Leksyon 15

Si Jesukristo Migamit sa Iyang Gahum sa Pagkapari sa Pagpanalangin sa Uban

Katuyoan

Aron sa pagtabang sa matag bata nga labaw nga makasabut sa gahum sa pagkapari.

Pagpangandam

1. Sa mainampoon nga paagi pagtuon sa Marcos 4:35–41, 6:33–44, Lucas 9:37–43, Mateo 14:23–33, Mga Buhat 10:38, ug Doktrina ug mga Pakigsaad 13, 27:12, 124:123. Dayon pagtuon sa leksyon ug paghukom unsaon nimo pagtudlo ang mga bata sa mga asoy sa kasulatan. (Tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)

2. Dugang mga basahonon: Mateo 8:23–27; Juan 6:1–14, 16–21; ug Mga Baruganan sa Ebanghelyo, kapitulo 13.

3. Pilia ang mga pangutana sa panaghisgutan ug mga kalihokan sa pagpalambo nga maoy makapalakip sa mga bata ug labing makatabang nila sa pagkab-ot sa katuyoan sa leksyon.

4. Mga materyal nga gikinahanglan:

   1. Usa ka Biblia o usa ka Bag-ong Tugon alang sa matag bata.

   2. Mga huiagway 7-15, Pagkalma sa Unos (Pakete sa mga Huiagway sa Ebanghelyo 214; 62139); 7-16, Pagpakaon sa Lima ka Libo (62143); ug 7-17, Si Jesus Naglakaw ibabaw sa Tubig.

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Palunga ang suga sa kwarto, o pasigaha ang usa ka flashlight. Pangutana unsa ang gikinahanglan alang sa pagpasiga. (Elektrisidad/gahum.) Ipasulti sa mga bata nganha nimo ang mga butang nga atong gigamit nga naggamit og gahum aron molihok. Unsa ang laing mga matang sa gahum ang anaa? Sultihi ang mga bata nga karong adlawa sila makakat-on mahitungod sa gahum nga maoy labing kusog nga gahum sa tanan, labaw ka kusog kaysa mga kusog sa kinaiyahan. Kini mao ang gahum sa Dios. Kita nagtawag niini nga ang pagkapari.

Ikapuli nga Pang-atensyon nga Kalihokan

Ipakita sa mga bata ang usa ka magnet ug pipila ka piraso nga puthaw. Tuguti ang mga bata sa paggamit sa magnet aron sa pagbira sa puthaw labang sa lamesa. Kon ikaw walay magnet, pagpaburot og usa ka balloon ug inusnus kini sa sinina aron kini mopilit sa bongbong o ngadto sa usa sa mga bata. Ikaw usab mahimong mopasudlay sa usa ka bata sa iyang buhok sa makadaghan ug unya mogamit niini sa pagpunit og gagmay nga piraso nga papel.

Ikapuli nga Pang-atensyon nga Kalihokan

• Unsay anaa sa magnet nga nakapabira sa puthaw, sa balloon nga nakapapilit sa bongbong o sinina, sa sudlay nga nakapapunit sa papel? (Ang magnet adunay gahum nga nakapabira sa puthaw ngadto niini. Ang estatik nga elektrisidad nagpugong sa balloon ngadto sa bongbong o sinina ug nakapahimo sa sudlay nga makapunit sa papel.)

• Unsa nga laing mga gahum ang inyong mahunahunaan? (Kilat, dagitab, hangin, ug uban pa.)

Ipasabut ngadto sa mga bata nga sila makakat-on mahitungod sa gahum nga maoy labing kusog nga gahum sa tanan. Kini mao ang gahum sa Dios, ang pagkapari.

Mga Asoy sa Kasulatan ug Mga Panaghisgutan ug Paggamit

Ginamitan sa mga hulagway sa tukma nga panahon, itudlo ang mga asoy mahitungod ni Jesus nga naggamit sa iyang gahum. (Alang sa gisugyot nga mga paagi sa pagtudlo sa mga asoy sa kasulatan, tan-awa sa “Pagtudlo gikan sa mga Kasulatan,” p. viii.)

Mga Asoy sa Kasulatan ug Mga Panaghisgutan ug Paggamit

1. Nagpakalma sa Unos (Marcos 4:35–41)

   • Unsa ang gibati sa mga tinun-an ni Jesus sa panahon sa unos? (Marcos 4:38.) Ngano nga sila nagtuo nga si Jesus wala nagpakabana nila? Unsaon ninyo pagkasayud nga ang Langitnong Amahan nagpakabana ninyo?

   • Giunsa ni Jesus pagpakalma sa unos? (Marcos 4:39.)

   • Unsa nga gahum ang gigamit ni Jesus sa pagpakalma sa unos? (lyang gahum—ang gahum sa Dios.) Unsa ang atong tawag sa gahum ug pagtugot sa Dios? (D&P 124:123. Ang pagkapari.)

