Mga Manwal sa Primary ug Panahon sa Pagpakigbahin
Leksyon 32: Ang Paglansang sa Krus ug Paglubong ni Jesukristo

Leksyon 32

Ang Paglansang sa Krus ug Paglubong ni Jesukristo

Katuyoan

Aron sa pagpalig-on sa pagpamatuod sa matag bata nga tungod kay si Jesus namatay alang kanato, kita mahimong mabuhi pag-usab.

Pagpangandam

  1. Sa mainampoon nga paagi pagtuon sa Mateo 27:32–66, Lucas 23:26–56, ug Juan 10:17–18, 19:13–42. Dayon pagtuon sa leksyon ug paghukom unsaon nimo sa pagtudlo ang mga bata sa mga asoy sa kasulatan. (Tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)

  2. Dugang basahonon: Marcos 15:20–47.

  3. Pilia ang mga pangutana sa panaghisgutan ug mga kalihokan sa pagpalambo nga makapaapil sa mga bata ug labing makatabang nila sa pagkab-ot sa katuyoan niini nga leksyon.

  4. Mga materyal nga gikinahanglan:

    1. Usa ka Biblia o usa ka Bag-ong Tugon alang sa matag bata.

    2. Usa ka kopya sa Basahon ni Mormon.

    3. Mga hulagway 7-33, Ang Paglansang sa Krus (Mga Hulagway sa Ebanghelyo 230; 62505); 7-34, Ang Paglubong ni Jesus (Mga Hulagway sa Ebanghelyo 231; 62180); ug 7-35, Ang Lubnganan ni Jesus (Mga Hulagway sa Ebanghelyo 232; 62111).

Gisugyot nga Kaiamboan sa Leksyon

Pagdapit og usa ka bata nga mohatagang pagsugod nga pag-ampo.

Pang-atensyon nga Kalihokan

Ipakigbahin uban sa mga bata ang mosunod nga sugilanon:

Nianang usa ka mabugnaw, adlaw sa tingtugnaw ang usa ka eropiano nahagsa sa usa ka taytayan sa Washington, D.C., ug naunlod ngadto sa Sapa sa Potomac nga adunay ice. Daghang mga tawo ang namatay, apan may unom ka mga tawo nga mikapyot sa tumoy sa eropiano samtang ang mga lalaki sa usa ka helikopter miitsa ngadto nila og usa ka butang nga makaluwas sa kinabuhi. Ang tubig bugnaw kaayo, ug malisud ang pagkapyot sa eropiano. Kining tawhana nahadlok nga sila mamatay sa dili pa moabut ang ilang higayon sa paggunit sa butang nga makaluwas sa kinabuhi ug madala ngadto sa luwas nga dapit.

Sa matag higayon nga ang mga tigluwas mopaubos sa butang nga makaluwas sa kinabuhi ngadto sa usa ka tawo, siya mipasa niini ngadto sa lain aron ang laing tawo maoy unang maluwas. Siya mibuhat niini hangtud nga ang tanang tawo nangaluwas, apan siya dili na makagunit pa og dugay. Sa dihang ang helikopter mibalik aron sa pagkuha kaniya, siya mitidlom na sa tubig. Siya namatay sa wala pa ang bisan kinsa makaluwas niya.

Pang-atensyon nga Kalihokan

  • Ngano sa inyong hunahuna nga kining tawhana nagsige og pasa sa butang nga makaluwas sa kinabuhi ngadto sa lain? Unsa ang imong bation kon ikaw usa sa mga naluwas niining tawhana?

Ipadayag ang imong pagbati mahitungod sa kaisug ug gugma nga gikinahanglan aron mahimong ikahatag ang imong kinabuhi alang sa uban sama sa gibuhat niining tawhana.

Ipasabut sa mga bata nga niini nga leksyon sila makakat-on bahin sa kasakit ni Jesus ug pag-antus diha sa krus. Siya kinabubut-on nga mihalad sa iyang kinabuhi aron nga ang matag tawo kinsa nangabuhi, o mabuhi pa, mahimong mabuhi pag-usab tungod sa iyang hilabihan nga gugma alang nato.

