Si Jesukristo Miboluntaryo nga Mahimong Atong Manluluwas

Katuyoan

Aron sa pagtabang sa mga bata nga mobati og dako nga gugma alang kang Jesukristo pinaagi sa pagtudlo kanila nga sa kinabuhi nga wala pa dinhi sa yuta si Jesus miboluntaryo nga mahimong ilang Manluluwas.

Pagpangandam

Sa mainampoon nga paagi pagtuon sa Juan 15:13, Mga Hebreohanon 12:9, Pinadayag 12:7–9, Doktrina ug mga Pakigsaad 93:21, ug Moises 4:1–4. Tan-awa usab sa mga kapitulo 2 ug 3 sa Mga Baruganan sa Ebanghelyo. Unya pagtuon sa leksyon ug paghukom unsaon nimo sa pagtudlo ang mga bata sa asoy sa kasulatan (tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)
Pilia ang mga pangutana sa panaghisgutan ug mga kalihokan sa pagpalambo nga maoy makapaapil sa mga bata ug makatabang nila pag-ayo sa pagkab-ot sa katuyoan sa leksyon.
Himoa nga ang pipila sa mga bata sa imong klase moawit sa “Ako Nasayud Akong Amahan Buhi” (Mga Baruganan sa Ebanghelyo, p. 399) o pag-andam sa pag-awit o pagbasa sa mga pulong uban sa mga bata sa panahon sa leksyon.
Mga kagamitan nga gikinahanglan:
1. Usa ka Biblia o usa ka Bag-ong Tugon ug usa ka Perlas nga Labing Bililhon alang sa matag bata.
2. Hulagway 7-1, Si Jesus ang Kristo (Pakete sa mga Hulagway sa Ebanghelyo 240; 62572), ug usa ka hulagway sa usa ka bag-o nga natawo nga bata, labing maayo kon usa ka sakop sa klase o imoha.

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Ipakita ang hulagway sa bag-ong natawo nga bata, ug ipatagna sa klase kon si kinsa kini.

Pang-atensyon nga Kalihokan

Nganong dili man kini ang sinugdanan sa kinabuhi niini nga tawo?

Ipamatuod sa mga bata nga sa wala pa kita matawo dinhi sa yuta kitang tanan nagpuyo uban sa Langitnong Amahan isip espiritu nga mga anak. Ipasabut nga ang atong espiritu nga mga lawas sama og hitsura sa atong pisikal nga mga lawas, adunay mga bukton, mga bitiis, mga mata, ug uban pa, apan walay unod ug dugo. Usab ipasabut nga kini nga kinabuhi isip espiritu nga mga anak gitawag og kinabuhi nga waia pa dinhi sa yuta. Sulod niining kinabuhi nga wala pa dinhi sa yuta ang atong langitnong mga ginikanan mitudlo nato sa ebanghelyo ug sa laraw sa kinabuhi.

Ikaw mahimong mopakigbahin niini nga kinutlo gikan ni Brigham Young: “Kamo nakaila na kaayo sa Dios ang atong Langitnong Amahanu…. Ang matag usa kaninyo, walay wala maapil, nakapuyo uban sa Dios [ug mao nga kamo nakaila na kaayo sa Dios]…. Ang matag usa kaninyo, walay wala maapil, kinsa ania karon dinhi usa ka anak nga lalaki o anak nga babaye niana nga Dios (Discourses of Brigham Young, p. 50).

Asoy sa Kasulatan

Pangutana sama sa mosunod, ug hatagi ang mga bata og kahigayunan sa paghisgot sa ilang mga pagbati:

Asoy sa Kasulatan

Kinsa ang nahigugma kanimo?
Unsaon nimo sa pag-ila nga ang usa ka tawo nahigugma kanimo?
Kinsa ang imong gihigugma?

Isaysay ang usa ka sugilanon bahin sa usa ka tawo kinsa nahigugma pag-ayo sa laing tawo nga siya mibuhat og usa ka butang nga mahinungdanon alang sa usa nga gihigugma, sama sa usa ka inahan nga nagtukaw sa gabii aron sa pagbantay sa usa ka masakiton nga anak o usa ka magulang nga igsoong lalaki o igsoong babaye nga mitabang sa manghud nga lalaki o babaye paghimo sa proyekto sa eskwelahan.

Ipasabut nga kini nga leksyon mao ang mahitungod kon unsa ang gibuhat ni Jesus didto sa kinabuhi nga wala pa dinhi sa yuta nga nagpakita sa iyang dako nga gugma alang sa matag usa kanato.

