Mga Manwal sa Primary ug Panahon sa Pagpakigbahin
Leksyon 40: Si Pedro ug si Cornelio

Leksyon 40

Si Pedro ug si Cornelio

Katuyoan

Aron sa pagtabang sa matag bata nga makasabut nga ang Langitnong Amahan naghigugma sa tanan niyang mga anak ug buot nga silang tanan makabaton og kahigayunan sa pagkat-on sa ebanghelyo ni Jesukristo.

Pagpangandam

  1. Sa mainampoon nga paagi pagtuon sa Mga Buhat 10:1–11:18. Dayon pagtuon sa leksyon ug paghukom unsaon nimo sa pagtudlo ang mga bata sa mga asoy sa kasulatan. (Tan-awa sa “Pagpangandam sa imong mga Leksyon,” p. vii, ug “Pagtudlo gikan sa mga Kasulatan,” p. viii.)

  2. Pilia ang mga pangutana sa panaghisgutan ug paggamit ug mga kalihokan pagpalambo nga makapaapil sa mga bata ug labing makatabang kanila sa pagkab-ot sa katuyoan niini nga leksyon.

  3. Mga materyal nga gikinahanglan:

    1. Usa ka Biblia o usa ka Bag-ong Tugon alang sa matag bata.

    2. Huiagway 7-41, Busa Lakaw Kamo (Mga Huiagway sa Ebanghelyo 235; 62494).

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kaiihokan

Isulat ang mosunod nga mga ngalan diha sa pisara: Cornelio, Anghel, Pedro.

Ipabasa sa tulo ka mga bata matag usa ang mosunod nga mga paghulagway niining tulo ka mga tawo. Hangyoa ang nahibilin nga mga bata sa pagpataas sa ilang mga kamot kon sa ilang hunahuna sila nasayud kon kinsang tawhana ang gihulagway.

Ako usa ka mensahero. Gawas sa pagsangyaw sa mensahe sa Dios, ako motudlo, mopanalangin, ug mobuhat sa bisan unsang gisugo ngari nako nga akong buhaton aron sa pagtukod sa gingharian sa Dios. Kamo karon makaton mahitungod sa usa ka linain nga mensahe nga akong gidala. Ako (usa ka anahel).

Ako usa ka mangingisda diha sa Dagat sa Gaiilea sa dihang si Jesus mitawag nako sa pagsunod kaniya. Ako nakadawat og usa ka panan-awon, diin inyong makat-unan kon unsa karon, nga maoy mobukas sa agianan alang sa matag usa nga matudloan sa ebanghelyo. Ako si (Pedro).

Ako usa ka senturyon sa kasundalohang Romano ug nagmando gikan sa 50 hangtud sa 100 ka mga kalalakin-an. Ako ang unang Hentil (usa ka tawo kinsa dili Judeo) nga mipasakop ngadto sa Simbahan. Kamo makat-on mahitungod sa akong pagbunyag sa leksyon karong adlawa. Ako si (Cornelio).

Asoy sa Kasulatan

Itudlo ang sugilanon nila ni Pedro ug ni Cornelio gikan sa Mga Buhat 10:1–11:18. (Alang sa gisugyot nga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.) Ipakita ang huiagway sa tukmang panahon.

Mga Pangutana sa Panaghisgutan ug Paggamit

Tun-i ang mosunod nga mga pangutana ug ang mga pakisayran sa kasulatan samtang ikaw nag-andam sa imong leksyon. Gamita ang mga pangutana nga sa imong pagtuo labing makatabang sa mga bata nga makasabut sa mga kasulatan ug sa makagamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang kanila nga makasabut sa mga kasulatan.

Mga Pangutana sa Panaghisgutan ug Paggamit

  • Ngano nga si Cornelio takus nga makadawat og usa ka panan-awon gikan sa Ginoo ug nga mabunyagan? (Mga Buhat 10:2.) Unsaon ninyo nga mahimong usa ka relihiyoso (matinud-anon) nga sakop sa Simbahan?

  • Unsa ang mensahe sa anghel kang Cornelio? (Mga Buhat 10:3–6.)

  • Unsa ang nakita ni Pedro sa usa ka panan-awon? (Mga Buhat 10:11–16.) Ngano nga ang panan-awon nakapahasol kaniya? (Ang Ginoo nagmando sa Israel sa dili pagkaon sa linain nga mga karne, diin giila nga dili limpyo [tan-awa sa Levitico 11].) Giunsa ni Pedro sa pagdawat kini nga panan-awon sa sinugdan? (Mga Buhat 10:14.) Unsa ang nakapausab sa iyang hunahuna? (Mga Buhat 10:15.)

