Sambingay sa Maayong Samarianhon

Katuyoan

Aron sa pagtabang sa matag bata nga makaangkon og tinguha sa pagpakita og gugma ngadto sa tanang katawhan.

Pagpangandam

Sa mainampoon nga paagi pagtuon sa Lucas 10:25–37 ug Mateo 22:34–40. Unya pagtuon sa leksyon ug paghukom unsaon nimo pagtudlo ang mga bata sa asoy sa kasulatan. (Tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)
Dugang nga basahonon: Juan 14:15, 21; 1 Juan 4:20–21; ug ang mga hilisgutan nga “Pari” ug “Levitico nga Pagkapari” diha sa Giya ngadto sa mga kasulatan.
Pilia ang mga pangutana sa panaghisgutan ug mga kalihokan sa pagpalambo nga makapalakip sa mga bata ug maoy labing makatabang nila sa pagkab-ot sa katuyoan niini nga leksyon.
Mga materyal nga gikinahanglan:
1. Usa ka Biblia o usa ka Bag-ong Tugon alang sa matag bata.
2. Huiagway 7-21, Ang Maayong Samarianhon (Pakete sa mga Huiagway sa Ebanghelyo 218; 62156), ug 7-22, Mapa sa Balaan nga Yuta.

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Pagtawag og usa ka bata ug pangutan-a, “(Ngalan), kinsa ang imong silingan?” Pangutan-a ang pipila ka mga bata sa sama nga pangutana. Ipasabut nga kita kalagmitan naghunahuna sa atong mga silingan ingon nga usa ka tawo kinsa nagpuyo duo! nato. Kini nga leksyon makatabang nato sa pagsabut kon unsa ang gitudlo ni Jesus mahitungod kon kinsa ang atong mga silingan ug unsaon nato sa pagtagad nila.

Ipabasa sa usa ka bata ang Mateo 22:34–40. Hisguti ang kamahinungdanon sa pagbaton og gugma alang sa uban.

Asoy sa Kasulatan

Ipakita ang mga huiagway sa Ang Maayong Samarianhon ug Mapa sa Balaan nga Yuta. Itudlo ang sambingay sa ang Maayong Samarianhon nga makita sa Lucas 10:25–37. (Alang sa gisugyot nga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.) Ipakita sa mga bata ang Samaria ug Judea sa mapa, ug ipasabut ang kahimtang tali sa mga Judeo ug sa mga Samarianhon. Ang mga Judeo nagtuo nga sila labaw nga maayo kay sa mga Samarianhon. Sila nasilag pag-ayo sa mga Samarianhon nga kon ang mga Judeo mipanaw gikan sa Jerusalem paingon ngadto sa Galilea, sila mopili gayud sa mas layo nga dalan agi sa Walog sa Jordan kaysa mopanaw agi sa Samaria. Ikaw mahimong motugot sa mga bata sa pagdula niini nga asoy sa kasulatan.

Mga Pangutana sa Panaghisgutan ug Paggamit

Tun-i ang mosunod nga mga pangutana ug ang mga pakisayran sa kasulatan samtang ikaw nag-andam sa imong leksyon. Gamita ang mga pangutana nga ikaw nagtuo nga maoy labing makatabang sa mga bata nga makasabut sa mga kasulatan ug sa paggamit sa mga baruganan diha sa iiang mga kinabuhi. Ang pagbasa sa mga pakisayran uban sa mga bata diha sa klase makatabang nila nga makasabut sa mga kasulatan.

Mga Pangutana sa Panaghisgutan ug Paggamit

Unsa ang gisulti ni Jesus nga angayan natong buhaton aron sa pagpanagiya sa kinabuhing dayon? (Lucas 10:27–28.) Ngano sa inyong hunahuna nga kini nga mga sugo mahinungdanon kaayo? (Mateo 22:37–39.)
Unsaon nato sa pagpakita sa atong gugma alang sa Langitnong Amahan ug ni Jesus? (Juan 13:34–35; 14:15, 21.)
Kinsa ang imong silingan? Sa inyong hunahuna si Jesus nagpasabot ba lamang sa mga tawo kinsa nagpuyo sa inyong duol?
Unsa nga pangutana ang gitubag ni Jesus sa dihang siya misaysay sa sambingay sa Maayong Samarianhon? (Lucas 10:25, 29.)
Ngano sa inyong hunahuna nga ang pari nga Judeo ug ang Lebita wala mitabang sa samaran nga lalaking Judeo (Lucas 10:31–32.)
Unsa ang gibuhat sa Samarianhon alang sa samaran nga lalaking Judeo? (Lucas 10:33–35.)
Ngano nga makahuluganon nga usa ka Samarianhon ang mitabang sa lalaking Judeo? Unsa nga kinaiya sa usa ka maayo nga silingan ang anaa sa Samarianhon? Sa unsang paagi nga kining sugilanon makatabang nato sa pagsabut kon kinsa ang atong silingan? Unsaon nato nga mahimong labaw nga maayong silingan?
Kinsa sa inyong hunahuna ang labing nahigugma sa Ginoo—ang pari, ang Lebita, o ang Samarianhon? Ngano?
Unsaon nato pagsunod sa mga pagtulun-an ni Jesus ug pagpakita og gugma alang sa ubang mga tawo? Unsaon nato sa pagtagad ang usa ka tawo nga nagkinahanglan sa atong tabang? usa ka tawo kinsa lahi kanato? usa ka tawo kinsa nagmalupigon kanato?

