Leksyon 12

Ang Balay nga Gitukod diha sa ibabaw sa Bato

Katuyoan

Aron sa papalig-on sa tinguha sa matag bata sa pagsunod sa mga sugo aron si Jesukristo ug ang iyang ebanghelyo mahimong tinuod nga tukuranan sa iyang kinabuhi.

Pagpangandam

1. Sa mainampoon nga paagi pagtuon sa Mateo 7:24–27, Lucas 6:47–49, ug Doktrina ug mga Pakigsaad 11:24. Dayon pagtuon sa leksyon ug paghukom unsaon nimo pagtudlo ang mga bata sa asoy sa kasulatan (tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)

2. Dugang mga basahonon: Helaman 5:12 ug 3 Nephi 14:24–27.

3. Pilia ang mga pangutana sa panaghisgutan ug mga kalihokan sa pagpalambo nga maoy makapalakip sa mga bata ug labing makatabang nila sa pagkab-ot sa katuyoan sa leksyon.

4. Paghimo og poster sa Doktrina ug mga Pakigsaad 11:24 o planoha ang pagsulat niini diha sa pisara.

5. Mga materyal nga gikinahanglan:

   1. Usa ka Biblia o usa ka Bag-ong Tugon alang sa matag bata.

   2. Pipila ka 3″ por 5″ nga mga kard ug gamay nga balas o asin (mahimong sundon o dili).

   3. Hulagway 7-12, Wali sa Bukid (Pakete sa mga Hulagway sa Ebanghelyo 212;62166).

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pangutana sa mga bata kon sila nahinumdom ba sa pag-ampo matag buntag ug gabii sa miaging semana. Hangyoa sila sa pagsulti nimo unsay ilang gibati sa dihang sila mibuhat niini.

Pang-atensyon nga Kalihokan

Kon ikaw adunay makahadlok nga kasinatian sa bagyo, ilarawan kana nga kasinatian. Ipasabut ngano nga ikaw nabalaka ug unsa ang imong gibuhat aron maiuwas kutob sa mahimo. Pangutana sa mga bata kon sila nahadlok ba sa bagyo, ug dapita kadtong mga bata kinsa buot mopakigbahin unsay ilang gibati ngadto sa klase.

Ikapuli nga Pang-atensyon nga Kalihokan

Ipapilit ang duha ka mga hugpong sa 3″ por 5″ nga mga kard ngadto sa managsama nga gambalay, sama sa usa ka gamay nga balay. (Kini dili kinahanglan nga makuti. Upat ka mga kard nga gipapilit aron mahimong kahon mahimo na alang niining maong kalihokan.) Ipabutang sa usa ka bata ang usa ka gambalay sa lamesa ug ang usa sa usa ka tapok sa balas o asin sa lamesa. Dayon uyoga ang lamesa aron ang mga kard sa balas molihok o matumpag. Sultihi sila nga ang balay sa balas kanunay gayud nga mabanlas ug matumpag tungod kay ang balas molihok og dali.

Asoy sa Kasulatan

Itudlo ang asoy sa pagsulti ni Jesus sa mga tinun-an unsaon sa pagtukod og balay diha sa ibabaw sa bato imbis nga diha sa ibabaw sa balas, gikan sa Mateo 7:24–27 ug Lucas 6:47–49. (Alang sa gisugyot nga mga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.) Ipasabut nga ang pagtuman sa ebanghelyo ni Jesukristo makatabang nato sa pagbuntog sa tintasyon ug kaiisdanan o mga suliran sa atong mga kinabuhi.

Mga Pangutana sa Panaghisgutan ug Paggamit

Pagtuon sa mosunod nga mga pangutana ug sa mga pakisayran sa kasulatan samtang ikaw nag-andam sa imong ieksyon. Paggamit sa mga pangutana nga ikaw nagtuo maoy labing makatabang sa mga bata nga makasabut sa mga kasulatan ug sa paggamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang nila nga makasabut sa mga kasulatan.

Mga Pangutana sa Panaghisgutan ug Paggamit

• Diin ang maalamon nga tawo nagtukod sa iyang balay? (Mateo 7:24; Lucas 6:47–48.) Ngano sa inyong pagtuo nga siya maalam?

• Diin ang buang nga tawo nagtukod sa iyang balay? (Mateo 7:26; Lucas 6:49.) Ngano sa inyong pagtuo nga siya buang? Ngano sa inyong pagtuo nga ang usa ka tawo mahimong motukod og usa ka balay sa usa ka balason nga tukuranan? Asa kaha ang mas sayon magkawot og pundasyon—sa balas o sa gahi nga yuta?

• Unsa ang ipasabut sa “magapatalinghug sa pulong ni Jesus ug magabuhat niini”?

• Ngano sa inyong pagtuo nga si Jesus nagtandi sa usa ka tawo nga nakadungog sa iyang mga pulong ug nagabuhat niini ngadto sa tawo kinsa nagtukod sa iyang balay diha sa ibabaw sa usa ka bato?

• Ngano sa inyong pagtuo nga si Jesus nagtandi sa usa ka tawo nga nagapatalinghug sa iyang mga pulong apan wala nagtuman niini ngadto sa usa ka tawo kinsa nagtukod sa iyang balay diha sa ibabaw sa balas?

Basaha unsa ang gisulti ni Jesukristo sa Doktrina ug mga Pakigsaad 11:24, usa ka pagpadayag nga gihatag pinaagi ni Joseph Smith alang sa iyang igsoon nga si Hyrum. Ipakita ang papel nga gisulatan niining kasulatan o isulat ang bersikulo sa pisara.

