Si Jesukristo Mihimo og mga Milagro

Katuyoan

Aron sa pagtabang sa mga bata sa pagpalig-on sa ilang hugot nga pagtuo kang Jesukristo pinaagi sa pagkat-on nga ang mga milagro mahitabo sumala sa kabubut-on sa Langitnong Amahan kon kita dunay hugot nga pagtuo.

Pagpangandam

Sa mainampoon nga paagi pagtuon sa Marcos 2:1–12, 5:21–43, ug 1 Nephi 7:12. Dayon pagtuon sa leksyon ug paghukom unsaon nimo sa pagtudlo sa mga bata sa asoy sa kasulatan. (Tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)
Dugang mga basahonon: Mateo 9:1–8, 18–31; 17:20; Lucas 8:41–56; Ether 12:6, 12, 16, 18; ug Mga Baruganan sa Ebanghelyo, kapitulo 18.
Pilia ang mga pangutana sa panaghisgutan ug mga kalihokan sa pagpalambo nga maoy makapalakip sa mga bata ug labing makatabang kanila sa pagkab-ot sa katuyoan sa leksyon.
Mga materyal nga gikinahanglan:
1. Usa ka Biblia o usa ka Bag-ong Tugon alang sa matag bata.
2. Hulagway 7-18, Si Jesus Nagpanalangin sa Anak nga Babaye ni Jairo (Pakete sa mga Hulagway sa Ebanghelyo 215; 62231).

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Pangutana sa mga bata kon sila ba nakasulay na nga nasakit og grabe. Ipasulti nila kon unsa kini ug ipasabut unsa ang gihimo sa ilang mga pamilya sa pagtabang nila nga mamaayo. Ipasulti niadtong mga bata kinsa nakadawat og mga panalangin sa pagkapari ngadto sa uban ang ilang mga kasinatian. Tabangi ang mga bata nga makaamgo nga sila nagpakita sa ilang hugot nga pagtuo kang Jesukristo pinaagi sa pag-ampo ug pinaagi sa pagpangayo og mga panalangin sa pagkapari sa panahon nga sila masakit o adunay mga problema.

Ipasabut ngadto sa mga bata nga ang mga sugilanon niini nga leksyon mahitungod sa mga tawo nga giayo ni Jesus tungod kay sila dunay hugot nga pagtuo ngadto kaniya.

Mga Asoy sa Kasulatan ug Mga Pangutana sa Panaghisgutan ug Paggamit

Itudlo ang mga asoy sa pag-ayo ni Jesus sa mga masakiton ingon nga makita diha sa mga kasulatan nga gilista diha sa seksyon sa “Pagpangandam”. (Alang sa gisugyot nga mga paagi sa pagtudlo sa mga asoy sa kasulatan, tan-awa sa “Pagtudlo gikan sa mga Kasulatan,” p. viii.)

Mga Asoy sa Kasulatan ug Mga Pangutana sa Panaghisgutan ug Paggamit

Si Jesus Nag-ayo sa Lalaki nga Nasakit og Paralisis (Marcos 2:1–12)
- Unsa ang unang giingon ni Jesus ngadto sa lalaki nga adunay paralisis (dili mapugngan nga pagkurog sa mga kaunoran)? (Marcos 2:5.) Unsa ang reaksyon sa mga escriba ngadto sa gisulti ni Jesus? (Marcos 2:7.) Unsa ang panamastamas? (Pagpakita og kulang sa pagtahud alang sa Dios o sayop nga pag-angkon nga mao ang Dios.) Si Jesus ba nanamastamas? Tabangi ang mga bata nga makasabut nga si Jesus makapasaylo sa mga sala tungod kay siya Anak sa Dios, apan ang mga escriba wala motuo nga si Jesus Anak sa Dios.
- Unsa ang giingon ni Jesus ngadto sa mga escriba? (Marcos 2:8–9.) Unsa ang iyang giingon ngadto sa lalaki nga adunay paralisis? (Marcos 2:10–11.)
- Unsa ang reaksyon sa mga tawo sa dihang ang lalaki nga adunay paralisis naayo? (Marcos 2:12.) Ngano sa inyong pagtuo nga ang lalaki naayo?
Si Jesus Mipabangon sa Anak nga Babaye ni Jairo gikan sa mga Patay (Marcos 5:21–24, 35–43).

