Ang Maayo nga Magbalantay

Katuyoan

Aron sa pagtudlo sa mga bata sa pagsalig kang Jesus tungod kay siya ang Maayong Magbalantay.

Pagpangandam

Samainampoon nga paagi pagtuon sa Juan 10:1–18, Marcos 10:13–16, ug 3 Nephi 11:37–38. Dayon pagtuon sa leksyon ug paghukom unsaon nimo pagtudlo ang mga bata sa asoy sa kasulatan. (Tan-awa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)
Dugang mga basahonon: Mateo 19:13–15 ug Lucas 18:15–17.
Pilia ang mga pangutana sa panaghisgutan ug mga kalihokan sa pagpalambo nga makapaapil sa mga bata ug maoy labing makatabang nila sa pagkab-ot sa katuyoan niini nga leksyon.
Mga materyal nga gikinahanglan:
1. Usa ka Biblia o usa ka Bag-ong Tugon alang sa matag bata.
2. Usa ka Basahon ni Mormon alang sa matag bata.
3. Mga hulagway 7-19, Ang Maayo nga Magbalantay, ug 7-24, Si Kristo ug ang mga Bata (Pakete sa mga Hulagway sa Ebanghelyo 216; 62467).

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga kalihokan

Ipasabut sa mga bata nga ikaw mosulti nila bahin sa usa ka kapangakohan nga anaa sa usa ka tawo. Sultihi sila nga ikaw mohatag sa mga timailhan sa tinagsa kon unsa ang gihimo niana nga tawo. Kon ang mga bata nagtuo nga sila nasayud unsa ang gihimo niana nga tawo, sila kinahanglan nga moadto sa atubangan sa lawak ug mohunghong sa tubag diha nimo. Kon sila husto, sila magpabilin nga magbarug. Kon sila sayop, siia molingkod. Gamita ang mga timailhan sama sa mosunod:

Pang-atensyon nga kalihokan

Ako nagtrabaho sa gawas sa balay.
Ako nagpakabana kaayo niadtong akong giamumahan.
Ako gikinahanglan usahay nga makig-away sa mga ihalas nga mga mananap o mga kawatan.
Ako kinahanglan nga mabinantayon pag-ayo.
Ako kinahanglan nga manalipod sa mga nati.
Ako kinahanglan nga mangita niadtong mga nahisalaag.
Kadtong akong gibantayan nakaila sa akong tingog ug nagsunod nako.
Ako nangita og maayo nga mga sibsibanan ug limpyo nga tubig alang niadtong anaa sa akong pagbantay.
Ang mga anghel nagpahibalo sa pagkatawo ni Jesukristo ngadto sa ubang mga katawhan kinsa aduna niini nga mga kapangakohan.
Ako nagbantay sa mga karnero.

Kon ang tanang mga bata masayud nga ang maong tawo usa ka magbalan- tay, tuguti sila sa pagbalik sa ilang mga lingkuranan. Ipasabut nga sa panahon sa leksyon sila magtuon mahitungod sa Maayong Magbalantay, kinsa mao si Jesukristo.

Asoy sa Kasulatan

Ipakita ang huiagway sa Ang Maayong Magbalantay. Ipasabut nga ang magbalantay nagsimbolo sa kang Jesus nga relasyon uban sa iyang mga tigsunod tungod kay ang maayo nga mga magbalantay matinuoron sa ilang mga karnero. Sa panahon sa Biblia, kon ang mga panon giabug ngadto sa alad sa mga karnero (tag-as nga mga koral nga gipaibabwan og mga tunok aron dili makakatkat ang lobo ngadto sa sulod) sa kagabhion, matag magbalantay magpulipuli sa pagbantay sa mga karnero pinaagi sa paghigda sa atubangan sa abli nga agianan, sa tininuod maoy nagsilbing ganghaan o pultahan (Juan 10:7, 9). Kon adunay usa ka ihalas nga mananap nga makakatkat gayud sa ibabaw sa koral, ang magbalantay motugyan sa iyang kinabuhi kon gikinahanglan alang sa pagpanalipod sa karnero. Kon ang mga magbalantay magtawag sa ilang mga panon inig ka buntag, ang matag karnero makaila sa tawag sa iyang agalon. Alang sa usa ka karnero nga magpabilin nga luwas, kini kinahanglan nga mosunod pag-ayo sa iyang agalon samtang siya naggiya niini ngadto sa maayong pastolan.

