Si Jesukristo Mao ang Anak sa Langitnong Amahan

Katuyoan

Aron sa pagtabang sa mga bata nga makasabut nga si Jesukristo mao ang Bugtong Anak sa Dios sa unod.

Pagpangandam

Sa mainampoon nga paagi tun-i ang Mateo 1:18–25 ug Lucas 1:26–38, 2:1–20. Dayon pagtuon sa leksyon ug paghukom sa unsang paagi nimo itudlo ang mga asoy sa kasulatan ngadto sa mga bata (tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)
Dugang basahonon: Juan 3:16–17, Alma 22:14, Doktrina ug mga Pakigsaad 19:16–19, ug Mga Baruganan sa Ebanghelyo, kapitulo 11.
Pilia ang mga pangutana sa panaghisgutan ug mga kalihokan sa pagpalambo nga maoy makapaapil sa mga bata ug makatabang kanila pag-ayo sa pagkab-ot sa katuyoan sa leksyon.
Mga materyal nga gikinahanglan:
1. Usa ka Biblia o usa ka Bag-ong Tugon alang sa matag bata.
2. Mga huiagway 7-1, Si Jesus ang Kristo (Pakete sa mga Huiagway sa Ebanghelyo 240; 62572) 7-3, ang Pagkatawo ni Jesus (Pakete sa mga Huiagway sa Ebanghelyo 200; 62116); 7-4, Ang Pagpahibalo sa Pagkatawo ni Kristo Ngadto sa mga Magbalantay sa Karnero (Pakete sa mga Huiagway sa Ebanghelyo 202; 62117); ug 7-5, Pamilya nga adunay gamay nga ka Bata (62307).

Gisugyot nga Kaiamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Ipakita ang huiagway 7-5, Pamilya nga adunay gamay nga Bata. Ipangutana sa mga bata ang mosunod nga mga pangutana:

Pang-atensyon nga Kalihokan

Unsa sa inyong pagtuo ang gibati niining mga ginikanan nga nakaangkon niining bag-o nga bata?
Diin nagpuyo ang espiritu sa bata sa wala pa kini natawo?
Kinsa ang iyang yutan-ong inahan? Kinsa ang iyang yutan-ong amahan? Kinsa ang Amahan sa iyang espiritu?

Ipasabut nga, sama usab niini nga bata, ang matag usa nato adunay yutan-on nga amahan ug inahan ug nga ang Langitnong Amahan mao usab ang Amahan sa atong mga espiritu.

Ipakita ang huiagway nga si Jesus ang Kristo.

Pang-atensyon nga Kalihokan

Kinsa ang inahan ni Jesus? Kinsa ang Amahan ni Jesus?

Tabangi ang mga bata nga makasabut nga si Jesus lahi kay kanato tungod kay ang Langitnong Amahan mao ang amahan sa yutan-ong lawas ni Jesus. Sultihi sila nga kini nga leksyon motudlo kanila og dugang mahitungod sa pagkatawo ni Jesus.

Asoy sa Kasulatan

Itudlo ang sugilanon ni Maria ug Jose ug ang pagkatawo ni Jesus gikan sa mga kasulatan nga gilista diha sa seksyon sa “Pagpangandam”, ginamit ang mga huiagway kon angay. (Alang sa gisugyot nga mga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.) Tabangi ang mga bata nga makasabut nga ang Langitnong Amahan mao ang Amahan sa espiritu ni Jesukristo ug usab sa iyang pisikal nga lawas.

Mga Pangutana sa Panaghisgutan ug Paggamit

Tun-i ang mosunod nga mga pangutana ug ang mga pakisayran sa kasulatan samtang ikaw mag-andam sa imong leksyon. Gamita ang mga pangutana nga sa imong pagtuo labing makatabang sa mga bata nga makasabut sa kasulatan ug sa paggamit sa mga baruganan sa ilang mga kinabuhi. Ang pagbasa sa mga pakisayran uban sa mga bata diha sa klase makatabang nila nga makasabut sa mga kasulatan.

