Leksyon29

Ang kang Jesukristo nga Madaugon nga Pagsulod ug ang Katapusan nga Panihapon

Katuyoan

Aron sa patabang sa matag bata nga makasabut sa kamahinungdanon sa pagambit sa sakramento matag semana ingon nga pahimangno sa kanunay nga paghinumdom kang Jesukristo.

Pagpangandam

1. Sa mainampoon nga paagi pagtuon sa Mateo 21:1–11; Marcos 14:12–26; Lucas 19:29–38 ; 22:15–20; ug Doktrina ug mga Pakigsaad 20:77, 79. Dayon pagtuon sa leksyon ug paghukom unsaon sa pagtudlo sa mga bata sa mga asoy sa balaan nga kasulatan. (Tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)

2. Dugang nga basahonon: ang ulohan sa Doktrina ug mga Pakigsaad 27, Doktrina ug mga Pakigsaad 27:2, ug Baruganan sa Ebanghelyo, kapitulo 23.

3. Pilia ang mga pangutana sa panaghisgutan ug paggamit ug mga kalihokan sa pagpalambo nga makapalakip sa mga bata ug labing makatabang nila sa pagkab-ot sa katuyoan niini nga leksyon.

4. Mga materyal nga gikinahanglan:

   1. Usa ka Biblia o usa ka Bag-ong Tugon alang sa matag bata.

   2. Pipila ka mga kopya sa Doktrina ug mga Pakigsaad.

   3. Lapis ug papel alang sa matag bata (kapilian).

   4. Mga huiagway 7-28, Madaugon nga Pagsulod (Mga Huiagway sa Ebanghelyo 223; 62173), ug 7-29, Ang Katapusang Panihapon (Mga Huiagway sa Ebanghelyo 225; 62174).

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Bahina ang klase ngadto sa pundok, ug hangyoa ang mga bata sa paghunahuna og mga butang nga mahimong ilang buhaton sa panimalay kon sila adunay mahimong linaing mga bisita nga moabut aron sa pagduaw sa ilang mga banay, sama sa paglimpyo sa balay, pag-andam og linaing mga pagkaon, ug uban pa. Ipadula sa pundok kon unsay ilang buhaton, ug tuguti ang nahibilin sa klase sa pagtag-an kon unsa ang ilang gibuhat.

Pang-atensyon nga Kalihokan

• Kon ang Manluluwas moadto sa inyong panimalay, unsa ang inyong buhaton aron makaandam? Sultihi ang mga bata nga kini nga leksyon magtudlo kanila mahitungod sa usa ka higayon sa dihang ang mga tawo nag-andam og usa ka talagsaon nga pag-abiabi alang sa Manluluwas aron ipakita kon giunsa nila siya pagpasidungog ug pagtahud.

Mga Asoy sa Kasulatan ug Mga Pangutana sa Panaghisgutan ug Paggamit

Ipadayag ang hulagway sa Madaugon nga Pagsulod. Itudlo sa mga bata ang asoy sa kang Jesus nga madaugon nga pagsulod ngadto sa Jerusalem (Mateo 21:1–11; Luke 19:29–38). (Alang sa gisugyot nga mga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.)

Mga Asoy sa Kasulatan ug Mga Pangutana sa Panaghisgutan ug Paggamit

• Unsa ang gibuhat sa mga tawo sa dihang ilang nadungog nga si Jesukristo mianha sa ilang siyudad? (Mateo 21:8–9.) Unsa sa inyong hunahuna ang ilang gibati mahitungod kang Jesus? Unsa sa inyong hunahuna ang imong bation kon ikaw tua didto?

• Ngano nga ang mga tawo misinggit og “Hosanna” samtang sila naglakaw paingon sa Jerusalem uban ni Jesus? (Tabangi ang mga bata nga makasabut nga kini ang ilang paagi sa pagdayeg ug pagsimba kang Jesus ug pagpakita nga sila mituo nga siya mao ang Anak sa Dios.) Unsaon nato sa pagsimba ang Langitnong Amahan ug si Jesukristo karon? (Kon kita motambong sa tigum sa sakramento, magbasa sa mga kasulatan, mag-awit og himno, mag-ampo, ug moambit sa sakramento.)