   • Human sa pagpakalma sa unos, unsa ang gimando ni Jesus sa iyang mga tinun-an? (Marcos 4:40.)

   • Unsa ang gibati sa mga tinun-an kang Jesus human siya mipakalma sa unos? (Mateo 8:27; Marcos 4:41.)

2. Pagpakaon sa Lima ka Libo (Marcos 6:33–44)

   • Ngano sa inyong pagtuo nga ang mga tawo misunod kang Jesus ngadto sa kamingawan? (Marcos 6:33.) Unsa ang gibuhat ni Jesus sa wala pa siya mihimo sa milagro sa pagpakaon sa lima ka libo? (Mateo 14:14.) Unsa nga gahum ang gigamit ni Jesus sa pag-ayo sa masakiton? (Ang gahum sa pagkapari.) Kinsa ang tinubdan sa gahum nga nagpanalangin sa atong mga kinabuhi? (Mga Buhat 10:38.)

   • Unsa nga gahum ang gigamit ni Jesus sa paghatag og igo nga pagkaon alang sa tanan? Unsa ang milagroso nga bahin sa pagkaon nga nahibilin? (Marcos 6:42–44; Juan 6:12–13.)

3. Si Jesus Nag-ayo sa Batang Lalaki nga adunay Dautan nga Espiritu (Lucas 9:37–43)

   • Unsay dipirensya niadtong anak nga lalaki sa tawo? (Lucas 9:38–40.) Unsa ang gihangyo sa lalaki nga buhaton ni Jesus?

   • Unsa ang nahimo ni Jesus alang sa batang lalaki? (Lucas 9:42.) Unsay reaksyon sa mga tawo kinsa uban ni Jesus niining milagro? (Lucas 9:43.)

   • Si kinsa pa ang giduolan sa lalaki alang sa panabang? (Lucas 9:40.) Ngano sa inyong pagtuo nga ang mga tinun-an dili makahimo sa pagtabang sa lalaki ug sa iyang anak nga lalaki? Ngano nga si Jesus mitawag sa iyang mga tinun-an og “kulang sa hugot nga pagtuo”? (Lucas 9:41.) Ngano sa inyong pagtuo nga ang hugot nga pagtuo gikinahanglan aron ang gahum sa pagkapari molihok?

4. Paglakaw ibabaw sa Tubig (Mateo 14:22–33)

   • Pinaagi sa unsang gahum si Jesus nakahimo sa paglakaw ibabaw sa tubig ngadto sa sakayan diin nahimutang ang iyang mga mga tinun-an? Unsa ang gihunahuna sa mga tinun-an sa dihang sila nakakita kaniya? (Mateo 14:26.) Unsa ang gisulti ni Jesus ngadto kanila? (Mateo 14:27.)

Katingbanan nga Mga Pangutana sa Panaghisgutan ug Paggamit

Ipasabut nga si Jesus mihimo niining upat ka mga milagro pinaagi sa iyang gahum. Siya usab mihimo og daghan pa nga mga milagro ginamitan sa gahum sa pagkapari. Si Jesus mipakig-ambit sa iyang gahum uban sa mga naghupot sa pagkapari karon.

Si Pedro, Santiago, ug Juan nakadawat sa mga yawe sa pagkapari didto sa Bukid sa Transpigurasyon (Mateo 17:1–9). Kining mga yawe sa pagkapari gihatag ngadto nilang Pedro, Santiago, ug Juan aron sila makaangkon sa gahum sa pagkapari sa panahon nga si Jesus wala na. Si Pedro mao ang Presidente sa Simbahan human si Jesus nabanhaw, ug siya nagkinahanglan sa mga yawe sa pagkapari aron sa pagpadayon sa buluhaton sa Simbahan.

Katingbanan nga Mga Pangutana sa Panaghisgutan ug Paggamit

• Unsa nga mga yawe sa pagkapari ang gihatag nilang Moises ug Elijah ngadto nilang Pedro, Santiago, ug Juan? (Si Moises mihatag nila sa mga yawe sa pagkapari sa pagpundok sa Israel; si Elijah mihatag nila sa mga yawe sa gahum sa pagbugkos [tan-awa sa D&P 110:12–16].)

• Unsaon nato paggamit ang mga yawe sa pagpundok karon? (Mga Artikulo sa Hugot nga Pagtuo 1:10. Misyonaryo nga buhat.) Unsaon ninyo pagsalmot sa misyonaryo nga buhat karon, ug unsaon ninyo pagpangandam sa pag-alagad og full-time nga misyon?

• Asa nato gamiton ang mga yawe sa pagbugkos sa pagkakaron? (Didto sa templo.) Unsaon ninyo pag-andam aron makaadto sa templo?

