Ang Panaw ni Pablo ngadto sa Roma

Katuyoan

Aron pagtabang sa matag bata sa pagkat-on og dugang mahitungod sa mga gasa Espiritu, diin moabut pinaagi sa Espiritu Santo.

Pagpangandam

Sa mainampoon nga paagi pagtuon sa Mga Buhat 27:1–28:9, 1 Mga Taga Corinto 12:1–11, ug mga Artikulo sa Hugot nga Pagtuo 1:7. Dayon pagtuon sa leksyon ug paghukom unsaon sa pagtudlo ang mga bata sa mga asoy sa kasulatan (tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.
Dugang basahonon: Mga Baruganan sa Ebanghelyo kapitulo 22.
Pilia ang mga pangutana sa panaghisgutan ug paggamit ug mga kalihokan sa pagpalambo nga makapaapil sa mga bata ug labing makatabang nila sa pagkab-ot sa katuyoan niini nga leksyon.
Mga materyal nga gikinahanglan:
1. Usa ka Biblia o usa ka Bag-ong Tugon alang sa matag bata.
2. Usa ka Perlas nga Labing Bililhon o usa ka kopya sa mga Artikulo sa Hugot nga Pagtuo alang sa matag bata.

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Isaysay sa mga bata ang mahitungod sa usa ka linaing gasa nga imong nadawat alang sa usa ka pista opisyal o usa ka adlawng natawhan. Dayon hangyoa ang mga bata sa pagsulti mahitungod sa pipila ka mga gasa nga ilang nadawat.

Pang-atensyon nga Kalihokan

Unsa nga gasa ang atong madawat sa panahon nga kita mahimong mga sakop sa Ang Simbahan ni Jesukristo sa mga Santos sa Ulahing mga Adlaw? (Ang gasa sa Espiritu Santo.)

Tuguti ang mga bata sa pagsulti kon unsa ang ilang nahibaloan mahitungod sa gasa sa Espiritu Santo. Ipasabut nga dugang sa pagdawat sa giya ug direksyon sa Espiritu Santo, ang matag sakop sa Simbahan ni Jesukristo adunay katungod sa ubang espirituhanong mga gasa. Ipapangita sa mga bata ang Mga Artikulo sa Hugot nga Pagtuo sa Perlas diha sa Labing Bililhon ug ipatan-aw ang artikulo sa hugot nga pagtuo nga naghisgot sa espirituhanong mga gasa. Isulat diha sa pisara ang espirituhanong mga gasa nga gihisgutan samtang ang mga bata nagbasa o naghubit sa ikapito nga artikulo sa hugot nga pagtuo. Awhaga ang mga bata sa pagpaminaw sa asoy sa panaw ni Pablo ngadto sa Roma aron ang pipila ka mga gasa nga gihatag diha kaniya ug nagamit sa pagtabang sa uban.

Asoy sa Kasulatan

Ribyuha sa makadiyot ang leksyon sa miaging semana aron ang mga bata makahinumdom ngano nga si Pablo usa ka binilanggo sa dihang siya nagpadulong ngadto sa Roma. Dayon tudloi ang mga bata sa asoy sa panaw ni Pablo ngadto sa Roma gikan sa Mga Buhat 27:1–28:9. (Alang sa gisugyot nga mga paagi sa pagtudlo sa mga asoy sa kasulatan, tan-awa sa “Pagtudlo gikan sa mga Kasulatan,” p. viii. Kon ikaw adunay Giya ngadto sa mga Kasulatan, pakli ngadto sa mapa 8 diha sa Giya ngadto sa mga Kasulatan samtang ikaw nagtudlo sa asoy sa kasulatan.

Kon ikaw mahuman na sa pagtudlo sa asoy sa kasulatan, ipasabut nga si Pablo nagpadayon sa iyang panaw ngadto sa Roma, diin siya naggahin og duha ka mga tuig sa pagsangyaw sa ebanghelyo ni Jesukristo bisan og siya dinakpan pa ug gibilanggo sa usa ka balay.

Mga Pangutana Panaghisgutan ug Paggamit

Tun-i ang mosunod nga mga pangutana ug mga pakisayran sa kasulatan samtang ikaw nag-andam sa imong leksyon. Gamita ang mga pangutana nga sa imong pagtuo maoy labing makatabang sa mga bata nga makasabut sa mga kasulatan ug makagamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang nila nga makasabut sa mga kasulatan.