Itudlo sa mga bata ang asoy sa ang Katapusang Panihapon gikan sa Marcos 14:12–26 ug Lucas 22:15–20. Ipakita ang hulagway sa ang Katapusang Panihapon. Ipasabut nga ang Pagpalabay usa ka ritwal nga pagkaon nga gikaon sa mga katawhan sa matag tuig aron pagpahinumdom kanila sa panahon sa dihang ang tiglaglag nga anghel milabay sa mga kabalayan sa ilang mga katigulangan sa Ehipto ug wala mopatay sa ilang mga kamagulangang mga anak (tan-awa sa Exodo 12:21–30).

Mga Asoy sa Kasulatan ug Mga Pangutana sa Panaghisgutan ug Paggamit

• Ngano nga kita nagtawag niining pagkaon sa Paglabay nga ang Katapusang Panihapon? (Lucas 22:15–18.) Unsa ang gibuhat ni Jesus niini nga pagkaon? (Marcos 14:22–24.) Ngano nga iya kining gibuhat? (Alang sa pagtudlo sa kamahinungdanon sa iyang pagtubos. Siya nagpasiugda sa sakramento aron sa pagtabang nato kanunay sa paghinumdom kaniya ug sa iyang pagtubos.)

• Unsa ang giingon ni Jesus nga girepresentaran sa pan? (Marcos 14:22.) Unsa ang giingon ni Jesus nga girepresentaran sa bino? (Marcos 14:23–24.Ipasabut nga kita naggamit og tubig karon imbis nga bino.) Tabangi ang mga bata nga makasabut nga ang pan ug ang tubig mga simbolo, o pahinumdom, sa lawas ug dugo ni Jesus.

• Sa unsa nga paagi ang Katapusang Panihapon sama sa atong tulumanon sa sakramento karon? Pahinumdumi ang mga bata nga ingon nga si Jesus mipikaspikas sa pan ug mipanalangin ug mitunol sa pan ug bino, ang mga naghupot sa pagkapari naghimo sa sama nga mga tahas karon. Ikaw mahimong mogamit niini nga kahigayunan alang sa pagtabang sa mga batang lalaki sa imong klase nga makasabut kon sila makadawat sa Aaronic nga Pagkapari, sila modawat sa awtoridad sa pagkasinaligan ni Kristo diha sa tulumanon sa sakramento.

Kon adunay usa sa mga bata nga mangutana ngano nga kita naggamit og tubig imbis nga bino alang sa sakramento, ipabasa nila ang Doktrina ug mga Pakigsaad 27:1–2.

Mga Asoy sa Kasulatan ug Mga Pangutana sa Panaghisgutan ug Paggamit

• Tuguti ang mga bata nga mobasa sa Doktrina ug mga Pakigsaad 20:77, 79. Unsa kining duha ka mga kasulatan? Ipasabut nga si Jesus mipadayag sa mga pulong alang sa pag-ampo sa sakramento ug nga ang mga pari gipahimangnoan sa pagsunod niini sama sa nahisulat sa Doktrina ug mga Pakigsaad.

• Kon kita moingon nga “amen” ngadto sa mga pag-ampo sa sakramento ug moambit sa sakramento, unsa ang atong gisaad nga buhaton? Unsa ang gisaad sa Ginoo kanato agi og balos? Ngano nga mahinungdanon alang kanato ang kanunay nga paghinumdom kang Jesus? Unsa ang imong mahimong buhaton aron sa paghinumdom sa Manluluwas? (Tan-awa sa sa mga kalihokan sa pagpalambo 3.)

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsa nga higayon sa panahon sa leksyon o ingon nga usa ka balik pagtuon, katingbanan, o hagit.

1. Ribyuha ang imong mga panaad sa bunyag gikan sa leksyon 6. Ipasabut nga ang mga saad sa mga pag-ampo sa sakramento sama niadtong anaa sa mga saad sa bunyag. Kon kita modawat sa sakramento, kita nagbag-o pag-usab sa atong mga saad sa bunyag. Ikaw mahimong mopadayag sa mosunod nga mga ginunting nga mga pulong:

   Ako nagsaad

   sa pagdala diha sa akong kaugalingon sa ngalan ni Kristo.

   sa kanunay nga paghinumdom kaniya.

   sa pagtuman sa iyang mga sugo.

   Ang Ginoo nagsaad nako nga

   akong ikauban kanunay ang iyang Espiritu.

