Leksyon 17
Ang Mga Sambingay sa Magpupugas ug sa Trigo ug mga Sagbut
Katuyoan
Aron sa pagtabang sa matag bata nga makasabut ug maggamit sa espirituhanon nga mga mensahe sa duha sa mga sambingay nga gisulti ni Jesus.
Pagpangandam
-
Sa mainampoon nga paagi pagtuon sa Mateo 13:1–9, 18–30, 37–43; Marcos 4:14–20; Lucas 8:11–15; ug Doktrina ug mga Pakigsaad 86:1–7. Dayon pagtuon sa leksyon ug paghukom unsaon nimo sa pagtudlo sa mga bata sa asoy sa kasulatan. (Tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)
-
Dugang mga basahonon: Marcos 4:1–9, Lucas 8:4–8, ug Doktrina ug mga Pakigsaad 101:65–66.
-
Pilia ang mga pangutana sa panaghisgutan ug mga kalihokan sa pagpalambo nga maoy makapalakip sa mga bata ug labing makatabang kanila sa pagkab-ot sa katuyoan sa leksyon.
-
Mga materyal nga gikinahanglan:
-
Usa ka Biblia o usa ka Bag-ong Tugon alang sa matag bata.
-
Usa ka papel alang sa matag bata nga adunay “Tinago nga Mensahe sa Tanghaga” sa ibabaw niini o dakong tanghaga aron tabangan nga buhaton sa klase.
Tinago nga Mensahe sa Tanghaga
1
2
3
4
5
6
7
8
9
1
2
3
4
5
6
7
8
9
1
2
5
6
K
I
T
A
7
M
A
K
A
K
A
T
-
O
N
8
9
1
2
3
4
5
6
7
8
9
1
2
3
4
5
6
7
8
9
1
2
3
4
5
G
I
K
A
N
6
7
S
A
8
9
M
G
A
1
2
3
4
5
6
7
8
9
1
2
3
4
5
6
7
8
9
1
2
3
4
5
6
7
8
9
1
S
A
M
B
I
N
G
A
Y
2
3
4
5
6
7
8
9
1
2
3
4
5
6
7
8
9
1
2
3
4
5
6
7
8
9
1
-
Gisugyot nga Kalamboan sa Leksyon
Pagdapit og usa ka bata nga mohatag sa pagsugod nga pag-ampo.
Pang-atensyon nga Kalihokan
Hatagi ang mga bata sa mga papel nga imong giandam o ipakita ang dakong tanghaga ug hangyoa sila sa pagpangita sa mga mensahe nga tinago uban sa mga numero.
Ipasabut nga sa dihang si Jesus nagtudlo sa mga katawhan, siya usahay nagtudlo pinaagi sa mga sambingay, diin mubo nga mga sugilanon nga adunay tinago nga espirituhanong mga mensahe.
Mga Asoy sa Kasulatan ug Mga Pangutana sa Panaghisgutan ug Paggamit
Tudlo-i ang mga bata sa sambingay sa magpupugas (usa ka tawo nga tigtanom og mga liso) ug ang sambingay sa trigo ug sa mga sagbut. (Alang sa gisugyot nga mga paagi sa pagtudlo sa asoy sa mga kasulatan, tan-awa sa “Pagtudlo gikan sa mga Kasulatan,” p. viii.) Ipasabut nga sa dihang si Jesus mitudlo pinaagi sa mga sambingay, siya migamit og mga butang nga sinati sa mga katawhan alang sa pagtudlo og espirituhanong mga mensahe. Samtang ikaw naghisgot niining mga sambingay, tuguti ang mga bata sa pagpaminaw sa mga tinago nga mga espirituhanong mga mensahe.
Mga Asoy sa Kasulatan ug Mga Pangutana sa Panaghisgutan ug Paggamit
-
Ang Sambingay sa Magpupugas (Mateo 13:1–9, 18–23; Marcos 4:14–20; Lucas 8:11–15)
-
Sa sambingay sa magpupugas, mahitungod sa unsa ang gipamulong ni Jesus nga sinati sa mga katawhan? (Mateo 13:3–8.)
-
Basaha ang Mateo 13:18–23, Marcos 4:14–20, ug Lucas 8:11–15 uban sa klase. Unsa sa inyong pagtuo ang liso? Unsa ang gilarawan sa mga ianggam nga mikaon sa liso? Unsa ang batoon nga yuta? Unsa ang mga tunok? Unsa ang maayong yuta? Unsa ang mga gamot? Unsa ang mga kahingawa sa kalibutan?
-
Unsaon nato sa pagkat-on sa pulong sa Dios?
-
Unsaon nato sa pagdawat sa pulong sa Dios? Unsa nga matang sa “yuta” kita angay nga mahimo? (Mateo 13:23.)
-
Unsa nga tinago nga espirituhanon nga mensahe ang anaa sa sambingay sa magpupugas?
-
-
Ang Sambingay sa Trigo ug mga Sagbut (Mateo 13:24–30)
-
Unsa nga sinati nga mga butang ang gipamulong ni Jesus sa sambingay sa trigo ug mga sagbut?