  • Nganong dili kasagaran alang kang Pedro ang pagtudlo kang Cornelio sa ebanghelyo? (Mga Buhat 10:28.) Ipasabut nga hangtud niining mga panahona ang mga Apostoles nagtudlo sa ebanghelyo ngadto sa mga katawhang Judeo, ug ang kadaghanan sa mga tawo sa Simbahan nagtuo nga kadto lamang mga katawhang Judeo ang angay tudioan sa ebanghelyo. Apan si Cornelio dili usa ka Judeo. Unsa ang naamgoha sa katapusan ni Pedro nga gipasabut sa iyang panan-awon? (Mga Buhat 10:34–35.) Kinsa ang angay nga tudioan sa ebanghelyo karon? (Tanang mga tawo.)

  • Ngano sa inyong hunahuna nga si Cornelio mipundok sa iyang tanang mga higala ug mga kabanay aron sa pagpaminaw kang Pedro? (Mga Buhat 10:24–27.) Unsa ang pila ka mga baruganan sa ebanghelyo nga buot ninyo nga ipakigbahin sa inyong pamilya ug mga higala?

  • Unsa ang gibuhat ni Cornelio aron sa makakita og sulbad sa iyang problema? (Mga Buhat 10:30.) Unsa nga mga kasinatian ang naangkon ninyo o sa inyong pamilya mahitungod sa pagpuasa ug pag-ampo? Sa unsang paagi nga ang Ginoo mitabang kaninyo sa pagpangita og sulbad sa usa ka problema?

  • Giunsa sa mga tawo sa pagkasayud nga si Pedro nagsulti sa kamatuoran? (Mga Buhat 10:44–45.) Unsa ang kinahanglan natong buhaton aron sa pag-angkon sa pagsaksi sa Espiritu Santo sa kamatuoran kanato? (Moroni 10:4–5.)

  • Unsa ang gihunahuna sa mga tinun-an ug sa ubang mga Apostoles sa dihang sila nakadungog nga si Pedro nagtudlo sa mga Hentil? (Mga Buhat 11:2–3.) Giunsa ni Pedro sa pagpatin-aw ang iyang mga lihok? (Mga Buhat 11:4, 17.) Giunsa sa mga tinun-an ug mga Apostoles pagdawat sa panan-awon ni Pedro? (Mga Buhat 11:18.) Unsa ang gitudlo niini kanato mahitungod sa gugma sa Langitnong Amahan alang sa iyang mga anak? (Tan-awa sa kalihokan sa pagpalambo 5.)

  • Unsaon ninyo sa pagtudlo sa ebanghelyo ngadto sa ubang mga anak sa Langitnong Amahan? Tabangi ang mga bata sa paghunahuna og mga paagi nga sila mahimong mga misyonaryo karon ug kon unsaon nga sila makaandam sa pag-alagad og mga misyon nga full-time.

Mga Kalihokan Pagpalambo

Ikaw mahimong mogamit og usa o labaw pa sa mosunod nga mga kalihokan bisan unsa nga higayon sa panahon sa leksyon o ingon nga usa ka pagribyu, katingbanan, o hagit.

  1. Ipabasa sa mga bata ang Mga Buhat 10:36–43 sa gagmay nga mga pundok ug paghimo og lista sa mga butang nga gitudlo ni Pedro kang Cornelio ug sa iyang pamilya ug mga higala. Tuguti ang matag pundok sa pagbasa sa ilang lista samtang ikaw nagsulat sa mga butang diha sa pisara o sa usa ka lapad nga piraso sa papel. Idugang ang bisan unsa sa mosunod nga mga butang nga mahimong nalaktawan sa mga bata:

    • Si Jesukristo mao ang Ginoo sa tanan (bersikulo 36).

    • Si Jesukristo gibunyagan (bersikulo 37).

    • Si Jesukristo gidihogan sa Espiritu Santo ug sa gahum (bersikulo 38).

    • Si Jesukristo naghimo og maayo (bersikulo 38).

    • Si Jesukristo miayo (bersikulo 38).

    • Si Jesukristo gipatay (bersikulo 39).

    • Si Jesukristo mibangon sa ikatulo ka adlaw (bersikulo 40).

    • Si Jesukristo mimando kang Pedro sa pagpamatuod nga si Jesus giorden sa Dios (bersikulo 42).