2. Pangutan-a ang mga bata kon sila gihatagan ba sa ilang mga ngalan tungod sa usa ka linain nga hinungdan. Hangyoa kadtong mga bata kinsa gihatagan og panganlan sama sa laing tawo sa pag-asoy kon unsa kini ka sama sa pag-angkon niana nga ngalan sa maong tawo. Hangyoa kadtong kinsa adunay talagsaon nga apelyido sa pag-asoy kon unsa ang buot ipasabut alang nila nga magbaton niana nga pangalan. Dayon pakigsulti uban sa mga bata mahitungod sa kon unsa ang gipasabut sa pagdala sa atong kaugalingon sa ngalan ni Kristo kon kita mahimong mga sakop sa Ang Simbahan ni Jesukristo sa mga Santos sa Ulahing mga Adlaw. Tabangi ang mga bata nga makasabut nga ang atong mga buhat isip mga sakop sa Simbahan kinahanglan nga angay alang sa usa kinsa sumusunod ni Jesukristo.

3. Tuguti ang klase sa paglista og mga paagi nga kita mahimong makahinumdom kang Jesus sa panahon sa sakramento ug sa atong pangadlaw-adlaw nga mga kinabuhi. Ang mga sugyot mahimong molakip:

   Sa panahon sa sakramento:

   Paghunahuna sa kon giunsa niya pag-antus ug pagkamatay alang kanato.

   Paghunahuna sa mga pulong sa usa ka himno sa sakramento.

   Paghunahuna og mga sugilanon gikan sa kinabuhi ni Jesus (tuguti ang mga bata sa pagsugyot og mga piho nga mga sugilanon).

   Paghunahuna og usa sa mga pagtulun-an ni Jesus nga buot nimo nga sugdan pagpuyo o pagpuyo nga labaw ka maayo.

   Paghunahuna sa imong pakigsaad sa bunyag.

   Sa atong pang-adlaw-adlaw nga kinabuhi:

   Pag-ampo ngadto sa Langitnong Amahan sa matag adlaw sa ngalan ni Jesukristo.

   Pagsunod sa atong mga ginikanan.

   Pagkabuotan ngadto sa mga sakop sa banay.

   Pagbasa sa mga kasulatan.

   Pagtuman sa mga sugo.

   Paghatag og balaan nga pagtahud sa sagradong mga dapit.

   Pagtabang sa uban nga nagkinahanglan.

   Pagtambong sa atong mga tigum sa simbahan.

   Ikaw mahimong motugot sa mga bata sa pagsulat sa usa niining mga sugyot diha sa piraso sa papel ug pagtago niini ingon nga usa ka pahinumdom sa sulod sa semana.

4. Hisguti ang katuyoan sa mga himno sa sakramento uban sa mga bata pinaagi sa pagpangutana sa mosunod nga mga pangutana:

   • Ngano man nga kita mokanta og usa ka himno sa dili pa ang sakramento pagapanalanginan?

   • Kinsa ang gihisgutan ngari nato sa himno sa sakramento?

   Awhaga ang mga bata sa pagpaminaw sa mga pulong sa himno sa sakramento matag semana. Ikaw mahimong mo-awit sa usa sa mga himno sa sakramento uban sa klase o magpatingog og usa ka tape sa musika samtang ang tanan naminaw ug naghunahuna mahitungod kang Jesus. Ikaw mahimong mogamit sa “Sa Pagpaubos Among Manluluwas” (Mga Baruganan sa Ebanghelyo, 31110). Ikaw mahimong mohangyo sa korister sa purok sa paggamit niini ingon nga himno sa sakramento sa sunod nga tigum sa sakramento.

5. Awita o basaha ang mga pulong sa “Ako Nabarug nga Nahibulong” (Mga Baruganan sa Ebanghelyo, (31110).

Panapos

Pagpamatuod

lhatag ang imong pagpamatuod bahin ni Jesukristo ug sa iyang gugma alang sa matag usa nato. Hatagi og gibug-aton nga ang paghinumdom kaniya makatabang nato sa paghimo og mga tukma nga mga pagpili aron kita mahimong makauban kaniya pag-usab. Awhaga ang mga bata sa paghunahuna sa Manluluwas samtang sila nagdawat sa sakramento matag semana ug sa pagsaad sa pagpuyo ingon sa sila angay.

Gisugyot nga Basahonon sa Panimalay

Isugyot nga ang mga bata magtuon sa Marcos 14:12–26 sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.