Pakan-a ang Akong mga Karnero

Katuyoan

Aron sa pagtabang sa mga bata nga makat-on sa pagpakita og gugma alang kang Jesukristo pinaagi sa pagtabang sa uban nga makasabut ug magsunod sa ebanghelyo.

Pagpangandam

Sa mainampoon nga paagi pagtuon sa Juan 21:1–17 and Marcos 16:15. Dayon pagtuon sa leksyon ug paghukom unsaon nimo sa pagtudlo ang mga bata sa mga asoy sa kasulatan. (Tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)
Pilia ang mga pangutana sa panaghisgutan ug paggamit ug mga kalihokan sa pagpalambo nga makapaapil; sa mga bata ug maoy labing makatabang nila sa pagkab-ot sa katuyoan niini nga leksyon.
Paghimo og usa ka gamay nga ginunting sa usa ka karnero aiang sa matag bata nga nalista sa imong klase (tan-awa sa sumbanan sa katapusan sa leksyon), ug isulat ang ngalan sa matag bata diha sa ginunting. (0 isulat ang mga ngalan sa mga bata diha sa tinagsa ka mga piraso sa papel.) Sa dili pa ang klase ibutang ang mga ginunting sa palibot sa lawak aron ang mga bata makakita niini.
Mga materyal nga gikinahanglan:
1. Usa ka Biblia o usa ka Bag-ong Tugon alang sa matag bata.
2. Huiagway 7-38, Si Jesus ug ang mga Mangingisda (Mga Huiagway sa Ebanghelyo 210; 62138).

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Hangyoa ang mga bata sa pagtan-aw libot sa lawak ug sa pagsulti nimo kon unsa ang ilang nakita nga lahi. Sultihi sila nga ang mga karnero nga ilang nakita nagkatibulaag ug nga ang matag bata mahimong makatabang sa pagpundok sa mga karnero pinaagi sa pagpangutana sa usa diin adunay iyang ngalan diha niini ug sa pagdala niini diha nimo. Kon adunay ginunting nga karnero nga mabilin, ipasabut nga ikaw maghisgot niini nga mga karnero sa katapusan sa leksyon.

Pagdapit og usa ka bata sa pagsalmot sa usa ka dula uban nimo. Magtawag sa bata sa iyang tibuok nga ngalan, sama sa, “(Ngalan), ikaw nahigugma ba sa atong Manluluwas, si Jesukristo?” Human sa tubag isulti, “Pakan-a ang iyang mga karnero.” Balika ang ngalan sa bata ug kini nga pangutana sa makaduha pa nga higayon, ug human sa matag tubag isulti, “Pakan-a ang iyang mga karnero.” Pangutan-a ang bata unsa ang iyang gibati sa dihang ikaw nagsige sa pagpangutana sa sama nga pangutana. Ipasabut nga si Pedro adunay susama nga kasinatian uban ni Jesus human si Jesus nabanhaw.

Asoy sa Kasulatan

Itudlo sa mga bata ang asoy sa pagpakita ni Jesus ngadto sa iyang mga tinunan diha sa Dagat sa Tiberias (o Galilea) gikan sa Juan 21:1–17. (Alang sa gisugyot nga mga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.) Gamita ang hulagway sa tukma nga panahon.

Mga Pangutana sa Panaghisgutan ug Paggamit

Tun-i ang mosunod nga mga pangutana ug sa mga pakisayran sa kasulatan samtang ikaw nag-andam sa imong leksyon. Gamita ang mga pangutana nga sa imong pagtuo maoy labing makatabang sa mga bata nga makasabut sa mga kasulatan ug sa paggamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang kanila nga makasabut sa mga kasulatan.

