Leksyon 38

Barnabas, Ananias, ug Sapphira

Katuyoan

Aron sa pag-awhag sa matag bata sa pagpili nga mahimong matinuoron sa hunahuna, pulong, ug buhat.

Pagpangandam

1. Sa mainampoon nga paagi pagtuon sa Mga Buhat 4:32–5:10. Dayon pagtuon sa leksyon ug paghukom unsaon nimo sa pagtudlo ang mga bata sa mga asoy sa kasulatan. (Tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)

2. Dugang nga basahonon: Mga Baruganan sa Ebanghelyo, kapitulo 31.

3. Pilia ang mga pangutana sa panaghisgutan ug paggamit ug mga kalihokan sa pagpalambo nga makapaapil sa mga bata ug labing makatabang nila sa pagkab-ot sa katuyoan niini nga leksyon.

4. Mga materyal nga gikinahanglan: Usa ka Biblia o usa ka Bag-ong Tugon alang sa matag bata.

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

lasoy sa mga bata ang mosunod nga sugilanon ug hangyoa kanila sa paghukom unsa kaha unta ang ilang gibuhat kon sila mao si Charlie:

“Usa ka batan-ong lalaki nagdula og bisbol uban sa iyang mga higala sa dihang ang tingog sa iyang inahan nabati nga kusog ug klaro, nagtawag, ‘Charlie, Charlie!’ Siya dalidali nga milabay sa iyang bat, mipunit sa iyang dyaket ug kalo, ug mipauli.

“‘Ayaw usa pag-uli; humana ang dula!’ singgit sa ubang mga magdudula.

“‘Kinahanglan na kong mopauli karon dayong minutoha. Akong gisultihan ang akong inahan nga ako mopauli gayud kon siya motawag,’ mao ang tubag ni Charlie.

“‘Pagpakaron-ingnon nga wala ka makadungog,’ miingon ang mga batang lalaki.

“‘Apan ako nakabati,’ miingon si Charlie.

“‘Siya dili masayud nga ikaw nakabati.’

“‘Apan ako nasayud niini, ug kinahanglan na nga ako moadto.’

“Usa sa mga batang lalaki sa katapusan miingon, ‘0, palakta siya. Kamo dili makausab sa iyang hunahuna. Siya nahiktan sa higot sa apron sa iyang inahan. Siya bata pa kaayo nga siya modagan sa panahon nga ang inahan motawag’” (N. Eldon Tanner, sa Taho sa Komperensya, Okt. 1977, p. 65; o Ensign, Nob. 1977, pp. 43-44).

Pang-atensyon nga Kalihokan

• Unsa unta ang inyong gibuhat?

Ipasabut nga kitang tanan nagsagubang og mga kahimtang matag adlaw nga nagpugos kanato sa pagpili tali sa pagkamatinuoron o pagkadili matinuoron. Hangyoa ang mga bata sa paghunahuna sa mga sangputanan sa mga kapilian nga gihimo nilang Barnabas, Ananias, ug Sapphira.

Asoy sa Kasulatan

Tudloi ang mga bata sa mga asoy nilang Barnabas ug Ananias ug Sapphira gikan sa Mga Buhat 4:32–5:10. (Alang sa gisugyot nga mga paagi sa itudlo ang mga asoy sa kasulatan, tan-awa “Pagtudlo gikan sa mga Kasulatan,” p. viii.) Ipakita nga usa sa mga paagi nga kita mahimong sama kang Jesus mao ang pagkat-on sa pagsulti sa tinuod ug magpakamatinuoron sa tanan nga atong gibuhat.

Mga Pangutana sa Panaghisgutan ug Paggamit

Tun-i ang mosunod nga mga pangutana ug sa mga pakisayran sa kasulatan samtang ikaw nag-andam sa imong leksyon. Gamita ang mga pangutana nga sa imong pagtuo maoy labing makatabang sa mga bata nga makasabut sa mga kasulatan ug makagamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang kanila nga makasabut sa mga kasulatan.

Mga Pangutana sa Panaghisgutan ug Paggamit

• Unsa ang gihangyo sa mga pangulo sa Simbahan nga buhaton sa mga sakop sa Simbahan aron ang tanan makaangkon sa unsa ang ilang gikinahanglan? (Mga Buhat 4:34–5.) Unsay inyong bation bahin sa pagpaambit sa tanang anaa kaninyo?

• Sa unsang paagi si Barnabas matinuoron unsa ang iyang gibuhat? (Mga Buhat 4:36–37.) Unsa sa inyong hunahuna ang gipasabut sa pagkamatinuoron? (Pagsulti sa kamatuoran, dili mangawat o maglimbong, dili mangilad sa bisan unsang paagi, ug uban pa.) Unsay inyong bation kon kamo sa hingpit matinuoron?