Mubo nga pagribyu

Pahinumdumi ang mga bata sa kahimtang diin si Adan ug si Eva nagbutang sa ilang mga kaugalingon ug sa ilang kaliwatan sa dihang sila mikaon sa ginadili nga prutas sa Tanaman sa Eden. Tungod sa kalapasan nila ni Adan ug ni Eva, ang ilang mga lawas nahimong mortal. Kini nagpasabut nga ang ilang mga lawas sa umaabot nga adlaw mamatay. Ingon nga mga kaliwatan nila ni Adan ug ni Eva, kita usab ulipon sa kamatayon, sama kanila kaniadto.

Ipamatuod nga ang pisikal nga kamatayon usa ka bahin sa laraw sa Langitnong Amahan ug nga ang Langitnong Amahan, sa iyang dako nga kalooy, mipadala sa iyang Bugtong nga Anak, si Jesukristo, aron sa pagbuntog sa kamatayon. Pinaagi sa kamatayon ug pagkabanhaw ni Kristo, kitang tanan maluwas na gikan sa pisikal nga kamatayon. Kita mamatay, apan kita mabanhaw (tan-awa sa Juan 3:16–17; Heiaman 14:15).

Ribyuha sa makadiyot gikan sa nangagi nga mga leksyon ang mga panghitabo sa pag-antus, pagbudhi, pagdakop, ug paghusay ni Jesus.

Asoy sa Kasulatan

Itudlo sa mga bata ang asoy sa pagkalansang ni Jesus sa krus ug paglubong nga makita sa Mateo 27:32–66. (Alang sa gisugyot nga mga paagi sa itudlo ang asoy sa kasulatan, tan-awa sa, “Pagtudlo gikan sa mga Kasulatan,” p. viii.) Ingon man basaha ang Lucas 23:34, 39–43 ug Juan 19:19–22, 25–27, 34, 39. Gamita ang mga huiagway sa tukma nga mga panahon.

Ikaw mahimong mogamit sa mosunod nga lista aron sa pagtabang sa imong kaugalingon sa pagtudlo sa mga punto niini nga leksyon:

Asoy sa Kasulatan

  1. Si Simon sa Cyrene mipas-an sa krus ni Jesus (Mateo 27:32).

  2. Si Jesus gibitay diha sa krus taliwala sa duha ka mga kawatan (Mateo 27:33–38; Lucas 23:32–33).

  3. Si Pilato misulat og titulo ug mibutang niini ngadto sa krus (Juan 19:19–22).

  4. Si Jesus gibiaybiay (Mateo 27:39–44).

  5. Si Jesus nakigsulti ngadto sa mga kawatan (Lucas 23:39–43).

  6. Si Jesus mihangyo kang Juan sa pag-atiman sa iyang inahan (Juan 19:25–27).

  7. Ang kangitngit milukop sayuta (Mateo 27:45–46).

  8. Si Jesukristo namatay (Mateo 27:50–56).Ang sundalo nga Romano mituslok sa iyang kilid (Juan 19:34).

  9. Ang lawas ni Jesus gibutang sa usa ka lubnganan (Mateo 27:57–61; Juan 19:38–42).

  10. Ang mga gwardya gisugo sa pagbantay sa lubnganan (Mateo 27:62–66).

Mga Pangutana sa Panaghisgutan ug Paggamit

Tun-i ang mosunod nga mga pangutana ug mga pakisayran sa kasulatan samtang ikaw nag-andam sa imong leksyon. Gamita ang mga pangutana nga sa imong pagtuo labing makatabang sa mga bata nga makasabut sa mga kasulatan ug sa paggamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang kanila nga makasabut sa mga kasulatan.

Mga Pangutana sa Panaghisgutan ug Paggamit

  • Human sa husay ni Jesus, unsa ang gibuhat ni Pilato? (Mateo 27:26.) Unsa ang gipasabut sa pagkastigo? (Pagbunal.) Unsa ang gipasabut sa ilansang sa krus? (Pagpahamtang sa kamatayon pinaagi sa paglansang o paghigot sa mga kamot ug tiil ngadto sa usa ka krus.) Ipasabut nga ang paglansang sa krus usa ka hinay ug masakit nga kamatayon nga kalagmitan giandam alang sa mga ulipon ug sa pinakaubos nga mga kriminal.

  • Sa unsang duha ka mga ngalan nga nailhan ang dapit diin si Jesus gilansang sa krus? (Mateo 27:33; Lucas 23:33.)

  • Uban ni kinsa si Jesus gilansang? (Mateo 27:38; Lucas 23:33.)

