataas ang Basahon ni Mormon. Ipasabut nga dinhi niini nga basahon sa balaan nga kasulatan nga gitawag og Basahon ni Mormon, kita makabasa mahitungod sa usa ka dako nga pundok sa mga katawhan sa Nephite sa America kinsa nakakita ni Jesus ug nakadungog kaniya nga nagsulti human siya mabanhaw gikan sa patay.

Basaha ang 3 Nephi 11:8. Ibutang ang hulagway 3-17, Jesus Magtudlo sa Kasadpan nga Katungang Bahin sa Kalibutan, ibabaw sa hulagway sa kang Jesus nga bunyag. Basaha ang 3 Nephi 11:9–10. Ipasabut nga si Jesus misulti sa mga katawhan nga siya mao si Jesukristo, ang Manluluwas nga gisulti sa mga propeta nga moabut.

Tabangi ang mga bata sa pagsabut unsa kaha nga kalipay ang gibati sa mga Nephi nga katawhan sa pagkahibalo nga si Jesus miabut sumala sa iyang gisulti nga siya moabut. Si Jesus mihangyo sa mga katawhan sa paghikap sa iyang mga kamot ug mga tiil aron sila masayud nga siya namatay ug nabanhaw.

Hulagway ug balaan nga kasulatan nga panaghisgutan

Unsa ang atong makat-unan mahitungod ni Jesus gikan sa iyang pagpakita ngadto sa Nephite nga mga katawhan? (Siya namatay ug nabanhaw. Siya buhi.)

Bag-ong Panahon nga mga Propeta Nagpamatuod ni Jesukristo

Hulagway ug panaghisgutan

Ipataas ang usa ka kopya sa Perlas nga Labing Bililhon. Ipasabut nga ang asoy sa kang Joseph Smith nga unang panan-awon gisulat dinhi niini nga basahon. Hangyoa ang mga bata sa pagsulti kutob sa ilang mahimo mahitungod sa kang Joseph Smith nga unang panan-awon. (Pangandam sa pagpasabut sa sugilanon sa Unang Panan-awon kon ang mga bata wala makahibalo niini; tan-awa sa Joseph Smith—Kasaysayan 1:7–19).

Ibutang ang hulagway 3-10, Ang Unang Panan-awon, ibabaw sa unang hulagway. Hatagi og gibug-aton nga si Joseph Smith nakakita ni Jesus gatusan ka mga tuig human si Jesus mabanhaw.

Hulagway ug sugilanon

Ipakita ang hulagway 3-18, Presidente Lorenzo Snow. Ipasabut nga samtang siya mao ang Presidente sa Simbahan, siya dihay usa ka kinaugalingon nga pagduaw gikan ni Jesukristo diha sa Templo sa Salt Lake.

Usa ka adlaw samtang si Presidente Lorenzo Snow naglakaw diha sa templo uban sa iyang apo nga babaye, siya misulti ngadto kaniya mahitungod sa kasinatian. Siya misulti sa mosunod mahitungod sa ilang panagsultihanay:

“Human kami mobiya sa iyang lawak ug samtang kami diha pa sa dako nga pasilyo (koridor), nagpadulong ngadto sa Celestial nga lawak, ako nag-una paglakaw og pipila ka mga lakang ni lolo sa diha nga siya mihunong kanako, nag-ingon, ‘Hulat una og makadiyut, Allie, ako buot mosulti kanimo og usa ka butang. Dinhi niini gayud nga ang Ginoong Jesukristo mipakita ngari kanako sa panahon sa kamatayon ni Presidente Woodruff.…. ’

“Unya si lolo miduol og usa ka lakang ug mitunol sa iyang wala nga kamot ug miingon, ‘Siya mibarug dinhi gayud niini, mga 3 ka tiil ibabaw sa sawog. Kini ingon og Siya nagbarug diha sa usa ka palid nga lubos bulawan.’

