Leksyon 9

Pagkapari nga mga Panalangin ug mga Ordinansa

Katuyoan

Aron sa pagtabang sa matag bata sa pagsabut sa ka mahinungdanon sa pagkapari nga mga panalangin ug mga ordinansa.

Pagpangandam

1. Sa mainampuon nga paagi pagtuon sa Santiago 5:14–15 ug Doktrina ug mga Pakigsaad 42:44, 48–52. Bisan tuod og kining balaan nga mga kasulatan dili gamiton niini nga leksyon, sila mohatag kaninyo og balaan nga kasulatan nga kaagi alang sa pagtudlo niini nga baruganan.

2. Pag-andam og usa ka palabad nga papel nga gamiton sa pang-atensyon nga kalihokan. Sa paghimo og palabad nga papel, pag-andam og kwadrado nga pirasong papel ingon sa gipakita sa ubos. Guntinga ang mga linya nga tulbok-tulbok, ug piloa nga sal-ang-sal-ang ang mga tulbok diha sa tunga. Dayon ibutang ang usa ka dinagom diha sa mga tulbok, ug itusok ang dinagom ngadto sa usa ka lapis o tukog.

   

3. Pangandam sa pagtabang sa mga bata sa pag-awit o pagsulti sa mga pulong sa awit “Ang Pagkapari Gipahiuli [The Priesthood Is Restored]” (Children’s Songbook, p. 89); ang mga pulong gilakip sa luyo niining tamdanan nga basahon.

4. Kon ikaw makahimo, pag-andam og kopya sa mosunod nga sulat alang sa matag bata nga dad-on sa panimalay. Himoa o tabangi ang matag bata sa pagsulat diha sa blangko ingon nga angay alang niana nga bata (sama sa “Inahan ug Amahan”). Pagmabination ngadto sa mga bata kinsa wala nay mga amahan ug inahan sa panimalay.

   Mahal kong ,

   Ako ba nahatagan na sukad og panalangin sa pagkapari? Palihug sultihi ako mahitungod niini.

   Nahigugma,

5. Mga kagamitan nga gikinahanglan:

   1. Usa ka botelya sa gipahinungod nga lana.

   2. Mga krayola o mga lapis alang sa mga bata nga mopirma sa mga sulat.

   3. Hulagway 3-11, Juan Bautista Nagtugyan sa Aaronic nga Pagkapari (62013 Sudlanan sa Hulagway sa Ebanghelyo 407); hulagway 3-12, Pagpahiuli sa Melchizedek nga Pagkapari (62371 Sudlanan sa Hulagway sa Ebanghelyo 408); hulagway 3-20 Amahan Nag-andam sa Pagpanalangin sa Iyang Masakiton nga Anak; hulagway 3-21, Amahan Nagpanalangin sa Iyang Masuso nga Bata.

6. Himoa ang gikinahanglan nga pag-pangandam sa bisan unsa nga pagpalambo nga mga kalihokan nga inyong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa paghimo og usa ka butang sulod sa semana.

Mga Ordinansa sa Pagkapari Gipahiuli

Pang-atensyon sa kalihokan

Ipakita sa mga bata ang palabad nga papel nga imong nahimo (kamo mahimo nga mohimo sa palabad diha sa klase aron sa pagpakita kanila giunsa kini paghimo kon kamo nagtuo niini nga angay alang sa imong klase). Paduola ang matag bata sa atubangan sa klase ug pahuypa sa palabad aron sa pagpatuyok niini.

Pang-atensyon sa kalihokan

• Unsay nagpatuyok sa palabad? (Ang kusog sa hangin.)

• Unsa ang mahitabo kon walay pay hangin?