Mga Pangutana sa Panaghisgutan ug Paggamit

Unsa ang gibuhat nila ni Pedro ug sa ubang mga tinun-an didto sa Dagat sa Tiberias? (Juan 21:3.) Unsa ang gisulti ni Jesus sa mga Apostoles nga buhaton sa dihang wala sila nakakuha og isda? (Juan 21:5–6.) Ngano sa inyong hunahuna nga si Juan nakaamgo nga kadto mao si Jesus sa dihang ang pukot napuno og isda? (Juan 21:6–7.) Unsa ang gibuhat ni Pedro? (Juan 21:7.) Ngano sa inyong hunahuna nga si Pedro mibuhat niini? (Sa dihang iyang nasayran nga kadto mao si Jesus, siya wala makahulat aron mapaduol kaniya.)
Unsa nga pangutana ang gipangutana ni Jesus kang Pedro? (Juan 21:15.) Ngano sa inyong hunahuna nga si Jesus nangutana kang Pedro niini nga pangutana sa makatulo nga higayon? Unsa ang gibati ni Pedro sa dihang si Jesus nangutana kaniya sa sama nga mga pangutana sa makatulo nga higayon? (Juan 21:17.) Unsa na ang mga kaakohan ni Pedro karon nga si Jesus namatay ug nabanhaw?
Unsa ang gipasabut ni Jesus sa dihang siya miiingon, “Pakan-a ang akong mga karnero?” Kinsa ang iyang mga karnero? (Ang tanang mga anak sa Langitnong Amahan.) Unsa ang gusto ni Jesus nga ipakaon sa iyang mga karnero? (Ang mga kamatuoran sa ebanghelyo.) Unsa ang ipabuhat ni Jesus sa iyang mga Apostoles? (Marcos 16:15.)

Tabangi ang mga bata nga makasabut gikan niini nga panaghisgutan nga si Jesus nagsugo sa iyang mga Apostoles sa pagsangyaw sa ebanghelyo, ug siya buot nila nga magpadayon niini nga buhat, dili sa pagbalik ngadto sa pagpangisda. Si Pedro na karon ang Presidente sa Simbahan, ug kini iyang kaakohan ang pagpangulo sa Simbahan ug paggiya sa mga paningkamot sa pagsangyaw sa ebanghelyo ni Jesus.

Mga Pangutana sa Panaghisgutan ug Paggamit

Aduna ba kitay mga magbalantay karon kinsa nagpakaon sa mga karnero ni Jesus? Kinsa sila? (Tan-awa sa Kalihokan sa Pagpalambo 2.)

Kon aduna pay mga ginunting sa mga karnero diha sa libot sa lawak, hangyoa ang usa sa mga bata sa pagpundok niini ug pagdala niini ngadto sa unahan. Ipasabut nga ang uban niining mga bata kansang mga ngalan anaa sa karnero mahimong magkinahanglan og magbalantay nga motabang sa pagpakaon nila sa ebanghelyo.

Mga Pangutana sa Panaghisgutan ug Paggamit

Unsaon nato nga mahimong mga magbalantay ug magpakaon sa mga karnero ni Jesus? (Pinaagi sa paghatag og maayong panig-ingnan, pinaagi sa pagduaw niadtong kinsa sa kasagaran wala magtambong sa klase ug pinaagi sa pagpakighigala kanila sa eskwelahan, pinaagi sa pagbarug alang sa ebanghelyo ug sa Simbahan, pinaagi sa pag-alagad niadtong nanginahanglan, ug uban pa.) Unsaon nato pagtabang ang mga sakop sa pamilya ug mga higala nga labaw nga makasabut sa mga baruganan sa ebanghelyo? Ngano nga kita nagpakita sa atong gugma alang kang Jesus sa panahon nga kita nagtabang sa uban?

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsa nga higayon sa panahon sa leksyon o ingon nga i s a ka pagribyu, katingbanan, o hagit.

Isulat ang Pakan-a ang Akong Mga Karnero diha sa ibabaw sa dako nga tsart (o gamita ang pisara). Hisguti uban sa mga bata ang mga paagi nga sila makapakita sa ilang gugma alang kang Jesus pinaagi sa pagpakaon sa iyang mga karnero. Isulat ang ilang mga sugyot diha sa tsart o sa pisara. Gamita ang mosunod nga mga ideya, kon gikinahanglan:

Pagpakita og maayong panig-ingnan pinaagi sa pagsimba, paggamit og limpyo nga mga sinultihan, pagtuman sa mga sugo, pagpakamatinuoron, pag-ampo, pagtuon sa mga kasulatan, pagpuyo sumala sa unsay imong nakat-unan, ug pagtuman sa imong mga ginikanan ug sa mga balaod sa yuta.

