Ang Dili Manggiloloy-on nga Sulugoon

Katuyoan

Aron sa pagtabang sa matag bata nga buot mahimong labaw ka mapasayloon.

Pagpangandam

Sa mainampoon nga paagi pagtuon sa Mateo 18:21–35; 6:12, 14–15; ug Doktrina ug mga Pakigsaad 58:42. Dayon pagtuon sa leksyon ug paghukom unsaon nimo pagtudlo ang mga bata sa asoy sa kasulatan. (Tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)
Dugang mga basahonon: Mga Taga-Efeso 4:32, Doktrina ug mga Pakigsaad 64:8–10.
Pilia ang mga pangutana sa panaghisgutan ug mga kalihokan sa pagpalambo nga maoy makapalakip sa mga bata ug labing makatabang nila sa pagkab-ot sa katuyoan sa leksyon.
Mga materyal nga gikinahanglan: usa ka Biblia o usa ka Bag-ong Tugon alang sa matag bata.

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Hangyoa ang mga bata sa pag-multiply sa 70 og 7. (Ikaw mahimong mobutang sa suliran diha sa pisara.)

Pang-atensyon nga Kalihokan

Ang tubag usa ba ka dako nga numero? Unsa ka kadugay alang nimo ang pag-ihap sa ingon niana ka taas?

Hangyoa ang usa sa mga bata sa pagbasa sa Mateo 18:21–22.

Ipasabut nga kini nga numero nagtudlo nato og usa ka mahinungdanong leksyon mahitungod sa pagpasaylo. Si Jesus nagtudlo kanato nga kita angayan nga kanunay nga andam sa pagpasaylo sa usa ka tawo. (Tan-awa usab sa kalihokan sa pagpalambo 4.)

Asoy sa Kasulatan

Itudlo ang asoy sa dili manggiloloy-on nga sulugoon gikan sa Mateo 18:21–35. (Alang sa gisugyot nga mga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.) Kini mahimong usa ka maayong asoy aron dulaon. Ikaw o usa sa mga bata mahimong magbasa sa mga bersikulo samtang ang mga bata magdala sa mga papel sa hari, sa dili manggiloloy-on nga sulugoon, sa iyang isig ka sulugoon, ug ang ubang mga sulugoon.

Mga Pangutana sa Panaghisgutan ug Paggamit

Pagtuon sa mosunod nga mga pangutana ug sa mga pakisayran sa kasulatan samtang ikaw nag-andam sa imong leksyon. Gamita ang mga pangutana nga sa imong pagtuo maoy labing makatabang sa mga bata nga makasabut sa mga kasulatan ug sa paggamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang nila nga makasabut sa mga kasulatan.

Mga Pangutana sa Panaghisgutan ug Paggamit

Unsa ang unang gilaraw nga buhaton sa hari niadtong suiugoon kinsa nakautang kaniya og 10,000 ka mgatalento? (Mateo 18:25.) Ipasabut nga ang usa ka talento usa ka dako nga kantidad sa salapi.
Ngano sa inyong pagtuo nga ang hari miusab sa iyang hunahuna? (Mateo 18:26.) Unsa ang iyang gibati alang sa iyang suiugoon? (Mateo 18:27.) Unsa sa inyong hunahuna ang buot ipasabut sa pagbati og pagpuangod?
Unsa ang gibuhat sa suiugoon pagkahuman ang hari mipasaylo sa utang? (Mateo 18:28.) Unsa ang gipangayo sa suiugoon kinsa utangan og 100 ka pesetas (usa ka gamay kaayo nga kantidad) ngadto sa suiugoon kinsa utangan og 10,000 ka mga talento? (Mateo 18:29.) Unsa ang gitubag sa suiugoon sa mga hangyo sa iyang isig ka suiugoon? (Mateo 18:30.) Unsa ang gibuhat sa hari sa dihang iyang nahibaloan ang nahitabo? (Mateo 18:31–34.)
Sa unsang paagi kita usahay sama sa dili manggiloloy-on nga suiugoon? sama sa hari? Unsa ang inyong gibati sa dihang kamo mipasaylo sa uban? sa dihang kamo wala mopasaylo?
Unsa ang atong makat-unan gikan sa dagko nga kalainan sa mga utang sa duha ka suiugoon?
Unsa ang buot itudlo ni Jesus sa katawhan sa dihang siya misaysay sa sambingay sa dili manggiloloy-on nga suiugoon? Unsa ang gisulti ni Jesus nato nga angay natong buhaton aron makadawat og kapasayloan? (Mateo 18:35.)

Pangutana sa mga bata kon sila nahinumdom ba sa hugpong sa mga pulong gikan sa pag-ampo ni Jesus diha sa Wali sa Bukid nga naghisgot mahitungod sa pagpasaylo. Ipaabli nila ang ilang mga Biblia ngadto sa Mateo 6:12 ug ipabasa og dungan kining bersikulo. Basaha usab ang mga bersikulo14 ug 15.