Tudloi ang mga bata sa sambingay sa Ang Maayong Magbalantay gikan sa Juan 10:1–6. (Alang sa gisugyot nga mga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.)

Mga Pangutana sa Panaghisgutan ug Paggamit

Pagtuon sa mosunod nga mga pangutana ug sa mga pakisayran sa kasulatan samtang ikaw nag-andam sa imong leksyon. Gamita ang mga pangutana nga imong pagtuo nga labing makatabang sa mga bata nga makasabut sa mga kasulatan ug sa paggamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang kanila nga makasabut sa mga kasulatan.

Mga Pangutana sa Panaghisgutan ug Paggamit

Ngano nga ang mga karnero mosunod sa ilang magbalantay? (Juan 10:4.) Unsa sa inyong hunahuna ang buot ipasabut sa “pag-ila sa iyang tingog”? Kang kinsa nga tingog ang kinahanglan nga atong mailhan? Unsaon nato sa pagkat-on sa pag-ila sa tingog sa Manluluwas?
Kinsa ang espirituhanon nga mga kawatan ug tulisan karon? (Juan 10:1.) (Tabangi ang mga bata sa paghunahuna og mga tawo o mga butang nga mahimong makaimpluwensya nila sa pagbiya sa ilang magbalantay, kinsa mao si Jesus.) Ngano nga ang mga karnero wala madala nga mahisalaag sa mga “kawatan ug mga tulisan”? (Juan 10:8.) Unsaon nato pagpanalipod ang atong kaugalingon gikan sa dautang mga impluwensya? Kinsa pa ang laing makatabang kanato sa pagpanalipod gikan niining mga impluwensya? (Ang Espiritu Santo, ang propeta, mga ginikanan, maayong mga higala, mga magtutudlo, ang obispo.)
Sa unsang paagi nga si Jesus mao ang Maayong Magbalantay? (Juan 10:9–11.) Kon si Jesus mao ang Maayong Magbalantay, unsa man kita? Sa unsang paagi nga ang pagkasayud nga si Jesus mao ang Maayong Magbalantay makatabang nato sa pagsunod kaniya?
Sa unsa nga paagi nga ang Maayong Magbalantay nagpakita sa iyang gugma alang sa iyang mga karnero? (Juan 10:11.) Kang kinsa gikan ang gahum nga nadawat ni Jesus sa pagtugyan sa iyang kinabuhi ug sa pagkuha pag-usab niini? (Juan 10:17–18. Siya mahimong mamatay tungod kay ang iyang inahan usa ka mortal. Siya makahimo sa pagkuha pag-usab sa iyang kinabuhi tungod kay ang iyang amahan, ang Langitnong Amahan, usa ka imortal.) Unsa ang buot ipasabut ngari nato nga “ang maayong magbalantay naghatag sa iyang kinabuhi alang sa mga karnero”? (Juan 10:11.) Sa unsang paagi nga ang sakripisyo ni Jesus nakahimo nga posible alang nato sa pagpuyo uban kaniya ug sa Langitnong Amahan pag-usab?

Tabangi ang mga bata nga makasabut nga ang usa ka paagi diin si Jesukristo mao ang Maayo nga Magbalantay kini tungod kay siya kinabubut-ong nagantus alang sa atong mga sala ug mihatag sa iyang kinabuhi alang nato. Busa, kitang tanan mahimong mabanhaw ug kitang tanan mahimong maghinulsol, mabunyagan, ug mapasaylo sa atong mga sala.

Ipasabut nga ikaw magsaysay og laing sugilanon nga nagpakita og usa ka paagi nga ang Maayong Magbalantay nag-alima sa iyang mga karnero. Ipakita ang hulagway ni Kristo ug ang mga Bata. Itudlo ang sugilanon ni Jesus nga mipanalangin sa mga bata (tan-awa sa Marcos 10:13–16).