Ipakita ang huiagway 7-18, Si Jesus Mipanalangin sa Anak nga Babaye ni Jairo.
- Kinsa si Jairo? Giunsa ninyo pagkahibalo nga siya adunay hugot nga pagtuo kang Jesus? (Marcos 5:22–23.) Giunsa ni Jesus pagtabang si Jairo nga magpabilin ang iyang hugot nga pagtuo nga malig-on? (Marcos 5:35–36.)
- Sa dihang silang Jesus ug Jairo miadto sa balay ni Jairo, unsa ang gipangbuhat sa ubang mga tawo? (Marcos 5:38. Ipasabut nga kadto batasan niadtong panahona alang sa mga nagbangutan sa pagsabasaba pag-ayo kon ang usa ka minahal namatay.) Unsa ang kalainan tali sa gibuhat sa mga nagbangutan ug sa gibuhat ni Jairo?
- Ngano sa inyong pagtuo nga si Jesus mipapahawa sa mga dili tumutuo sa wala pa siya mosulod sa lawak sa batang babaye aron sa pag-ayo kaniya? (Marcos 5:40.)
Si Jesus Miayo sa Babaye nga adunay Pagdugo (Marcos 5:25–34)
- Sa unsa nga paagi nga ang babaye nga mihikap sa sidsid sa sapot ni Jesus nagpakita nga siya adunay hugot nga pagtuo kang Jesus? (Marcos 5:27–28.)
- Sa unsa nga paagi nga si Jesus nakahibalo nga ang babaye mihikap sa iyang sapotlf (Marcos 5:30.) Ngano man nga dili unta sagad alang kaniya sa pagbantay nga ang usa ka tawo mihikap kaniya? (Marcos 5:31.)
- Ngano man nga ang babaye naayo? (Marcos 5:34.) Ipasabut nga walay bisan unsa nga magic sa sidsid ni Jesus. Ang babaye naayo tungod sa iyang hugot nga pagtuo kang Jesus ug tungod kay kadto ang kabubut-on sa Langitnong Amahan. Unsa ang pipila ka mga milagro nga nahitabo sa atong kinabuhi tungod sa yano o gamay nga mga buhat?

Katingbanan nga mga Pangutana sa Panaghisgutan ug Paggamit

Ngano sa inyong pagtuo nga si Jesus mihimo og mga milagro? (Mateo 9:29–30; Marcos 1:41; 2:5, 10; 5:36. Alang sa pagpamatuod nga siya ang sagrado nga Anak sa Dios, alang sa pagpalig-on sa hugot nga pagtuo niadtong mga mituo kaniya, tungod kay siya naghigugma ug adunay puangod niadtong mga nagkinahanglan, ug tungod sa hugot nga pagtuo niadtong mga mituo.)
Unsa ang pipila ka mga milagro nga atong naangkon sa atong mga kinabuhi karon?

Tabangi ang mga bata nga makasabut nga kon kita adunay hugot nga pagtuo kang Jesukristo ug magpuyo nga matarung, kita makasinati og mga milagro nga pinasubay sa kabubut-on sa Dios (tan-awa sa 1 Nephi 7:12).

Katingbanan nga mga Pangutana sa Panaghisgutan ug Paggamit

Ipasabut nga usahay ang usa ka tawo dili maayo sa usa ka sakit o kakulian samtang ang mga pag-ampo gihatag. Kana nagpasabut ba nga kita walay hugot nga pagtuo? Ngano? Ngano man nga mahimong dili kabubut-on sa Dios nga ang usa ka tawo maayo? (Ang Dios mahimong buot nga mosulay sa hugot nga pagtuo sa banay sa maong tawo, siya mahimong buot nga ang maong tawo molambo sa pagpailub, ug uban pa.)

