Sambingay sa mga Karnero ug mga Kanding

Katuyoan

Aron sa pagtudlo sa mga bata nga ang pag-alagad sa uban makatabang nato sa pag-andam alang sa panahon nga diin si Jesukristo mohukom nato.

Pagpangandam

Sa mainampoon nga paagi pagtuon sa Mateo 25:31–46. Dayon pagtuon sa leksyon ug paghukom unsaon nimo pagtudlo sa mga bata sa mga asoy sa kasulatan. (Tan-awa sa “Pagpangandam sa Imong mga Leksyon,”p. vii, ug “Pagtudlo gikan sa mga Kasulatan,”p. viii.)
Dugang mga basahonon: Jacob 2:17–19; Mosiah 4:16, 26; ug Doktrina ug mga Pakigsaad 104:17–18.
Pilia ang mga pangutana sa panaghisgutan ug paggamit ug mga kalihokan sa pagpalambo nga makapaapil sa mga bata ug labing makatabang nila sa pagkab-ot sa katuyoan niini nga leksyon.
Mga materyal nga gikinahanglan:
1. Usa ka Biblia o usa ka Bag-ong Tugon alang sa matag bata.
2. Mga hulagway 7-26, Ang Katapusan nga Paghukom (pinintal sa bongbong sa Templo sa Washington), ug 7-25, Ang Ikaduhang Pag-anhi (Mga Hulagway sa Ebanghelyo 238; 62562).

Gisugyot nga Kaiamboan sa Leksyon

Pagdapit og usa ka bata nga mohatag sa pagsugod nga pag-ampo.

Dapita ang mga bata sa pagpaambit uban sa klase og usa ka butang nga ilang gibuhat sulod sa miaging semana aron sa pagpalambo o pagpakigbahin sa usa ka talento.

Pang-atensyon nga Kalihokan

Basaha ang mosunod o susama nga mga kahimtang ngadto sa mga bata (gamita ang mga kahimtang nga ubos sa mga kasinatian sa mga bata). Pangutan-a sila kon unsa sa ilang hunahuna ang ilang buhaton kon:

Pang-atensyon nga Kalihokan

Sila nakakita og mas gamay nga bata kinsa giuhaw apan dili makaabot sa tubig.
Sila nakaila og usa ka bata kinsa wala pa makaadto sa simbahan sulod sa pila ka semana.
Sila nakaila og usa ka tawo kinsa walay igo nga makaon.
Sila nakakita og usa ka tawo nga walay usa ka mainit nga kupo, ug gitugnaw pag-ayo.
Sila nakaila og usa ka tawo kinsa anaa sa panimalay sa dugay nga panahon nga adunay sakit o kakulangan.

Pang-atensyon nga Kalihokan

Unsa ang buot ni Jesus nga inyong buhaton? Ngano sa inyong hunahuna nga kamo angay nga motabang sa uban sa kahimtang nga sama niini?

Pahinumdumi ang mga bata nga sulod sa duha ka leksyon sila nakat-on mahitungod sa duha sa mga sambingay nga gigamit ni Jesus sa pagtudlo sa katawhan mahitungod sa iyang ikaduha nga pag-anhi. Kini nga leksyon nagtudlo sa ikatulo nga sambingay sa Mateo 25, ug managkauban ang tanan sa tulo ka sambingay nagtudlo nato unsaon nga kita maka-andam sa pag-anhi ni Jesus ug sa panahon nga siya mohukom nato. Ang usa nga labing maayong paagi sa pag-andam mao ang pag-alagad sa uban.

Asoy sa Kasulatan

Ipakita ang mga huiagway Ang Katapusang Paghukom ug Ang Ikaduhang Paganhi sa tukmang panahon samtang ikaw magtudlo sa mga bata sa sambingay sa mga karnero ug mga kanding gikan sa Mateo 25:31–46. (Alang sa gisugyot nga mga paagi sa pagtudlo sa asoy sa kasulatan, tan-awa sa“Pagtudlo gikan sa mga Kasulatan,” p. viii.)

Mga Pangutana sa Panaghisgutan ug Paggamit

Tun-i ang mosunod nga mga pangutana ug sa mga pakisayran sa kasulatan samtang ikaw nag-andam sa imong leksyon. Gamita ang mga pangutana nga ikaw nagtuo maoy labing makatabang sa mga bata nga makasabut sa mga kasulatan ug sa paggamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang kanila nga makasabut sa mga kasulatan.