Hangyoa ang mga bata sa pagpaambit og mga kasinatian sa dihang sila mihatag og pag-alagad sa usa ka tawo nga nanginahanglan o sa dihang sila o ilang banay nakadawat og tabang gikan sa uban. Pag-amping nga ang mga bata dili mopakigbahin og mga sugilanon nga mahimong makapaulaw sa bisan kinsa nga mga sakop sa ward.

Mga Pangutana sa Panaghisgutan ug Paggamit

Sa dihang kamo nagpakita og gugma sa uban pinaagi sa pagtabang ug sa pag-alagad nila, unsa ang inyong gibati? Kini nakapahimo ba ninyo nga labaw nga duol sa Langitnong Amahan ug ni Jesus? Unsa nga dagko nga panalangin ang atong mapanag-iya kon kita tinud-anay nga naghigugma sa Langitnong Amahan ug sa atong mga silingan? (Lucas 10:25–28.)

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsa nga higayon sa leksyon o ingon nga usa ka balik pagtuon, katingbanan, o hagit.

Isulat ang mosunod nga mga kalihokan sa fahi nga mga piraso nga papel. Isulat ang mga bahin A ug B sa sama nga piraso nga papel, ug paghatag og usa sa matag bata. Hangyoa ang mga bata sa pagpaaron-ingnon nga adunay usa ka bag-ong bata nga bag-ong mibalhin diha sa silingan. Ang bahin A sa ilang papel nagsulti og usa ka butang nga ilang mabuhat aron mahimong usa ka silingan ug magpakita og gugma niining bag-o nga bata. Ang bahin B nagsulti og usa ka susama nga paagi sa pagpakita og gugma alang sa Langitnong Amahan. Hangyoa ang bata nga adunay numero 1 sa pagbasa sa iyang kalihokan, dayon ang numero 2, ug mosunod pa.
1. 1. Moduaw sa iyang panimalay.
  2. Motambong sa Primarya ug sa ubang mga tigum sa Simbahan.
2. 1. Modapit kaniya sa inyong panimalay.
  2. Maghimo sa imong panimalay nga usa ka dapit diin ang Espiritu sa Langitnong Amahan mahimong moadto.
3. 1. Pagkat-on og usa ka butang mahitungod sa maong bata.
  2. Pagbasa sa mga kasulatan.
4. 1. Pagpakigsulti kaniya.
  2. Pag-ampo.
5. 1. Pagbuhat og usa ka butang alang sa bata.
  2. Pagtuman sa mga sugo.
6. 1. Pagbuhat og usa ka butang alang sa iyang banay.
  2. Pag-alagad sa uban.
7. 1. Pagdapit sa bata sa pag-apil sa inyong mga kalihokan.
  2. Pag-ampo sa Espiritu sa Langitnong Amahan nga maanaa kanimo.
Basaha ang Napulo ka mga Sugo (Exodo 20:8–17). Itandi kini sa duha ka mga sugo nga gihatag ni Jesus sa Mateo 22. Pagsulat og Paghigugma sa Langitnong Amahan sa usa ka bahin sa pisara ug Paghigugma sa Uban sa laing bahin. Hangyoa ang mga bata sa pagsulti nimo kon hain nga kolum ang matag usa sa Napulo ka Sugo mahimong ipaubos. Basaha ang Juan 14:15, 21 ug tabangi ang mga bata nga makasabut nga ang pagtuman sa bisan unsa nga sugo makatabang nato sa pagpakita sa atong gugma sa Langitnong Amahan.
Ipasag-ulo sa mga bata ang Mateo 22:37–39.
Awita o basaha ang mga pulong sa “Gugma sa Panimalay” (Mga Baruganan sa Ebanghelyo, p. 386).

Panapos

Pagpamatuod

Ipadayag ang imong gugma alang sa Langitnong Amahan ug ni Jesus ug sa imong pasaiamat alang sa ebanghelyo. Awhaga ang mga bata sa pagsunod sa ehemplo ni Jesus sa paghigugma sa uban.

Gisugyot nga Basahonon sa Panimalay

Isugyot nga ang mga bata magtuon sa Lucas 10:25–37 sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.