Mga Pangutana sa Panaghisgutan ug Paggamit

Ngano nga ang mga tinun-an ni Jesus misulay sa pagpahilayo sa mga bata? (Hubad ni Joseph Smith sa Mateo 19:13.) Unsa ang gisulti ni Jesus sa dihang ang iyang mga tinun-an misulay sa pagpahilayo sa mga bata? (Marcos 10:14.) Unsa ang iyang gibuhat alang sa mga bata? (Marcos 10:16.) Unsa sa inyong pagtuo ang inyong bation kon kamo usa niadtong maong mga bata? Sa unsang paagi nga ang pagkasayud nga si Jesus nahigugma nato makapasayon sa pagsunod kaniya?
Si Jesus miingon nga kita kinahanglan nga “mahimong sama sa usa ka y nga bata” kon kita buot nga mosulod sa gingharian sa Dios (Marcos 10:15; Mosiah 3:19; 3 Nephi 11:37–38). Unsa sa inyong hunahuna ang gipasabut sa “mahimong sama sa usa ka gamay nga bata”? Unsa sa inyong hunahuna nga kamo kinahanglan nga mahisama aron makasulod sa gingharian sa langit? Ngano nga si Jesus buot nga kita makasulod sa gingharian sa langit?

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsang higayon sa panahon sa leksyon o ingon nga usa ka pagribyu, katingbanan, o hagit.

Hatagi ang matag bata og usa ka piraso nga higot nga dili moubos sa napulog duha ka pulgada ang gitas-on. Ipabutang sa mga bata ang ilang mga piraso sa higot nga pinatindog sa usa ka lamesa o sa salog diha sa ilang atubangan ug magsulay sa pagduso sa higot palayo kanila. Dayon ipabira sa mga bata ang ilang mga higot padulong nila. Ipareha kining eksperimento ngadto sa paagi unsaon sa mga magbalantay pagdala ang iiang mga karnero (Juan 10:4). Ipasabut nga sa Israel ang mga magbalantay naggiya sa ilang mga karnero pinaagi sa paglakaw sa unahan niini. Sa uban pang mga nasud ang mga magbalantay nag-abog sa ilang karnero. Si Jesus, ingon nga atong Maayong Magbalantay, naggiya sa agianan ug naghangyo nato sa pagsunod kaniya.
Basaha ug hisguti ang Salmo 23 uban sa mga bata.
Bahina ang mga bata ngadto sa gagmay nga mga pundok. Ipahunahuna nila ang mga paagi nga si Jesus nagpakita ug nagpadayon sa pagpakita sa iyang gugma alang nato (pipila ka mga ideya mao ang pagbayad sa kang Adan nga kalapasan, pag-antus tungod sa atong mga sala, pagtudlo nato sa ebanghelyo pinaagi sa mga kasulatan, ang pagpakita og maayong ehemplo, pagtabang nato kon kita magkinahanglan og tabang, ug uban pa). Hisguti nga sa unsang paagi kining mga butanga makatabang nato nga masayud nga si Jesus naghigugma nato.
Basaha ug hisguti ang asoy ni Jesus nga nagpanalangin sa Nephite nga mga bata (3 Nephi 17:12–13, 21–24).
Ribyuha uban sa mga bata ang bisan unsa o tanan sa unang tulo ka mga artikulo sa hugot nga pagtuo.
Tabangi ang mga bata sa pagsag-uio sa Juan 10:11.

Panapos

Pagpamatuod

Ipamatuod nga si Jesus nahigugma sa matag usa kanato ug buot nato nga mosunod kaniya. Pakigbahin og kasinatian gikan sa imong kaugalingon nga kinabuhi diin ikaw mibati sa gugma ni Jesus o diin ikaw nakasunod kaniya ug napanalanginan.

Gisugyot nga Basahonon sa Panimalay

Isugyot nga ang mga bata magtuon sa Juan 10:1–18 sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.