Mga Pangutana sa Panaghisgutan ug Paggamit

• Ngano nga angayan man kita nga magtukod sa atong balay, o sa laing pagkasulti, sa atong mga kinabuhi, diha sa !ig-on nga sukaranan ni Jesukristo ug sa iyang ebanghelyo? (Helaman 5:12.)

Tabangi ang mga bata nga makasabut nga si Jesus ug ang iyang mga pagtulunan mao lamang ang atong bugtong tinuod nga tukuranan. Kon kita magtukod sa atong mga kinabuhi ngadto sa lain, kini sama lang sa pagtukod sa balay sa ibabaw sa balas.

Mga Pangutana sa Panaghisgutan ug Paggamit

• Unsa ang gitukuran sa ubang mga katawhan sa ilang kinabuhi nga ikatandi sa balas?

Hisguti ang mga butang sama sa salapi, kabantog, pagkainila, paugnat sa kusog, pisikal, nga katahum ug uban pa. Ipasabut nga kining tanan mga balason nga mga tukuranan nga himoon nga labing mahinungdanong mgatumong sa kinabuhi.

Mga Pangutana sa Panaghisgutan ug Paggamit

• Mahinungdanon ba sa atong mga kinabuhi nga mangita og daghang salapi, sa pagdula ug magpasingot, sa pagbaton og mga higala ug magbuhat og maanindot nga mga butang alang nila? Ngano?

Ipasabut nga kita nagkinahanglan og salapi aron ipalit og pagkaon, saput, ug uban pa. Ang mga higala ug trabaho mahinungdanon usab sa atong mga kinabuhi. Apan kon kining mga butanga mahimong labaw nga mahinungdanon kaysa pagsunod sa Manluluwas ug pagtuman sa ebanghelyo, mahimong mahanaw nato ang mga panalangin sa kinabuhing dayon.

Mga Pangutana sa Panaghisgutan ug Paggamit

• Ngano nga gipadala kita sa Langitnong Amahan dinhi sa yuta?

• Unsa ang pipila ka piho nga mga paagi nga kita makatukod sa atong mga kinabuhi ngadto kang Jesukristo ug sa iyang mga pagtulun-an?

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsa nga higayon sa leksyon o ingon nga usa ka pagribyu, katingbanan, o hagit.

1. Hatagi ang matag bata og usa ka piraso nga papel nga adunay mga pulong Si Jesukristo ang akong tinuod nga tukuranan tungod kay nga nakasulat sa itaas. Hangyoa ang mga bata sa pagsulat sa labing daghang mga butang nga ilang mahunahunaan diha sa papel nga makatiwas sa han-ay sa mga pulong. Dayon hangyoa sila sa pagsulti nimo unsa ang ilang mga tubag. Kon sila wala makahunahuna sa mosunod nga mga punto, siguroha nga ikaw nakahisgot niini:

   Siya nahigugma nako.

   Siya mitudlo nako sa pamaagi sa husto nga pagpuyo.

   Siya naghimo sa panig-ingnan alang nako.

   Siya mihatag sa iyang kinabuhi alang nako.

   Siya miantus alang sa akong mga sala.

   Tungod kaniya ako mabanhaw.

   Siya mihimo niini nga posible aron ako makabalik ngadto sa Langitnong Amahan.

2. Ipatiwas sa matag bata ang han-ay sa mga pulong “Ako motukod sa akong kinabuhi diha sa Manluluwas pinaagi sa .” Ang mga tubag mahimong ang pagsalmot sa gabii sa banay, pagtabang sa panimalay, pagbayad sa ikapulo, pag-ampo, pagtuman sa Pulong sa Kaalam, pagsulti sa tinuod, pagkamabination sa uban, pagbasa sa mga kasulatan, pagkamaligdong, ug uban pa. Hatagi ang matag bata og higayon, maghatag og mga sugyot kon gikinahanglan. Ikaw mahimong buot mopadayon hangtud sila makahimo sa paghunahuna og mga sugo nga sila makahingalan. Ipasabut nga ang nag-inusarang paagi nga kita makaangkon og kinabuhing dayon mao ang pagkamasulundon sa mga balaod sa ebanghelyo. Ikaw mahimong buot mosulat sa laing mga piraso nga papel unsa ang gisulti sa matag bata nga iyang mabuhat ug ipapilit ang mga papel ngadto sa usa ka bato aron dad-on sa matag bata ngadto sa panimalay.

3. Ipatan-aw sa mga bata ang mosunod nga mga kasulatan aron sa pagtan-aw unsa ang gisulti ni Jesus mahitungod sa pagkamasulundon. Ipahinumdom nila nga kini pinaagi lamang sa pagtuman sa mga sugo ni Jesus nga kita nagtukod sa atong mga kinabuhi diha sa lig-on nga tukuranan.

   Mateo7:21

   Lucas 11:28

   Juan 15:10

4. Ribyuha ang ikatulo nga artikulo sa hugot nga pagtuo uban sa mga bata.

5. Tabangi ang mga bata sa pagsag-ulo sa Doktrina ug mga Pakigsaad 11:24 gikan sa tsart o pisara.

Panapos

Pagpamatuod

Ipadayag ang imong gugma alang sa Manluluwas ug pagpamatuod nga ang matag sugo nga iyang gihatag nato makatabang nato nga magmalipayon ug nga ang pagkamasinupakon mosangpot ngadto sa pagkamagul-anon. Ikaw mahimong mopakigbahin og kasinatian nga ikaw aduna diin ang pagtuman sa ebanghelyo nahimong panalangin alang nimo.

Gisugyot nga Basahonon sa Panimalay

Isugyot nga ang mga bata magtuon sa Mateo 7:24–27 sa panimalay ingon nga ribyu niini nga leksyon.

Pagdapit og usa ka bata nga mohatag sa panapos nga pag-ampo.