Gamita ang mosunod nga mga kinutlo gikan kang Pangulo Spencer W. Kimball: “Ang Ginoo dili sa kanunay moayo sa masakiton, ni moluwas niadtong anaa sa mga makuyaw nga mga dapit. Siya dili sa kanunay mohupay sa pag-antus ug kasakit, tungod kay bisan kining wala gitinguha nga mga kahimtang mahimong apil sa usa ka tinuyo nga piano” (Tragedy or Destiny, p. 5).

Katingbanan nga mga Pangutana sa Panaghisgutan ug Paggamit

Unsa ang buot ipasabut sa pagbaton og hugot nga pagtuo kang Jesukristo? (Pagtuo nga si Jesukristo mao ang Anak sa Dios ug ang Manluluwas sa kalibutan, pagtuo nga si Jesus adunay kinatibuk-an nga gahum, pagsalig nga ang Langitnong Amahan ug si Jesukristo mobuhat sa kon unsa ang labing maayo alang kanato, usa ka pagdawat sa kabubut-on sa Dios, usa ka pagtinguha sa pagtuman sa mga sugo sa Dios.)
Unsaon nimo sa pagpalambo og labaw nga hugot nga pagtuo kang Jesukristo?

Mga Kalihokan sa Pagpalambo

Ikaw mahimong mogamit og usa o daghan sa mosunod nga mga kalihokan bisan unsa nga higayon sa leksyon o ingon nga usa ka pagribyu, katingbanan, o hagit.

Balika ang ikaupat nga artikulo sa hugot nga pagtuo, ug pangutana sa mga bata ngano nga sila nagtuo nga “ang hugot nga pagtuo sa Ginoong Jesukristo” mao ang unang baruganan sa ebanghelyo. Ipabalik ang bersikulo gikan sa hunahuna o tabangi sila sa pagsag-ulo niini.
Tabangi ang mga bata sa pagsag-ulo sa 1 Nephi 7:12, sugod sa mga pulong “ang Ginoo makahimo.”
Hangyoa ang mga bata sa pagpasabut kon unsaon nato sa pagkahibalo nga si Jesukristo buhi karon. Ikaw mahimo nga magbuhat og ginunting nga mga mga pulong niini ug ubang mga tubag nga imong mahunahunaan. Ikaw mahimo nga mosulat og mahinungdanong mga pulong sa pisara.

Ang mga kasulatan nga gisulat sa mga propeta nagsulti nato bahin kang Jesus.

Ang uban nagpamatuod kaniya.

Kita mahimong makabati sa iyang gugma.

Si Joseph Smith nakakita kaniya ug gimandoan sa pagpahiuli sa iyang simbahan.

Kon kita mainampoon, ang Espiritu Santo mosaksi nato nga si Jesus buhi.
Hangyoa ang mga bata sa pagbasa sa Mateo 17:20. Ipasabut nga ang usa ka liso sa mustasa gamay kaayo, apan kini motubo ngadto sa usa ka dako nga labong nga kahoy. Kon ang atong hugot nga pagtuo sama kalig-on sa kaarang sa liso nga motubo ngadto sa usa ka kahoy, kita mahimong makabuhat og dagkong mga butang.

Panapos

Pagpamatuod

Pagpamatuod nga kon kita adunay hugot nga pagtuo kang Jesukristo, kita mahimong makasinati og mga milagro sama sa nasinati sa mga tawo sa panahon ni Kristo. Ikaw mahimong mopakigbahin sa usa ka milagro gikan sa imong kaugalingong kinabuhi o modapit og mga sakop sa klase sa pagpakigbahin sa ilang kaugalingong kasinatian.

Gisugyot nga Basahonon sa Panimalay

Isugyot nga ang mga bata magtuon sa Marcos 2:1–12 sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.