Ipakita ang huiagway ni Jesukristo ug isaysay ang sugilanon ni Jesus nga miboluntaryo nga mahimong atong Manluluwas. (Alang sa gisugyot nga mga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.) Tabangi ang mga bata nga makasabut sa mosunod nga mga ideya:

Asoy sa Kasulatan

Didto sa kinabuhi nga wala pa dinhi sa yuta kita espiritu nga mga anak ug nagpuyo uban sa atong langitnong mga ginikanan (Mga Hebreohanon 12:9).
Si Jesus mao ang unang natawo nga espiritu nga anak sa Langitnong Amahan (D&P 93:21) ug mao ang magulang nga igsoong lalaki sa atong mga espiritu.
Si Lucifer, kinsa nahimong Satanas, usa usab ka espiritu nga anak sa Langitnong Amahan.
Ang Langitnong Amahan mipatawag og usa ka tigum alang sa iyang tanang espiritu nga mga anak. Dinhi niini nga tigum siya mipasabut sa iyang laraw alang kanato aron mahimong sama kaniya. Siya misulti kanato nga siya buot nato nga moanhi sa yuta aron sa pag-angkon og pisikal nga lawas. Siya mipasabut nga dinhi sa yuta kita pagasulayan aron makita kon kita motuman ba sa iyang mga sugo.
Dinhi niini nga tigum ang Langitnong Amahan usab mipasabut nga dinhi sa yuta kitang tanan makasala ug kitang tanan mamatay. Ang Langitnong Amahan nagkinahanglan og usa ka tawo nga mahimong Manluluwas, nga mag-antus alang sa atong mga sala, ug mamatay alang kanato aron kita mahimong mabanhaw.
Si Lucifer buot nga ang Langitnong Amahan mousab sa iyang laraw. Si Lucifer miingon nga siya moluwas sa matag usa pinaagi sa pagkuha sa ilang kagawasan sa pagpili, nga imposibie unta alang nato nga makahimo og mga sayop o magmatarung. Si Lucifer usab buot moangkon sa tanang dungog (Moises 4:1).
Tungod kay siya nahigugma kanato (Juan 15:13), si Jesus miboluntaryo nga mahimong atong Manluluwas. Siya buot nga mosunod sa laraw sa Langitnong Amahan ug mohatag sa himaya ngadto sa Langitnong Amahan (Moises 4:2).
Ang Langitnong Amahan mipili kang Jesus nga mahimong atong Manluluwas. Si Lucifer nasuko ug misukol sa Langitnong Amahan (Pinadayag 12:7–9; Moises 4:3–4).
Ang espiritu nga mga anak sa Langitnong Amahan kinahanglan nga mohukom kon mosunod ba kang Jesus o kang Lucifer.
Ang ikatulo nga bahin sa espiritu nga mga anak sa Langitnong Amahan mipili sa pagsunod kang Lucifer, ug silang tanan gisalikway gikan sa langit. Si Lucifer nahimong Satanas, ug ang mga espiritu kinsa misunod kaniya nahimong dautan nga mga espiritu, kinsa naningkmot sa pag-awhag nato nga mobuhat og sayop nga mga butang. Kini nga mga espiritu kinsa misunod kang Satanas wala makadawat og pisikal nga mga lawas.
Ang tanang mga espiritu kinsa mipili sa laraw sa Langitnong Amahan ug misunod kang Jesus didto sa kinabuhi nga wala pa dinhi sa yuta natawo na o matawo pa dinhi sa yuta uban ang pisikal nga mga lawas sa unod ug dugo.
Ang tanang mga bata dinhi niining lawak klasehan mipili sa pagsunod sa laraw sa Langitnong Amahan ug gipakatawo sa yuta uban ang mortal nga mga lawas.

Mga Pangutana sa Panaghisgutan ug Paggamit

Tun-i ang mosunod nga mga pangutana ug mga pakisayran sa kasulatan samtang ikaw mag-andam sa imong leksyon. Gamita ang mga pangutana nga sa imong pagtuo labing makatabang sa mga bata nga makasabut sa mga kasulatan ug mogamit sa mga baruganan sa ilang mga kinabuhi. Ang pagbasa sa mga pakisayran uban sa mga bata diha sa klase makatabang nila nga makasabut sa mga kasulatan.