Pagpamatuod ngadto sa mga sakop ug dili mga sakop.

Tabangi ang uban sa pagpili sa matarung kon sila gitintal.

Hisguti ang mahitungod sa ebanghelyo ngadto sa mga tawo kinsa wala masayud mahitungod niini.

Pag-ampo ug pagtuon sa mga kasulatan aron labaw nga mahiduol ngadto sa Ginoo.

Ihatag sa mga bata matag usa og usa ka piraso sa papel ug usa ka lapis ug paghangyo kanila sa pagsulat og, “Ako mahimong usa ka maayong magbalantay pinaagi sa .” Hangyoa ang mga bata sa pagtiwas niining han-ay sa mga pulong pinaagi sa pagsulat kon unsa ang ilang laraw nga mahimong usa ka maayong magbalantay.
Ilista diha sa pisara ang pipila ka mga balaan nga tawag, sama sa obispo, magtutudlo, stake president, magtutudlo sa banay, misyonaryo, propeta, apostoles, presidente sa Primarya, ug uban pa. Hangyoa ang matag bata sa pagpili og usa sa balaan nga mga tawag ug sa pagsulti giunsa niana nga tawo pagtabang pagpakaon sa mga karnero sa Manluluwas. Hangyoa ang mga bata sa pagpakgigbahin og mga kasinatian sa dihang ang mga magtutudlo, mga higala, o mga sakop sa banay mitabang nila nga makakaton og dugang mahitungod sa ebanghelyo. Ikaw mahimong mopakigbahin sa imong kasinatian.
Diha sa mga piraso sa papel isulat ang mosunod o sama nga mga kahimtang diin ang mga bata makahimo sa pagtabang sa uban nga mahimong labaw ka lig-on nga mga sakop sa Simbahan. Hangyoa ang usa ka bata sa pagpili og usa sa mga piraso sa papel, basaha kini sa hilom, ug paghimo sa sitwasyon. Ipatagna sa ubang mga bata unsa ang sitwasyon ug pahisguti unsaon nila pagpakaon sa mga karnero ni Jesus sa maong sitwasyon. Hatagi ang matag bata og higayon.
- Ang pipila ka mga bata diha sa imong klase nagsamok sa uban sa panahon sa leksyon.
- Pipila sa inyong mga higala gustong motan-aw og bati nga sine.
- Ang inyong higala namugos kaninyo sa pagpanguha og kendi gikan sa tindahan nga dili mobayad niini.
- Usa sa inyong grupo gustong sa uban kaninyo nga moinum og beer o dili magtuman sa Pulong sa Kaalam sa ubang laing paagi.
Ipasabut nga ang usa ka maayo nga kahigayunan sa pagtabang sa usa ka tawo nga masinati sa o molambo diha sa ebanghelyo sa kasagaran modangat kon ikaw iyang higala. Pagsulti mahitungod sa unsa ang gusto sa mga bata diha sa usa ka higala ug unsaon nila pagpalambo niini nga mga hiyas.

Human sa maampingon nga paghunahuna ug pagpangandam, sultihi ang matag bata diha sa mubong sulat sa ilang pipila ka mga kinaiya nga imong gidayeg. Ipadayag ang mga hinungdan nga ikaw buot nga mahimong ilang higala.
Tuguti ang mga bata sa pagpasabut kon sa unsang paagi ang mosunod nga mga kasulatan magamit nato karon:
Awita o basaha ang mga pulong sa “Pangahas Pagbuhat sa Matarung”(Baruganan sa Ebanghelyo, 31110).

Panapos

Pagpamatuod

Ipamatuod nga isip nga mga sakop sa Simbahan, kita matag usa adunay kaakohan sa pagtabang sa uban nga makat-on mahitungod sa ebanghelyo ug pagpaduol ngadto kang Jesukristo. Ipakigbahin uban sa mga bata ang imong pagbati bahin sa kahigayunan sa pagpakigbahin sa ebanghelyo uban kanila.

Gisugyot nga Basahonon sa Panimalay

Isugyot nga ang mga bata magtuon sa Juan 21:1–17 sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.