    • Ang tanang mga propeta misaksi kang Jesukristo (bersikulo 43).

    • Kadtong kinsa mituo kang Jesukristo ug nagpabunyag mahimong makaangkon og kapasayloan sa ilang mga sala (bersikulo 43).

  2. Ubos sa pagtugot sa imong presidente sa Primarya, dapita ang usa ka mibalik na nga misyonaryo sa pag-anha sa klase ug pagpakigbahin og mga kasinatian nga naghulagway sa kamahinungdanon sa pagtudlo ngadto sa tanang mga anak sa Langitnong Amahan.

  3. Hisguti ang mosunod nga pakigpulong nga gikuha gikan sa kinutlo ni Elder Howard W. Hunter:

    Ang gagmayng mga bata bililhon ngadto sa atong Amahan sa Langit. Siya naghigugma kanila ug nagbantay kanila sama ka maaghop nga pagpangga bisan asa sila magpuyo o kon unsa ang ilang pamiste o hitsura. Siya naghigugma sa itomon, kulot og buhok nga Taga-Fiji, ug sa buotan, masanag og pamiste nga mga bata sa Samoa. Siya naghigugma sa gagmay nga mga Englis nga batang lalaki ug babaye kinsa nagbiste og managsama diha sa tulunghaan. Siya naghigugma sa mga bata sa Japan. Siya naghigugma sa mga pagod og mga panit nga mga bata sa South America ug sa mga Lamanite. Ang atong Amahan naghigugma sa iyang mga anak bisan asa. Sa panahon sa igkatulog, ang mahigugmaong mga ginikanan sa tanang dapit moluhod uban sa ilang mga anak aron sa paghalad sa ilang mga pag-ampo. Kini mahimong diha sa taas, mahumok nga balhiboong higdaanan sa Alpa o sa usa ka gamay nga banig sa salog sa usa ka payag. Apan ang atong Langitnong Amahan naminaw ug nakasabut kanilang tanan. (Gikan sa Friend, Okt. 1971, p. 10.)

  4. Tabangi ang mga bata nga makasabut nga bisan ang mga katawhan sa nagkalainlaing mga nasud adunay managkalahi nga mga naandan ug mga tinuohan, kitang tanan managsama tungod kay ang Langitnong Amahan naghigugma natong tanan ug buot kanatong tanan nga makabalik ngadto kaniya.

    Pagdula og panagparespares nga dula uban sa mosunod o susama nga mga bahin aron sa pagpasinati sa mga bata sa pila ka mga butang nga gibuhat o makita sa ubang mga nasud.

    Ipares kon diin nga dapit ang malagmit ninyong alagaran sa inyong misyon kon kamo gusto nga:

    Makakita og mga tawo nga nagsul-ob og

    Lukong sa mga bulak (girnalda)

    Scotland

    Sapatos nga kahoy

    Hawaii

    Kilts

    Japan

    Mga kimono

    Holland

    Mokaon

    Enchiladas

    Tinipong Kabansaan

    Sauerbraten

    Norway

    Mansanas nga pie

    Pransya

    Crepes

    Alemanya

    Pickled herring

    Mexico

    Motan-aw

    Mounties

    Italy

    Big Ben

    Australia

    Nagtakilid nga Tore sa Pisa

    Canada

    Mga Kangaroo

    England

  5. Ipasabut nga ang usa ka susama sa panan-awon ni Pedro nahitabo niadtong 1978 sa dihang si Presidente Spencer W. Kimball nakadawat og usa ka pinadayag gikan sa Ginoo nga ang tanang takus nga mga lalaki ug batan-ong lalaki mahimong makadawat sa pagkapari ug ang ilang mga banay makadawat sa mga panalangin sa templo (tan-awa sa Opisyal nga Deklarasyon–2 sa Doktrina ug mga Pakigsaad).

Panapos

Pagpamatuod

Ipamatuod nga ang Dios naghigugma sa tanan niyang mga anak ug buot natong tanan nga matudloan sa ebanghelyo, magpabunyag, maghupot sa atong mga pakigsaad aron kita mahimong makapuyo uban kaniya pag-usab. Ipadayag ang pasalamat alang sa imong kasayuran sa ebanghelyo ug sa imong bunyag.

Gisugyot nga Basahonon sa Panimalay

Isugyot nga ang mga bata magtuon sa Mga Buhat 10:36–43 ug 11:15–18 sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.