Mga Pangutana Panaghisgutan ug Paggamit

Unsa ang gipasidaan ni Pablo ngadto sa mga katawhan sa barko? (Mga Buhat 27:10.) Giunsa niya pagkasayud niini? (Ang Espiritu Santo mipadayag niini kaniya.) Kinsa ang gituohan sa senturyon? (Mga Buhat 27:11.) Kinsa ang husto? (Mga Buhat 27:14, 20.) Kon ang usa ka propeta mopasidaan kanato mahitungod sa usa ka butang, unsa ang angay natong buhaton? Ngano?
Sa inyong hunahuna unsa ang gibati sa mga tawo didto sa barko sa dihang ilang gihunahuna nga ang barko maguba? Unsa ang gisulti ni Pablo kanila? (Mga Buhat 27:21–22.) Giunsa ni Pablo sa pagkasayud nga walay mahitabo nila ug moabut nga luwas sa Roma? (Mga Buhat 27:23–25.)
Unsa ang nahitabo sa barko? (Mga Buhat 27:40–41.) Unsa ang buot sa mga sundalo nga buhaton uban sa mga binilanggo sa dihang ang barko naguba? Ngano? (Mga Buhat 27:42.) Ngano nga ang senturyon misugyot kanila sa dili pagbuhat niini? (Mga Buhat 27:43.) Ngano nga ang pagtagad sa senturyon ngadto kang Pablo nausab? (Mga Buhat 27:11, 14, 21, 25, 31, 43.)
Unsa ang nahitabo kang Pablo samtang siya naghaling og kalayo? (Mga Buhat 28:3.) Ngano nga ang uban nagsud-ong ug naghulat nga si Pablo mamatay? (Mga Buhat 28:4–6.) Ngano nga si Pablo gipanalipdan gikan sa paak sa bitin?
Unsa ang gibuhat ni Pablo niadtong kinsa mga masakiton? (Mga Buhat 28:8–9.) Ngano nga si Pablo nakahimo pagbuhat niini? (Si Pablo adunay gahum sa pag-ayo. Siya usab adunay pagkapari ug siya usa ka Apostol kinsa gihatagan og dako nga espirituhanong mga gasa alang sa pagtabang sa pagtuman sa misyon nga gihatag sa Ginoo ngadto kaniya. Hatagi og gibug-aton ang kamahinungdanon sa paggamit sa mga espirituhanon nga mga gasa alang sa pagtabang sa uban.)
Ngano nga si Pablo nakahimo sa pagtan-aw sa umaabot ug nakaayo sa mga masakiton? (Si Pablo nabunyagan ug nakumpirmahan nga usa ka sakop sa Simbahan ni Jesukristo, busa siya adunay katungod ngadto sa linain nga espirituhanong mga gasa.)

Tabangi ang mga bata nga makasabut nga ang tanang mga sakop sa Simbahan gihatagan sa gasa sa Espiritu Santo. Ipabasa sa mga bata ang 1 Mga Taga Corinto 12:7–11. Hisguti kining mga gasa, ug hatagi og gibug-aton nga ang matag sakop sa Simbahan gihatagan og gasa alang sa pagpanalangin sa uban.

Mga Pangutana Panaghisgutan ug Paggamit

Unsa nga mga gasa ang gigamit ni Pablo sa iyang panaw ngadto sa Roma? Ngano nga ang Langitnong Amahan naghatag kanato og espirituhanon nga mga gasa? (1 Mga Taga Corinto 12:7; D&P 46:9, 12, 26.)
Unsaon nato pagkasayud unsa nga mga gasa sa Espiritu ang gihatag kanato? (Kita makaampo ug makapuasa aron masayud unsa ang atong linaing mga gasa. Kita usab mahimong masultihan diha sa atong patriyarkal nga mga panalangin. Samtang kita magtuman sa mga sugo ug mag-alagad sa uban sa tibuok natong mga kinabuhi, kita makaila sa atong mga gasa.)

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan sa bisan unsang higayon sa panahon sa leksyon o ingon nga usa ka , katingbanan, o hagit.