Mga Pangutana sa Panaghisgutan ug Paggamit

Unsa sa inyong pagtuo ang kahimtang nga magpuyo sa langit uban sa Langitnong Amahan?
Unsay inyong gibati nga nasayud nga ang Langitnong Amahan mao ang Amahan sa inyong espiritu?
Unsay buot ipasabut nga si Jesus mao ang magulang nga igsoong lalaki sa atong mga espiritu?
Ngano nga si Lucifer buot mousab sa laraw sa Langitnong Amahan?
Unsa ang inyong gibati nga nasayud nga si Jesus miboluntaryo nga magantus ug magpakamatay alang kaninyo?
Giunsa ninyo pagkahibalo nga kamo mipili sa pagsunod kang Jesus didto sa kinabuhi nga wala pa dinhi sa yuta? Ngano nga kamo nalipay nga kamo mihimo niadto nga pagpili?
Unsa ang gipasabut niining inyong pagpili sa pagsunod kang Jesus didto sa kinabuhi nga wala pa dinhi sa yuta mahitungod sa inyong kaugalingon?
Karon nga kita natawo sa pagkamortal, ngano nga mahinungdanon nga kita sa gihapon mopili sa pagsunod kang Jesus?

Ipakita sa mga bata ang Biblia, ug ipasabut nga ang Bag-ong Tugon diha sa Biblia nagsulti kanato mahitungod sa mga butang nga gibuhat ni Jesus ug sa iyang mga Apostoles samtang sila nabuhi dinhi sa yuta. Ipasabut nga ang mga leksyon niini nga tuig gibase sa kinabuhi ug sa mga pagtulun-an ni Jesus ug sa iyang mga Apostoles. Awhaga ang mga bata sa pagdala sa ilang mga Biblia diha sa klase matag Domingo.

Ipakanta sa pipila ka mga bata ang “Ako Nasayud Akong Amahan Buhi”, o kantaha o basaha ang mga pulong uban sa klase.

Mga Kalihokan sa Pagpaiambo

Ikaw mahimong mogamit og usa o labaw pa sa mosunod nga mga kalihokan sa bisan unsang panahon sa leksyon o isip usa karibyu, katingbanan, o hagit.

Isip usa ka ribyu, isulat ang mosunod nga mga pulong diha sa pisara:

Ikatulong bahin

Unang natawo

Magulang nga igsoong lalaki

Amahan sa atong mga espiritu

Tigum sa Langit

Lucifer

Bahina ang klase ngadto sa gamay nga mga pundok. Hangyoa ang matag pundok sa paghisgot og usa o labaw pa niini nga mga konsepto ug sa pagpangandam sa pagsulti sa klase unsa ang ilang nahinumduman mahitungod niini. Human sa pipila ka mga minuto hangyoa ang matag pundok sa pagtaho nganha sa klase.
Ipaabli sa mga bata ang ilang mga Biblia ngadto sa lista sa mga basahon sa Bag-ong Tugon. Ribyuha ang leksyon 1 pinaagi sa pagpangutana sa pipila sa mosunod nga mga pangutana: Sa unsang paagi nga ang mga basahon ni Mateo, Marcos, Lucas, ug Juan managsama? Sa unsang paagi kini managlahi? Mahitungod sa unsa ang basahon sa Mga Buhat? Ngano nga ang nahibiling mga basahon gitawag og mga epistola? Tabangi ang mga bata nga makasinati pag-ayo sa mga basahon sa Bag-ong Tugon pinaagi sa pagsulat sa mga pakisayran diha sa pisara ug pinaagi sa pagpapangita sa mga pakisayran diha sa ilang mga kopya sa Biblia.
Tabangi ang mga bata sa pagsag-ulo sa Juan 15:13.
Tabangi ang mga bata sa pagsag-ulo sa mga basahon sa Bag-ong Tugon.

Panapos

Pagpamatuod

Ipamatuod nga ikaw ug ang mga bata sa imong klase espiritu nga mga anak sa Langitnong Amahan ug nga si Jesus nahigugma kanato sa hilabihan nga sa kinabuhi nga wala pa dinhi sa yuta siya miboluntaryo nga mahimong atong Manluluwas. Kita nahigugma sa Langitnong Amahan sa hilabihan nga kita mipili sa pagsunod sa iyang laraw.Hatagi og gibug-aton unsa kamahinungdanon nga ang mga bata padayon nga mosunod sa laraw sa Amahan dinhi sa yuta. Ipamatuod nga ang pagsunod kang Jesus ug ang pagtuman sa iyang mga sugo mao lamang ang mga paagi alang sa tinud-anay nga kalipay.

Gisugyot nga Basahonon sa Panimalay

Isugyot nga ang mga bata magtuon sa Moises 4:1–4 diha sa panimalay isip ribyu niini nga leksyon.

Dapita ang usa ka bata nga mohatag sa panapos nga pag-ampo.