Ipasabut nga human sa kamatayon ni Jesus ug sa mga Apostoles, ang mga panalangin sa Simbahan ug sa pagkapari gikuha gikan sa mga tawo dinhi sa yuta. Kini mahinungdanon nga ang pagkapari mapahiuli dinhi sa yuta. Si Jesus mipahiuli sa iyang simbahan ug sa pagkapari pinaagi kang Joseph Smith aron kitang tanan makadawat sa mga panalangin sa pagkapari sa atong mga kinabuhi sa pagkakaron.

Katingbanan nga Mga Pangutana sa Panaghisgutan ug Paggamit

• Ngano nga mahinungdanon alang sa Simbahan nga adunay pagkapari sa pagkakaron? Unsa ang duha ka mga pagkapari? Sa unsa nga paagi nga ang Aaronic nga Pagkapari napahiuli? (D&P 13.) Sa unsa nga paagi nga ang Melchizedek nga Pagkapari napahiuli? (D&P 27:12.)

Tabangi ang mga bata nga makasabut nga ang mga takus nga batan-on nga lalaki mahimong makadawat sa samang pagkapari kon sila mag-edad og napulog duha nga gipahiuli ni Juan Bautista kang Joseph Smith ug Oliver Cowdery. Ipasabut nga kon ang mga bata makadawat sa Aaronic nga Pagkapari, sila gihatagan og gahum sa pagbuhat sa ngalan sa Dios sa pagpanalangin sa mga sakop sa ilang ward o branch. (Tan-awa sa kalihokan nga pagpalambo 5.)

Katingbanan nga Mga Pangutana sa Panaghisgutan ug Paggamit

• Unsa nga mga panalangin ang atong madawat pinaagi sa gahum sa pagkapari? (Paghatag og ngalan ug pagpanalangin sa mga bata, pagbunyag, pagkumpirma, ang sakramento, mga pagbugkos sa templo, ug uban pa.) Unsa ang pipila ka kinaugalingon nga mga panalangin nga atong madawat pinaagi sa pagkapari? (Mga panalangin kon masakiton, mga panalangin sa usa ka amahan, mga magtutudlo sa panimalay.)

• Sa unsang paagi nga ang pagkapari mipanalangin sa imong kinabuhi?

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsa nga higayon sa leksyon o ingon nga usa ka ribyu, katingbanan, o hagit.

1. Diha sa pinilo nga mga piraso nga papel isulat ang Bunyag ug Kumpirma, Pagpanalangin sa Masakiton, Usa ka Panalangin sa Amahan, Kasal sa Templo, ug Ang Sakramento. Ibutang and mga piraso sa papel sa usa ka kahon o sobre nga gimarkahan og “Mga Ordinansa sa Pagkapari ug mga Panalangin.” Hangyoa ang usa ka bata sa pagkuha og usa ka piraso sa papel diha sa kahon o sobre ug ipabasa kini sa klase. Hisguti ang mga tahas sa pagkapari sa pagpanalangin o sa ordinansa. Balika uban sa laing mga piraso nga papel. Hangyoa ang mga bata sa pagpakigbahin sa mga kasinatian nga ilang naangkon uban niining mga ordinansa ug mga panalangin.

2. Ribyuha ang ikalima nga artikulo sa hugot nga pagtuo, ug tabangi ang mga bata sa pagsag-ulo niini.

3. Ipasabut nga kon ang usa ka batan-on nga lalaki sa Simbahan mag-edad og dose, siya mahimo, kon siya takus, nga makadawat sa Aaronic nga Pagkapari ug i-orden ngadto sa katungdanan sa usa ka deacon. Pag-andam sa mosunod nga mga ginunting nga mga pulong.

   Mopaambit sa sakramento

   Mokolekta sa mga halad sa puasa

   Moihok isip sinugo sa obispo

   Moalima sa mga kabtangan sa Ginoo

   Hangyoa ang mga bata sa paghingalan sa mga katungdanan sa usa ka deacon. Samtang ang mga bata naghatag sa tukma nga mga tubag, ipadayag ang angay nga mga ginunting nga mga pulong. Tabangi sila sa pag-ila sa tanang mga katungdanan pinaagi sa paghatag nila og timailhan kon gikinahanglan.

Panapos

Pagpamatuod

Hatag sa imong pagpamatuod sa gahum sa pagkapari nga gihuptan ni Jesus. Ingon man paghatag sa imong pagpamatuod nga ang takus nga mga lalaki ug batan-ong mga lalaki sa Simbahan adunay susama nga gahum sa pagkapari karon ug nga ang sigurado nga mga panalangin gitagana alang kanato pinaagi sa pagkapari.

Gisugyot nga Basahonon sa Panimalay

Isugyot nga ang mga bata magtuon sa Marcos 4:35–41 sa panimalay ingon nga ribyu niini nga leksyon.

Pagdapit og usa ka bata nga mohatag sa panapos nga pag-ampo.