Isulat ang matag usa sa mga gasa sa Espiritu nga gihisgutan sa 1 Mga Taga Corinto 12:7-10 diha sa usa ka lahi nga piraso sa papel. Ibutang kini sa usa ka kahon nga giputos sama sa usa ka gasa ug tuguti ang mga bata sa pagkuha og tagsa ka piraso sa papel ug mosulti kon unsa kini nga gasa. Hisguti ang matag gasa sa daklit.
Bahina ang klase ngadto sa gagmay nga mga pundok. Hatagi ang matag pundok og usa sa mosunod o laing tukmang pakisayran sa kasulatan. Tuguti sila sa paghukom kon unsa nga gasa sa Espiritu ang gipadayag ug sa pagpaambit sa ilang mga hunahuna nganha sa klase.
- Mga Buhat 3:1–8 (Silang Pedro ug Juan miayo sa usa ka lalaki nga bakol). Ang gasa sa pag-ayo.
- Mga Buhat 14:8–10 (Si Pablo nag-ayo og usa ka piangon nga iaiaki). Ang gasa sa pag-ayo.
- Marcos 5:25–34 (Usa ka babaye mihikap sa sidsid sa kupo ni Jesus). Hugot nga pagtuo aron mamaayo.
- Lucas 2:25–26, 34–38 (Silang Simeon ug Ana nanagna mahitungod kang Jesus). Ang gasa sa pagpanagna. Samtang naghisgot sa gasa sa pagpanagna, ipasabut nga kadaghanan sa mga panghitabo mahitungod sa pagkatawo, misyon, kamatayon, ug pagkabanhaw ni Jesukristo gipanagna nang daan niadtong kinsa adunay gasa sa pagpanagna.
- Mga Buhat 9:1–20 (Si Pablo nakabig ngadto sa ebanghelyo ni Jesukristo). Ang gasa sa makaila nga si Jesukristo mao ang Anak sa Dios.
- Mga Buhat 2:4–18 (Ang mga tinun-an midawat sa Espiritu Santo sa adlaw sa Pagkunsad). Ang gasa sa tanang matang sa pinulongan ug ang gasa sa pagpanagna.
- Sa unsang paagi nga ang matag usa niining mga gasa nakapanalangin sa atong mga kinabuhi?
Ikaw mahimong mopasabut nga si Satanas misulay sa pagtugbang sa mga gasa sa Espiritu. Pananglitan, ang mga salamangkero sa korte sa Paraon nakahimo sa pagsundog sa ubang mga milagro ni Moises ug Aaron (Exodo 7:10–13). Ipasabut nga kita kinahanglan gayud nga magpuyo nga matarung ug magbaton sa Espiritu aron kita dili mailad. Pahinumdumi ang mga bata nga ang espirituhanong mga gasa gihatag nato pinaagi sa gasa sa Espiritu Santo alang sa pagpanalangin sa atong mga kinabuhi (tan-awa sa Mga Baruganan sa Ebanghelyo, kapitulo 22).
Tabangi ang mga bata sa pagsag-ulo sa ikapito nga artikulo sa hugot nga pagtuo.
Isaysay ang usa sa mosunod nga mga sugilanon:

Ang Gasa ni Jane

“Sayo sa usa ka buntag niana si Jane Grover, Lolo Tanner, ug ang iyang apo nga babaye mibiya sa ilang kampo sa unang lumulupyo duol sa Council Bluffs, Iowa, aron sa pagpanguha og gooseberries. Si Lolo dali ra kaayong gikapoy ug sa wala madugay mibalik ngadto sa karomata aron sa pagpahulay, apan ang mga batang babaye nakakita og daghang berde nga dugaon nga mga berries ug nagpabilin aron sa pagpuno sa ilang mga balde.

“Sa kalit lang ang mahugyaw nga singgit mibahin sa hilom nga hangin sa kabuntagon. Naglumba ngadto sa karomata, ang mga batang babaye nalisang nga nagtan-aw sa mga Indian nga mihubo sa sinina ni Lolo Sila mikuha sa iyang relo ug kutsilyo ug misulay sa pag-abug sa mga kabayo.

“Usa ka Indian misaknit sa gamaygamay nga batang babaye, kinsa nagsugod na sa paghilak sa kahadlok; lain pod ang mihasmag kang Jane ug misulay sa pagbunlot uban kaniya. Nanglimbasog sa pagpalingkawas sa iyang kaugalingon, siya nagdali-dali og usa ka mubo ug mainitong pagampo alang sa panabang.

“Hapit diha dayon si Jane nakasinati og usa ka gahum nga sukad wala pa niya mahibaloi. Malinawon siya nga misugod sa pagsulti sa tuno sa sulti nga nakapahimo sa mga Indian sa pagbuhi sa ilang mga bihag ug paghunong aron sa pagpaminaw. Sa tumang kahingangha, sila nakadungog niining batan-ong babaye nga nagsulti sa ilang kaugalingon nga pinulongan, nagpakilooy kanila sa paghinumdom sa Gamhanang Espiritu, kinsa dili buot kanila nga mopasakit sa ilang puti nga mga higala. Si Lolo ug ang gamay nga batang babaye wala makatingog sa kahibulong. Walay bisan kinsa sa ilang grupo ang nasayud og bisan unsa nga mga pulong niining langyaw nga pinulongan, bisan pa niana ania si Jane nagsulti uban sa kasayon ug uban sa katungod ingon og siya nakahibalo na niini sa tibuok niyang kinabuhi. Ang mga Indian miyango sa ilang mga ulo ug mihatag og balik sa relo, kutsilyo ug mga saput nga ilang gikuha. Dayon sila milamano sa tanan ug hilom nga misakay palayo” (giasoy pag-usab ni Lucile C. Reading, “Shining Moments,” Children’s Friend, Hulyo 1941, p. 41).
- Unsa nga espirituhanong gasa ang nadawat ni Jane Grover? (Ang gasa sa tanang matang sa pinulongan.) Ngano nga siya nakahimo sa pagpakigsulti ngadto sa mga Indian diha sa ilang kaugalingon nga pinulongan? (Siya nag-ampo alang sa panabang sa Langitnong Amahan; siya nangayo sa gasa.)
Ang Pagkaayo ni John