Mga Pangutana sa Panaghisgutan ug Paggamit

Unsa sa inyong hunahuna unsa kaha ang matang sa panahon kon si Jesus moanhi pag-usab?
Si Jesus nagtudlo nato nga sa iyang pag-anhi siya mobahin sa mga nasud sama nga ang usa ka magbalantay maglain sa mga karnero gikan sa mga kanding. (Mateo 25:32.) Niini nga sambingay kang kinsa ang girepresentaran sa mga karnero? (Mateo 25:33–36.) Kinsa girepresentaran sa mga kanding? (Mateo 25:33, 41–43.) Ngano nga si Jesus molain sa mga karnero gikan sa kanding? Unsa ang dako nga kalainan taiiwala sa mga karnero ug sa mga kanding?
Unsa ang gipasabut ni Jesus sa dihang siya miingon nga kadtong anaa sa iyang tuo nga kamot maoy nagpakaon kaniya, nagbiste kaniya, ug uban pa? (Mateo 25:37–40.) Kinsa ang mga “labing ubos niining akong mga kaigsoonan”?
Unsa nga matang sa pag-alagad ang gihatag sa mga matarung? (Mateo 25:35–37.) Unsa ang gipangayo kanato nga buhaton aron mahimong ilhon nga sakop sa mga karnero sa Ginoo? Tabangi ang mga bata sa paghunahuna og mga paagi nga sila makahimo sa sama nga mga buhat sa pag-alagad. Pagpakigbahin og mga sanglitanan sa pag-alagad nga imong namatikdan, ug dapita ang mga bata sa pagpakigbahin og mga sanglitanan nga ilang nakit-an.
Unsa ang mahimo natong ganti kon kita mag-alagad sa uban? (Mateo 25:34, 46.) Unsa ang mahitabo niadtong kinsa wala mag-alagad sa uban? (Mateo 25:41,46.)
Kinsa ang angay natong alagaran? Kinsa sa atong nailhan ang mahimong tabangan pinaagi sa atong pag-alagad? (Mateo 25:40; tan-awa usab sa Mosiah 4:16.) (Tan-awa sa kalihokan sa pagpalambo 1.)
Asa unsa nga paagi si Jesus mialagad sa uban? (Ribyuha ang pipila ka mga asoy sa kasulatan bahin sa pag-ayo ni Jesus sa masakiton, pagpanalangin sa mga bata, pagpakaon sa 5,000, ug uban pa. Hatagi og gibug-aton ang pagpakita ni Jesus og gugma alang sa katawhan samtang siya nagbuhat niining mga butanga.) Sa unsang paagi nga ang iyang mga sanglitanan sa pag-alagad sa uban nakatabang kaninyo?
Sa unsang paagi nga kita makapanalangin sa uban pinaagi sa atong pagalagad? Sa unsang paagi nga ang pag-alagad sa ubang tawo mipanalangin kaninyo? Unsa ang inyong gibati sa paghatag og pag-alagad sa uban? Unsa ang inyong gibati mahitungod niadtong inyong gialagaran?

Ikaw mahimong mogamit sa mga kalihokan sa pagpalambo 4 alang sa pagawhag sa mga bata sa paggamit niini nga leksyon sa ilang mga kinabuhi.

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsa nga panahon sa leksyon o ingon nga usa ka pagribyu nga pagtuon, katingbanan, o hagit.

Pakigbahin ug hisguti ang mosunod nga sugilanon uban sa mga bata:

“Ako adunay daghang mga handumanan sa akong kabatan-on. Ang pagpaabut sa panihapon sa Domingo usa niini. Sa dihang kaming mga bata nag-ungaw sa among gitawag og ang-ang sa kagutom ug naglingkod nga naghinamhinam diha sa lamesa, uban sa kahumot sa litsong baka nga milukop sa lawak, si Mama moingon kanako, ‘Tommy, sa dili pa kita mokaon, dad-a kining plato nga akong giandam ngadto sa Tigulang nga si Bob ug pagdali og batik.’ Ako…modagan paingon ngadto sa balay ni Bob ug maghulat nga naghinamhinam samtang siya hinay kaayong molakaw paingon sa pultahan. Dayon ako motunol kaniya sa plato sa pagkaon. Siya mohatag kanako sa limpyo nga plato gikan sa miaging Domingo ug mohatag nako og usa ka dyes sintabos ingon nga bayad sa akong pag-alagad. Ang akong tubag sama sa kanunay: ‘Dili ko makadawat sa salapi. Latuson ako sa akong inahan.’ Siya…dayon moingon, ‘Anak, ikaw adunay halangdon nga inahan. Sultihi siya nga salamat.’…Ako nakahinumdom, usab, nga ang panihapon sa Domingo kanunay nga magkalami human ako mibalik gikan sa akong tahas” (Thomas S. Monson, “The Long Line of the Lonely,” Ensign, Peb. 1992, p. 4).
Pakigsabut nga usa ka sakop sa kapangulohan sa Relief Society o usa ka sakop sa bishopric nga motambong sa klase aron sa pagpasabut kon unsaon sa Relief Society sa paghatag og mapuangoron nga pag-alagad. Tuguti ang mga bisita sa pagpasabut sa unsa nga paagi nga ang Simbahan mohatag og tabang niadtong nagkinahanglan, lakip kon giunsa sa paggamit ang mga halad sa puasa.
Hatagi ang matag bata og tagsa ka papel ug lapis, ug ipalista nila ang mga paagi nga sila makaalagad sa uban sa panimalay o sa kasilinganan. Hagita ang mga bata sa paghimo og bisan usa ka buhat sa pag-alagad niini nga semana.
Hisguti ang mosunod nga mga kinutlo:

“Aduna unyay usa ka maalamon ug makiangayon nga Dios nga mohukom sa tanang katawhan…. Ang mga dautan mahimong mousbaw sa usa ka higayon, ang mga masupakon mahimong maora og nabulahan sa ilang mga kalapasan, apan ang takna nagsingabot diin, diha sa sa hukmanan sa hustisya, ang tanang katawhan pagahukman, ‘matag tawo sumala sa ilang mga buhat’ (Pin. 20:13). Walay usa nga ‘makalikay’ sa mga sangputanan. Niana nga adlawa walay usa nga makalingkawas sa silot sa iyang mga buhat, walay usa nga mosipyat sa pagdawat sa mga panalangin nga iyang pagaangkonon. Sa makausa pa, ang sambingay sa mga karnero ug mga kanding naghatag kanato og kasiguroan nga adunay usa ka tibuok nga hustisya” (Spencer W. Kimball, The Miracle of Forgiveness, pp. 304-5).
Pag-andam og duha ka kahon o mga sudlanan. Markahi ang usa ka kahon og “Mga Karnero” ug ang lain nga kahon og “Mga Kanding.” Ibutang ang kahon sa “Mga Karnero” sa imong tuo ug ang kahon sa “Mga Kanding” sa imong wala. Diha sa linain nga piraso sa papel pagsulat og maayo ug dautan nga mga buhat (pag-apil og mga buhat diin ang matang dili kaayo maila). Ipatagsatagsa sa mga bata og basa og usa ka buhat ug paghukom kon kini usa ka “karnero” nga buhat o usa ka “kanding” nga buhat ug ibutang ang piraso sa papel sa tukmang kahon.

Gamita ang mga buhat nga nalista sa ubos o paghimo og pipila sa imong kaugalingon:

Sultihi ang imong mga ginikanan sa tinuod.

Dili moangkon niana kon ikaw nakahimo og usa ka butang nga sayop.

Pagpakig-away uban sa imong igsoon nga lalaki o babaye.

Pag-ingon og “Pasayloa ako” kon ikaw makapasakit sa pagbati sa usa ka tawo.

Pagsulti lamang og bahin sa kamatuoran.
Tabangi ang mga bata sa pagsag-ulo sa Mateo 25:40.

Panapos

Pagpamatuod

Ipamatuod nga si Jesus buot nato nga moalagad sa uban ug nga kita mapanalanginan kon kita mobuhat sa ingon. Ipakigbahin sa mga bata ang imong pagbati mahitungod sa kahigayunan nga imong naangkon sa pagalagad.

Gisugyot nga Basahonon sa Panimalay

Isugyot nga ang mga bata magtuon sa Mateo 25:35–40 sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.