-
Kinsa sa inyong pagtuo ang magpupugas niini nga sambingay? Unsa ang gilarawan sa trigo? Kinsa ang moabut sa kagabhion ug magpugas sa mga sagbut? Unsa ang mga sagbut? Unsa ang gilarawan sa ting-ani? Basaha ang Mateo 13:37–43 ug Doktrina ug mga Pakigsaad 86:1–7 uban sa mga bata ug pangutana pag-usab niining mga pangutana.
-
Asa kamo buot nga mahisama, sa trigo o sa mga sagbut? Ngano?
-
Unsa nga tinago nga espirituhanon nga mensahe ang anaa niini nga sambingay?
-
Mga Kalihokan sa Pagpalambo
Ikaw mahimong mogamit og usa o labaw pa sa mosunod nga mga kalihokan bisan unsa nga higayon sa leksyon o ingon nga usa ka pagribyu, katingbanan, o hagit.
-
Paghimo og usa ka tsart nga susama sa mosunod aron sa pagtabang sa mga bata nga makasabut sa kahulugan sa duha ka mga sambingay, o isulat ang mga kasayuran sa pisara samtang ikaw naghisgut sa mga sambingay. Pagkahuman nimo og sulat sa tanang mga kasayuran, itandi kini pag-usab alang sa pagribyu. Ikaw mahimong motugot sa mga bata nga mohimo sa ilang kaugalingong mga kopya niining mga tsart.
Ang Sambingay sa Magpupugas
Mga liso
Ang ebanghelyo ni Jesukristo o ang pulong sa Dios
Yuta
Mga kasingkasing niadtong mga naminaw sa pulong
Sa kilid sa dalan
Wala makasabut
Sa ibabaw sa batoon nga mga dapit
Naminaw apan wala makabaton og gamot; daling masilo
Uban sa mga tunok
Natuok sa kalibutanon nga mga kahingawa ug mga bahandi
Didto sa maayong yuta
Naminaw ug nakasabut
Mga langgam
Satanas
Prutas
Maayong mga buhat
Sambingay sa Trigo ug mga Sagbut
Magpupugas
Si Jesukristo ug ang iyang mga Apostoles
Maayong liso (trigo)
Mga sumusunod ni Jesus
Umahan
Kalibutan
Kaaway
Satanas
Mga sagbut
Mga sumusunod ni Satanas
Mga mag-aani
Mga anghel
Ting-ani
Ang ikaduhang pag-anhi ni Jesus
-
Pagdala og liso sa pipila ka matang (prutas, utanon, humay, trigo, balatong). Hisguti unsa ang gikinahanglan sa usa ka liso aron motubo ug mamunga og maayong prutas. Pangutana sa mga bata kon unsa ang mahitabo sa mga liso kon sila gitanom sa daplin sa kalsada, sa batoon nga mga dapit, o tingob sa mga tunok. Itandi kini sa pagtanom sa pulong sa Dios sa atong mga kasingkasing. Tuguti ang mga bata sa paghisgot og unsa nga klase sa kasingkasing ang gilarawan sa matag matang sa yuta ug unsa ang gikinahanglan alang sa ebanghelyo aron motubo ug mamunga og maayong prutas sa atong mga kinabuhi.
-
Isulat ang mga pulong mga dalunggan, mga mata, ug kasingkasing diha sa pisara.
-
Unsa ang imong mabuhat pinaagi sa imong mga dalunggan? mga mata? kasingkasing? Ipabasa sa mga bata ang Mateo 13:15. Unsa ang giingon ni Jesus nga angay natong buhaton niining mga parte sa atong mga lawas? Gamita kini nga bersikulo ngadto sa mga sambingay ug ngadto sa ebanghelyo. Kon kita tinud-anay nga nakadungog sa pulong sa Dios, nakakita sa kamatuoran nga anaa niini, ug nagbuhat sa buot ni Jesus nga atong buhaton, kang kinsa kita mahisama dinhi niining mga sambingay?
-
-
Tuguti ang mga bata sa pagpaluta, pagkolor, o pagbadlis sa ubos sa mga letra sa ilang tinago mga mensahe sa mga tanghaga o sa dakong tanghaga aron nga ang mga pulong molutaw. Hangyoa ang mga bata sa paghingalan sa matag butang nga ilang nakat-unan gikan niining duha ka mga sambingay.
-
Basaha uban sa mga bata ang pipila sa ubang mga sambingay nga makita sa Mateo 13 ug pagtabang kanila sa paghukom unsa ang gipasabut niini. Alang sa tabang sa pagsabut niining mga sambingay, tan-awa sa James E. Talmage, Jesus the Christ, kapitulo 19, o “Sambingay” diha sa Giya ngadto sa mga Kasulatan.
Panapos
Pagpamatuod
Ipamatuod nga si Jesukristo mao ang atong Manluluwas ug nga kon kita makakat- on sa iyang mga pulong ug mosunod sa mga sugo, kita mahimong mahisama sa Langitnong Amahan ug mahimong mopuyo uban kaniya pag-usab.
Gisugyot nga Basahonon sa Panimalay
Isugyot nga ang mga bata magtuon sa Mateo 13:1–9 sa panimalay ingon nga usa ka pagribyu niini nga leksyon.
Pagdapit og usa ka bata nga mohatag sa panapos nga pag-ampo.