Mga Pangutana sa Panaghisgutan ug Paggamit

Unsa ang gisulti sa mga anghel sa Langitnong Amahan ngadto nila ni Maria ug Jose mahitungod ni Jesus sa wala pa siya natawo? (Mateo 1:19–23; Lucas 1:30–33, 35.) Ngano?
Ngano sa inyong pagtuo nga ang mga anghel mipakita ngadto sa mga magbalantay sa karnero? (Lucas 2:9–14.) (Aron sa pagsaksi ngadto sa mga magbalantay nga ang Bugtong Anak sa Langitnong Amahan natawo na didto sa Bethlehem.)
Unsa sa inyong pagtuo ang gisulti sa mga magbalantay ngadto sa mga katawhan mahitungod kang Jesus? (Lucas 2:15–20.)
Ngano nga si Jesus gitawag og Bugtong Anak sa Amahan? (Si Jesus mao lamang ang nag-inusarang tawo nga natawo sa pagkamortal kansang pisikal nga amahan mao ang Langitnong Amahan.) Ipasabut nga isip bana ni Maria, si Jose gipili nga mao ang lalaki kinsa motabang sa pagtudlo ug sa pag-amuma ni Jesus.
Sa unsang paagi nga ang relasyon ni Jesus uban sa Langitnong Amahan lahi kay sa atong relasyon uban sa Langitnong Amahan?
Ngano nga mahinungdanon nga mortal ang inahan ni Jesus? Tabangi ang mga bata nga makasabut nga tungod kay si Maria mortal, si Jesus usab mortal ug mahimong mamatay alang kanato. Tabangi usab ang mga bata nga makasabut nga tungod kay ang Langitnong Amahan mao ang amahan sa pisikal nga lawas ni Jesus, si Jesus dili na kinahanglan pa nga mamatay (tan-awa sa Juan 5:26; 10:17–18). Siya mipili nga mag-antus alang sa atong mga sala ug mobuntog sa kamatayon (tan-awa sa Alma 22:14; D&P 19:16–19).

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan sa bisan unsang higayon sa panahon sa leksyon o isip usa ka ribyu, katingbanan, o hagit.

Hangyoa ang mga batang lalaki sa paghanduraw unsa ang mahimong sama ni Jose. Hangyoa ang mga batang babaye sa paghanduraw unsa ang mahimong sama ni Maria. Ipasulti nila nganha nimo unsa kaha ang ilang gihunahuna sa dihang ang anghel miduaw kanila. Pangutan-a sila unsa kaha ang ilang gibati sa dihang sila giingnan nga sila mahimong yutan-ong mga ginikanan sa Manluluwas.
Ipapangita sa matag bata ang usa sa mosunod nga mga kasulatan, diin si Jesus gipasabut ingon nga Bugtong Anak: Juan 1:14; 3:16–18; 1 Juan 4:9; Jacob 4:5, 11; Alma 5:48; 12:33–34; Doktrina ug mga Pakigsaad 29:42, 46; 93:11; ug Moises 1:6. (Kon ikaw dunay sobra sa siyam ka mga bata sa klase, mahimong imong tahasan ang duha ka mga bata sa usa ka kasulatan.) Kon mahuman ang mga bata niining maong kalihokan, sila kinahanglan nga makasabut nga ang titulo nga Bugtong Anak nagsulti kanato nga si Jesus mao ang nag-inusarang tawo nga natawo dinhi sa yuta kinsa pisikal nga anak sa Langitnong Amahan.
Hangyoa ang mga bata sa pagsulti kanimo og usa ka butang nga ilang nahibaloan mahitungod kang Jesus nga mahinungdanon alang kanila.
Baliki pagtuon ang unang artikulo sa hugot nga pagtuo uban sa mga bata.

Panapos

Pagpamatuod

Pagpamatuod bahin ni Jesukristo, hatagi og gibug-aton nga siya mao ang Bugtong Anak sa Langitnong Amahan, o ang nag-inusarang tawo nga natawo sa yuta kansang pisikal nga amahan mao ang Langitnong Amahan. Ipamatuod nga si Jesus mao ang atong Manluluwas. Awhaga ang mga bata sa pagtuon ug pag-ampo aron makaangkon og pagpamatuod nga si Jesukristo mao ang atong Manluluwas.

Gisugyot nga Basahonon sa Panimalay

Isugyot nga ang mga bata magtuon sa Lucas 1:26–38 sa panimalay ingon nga usa ka pagribyu niini nga leksyon.

Pagdapit og usa ka sakop sa klase sa paghatag sa panapos nga pag-ampo.