Ipasabut nga ang hangin mahimo nga usa ka gamhanan nga kusog. Kini makasuyop og tubig gikan sa ilawom sa yuta, o kini makahatag og kusog ngadto sa dako nga mga makina. Sultihi ang mga bata nga karon sila makakaton mahitungod sa usa ka gahum nga labaw ka kusog kay sa hangin. Pahinumdumi sila mahitungod sa bag-o nga leksyon sa pagpahiuli sa tinuod nga Simbahan ni Jesukristo (tan-awa sa leksyon 6). Usa ka mahinungdanon nga katarungan alang sa pagpahiuli sa ebanghelyo mao ang pagpahiuli sa pagkapari nganhi sa kalibutan.

Pang-atensyon sa kalihokan

• Ngano nga ang pagkapari mahinungdanon kaayo? (Tabangi ang mga bata sa pagsabut nga kini mao ang gahum sa pagbuhat alang sa Langitnong Amahan og ni Jesukristo.)

• Unsa ang ipasabut sa pagbuhat alang sa Langitnong Amahan ug ni Jesus? (Sa pagbuhat sa mga butang nga ilang buhaton.)

• Unsa ang pipila sa maayo nga mga butang nga gihimo ni Jesukristo dinhi sa yuta? (Siya nagpabunyag, miayo sa masakiton, mihimo sa buta nga makakita, mipanalangin sa mga bata, miandam sa sakramento sa unang higayon, ug uban pa.)

• Mahimo ba kini nga mga butang nga buhaton karon? (Oo, sila mahimo ug gihimo karon. Tabangi ang mga bata sa pagsabut nga ang mao nga mga butang mahimo lamang pinaagi sa matarung nga paggamit sa pagkapari ug sa atong kaugalingon nga hugot nga pagtuo.)

• Unsa ang pagkapari? Unsa ang mabuhat sa usa ka tawo kinsa sa matarung nagpasidungog sa iyang pagkapari? (Ipasabut ngadto sa mga bata nga kita nagkinahanglan nga makadawat og piho nga mga ordinansa aron makabalik sa atong Amahan sa Langit. Kini nga mga ordinansa mahimo lamang nga buhaton pinaagi sa pagtugot ug gahum sa pagkapari.)

• Unsa ang pipila niini nga mga ordinansa sa pagkapari? (Ang sakramento, bunyag, kumpirma, pag-orden ngadto sa pagkapari, mga pagbugkos diha sa templo, ug uban pa. Kon gikinahanglan, paghatag og mga pasabut sama sa, “Unsa ang mahitabo kon kamo mahimo na nga walo ka tuig ang panuigon?”)

• Uban nga mga ordinansa naghatag kanato og mga panalangin aron sa pagtabang kanato sa panahon niini nga kinabuhi.

• Unsa nga mga panalangin ang atong madawat gikan niadto kinsa naghupot sa pagkapari? (Mga tubag mahimo nga maglakip sa pagpangalagad sa masakiton, panalangin sa usa ka amahan, ug paghatag og ngalan ug panalangin sa mga masuso nga bata. Kamo mahimo nga mohatag og mga pasabut.)

  Ipasabut nga kini nga mga ordinansa ug mga panalangin maato pinaagi sa atong hugot nga pagtuo, mga pag-ampo, ug tukma nga pagtugot sa pagkapari.

Mga Hulagway

Ipakita ang hulagway 3-11, Juan Bautista Nagtugyan sa Aaronic nga Pagkapari, ug hulagway 3-12, Pagpahiuli sa Melchizedek nga Pagkapari. Pagpahayag og pagkamapasalamaton ngadto sa Langitnong Amahan ug ni Jesukristo sa pagtugot niini nga mga panalangin nga ipahiuli pinaagi ni Propeta Joseph Smith. Sultihi ang mga bata nga sila adunay daghan pa nga mga leksyon sa bunyag, kumpirma, sa sakramento, ug sa mga templo niini nga tuig. Pasaligi ang mga bata nga ang Langitnong Amahan adunay laraw alang kanila nga masakop uban sa usa ka mahigugmaon nga banay sa kahangturan, ug nga pinaagi niini nga mga ordinansa sila makabalik ngadto kaniya.