“Ang nag-edad og onse anyos nga si John Roothoof [usa ka sakop sa Simbahan kinsa] nagpuyo sa Rotterdam, Holland. Siya kaniadto malipayon nga moadto sa tulunghaan ug sa simbahan, makigdula sa iyang mga higala, ug magbuhat sa tanang butang nga makalingaw sa usa ka batang lalaki. Dayon, sa walay pagpasidaan, usa ka masakit nga sakit sa mata ang nakapawala sa iyang panan-aw. Siya dili na makahimo sa pag-adto sa tulunghaan o pagbasa. Siya dili man gani makakita pag-ayo aron sa pagpakigdula uban sa iyang mga higala. Ang matag adlaw napuno sa kangitngit ug pag-antus.

‘Ang balita nakaabut ngadto sa mga Santos sa Ulahing mga Adlaw didto sa Holland nga si Presidente Joseph F. Smith [ikaunom nga Presidente sa Simbahan] umaabot aron sa pagduaw kanila. Si John naghunahuna mahitungod niini dugay nang panahon, ug unya siya miingon sa iyang inahan, ‘Ang propeta adunay dakong gahum kaysa ni bisan kinsang tawo sa yuta. Kon imo kong dad-on uban kanimo ngadto sa tigum aron siya makakita sa akong mga mata, ako nagtuo nga ako mamaayo.’

“Diha sa panapos sa tigum sa pagkasunod Dominggo, si Presidente Smith miadto sa likod sa gamay nga kapilya aron sa pagpakighimamat sa mga tawo ug sa paglamano sa matag usa. Si Sister Roothoof mitabang kang John, ang iyang mga mata nakabendahe, pag-adto uban sa uban aron sa pagpakigsulti ngadto sa ilang gihigugma nga lider.

“Si Presidente Smith migunit sa kamot sa buta nga batang lalaki ug unya uban sa dako nga kalumo mitangtang sa mga bendahe ug mitan-aw sa mga mata ni John nga napuno sa kasakit. Ang propeta mipanalangin kang John ug dayon misaad kaniya nga siya makakita pag-usab.

“Sa pag-abut sa panimalay, ang inahan ni John mitangtang sa mga bendahe gikan sa iyang mga mata aron siya makapaligo kanila sama sa gisulti sa doktor ngadto kaniya. Samtang siya nagbuhat sa ingon, si John misinggit sa hingpit nga kalipay, ‘Oh, mama, ang akong mga mata maayo na. Ako makakita na og pino karon—ug layo usab. Ug ako wala na mobati og kasakit!’” (“President Smith Took Him by the Hand,” Friend, Ago. 1973, p. 36).
- Unsa nga espirituhanon nga gasa ang nadawat ni John Roothoof? (Ang hugot nga pagtuo aron nga mamaayo.) Unsa ang nakapahimo nga posible alang kang John aron mamaayo? (Siya nagtinguha sa gasa sa pag-ayo ug nagbaton og hugot nga pagtuo sa gasa sa propeta nga moayo kaniya).

Panapos

Pagpamatuod

Ipamatuod nga kitang tanan adunay mga gasa sa Espiritu nga ang Langitnong Amahan naghatag kanato. Ipaambit ang imong pasalamat alang sa mga gasa nga gihatag kanimo. Kon angay, ipakigbahin ang usa ka kinaugalingon nga kasinatian (o pagdapit og lain aron sa pagpaambit og usa ka kinaugalingon nga kasinatian) mahitungod sa paggamit og usa ka espirituhanon nga gasa nga gihatag kanimo. Tabangi ang mga bata nga mobati sa potensyal nga anaa kanila alang sa pagbuhat og maayo pinaagi sa pagkaplag ug paggamit sa mga gasa sa Espiritu nga gihatag ngadto kanila.

Gisugyot nga Basahonon sa Panimalay

Isugyot nga ang mga bata magtuon sa Mga Buhat 28:1–11 sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.