“Si lolo misulti kanako unsa ka mahimayaon nga personahe ang Manluluwas ug mihulagway sa Iyang mga kamot, mga tiil, panagway ug matahum nga puti nga saput, tanan diin anaa sa himaya nga kaputi ug kahayag nga siya hapit dili makatan-aw diha Kaniya.

“Unya si lolo mipaduol og lain nga lakang ngari kanako ug mibutang sa iyang tuo nga kamot diha sa akong ulo ug miingon: ‘Karon, apo kong babaye, ako buot nga imong hinumdoman nga kini mao ang pagpamatuod sa imong apohan nga lalaki, nga siya misulti uban sa iyang kaugalingon nga mga ngabil nga siya gayud nakakita sa Manluluwas dinhi niini nga Templo, ug nakigsulti Kaniya sa inatubangay’ “ (Allie Young Pond, kinutlo ni Ivan J. Barrett, sa “He Lives! For We Saw Him,” Ensign, Agosto 1975, p. 20; usab sa Le Roi C. Snow nga “Remarkable Manifestation to Lorenzo Snow,” Church News, 2 Abr. 1938, p. 8).

Hulagway ug sugilanon

Unsa sa pagpamatuod ni Lorenzo Snow ang makatabang kaninyo sa pag-ila mahitungod ni Jesus? (Siya buhi, siya adunay lawas, ug siya nagsulti ngadto sa mga katawhan sa atong panahon.)

Kita Makabaton og Hugot nga Pagtuo diha ni Jesukristo

Panaghisgutan

Pangutan-a ang daghan nga mga bata sa mosunod nga mga pangutana:

Panaghisgutan

Kamo nakakita ba ni Jesus?
Giunsa ninyo pagkahibalo nga si Jesus tinuod ug buhi?

Tugoti ang mga bata sa pagpahayag sa ilang hugot nga pagtuo diha ni Jesus agi og sangputanan sa mga pagtulun-an sa ilang mga ginikanan, ilang magtutudlo sa Primarya ug sa balaan nga mga kasulatan.

Tabangi ang mga bata sa pagsabut nga kita makabaton og hugot nga pagtuo nga si Jesus buhi ug naghigugma kanato tungod sa balaan nga mga kasulatan ug sa mga pagpamatuod sa matinud-anon nga mga tawo. Gikan sa mga pagpamatuod sa uban, kita nakahibalo nga—

Panaghisgutan

Si Jesus Anak sa Dios.
Si Jesus naghigugma kanato ug buot motabang kanato.
Si Jesus buot nga kita adunay hugot nga pagtuo diha kaniya.
Si Jesus nabanhaw ug nabuhi pag-usab.
Si Jesus adunay lawas ug nakigsulti ngadto sa mga katawhan.

Pahinumdumi ang mga bata nga ang pagbaton og hugot nga pagtuo diha ni Jesukristo mao ang unang paagi sa pagpasakop sa tinuod nga Simbahan.

Awit

Awita o isulti ang mga pulong sa awit “Gibati Ko ang Gugma sa Akong Manluluwas.”

Katingbanan

Pagpamatuod sa magtutudlo

Kamo mahimo nga mopili og usa ka hulagway gikan niadto nga gigamit diha sa leksyon ug sa daklit pagsulti mahitungod sa inyong hugot nga pagtuo diha ni Jesus tungod sa usa ka pagpamatuod o kasinatian kalabut diha sa hulagway.

Pananglitan, ipakita ang hulagway 3-17, Jesus Nagtudlo sa Kasadpan nga Katungang Bahin sa Kalibutan. Ipasabut nga tungod kay si Jesus mipakita ngadto sa mga Nephite nga mga katawhan human siya mabanhaw ug mipahikap kanila sa iyang mga kamot ug mga tiil, kamo nakahibalo nga siya naghigugma sa tanan nga mga katawhan.