  • Unsa ang gihatag sa sundalo ni Jesus aron imnon? (Mateo 27:34.)Ipasabut nga ang suka ug apdo gihatag ingon nga usa ka tambal aron sa pagpatay sa pagbati o pagpakubos sa kasakit. Tabangi ang mga bata sa pagsabut nga si Jesus mibalibad sa pag-inom sa gitimpla tungod kay siya buot nga siya adunay igong panimuot ug masayud samtang siya nagtapos sa buhat sa Pag-ula.

  • Kinsa ang gihangyo ni Jesus nga pasayloon sa Langitnong Amahan? (Lucas 23:34.) Ngano sa inyong hunahuna nga mahinungdanon nga si Jesus mipasaylo sa mga sundalo? Ngano nga mahinungdanon nga kita mapasayloon? Sa unsang paagi nga kita mapanalanginan kon kita mopasaylo sa uban?

  • Kinsa ang uban niadtong nagbiaybiay ug nagtamay (nag-insulto) kang Jesus samtang siya nagbitay diha sa krus? (Mateo 27:39–44.) Unsa ang ubang mga butang nga ilang gisulti ngadto kaniya? Uinsay gitubag ni Jesus? (1 Nephi 19:9.) Unsaon nato sa pagtubag kon ang mga tawo magsulti og malupigon nga mga butang ngari nato?

  • Unsay reaksyon sa duha ka mga kawatan ngadto kang Jesus? (Lucas 23:39–43.) Unsa ang gisulti sa ikaduhang kawatan nga nagpakita nga siya nagsugod na sa paghinulsol? (Lucas 23:40–42.) Unsa ang tubag ni Jesus? (Lucas 23:43.)

  • Giunsa ni Jesus pagpakita og dako nga gugma alang sa iyang inahan samtang nag-antos diha sa krus? (Juan 19:25–27.) Unsa ang gitudlo niini kanato mahitungod ni Jesus?

  • Unsa kadugay ang kangitngit diha sa yuta? (Mateo 27:45.) Unsa ang gisinggit ni Jesus? (Mateo 27:46.) Ang Dios tinuod ba nga mibiya sa iyang Anak? Ipasabut nga ang Langitnong Amahan mibawi sa iyang espiritu sa sulod sa usa ka gutlo aron nga si Jesus makahimo sa paghingpit sa iyang kadaugan batok sa sala ug kamatayon pinaagi sa iyang kaugalingon.

  • Unsay buot ipasabut nga si Jesus “mitugyan sa kalag”? (Ang bugtong paagi nga si Jesus mahimong mamatay mao ang pagtugot sa iyang espiritu nga mobiya sa iyang lawas. Ang kasulatan nagpamatuod nga siya mitugyan sa iyang kinabuhi nga kinabubut-on; kini wala kuhaa gikan kaniya.) Ipabasa sa mga bata ang Juan 10:17–18. Ngano sa inyong hunahuna nga si Jesus andam nga mitugyan sa iyang kinabuhi?

  • Unsa nga milagroso nga mga panghitabo ang nahitabo sa panahon sa kamatayon ni Jesus? (Mateo 27:51–53.) Unsa ang ipasabut sa “nag-iiis sa duha ka bahin” mean? (Napikas.) Unsa nga pagpamatuod ang gihatag sa senturyon (usa ka opisyal sa sundalo nga Romano) sa dihang siya nakakita kon unsa ang nahitabo? (Mateo 27:54.)

  • Kinsa si Jose sa Arimatea? (Mateo 27:57.) Unsa ang iyang gibuhat? (Mateo 27:58–60.)

  • Unsa ang gihangyo sa mga Pariseyo nga buhaton ni Pilato? (Mateo 27:62–66.) Ngano nga buot nila nga bantayan ang lubnganan? Ngano nga ang ilang paningkamot wala nakahimo og kalainan? Unsa ang gitudlo niini nato mahitungod sa gahum sa tawo ug sa gahum sa Ginoo?

Katingbanan ug Mga Pangutana sa Panaghisgutan ug Paggamit

Ikaw mahimong mogamit sa mosunod nga mga pangutana alang sa pagtabang sa mga bata sa pagsabut sa kalambigitan tali sa kasaypanan nilang Adan ug Eva ug sa panginahanglan og usa ka Manluluwas.