Ang Pagkapari Makapanalangin sa Matag Usa

Panaghisgutan

Panaghisgutan

• Ang inyong amahan o uban nga naghupot sa pagkapari nakapandong ba sa ilang mga kamot diha sa inyong ulo ug nakahatag kaninyo og panalangin? (Awhaga ang mga bata sa pagpakigbahin sa ilang mga kasinatian. Susiha kinsa ang mihatag kanila og panalangin ug alang sa unsa ang panalangin.)

Paghisgot uban sa mga bata sa mosunod nga mga punto mahitungod sa mga panalangin:

Panaghisgutan

1. Ang panalangin ihatag sa usa ka tawo kinsa naghupot sa Melchizedek nga Pagkapari. Ang usa ka tawo kinsa naghupot sa pagkapari adunay gahum sa pagbuhat alang ni Jesukristo. Kini nga tawo mahimo nga inyong amahan, inyong igsoon nga lalaki, inyong apohan nga lalaki, ang obispo o presidente sa sanga, ang mga misyonaryo, ang inyong magtutudlo sa banay, o bisan kinsang takus nga naghupot sa Melchizedek nga Pagkapari.

2. Ang tanan nga mga panalangin nga gihatag pinaagi sa pagtugot sa pagkapari gihimo aron sa pagtabang kanato.

3. Adunay nagkalain-lain nga mga matang sa mga panalangin.

Sultihi ang mga bata nga sa sunod sila makakat-on mahitungod sa duha ka matang sa linain nga mga panalangin sa pagkapari.

Mga Naghupot sa Pagkapari Makapanalangin ug Makahatag og Ngalan sa mga Masuso nga Bata

Hulagway

Ipakita ang hulagway 3-21, Amahan Nagpanalangin sa Iyang Masuso nga Bata.

Hulagway

• Unsa ang nahitabo dinhi niini nga hulagway? (Ang masuso nga bata gipanalanginan ug gihatagan og usa ka ngalan.)

  Hangyoa ang mga bata sa paghunahuna mahitungod sa katapusan nga higayon nga sila nakakita og usa ka masuso nga bata nga gipanalanginan.

• Unsa ang inyong gibati samtang ang bata gipanalanginan? (Awhaga ang mga bata sa pagpakigbahin sa ilang mga kasinatian ug mga pagbati.)

Mga Naghupot sa Pagkapari Makapangalagad ngadto sa Masakiton

Artikulo sa hugot nga pagtuo

Sultihi ang mga bata nga ingon nga mga sakop sa Ang Simbahan ni Jesukristo sa mga Santos sa Ulahing Adlaw, kita nagtuo sa lain nga matang sa panalangin nga gitawag og pagpangalagad ngadto sa masakiton. Ipasabut nga ang pagpangalagad og usa ka panalangin mao ang paghatag og usa ka panalangin. Basaha og kusog ang ikapito nga artikulo sa hugot nga pagtuo ug tabangi ang mga bata sa pagsulti og usab sa hugpong sa mga pulong “Kami nagtuo sa gasa sa pagpang-ayo.” Pahinumdumi ang mga bata nga ang mga pagpang-ayo mahitabo sunod sa mao nga panalangin kon kini pagbuot sa Langitnong Amahan.

Hulagway

Ipakita ang hulagway 3-20, Amahan Nag-andam sa Pagpanalangin sa Iyang Masakiton nga Anak. Ipasabut nga bisan kanus-a nga adunay usa nga masakiton, mga naghupot sa pagkapari makahatag kaniya og linain nga panalangin. Kini usa ka maayo nga butang nga mangayo og panalangin kon kita masakiton. Ipasabut ang mosunod mahitungod sa pagpanalangin alang sa masakiton.