Mga Pangutana sa Panaghisgutan ug Paggamit

Hangyoa ang mga bata sa paghunahuna og higayon sa dihang ang usa ka tawo nagbuhat og usa ka butang nga dili maayo kanila. Unsay ilang gibati niana nga pagkamalupigon. Unsa ang ilang gibuhat? Unsa ang gitudlo ni Jesus nga atong buhaton sa maong mga kahimtang? Masayon ba ang pagpasaylo? Unsaon nato nga mahimong labaw nga mapasayloon? Ipasabut nga walay bisan kinsa nga angayan nga mopasakit sa lain ug nga kon ang usa ka tawo nakapasakit sa mga bata, sila angay nga mosugilon sa ilang mga ginikanan, sa laing hamtong nga ilang gisaligan, o sa obispo.
Unsa ang imong bation kon ikaw mibuhat og usa ka butang nga dili maayo sa usa ka higala o usa ka sakop sa imong banay ug, bisan pa nga ikaw nag-ingon nga ikaw nagmahay, kana nga tawo wala mopasaylo nimo?
Kon kita magbuhat og usa ka butang nga sayop ug dayon magbasol ug mangayo sa Ginoo nga kita pasayloon, unsa ang iyang gisulti nga iyang buhaton? (D&P 58:42.)
Unsa ang gisulti ni Jesus sa dihang si Pedro nangutana kaniya kon kapila mopasaylo sa usa ka tawo kinsa nakasala batok kaniya?(Mateo 18:21–22.) Unsa sa inyong hunahuna ang buot ni Jesus nga itudlo kang Pedro? (Walay katapusan nga gidaghanon sa higayon nga kita angay nga mopasaylo sa uban.)

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsa nga higayon sulod sa leksyon o ingon nga usa ka balik pagtuon, katingbanan, o hagit.

Hatagi ang matag bata og papel ug lapis. Ipasulat nila ang a, b, c, d, e, f, ug g paubos sa usa ka kilid sa papel ug ipatubag ang mosunod nga mga pangutana mahitungod sa pagpasaylo. Ang tanang mga pangutana mahimong tubagon og oo o dili.
1. Ikaw mapasayloon ba kon ikaw nagsulti og, “Gipasaylo ko ikaw, apan dili ako malimot sa imong gibuhat”?
2. Ikaw mapasayloon ba kon ikaw malipay nga adunay usa ka butang nga dili angay nga nahitabo sa usa ka tawo kinsa nagmalupigon nimo?
3. Ikaw mapasayloon ba kon ang imong igsoon nga lalaki o babaye mihapak nimo ug ikaw wala masuko?
4. Ikaw mapasayloon ba kon ikaw gustong mobalos sa usa ka tawo kinsa nanglupig nimo?
5. Ikaw mapasayloon ba kon ikaw dili na makigsulti sa usa ka tawo kinsa nagmalupigon kanimo?
6. Ikaw mapasayloon ba kon ikaw mosupak sa usa ka tawo kinsa nanglupig nimo?
7. Ikaw mapasayloon ba kon ikaw nagsulti og dili maayo mahitungod sa tawo kinsa nanglupig nimo?
Hisguti ang buot ipasabut ug ang kamahinungdanon sa pagpasaylo samtang ikaw naghisgot sa mga tubag niining pasulit.
Ipabasa sa usa ka bata ang Doktrina ug mga Pakigsaad 64:8–10. Bahina kining mga bersikulo ngadto sa mga hugpong sa mga pulong ug tuguti ang matag bata sa pagpasabut sa usa sa mga hugpong sa mga pulong nganha sa klase. Ikaw usab mahimong magbahin sa klase ngadto sa mga pundok ug pahisguti sa matag pundok kon unsa ang gipasabut niining balaan nga kasulatan. Tuguti sila sa pagpaambit sa ilang mga hunahuna, ug tabangi sila sa pagsabut nga kita gimandoan sa pagpasaylo sa tanan.
Awhaga ang mga bata sa pagsag-ulo sa Doktrina ug mga Pakigsaad 64:10 o Mateo 6:14–15.
Hatagi ang mga bata og papel ug lapis o igmamarka. Hangyoa sila sa pagdibuho og pito ka kwadro diha sa ilang mga papel. Dayon hangyoa sila sa pagdibuho og dugang unom ka han-ay sa tagpito ka kwadro. Sultiha ang mga bata nga ang napulo ka pilo sa gidaghanon sa mga kwadro nga ilang gibutang sa ilang mga papel mao ang gidaghanon sa higayon nga si Jesus miingon nga kita angay nga mopasaylo sa usa ka tawo. Siya nagtudlo sa mga tawo nga sila angay gayud nga mopasaylo sa uban.

Panapos

Pagpamatuod

Ipamatuod ang kamahinungdanon sa pagkamapasayloon nga gitudlo ni Jesus. Tabangi ang mga bata nga makaamgo nga kon sila mopasaylo, sila takus sa pagpasaylo gikan sa atong Langitnong Amahan.

Gisugyot nga Basahonon sa Panimalay

Isugyot nga ang mga bata magtuon sa Mateo 18:21–35 sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.