Katingbanan ug Mga Pangutana sa Panaghisgutan ug Paggamit

  • Sa unsa nga paagi nga si Adan ug ni Eva milapas sa usa sa mga sugo sa Langitnong Amahan sa Tanaman sa Eden? (Sila mikaon sa prutas gikan sa kahoy sa kahibalo sa maayo ug sa dautan.) Unsa ang sangputanan niini nga kalapasan? (Sila kinahanglan nga mobiya sa tanaman. Sila nahimong mortal ug makahimo sa pagbaton og mga anak. Sila ug ang tanan nilang kaliwatan nahimong ulipon sa kamatayon. Kini usa ka bahin sa laraw sa Langitnong Amahan.

  • Unsay mahitabo sa atong mga lawas ug mga espiritu kon kita mamatay? (Ang espiritu mobiya sa lawas ug moadto sa kalibutan sa espiritu; ang lawas, walay kinabuhi kon walay espiritu, sa kasagaran ilubong ngadto sa yuta.) Unsay atong buhaton aron sa paghiusa pag-usab sa atong mga lawas ug mga espiritu? (Wala; tungod kay kita mga mortal, kita walay gahum sa paghiusa sa atong mga lawas ug mga espiritu pinaagi sa atong kaugalingon.)

  • Kinsa ang naghimo nga posible alang nato sa pagbuntog niining walay paglaum nga kahimtang? Ngano nga si Jesus ang bugtong makahimo pagluwas nato? (Siya walay sala; siya ang Bugtong Anak sa Langitnong Amahan sa unod ug adunay gahum batok sa kamatayon.) Unsay inyong gibati nga nasayud nga adunay usa ka tawo nga makatabang ninyo ug sa inyong banay nga mahimong mabanhaw?

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsa nga higayon sa panahon sa leksyon o ingon nga usa ka pagribyu, katingbanan, o hagit.

  1. Ilista ang mosunod nga mga kasulatan sa usa ka tsart o diha sa pisara. Isulti sa mga bata nga ang matag kasulatan naglakip og usa sa mga nahisulat nga mga pamulong nga si Jesus mihimo samtang nagbitay diha sa krus. Tuguti ang mga bata sa pagbasa sa mga pakigpulong ug sa pagsulti kon sa unsa nga gahum o hiyas sa kinaiya ang nakatabang kang Jesus sa pagsulti o pagbuhat niining mga butanga.

    Lucas 23:34 (Siya manggiloloy-on ug mapasayloon.)

    Lucas 23:43 (Siya adunay gahum sa pagtagna kon unsa ang mahitabo.)

    Juan 19:26–27 (Siya adunay gugma ug pagpakabana sa iyang inahan.)

    Mateo 27:46 (Siya nagpadayag sa iyang pagsalig sa iyang Amahan.)

    Lucas 23:46 (Siya manunuton sa kabubut-on sa Langitnong Amahan.)

    Juan 19:30 (Siya mituman sa laraw sa Langitnong Amahan.)

  2. Ilista diha sa pisara kining mga ngalan sa mga tawo o pundok sa mga tawo nga gihisgutan sa asoy sa kasulatan sa kamatayon ug paglubong ni Jesus. Pangutana sa mga bata kon unsa ang ilang nahinumduman mahitungod sa matag tawo o pundok. Tabangi ang mga bata sa pag-i!a sa bahin nga gidala sa matag usa:

    Jesukristo

    Pilato

    Simon sa Cyrene

    Mga sundalo

    Mga tigtamay

    Duha ka kawatan

    Maria, ang inahan ni Jesus

    Juan ang Hinigugma

    Ang senturyon

    Jose sa Arimatea

  3. Hisguti ug tabangi ang mga bata sa pagsag-ulo sa ikaduha nga artikulo sa hugot nga pagtuo.

  4. Awita o basaha ang mga pulong sa “Kita Mag-awit og Himaya sa Ngalan ni Jesus” Mga Baruganan sa Ebanghelyo, (31110).

Panapos

Pagpamatuod

Ipamatuod ang imong pasalamat alang sa hilabihan nga pagsakripisyo nga gihimo ni Jesus alang kanato nga namatay diha sa krus. Ipamatuod nga kita mabanhaw ug mabuhi pag-usab tungod sa iyang hilabihan nga gugma alang kanato.

Gisugyot nga Basahonon sa Panimalay

Isugyot nga ang mga bata magtuon sa Mateo 27:34–50 sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.