Hulagway

1. Kon kamo masakiton ug nagkinahanglan og usa ka panalangin, kamo makasulti sa inyong mga ginikanan. Kon ang inyong amahan naghupot sa Melchizedek nga Pagkapari, siya tingali mohangyo sa lain nga takus nga naghupot sa Melchizedek nga Pagkapari diha sa Simbahan sa pagtabang kaniya sa paghatag kaninyo og usa ka panalangin. Kon ang inyong amahan wala maghupot sa Melchizedek nga Pagkapari, kamo makahangyo sa inyong mga magtutudlo sa banay, apohan nga lalaki, uyoan, sa obispo o presidente sa sanga, o sa mga misyonaryo alang sa usa ka panalangin.

2. Kadto kinsa nangalagad ngadto sa masakiton, o naghatag sa panalangin, mogamit sa lunsay nga lana sa oliba nga napahinungod (gihatagan og linain nga panalangin) pinaagi sa duha ka mga sakop sa Melchizedek nga Pagkapari. Ipakita sa mga bata ang botelya sa napahinungod nga lana.

3. Adunay duha ka mga bahin sa pagpangalagad ngadto sa masakiton: Una, usa sa naghupot sa pagkapari mobutang og gamay nga lana ibabaw sa ulo sa masakiton nga tawo ug mohatag og mubo nga pag-ampo. Ikaduha, ang duha nga naghupot sa pagkapari dayon mopandong sa ilang mga kamot diha sa ulo sa masakiton nga tawo, ug ang usa mosilyo sa pagdihog pinaagi sa lain nga linain nga pag-ampo, naghatag uban niini og usa ka dinasig nga panalangin sa Langitnong Amahan.

Ipasabut ngadto sa mga bata nga kon kita adunay hugot nga pagtuo ug nakadawat og usa ka panalangin sa pagkapari, ang Langitnong Amahan mopanalangin kanato sumala sa iyang kabubut-on. Siya mobuhat kanunay unsay labing maayo alang sa atong mga kinabuhi.

Kasinatian sa matutudlo

Pakigbahin og usa ka kinaugalingon nga kasinatian sa diha nga kamo aduna o nakahibalo nga usa ka masakiton nga tawo namaayo human makadawat og panalangin. Sultihi ang mga bata unsa kamo ka mapasalamaton alang sa pagkapari ug alang sa gasa sa pagpang-ayo.

Panalangin sa Usa ka Amahan

Sugilanon

Sultihi ang mga bata mahitungod sa usa ka linain nga matang nga panalangin sa pagkapari pinaagi sa pagsaysay sa mosunod nga sugilanon (sa pagsaysay sa sugilanon ug unya sa paghisgot sa baruganan nga nalakip, pagmabination ngadto niadto nga mga bata kinsa walay amahan kinsa makahatag kanila og usa ka panalangin sa pagkapari):

Si Melissa naguol mahitungod sa pagsugod sa klase, bisan tuod siya naglantaw niini sulod sa dugay nga panahon. Si Melissa wala pa sukad makaeskwela ug wala siya masayud kon sama sa unsa kini. Siya wala makaila sa iyang magtutudlo, ug siya wala makaila kinsa ang uban nga mga bata.

Sa gabii nga wala pa magsugod ang eskwela, si Melissa miandam sa sinina nga iyang isul-ob ug nangandam alang sa pagkatulog. Sa wala madugay siya miadto sa lawak dawatanan og bisita, naghapyod sa iyang tiyan. Siya miingon, “Dili kaayo maayo ang akong gibati. Tingali ako nagdaot.” Ang mga ginikanan ni Melissa misulti kaniya nga sila buot nga motabang kaniya nga moabti og kaarang-arang. Ang iyang inahan migakus kaniya. Ang iyang amahan misulti kaniya nga siya nakasabut nga siya naguol mahitungod sa pag-adto sa eskwelahan.