• Sa unsang paagi si Ananias ug Sapphira dili matinuoron? (Mga Buhat 5:1–2.) Ngano nga si Sapphira misunod sa bakak sa iyang bana? (Mga Buhat 5:1–2, 7–8.) Unsa unta ang nahitabo kon siya unta matinuoron?

• Kinsa ang mahimong masakitan kon ang usa ka tawo dili matinuoron? Ipasabut nga bisan kon kita dili dayon makakita og dihadiha nga mga sangputanan sa atong pagka dili matinuoron, sama kang Ananias ug Sapphira, kita sa gihapon nakapasakit sa atong mga kaugalingon. Kita usab mahimong makapasakit sa uban tungod sa atong pagka dili matinuoron.

• Unsa ang mga sangputanan kon kamo dili matinuoron? Unsa ang mga sangputanan kon kamo matinuoron? Pagpaambit og usa ka kaugalingon nga sanglitanan mahitungod sa sangputanan sa pagkamatinuoron o pagka dili matinuoron. Pagtabang sa mga bata sa pagsabut nga dili kanunay nga sayon ang magmatinuoron, apan kita kinahanglan nga magmatinuoron bisan kon unsa ang mga sangputanan. Dapita ang mga bata sa pagpakigbahin sa ilang mga kasinatian mahitungod sa pagkamatinuoron.

• Kinsa ang kanunay nga nasayud kon kamo nagsulti sa kamatuoran? Sa unsang paagi nga ang pagkamatinuoron makapaduol nato ngadto sa Langitnong Amahan?

• Unsa ang mahimo ninyong buhaton aron sa pagtabang sa uban nga mahimong matinuoron?

• Ngano nga mahinungdanon ang pagkamatinuoron ngadto sa inyong mga ginikanan? (Aron siia mosalig kaninyo.) Ngano nga kamo buot nga ang inyong mga ginikanan mosalig kaninyo? Unsaon ninyo nga makaangkon og pagsalig gikan sa inyong mga ginikanan? Ngano nga usahay nagkinahanglan og kaisug ang pagsulti sa kamatuoran? (Tan-awa sa Pagpalambo nga kalihokan 6.)

• Sa unsang paagi nga ang kalibutan mahimong lahi kon ang tanan nagmatinuoron?

Basaha ang mosunod nga kinutlo gikan kang Presidente Ezra Taft Benson, ang ikanapulo ug tulo nga Presidente sa Simbahan:

“Pagpakamatinuoron. Ayaw og pamakak ni pangawat. Ayaw og panglimbong….

“Minahal kong mga anak, ang atong Langitnong Amahan mipadala kaninyo sa yuta niining panahona tungod kay kamo mao ang pipila sa lyang labing maisug nga mga anak. Siya nasayud nga adunay daghan nga pagkadautan sa kalibutan karon, ug Siya nasayud nga kamo mahimong matinud-anon ug masulondon” (sa Taho sa Komperensya, Abr. 1989, p. 103; o Ensign, Mayo 1989, pp. 82-83).

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsa nga higayon sa panahon sa leksyon o ingon nga usa ka pagribyu, katingbanan, o hagit.

1. Ribyuha ang ikanapulo ug tulo ka artikulo sa hugot nga pagtuo ug pagtabang sa mga bata nga makasabut ug makasag-ulo niini.

2. Isulat ang mga pulong panimalay, tulunghaan, ug kasilinganan diha sa pisara. Tuguti ang mga bata sa paghunahuna og mga paagi nga sila mahimong matinuoron sa pag-atubang sa mga kahimtang sa matag dapit. Hisguti ang mga ideya nga mahunahunaan sa mga bata.

3. Isulat ang mga pulong Matinuoron ug Dili matinuoron diha sa pisara. Ipakigbahin ang mosunod nga pakigpulong ni Elder Marvin J. Ashton: “Ang usa ka bakak mao ang bisan unsa nga pahayag nga gihatag ngadto sa lain uban ang tinguha sa paglingla…. Ang usa ka bakak mahimong masangputon nga pamahayag nga walay mga pulong nga gilitok. Usahay ang usa katando sa ulo o kahilom mahimong makalingla” (saTaho sa Komperensya, Abr. 1982, p. 10; o Ensign, Mayo 1982, p. 9). Hisguti ang matag usa sa mosunod nga mga kahimtang ug tuguti ang mga bata sa pagila kon hain nga ulohan ang labing haum ug ngano:

   • Pagsulti sa kamatuoran

   • Pagbuhat sa imong kaugalingon nga trabaho

   • Paglingla sa uban pinaagi sa dili pagsulti sa kompleto nga kamatuoran

   • Pag-angkon kon ikaw nakahimo og usa ka butang nga sayop

   • Pagpanglimbong

   • Pagpamakak

   • Pagpangawat

   • Pagsulti og katunga sa kamatuoran

   • Pag-uli sa hinulaman nga mga butang o nangawala nga mga butang

   • Pagtuman sa mga saad

4. Tuguti ang matag bata sa paghimo og usa ka karatula, tingali sa porma sa usa ka taming, nga nag-ingon “Ako mobarug sa kamatuoran ug pagkamatinuoron.” Dapita ang mga bata sa paghimo og tumong sa pagsulti sa kamatuoran ug pagpakamatinuoron sa tanan nilang buhaton. Tuguti sila sa pagpirma sa ilang mga ngalan sa ubos sa ilang mga karatula.

5. Pagdibuho og usa ka hagdan diha sa pisara o diha sa usa ka piraso nga papel ug markahi kini og Pagkamatinuoron nga Hagdan. Paghimo og usa ka sayon nga porma gikan sa usa ka papel o pagdibuho og usa ka porma diha sa ubos sa hagdan. Paggamit og mga kahimtang sama sa mosunod, pahinganli sa mga bata ang tanang mga kapilian nga ilang mahimo sa matag kahimtang. Dayon hangyoa sila sa paghukom kon hain ang labing maayo nga pagpili. Tuguti ang usa ka bata sa pag-irog sa porma o pagbadlis og usa ka linya gikan sa porma og pasaka usa ka ang-ang sa hagdan kon ang labing maayo nga pagpili mao ang pagkamatinuoron. Itudlo nga ang labing maayo nga pagpili mao ang kanunay nga matinuoron nga pagpili. Paggamit og paigo nga kahimtang alang sa pagpaabot sa linya ngadto sa itaas sa hagdanan.

   1. Ikaw nakakaplag sa dulaan sa usa ka higala.

   2. Ikaw nakakaplag og usa ka pitaka nga adunay sulod nga salapi.

   3. Adunay usa ka pinuntil nga dulse nga gipanag-iya sa lain nga anaa diha sa lamesa, ug walay laing anaa sa lawak.

   4. Ikaw moadto sa usa ka kalihokan nga nagkinahanglan og kwarta. Ang karatula sa ganghaan nag-ingon “Mga bata nga ubos sa walo ang edad pasudlon nga libre.”

   5. Ang usa ka tindera sa tindahan naghatag kanimo og sobra nga sukli.

   6. Ang imong higala mihangyo nimo sa pagtugot niya nga mokopya sa imong tubag sa usa ka pasulit.

   7. Ang usa ka tawo nagsaysay kanimo og usa ka dili maayo nga sugilanon mahitungod sa lain.

   8. Ikaw misaad sa imong mga ginikanan nga ikaw mopauli sa usa ka piho nga takna, apan ang imong mga higala buot nimo nga magdugay.

6. Paghimo og pipila ka mga kahimtang, susama sa mga mosunod, nga dulaon sa mga bata. Ang mga sitwasyon nga imong himoon kinahanglan nga mga kahimtang diin ang mga bata mahimong makapili nga mahimong matinuoron o dili matinuoron uban sa ilang mga ginikanan.

   1. Ang imong inahan buot nimo nga magbantay sa imong manghud nga lalaki. Ikaw buot nga magbasa unta. Ikaw nasayud nga kon ikaw moingon kaniya nga ikaw adunay himoon nga buluhaton sa balay, siya dili magpaabut nimo nga mobantay kaniya.

   2. Wala nimo tuyoa nga makabuak sa paborito nga panaksan sa imong inahan samtang siya tua sa layo.

   3. Ikaw misaad sa imong amahan nga ikaw motabang niya uban sa usa ka buluhaton sa Sabado, apan ang imong mga higala nagplano og usa ka kalihokan nga ikaw gusto nimong tambongan.

7. Ribyuha ang ikaupat nga artikulo sa hugot nga pagtuo.

8. Awita o basaha ang mga pulong sa “Keep the Commandments” (Children’s Songbook, p. 146), “I Will Be Valiant” (Children’s Songbook, p. 162), o “Stand for the Right” (Children’s Songbook, p. 159).

Panapos

Pagpamatuod

Ipakigbahin ang imong pagpamatuod sa kamahinungdanon sa pagkamatinuoron. Ipasabut nga kon kita matinuoron sa tanang atong gibuhat, ang Espiritu Santo mohatag nato og pagbati sa kalinaw.

Gisugyot nga Basahonon sa Panimalay

Isugyot nga ang mga bata magtuon sa Mga Buhat 4:32–5:10 sa panimaiay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.