Dad-a sa panimalay

Hatagi ang matag bata og usa ka gamay nga piraso sa papel nga may pahayag “Pangutan-a ako unsay akong nakat-unan mahitungod sa pagpasakop sa Simbahan ni Jesukristo” nga gisulat diha niini. Awhaga sila sa paghatag niini nga papel ngadto sa ilang mga ginikanan ug pakigbahin unsa ang ilang nahibaloan mahitungod sa hugot nga pagtuo diha ni Jesukristo uban sa ilang banay.

Ipasulti pag-usab sa mga bata ang mosunod: “Kami nagtuo sa Dios, ang Amahan sa Kahangturan, ug sa Iyang Anak nga si Jesukristo” (Mga Artikulo sa Hugot nga Pagtuo 1:1). Unya tabangi kadto kinsa makahimo sa pagsag-ulo kutob sa mahimo sa ikaupat nga artikulo sa hugot nga pagtuo kon mahimo.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili sa mosunod nga mga kalihokan kadto nga labing moangay alang sa inyong mga bata. Kamo makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

Ipataas ang Doktrina ug mga Pakigsaad. Ipasabut nga kini nagsaysay mahitungod sa lain nga panahon sa diha nga si Joseph Smith nakakita ni Jesus. Samtang si Joseph ug Sidney Rigdon nagtuon ug naghunahuna mahitungod ni Jesus ug sa iyang mga pagtulun-an, si Jesus mipakita ngadto kanila.

Papaminawa ang mga bata samtang ikaw nagbasa sa pagpamatuod ni Joseph Smith. Basaha ang Doktrina ug mga Pakigsaad 76:22 ug ang mga pulong “Kay kami nakakita kaniya” gikan sa bersikulo 23.
- Unsa ang inyong nakat-unan mahitungod ni Jesus gikan a pagpamatuod ni Joseph Smith? (Nga si Jesus buhi.)
Ipasabut nga ang pagbasa gikan sa balaan nga mga kasulatan ug pagkasayud mahitungod sa mga katawhan kinsa nakakita ni Jesus nagtabang kanato sa pagbaton og hugot nga pagtuo diha ni Jesus. Bisan tuod kita tingali wala makakita ni Jesus sa atong kaugalingon nga mga mata, kita makabaton og hugot nga pagtuo nga siya buhi ug naghigugma kanato tungod sa mga pagpamatuod niadto kinsa nakakita kaniya ug nakasulti kanato mahitungod kaniya diha sa balaan nga mga kasulatan. Kita makahibalo sa atong mga kasingkasing nga si Jesus mao ang atong Manluluwas kon kita mangutana sa atong Langitnong Amahan diha sa atong mga pag-ampo.
Pangutana kon aduna ba sa mga bata ang buot mosulti mahitungod sa unsay ilang gibati mahitungod ni Jesus. Sila makapili og usa ka hulagway ug mosulti sa unsa nga paagi nga ang talan-awon nga gipakita diha sa hulagway nakapalig-on sa ilang hugot nga pagtuo. Matag hulagway mahimo nga magamit labaw sa kausa.

Human ang matag bata adunay kahigayunan sa pagpakigbahin unsa ang iyang gibati mahitungod ni Jesus, ipasabut nga sila naghimo og usa ka mahinungdanon nga paagi sa pagpangandam alang sa bunyag.
- Unsa kini nga paagi? (Pagpalambo sa hugot nga pagtuo diha ni Jesukristo.)
Itudlo ang tsart ug ipabasa sa mga bata o ipasulti og usab uban kanimo ang mga pulong “Hugot nga pagtuo diha ni Jesukristo.”
Ipadibuho sa mga bata ang usa ka hulagway sa usa sa mga sugilanon sa balaan nga kasulatan nga ilang nakat-unan karon.

Pagpasakop

Simbahan ni Jesukristo

Gasa sa Espiritu Santo

Hugot nga pagtuo diha ni Jesukristo

Bunyag

Paghinulsol