Siya misulti kaniya nga adunay usa ka butang nga siya makahatag kaniya nga makatabang kaniya nga makaangkon og usa ka malipayon nga kasinatian sa eskwelahan. Siya mipasabut nga siya makahatag kaniya og linain nga panalangin sa usa amahan pinaagi sa gahum sa pagkapari.

Si Melissa miingon nga siya buot nga siya mohatag kaniya og panalangin sa usa ka amahan. Busa ang amahan ni Melissa mipandong sa iyang mga kamot diha sa iyang ulo ug mihatag kaniya og usa ka panalangin. Siya mipanalangin kaniya nga siya daghan og mahimo nga mga higala ug nga siya adunay usa ka buotan nga magtutudlo kinsa mohigugma kaniya ug motabang kaniya sa pagkat-on.

Human sa panalangin, si Melissa migakus sa iyang amahan ug mipasalamat kaniya alang sa paghatag og panalangin sa usa ka amahan. Siya miingon nga mibati na siya og kaarang-arang.

Sugilanon

• Unsa nga mga suliran nga kamo nagkinahanglan og tabang?

• Makahimo ba ang bisan kinsa kaninyo sa pagsaysay mahitungod sa higayon nga kamo nakadawat og panalangin sa usa ka amahan?

Awhaga ang mga bata sa paghangyo sa ilang amahan alang sa panalangin sa usa ka amahan sa matag panahon sila adunay talagsaon nga panginahanglan. Ipasabut nga kon ang ilang amahan wala maghupot sa pagkapari, bisan kinsa nga takus nga naghupot sa Melchizedek nga Pagkapari, sama sa mga magtutudlo sa banay, ang obispo, presidente sa sanga, ang mga misyonaryo, o uban nga mga kabanay sama sa mga uyoan o mga apohan nga lalaki kinsa naghupot sa pagkapari makahatag kanila og usa ka linain nga panalangin kon sila adunay panginahanglan. (Pagmabination ngadto niadtong mga bata kinsa gikan sa mga panimalay diin ang pagkapari wala tagai og bili.)

Awit

Awita o isulti ang mga pulong sa awit, “Ang Pagkapari Gipahiuli.”

Katingbanan

Mga sulat

Ipasa ang mga sulat nga imong giandam. Sultihi ang mga bata unsa ang gipamulong sa mga sulat. Tabangi ang matag bata sa pagsulat sa padad-anan sa husto nga paagi ug sa pagpirma sa iyang ngalan sa ubos sa sulat. Awhaga ang mga bata sa pagsulti ngadto sa ilang mga ginikanan mahitungod sa panalangin sa pagkapari nga ilang nadawat ug mahitungod sa mga panalangin nga ilang nakat-unan mahitungod sa Primarya.

Pagpamatuod sa magtutudlo

Pagpamatuod ngadto sa mga bata nga ang pagkapari uban sa iyang gahum gipahiuli nganhi sa yuta ug usa ka linain nga gasa gikan sa Langitnong Amahan aron sa pagpanalangin sa atong mga kinabuhi. Pinaagi sa pagtugot ug gahum sa pagkapari, kita makadawat sa mga ordinansa ug mga panalangin nga gikinahanglan aron makapuyo pag-usab uban sa Langitnong Amahan ug magpuyo og labaw nga maayo nga mga kinabuhi dinhi sa yuta.

Pagdapit og usa ka bata sa paghatag sa panapos nga pag-ampo aron sa pagpasalamat sa Langitnong Amahan alang sa linain nga mga panalangin sa pagkapari.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Kamo makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Tugoti ang mga bata sa pagsubay og liyok sa ilang mga kamot sa usa ka krayola diha sa usa ka piraso nga papel. Pahinumdumi sila nga kon kita masakiton, ang usa ka naghupot sa pagkapari makapandong sa iyang mahigugmaon nga mga kamot diha sa atong mga ulo aron sa paghatag kanato og usa ka panalangin. Kanus-a ipandong ang mga kamot diha sa atong mga ulo? (Labaw ka dagko nga mga bata mahimo nga mosulat diha sa matag tudlo sa gisubay nga kamot og tubag sama sa kumpirma, mga pag-orden sa pagkapari, ug mga panalangin sa usa ka amahan. Alang sa labaw ka gagmay nga mga bata sultihi lamang sa yano mahitungod niining uban nga mga panalangin.

2. Pakigsabut alang sa usa ka amahan ug sa iyang bag-o nga natawo nga masuso nga bata sa pag-anha sa imong klase aron sa pagsulti ngadto sa mga bata. Ipahimo sa amahan ang pagsulti mahitungod sa panalangin sa masuso nga bata, unya ipangutana ang mosunod nga mga pangutana:

   • Gigamit ba ang tibuok ngalan sa masuso nga bata diha sa panalangin? Unsa kini?

   • Kinsa ang mipanalangin sa masuso nga bata, ug unsa nga pagtugot ang iyang gihuptan?

   • Kinsa ang mitabang sa pagpanalangin, ug sa unsa nga paagi sila mitabang?

   • Ngano nga kini usa ka talagsaon nga adlaw alang sa masuso nga bata?

   • Unsa nga linain nga mga panalangin ang nadawat sa masuso nga bata? (Paghisgot lamang niini kon angay.)

3. Paghimo ug paggunting og yano nga mga dibuho, sama niadto nga anaa sa sunod nga pahina, nagtimaan sa mga tubag sa mosunod nga mga tigmo. Ipasa ang mga dibuho nga inyong nahimo. Ipahimo sa matag bata ang pagpataas sa ilang dibuho ug ipasulti unsa ang gipaila niini.

   Ipasabut nga ikaw mobasa og pipila ka mga tigmo, ug ang mga bata mohukom hain nga dibuho ang motubag sa tigmo. Ipahimo sa bata nga naggunit sa tubag sa tigmo sa pagbutang niini tupad sa husto nga hulagway sa panalangin. (Pipila ka mga dibuho mapares sa labaw sa usa ka panalangin.)

   1. Ako gigamit kon ang usa ka tawo kinsa masakiton gihatagan og usa ka panalangin. Ang naghupot sa pagkapari nagbutang og gamay nga gidaghanon kanako diha sa ulo sa tawo nga masakiton. Kinsa ako? (Gipahinungod nga lana.)

   2. Ako dili makalakaw. Ako dili makasulti. Ako bata kaayo. Ako nagkinahanglan nga mahatagan og usa ka ngalan ug usa ka panalangin. Unsa ako? (Usa ka masuso nga bata.)

   3. Ako nagkinahanglan og linain nga panalangin. Ako adunay taas nga hilanat. Ako mihangyo sa akong amahan sa paghatag kanako og usa ka panalangin aron sa pagtabang kanako nga mobati og kaarang-arang. Unsa ako? (Usa ka masakiton nga bata.)

   4. Ako gihatagan og linain nga gahum nga gitawag og pagkapari. Ako adunay mga anak. Ako makahatag sa akong mga anak og panalangin sa usa ka amahan. Unsa ako? (Usa ka amahan.)

   5. Kon ang usa ka masakiton nga tawo mangayo og panalangin, sa kubos usa ka piho nga gidaghanon sa mga lalaki kinsa naghupot sa Melchizedek nga Pagkapari gitawag aron sa paghatag sa panalangin. Ako mao kana nga numero. Unsa ako? (Ang numero 2.)

   6. Kon ang mga lalaki nga naghupot sa pagkapari nagpanalangin og usa ka masuso, nagpanalangin og masakiton, o naghatag og panalangin sa usa ka amahan, sila naggamit kanako. Sila nagpandong kanako diha sa ulo sa tawo o naggamit kanako sa paggunit sa masuso. Unsa ako? (Mga kamot.)