Si Jesukristo Gitintal ni Satanas

Katuyoan

Aron sa pagtabang sa matag bata nga makakat-on kon unsaon pagbatok sa mga tintasyon ni Satanas.

Pagpangandam

Sa mainampoon nga paagi pagtuon sa Mateo 4:1–11, Marcos 1:12–13, ug Lucas 4:1–13. (Itandi kining mga bersikulo ngadto sa mga hubad ni Joseph Smith diha sa Mga Pinili gikan sa Hubad ni Joseph Smith sa Biblia sa Giya ngadto sa mga Kasulatan.) Dayon pagtuon sa leksyon ug paghukom unsaon nimo pagtudlo ang mga bata sa asoy sa kasulatan (tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii).
Dugang mga basahonon: 1 Mga Taga-Corinto 10:13; 2 Nephi 2:18; 2 Nephi 28:19–22; 3 Nephi 18:18; ug Doktrina ug mga Pakigsaad 10:5, 27; 11:12.
Pilia ang mga pangutana sa panaghisgutan ug mga kalihokan sa pagpalambo nga maoy makapaapil sa mga bata ug labing makatabang nila sa pagkab-ot sa katuyoan sa leksyon.
Mga materyal nga gikinahanglan:
1. Usa ka Biblia o usa ka Bag-ong Tugon alang sa matag bata.
2. Papel ug lapis alang sa matag bata.
3. Ang mosunod nga mga ginunting nga mga mga pulong:
  - Paghukom
  - Pag-ampo
  - Paminaw sa Espiritu Santo
4. Hulagway 7-8, Ang Kinatumyan sa Templo.

Gisugyot nga Kaiamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Ihatag sa matag bata ang usa ka piraso nga papel. Ipasulat sa mga bata ang tulo ka mga butang nga sa ilang pagtuo nga ang mga bata sa ilang pangidaron mahimong matintal sa pagbuhat og mga sayop. Ipasulti sa mga bata nganha nimo kon unsa ang ilang gisulat. Ikaw mahimong mosulat sa ilang mga tubag diha sa pisara ug maghisgot sa mga suliran nga ilang gisagubang karon. Sultihi sila nga kining leksyon makatabang nila nga makakat-on kon unsaon pagbatok sa sama nga mga tintasyon.

Asoy sa Kasulatan

Itudlo ang sugilanon ni Jesus nga gitintal ingon nga gisaysay diha sa kasulatan nga gilista sa seksyon sa “Pagpangandam.” (Alang sa gisugyot nga mga paagi sa pagtudlo sa asoy sa kasulatan, tan-awa sa “Pagtudlo gikan sa mga Kasulatan,” p. viii.) Pahinumdom: Ang hubad ni Joseph Smith sa Biblia mipatin-aw sa asoy nga makita diha sa King James Version sa Biblia. Tabangi ang mga bata nga makasabut nga ang hubad ni Joseph Smith nagpatin-aw niini nga si Jesus “gigiyahan sa Espiritu ngadto sa kamingawan aron makig-uban sa Dios” ug dili aron pagatintalon sa panulay. Ipasabut nga si Jesus wala miadto sa iyang kabubut-on sa sitwasyon diin siya pagatintalon, ug siya dili usab buot nga kita mobuhat sa ingon. Usab ipasabut nga ang hubad ni Joseph Smith nag-ingon nga si Jesus gigiyahan sa Espiritu ngadto sa kinatuktukan sa templo ug sa taas nga bukid ug dili pinaagi sa panulay sama sa mabasa sa Biblia.

Mga Pangutana sa Panaghisgutan ug Paggamit

Pagtuon sa mosunod nga mga pangutana ug sa mga pakisayran sa kasulatan sa Panaghisgutan samtang ikaw nag-andam sa imong leksyon. Paggamit sa mga pangutana nga ug Paggamit ikaw nagtuo maoy labing makatabang sa mga bata sa pagsabut sa kasulatan ug sa paggamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang nila nga makasabut sa mga kasulatan.

Mga Pangutana sa Panaghisgutan ug Paggamit

Ngano nga si Jesus miadto sa kamingawan? (Mateo 4:1, ug HJS Mateo 4:1 diha sa Giya ngadto sa mga Kasulatan.)
Diha sa Hubad ni Joseph Smith sa Mateo 4:2 kini nag-ingon nga samtang si Jesus didto sa kamingawan, siya nakighimamat uban sa Dios. Unsa sa inyong pagtuo ang gipasabut sa pakighimamat uban sa Dios? Unsaon ninyo pagpakighimamat sa Dios?
Sa unsang paagi nga ang kap-atan ka mga adlaw sa pagpuasa ug pagpakighimamat uban sa Dios nakatabang ni Jesus sa pagpangandam sa pagpakigbatok sa tintasyon?
Giunsa pagtintal ni Satanas si Jesus sa sinugdanan? (Mateo 4:3.) Ngano sa inyong pagtuo nga kining maong tintasyon malisud alang kaniya sa pagbatok? (Mateo 4:2.) Giunsa ni Jesus pagtubag si Satanas? Unsay buot ipasabut ni Jesus? (Mateo 4:4.)
Unsa ang ubang mga paagi ni Satanas sa pagtintal ni Jesus? (Mateo 4:5–6, 8–9.) Giunsa ni Jesus pagtubag kining mga pagtintal? (Mateo 4:7, 10.) Sa inyong pagtuo mao lang ba kini ang mga higayon nga si Kristo gitintal?(Lucas 4:13. “Sa usa ka higayon” magpahayag nga kini dili lamang ang mga higayon.)
Sa unsang paagi nga ang pagtuon sa mga kasulatan nakatabang ni Jesus sa pagpakigbatok sa mga tintasyon? (Mateo 4:4, 6–7, 10.)
Unsa ang gipaningkamutan ni Satanas nga buhaton sa matag usa kanato? (2 Nephi 2:18; 28:20–22; D&P 10:27.)
Sa unsa nga paagi nga ang Langitnong Amahan makatabang ninyo sa pagpakigbatok sa mga tintasyon? Unsa ang inyong mahimo karon nga makatabang ninyo sa paglikay sa umaabot nga mga tintasyon?
Unsa nga mahinungdanong saad ang gihatag sa Ginoo nato mahitungod sa mga tintasyon? (1 Mga Taga-Corinto 10:13.) Basaha kining kasulatan pagdungan.

Hisguti ang tulo ka mga butang nga atong mabuhat nga makatabang nato sa paglikay ug pagpakigbatok sa tintasyon. Ipakita ang mga ginunting nga mga pulong samtang ikaw naghisgot niini.

Mga Pangutana sa Panaghisgutan ug Paggamit

Paghukom sa pagpakigbatok sa tintasyon sa dili pa kamo makasugat niini.

Basaha ug hisguti ang mosunod nga kinutlo gikan ni Presidente Spencer W. Kimball:

“Ang matarung nga mga paghukom labing sayon nga himoon kon kita sayo nga mohimo niini….

“Sa dihang ako batan-on pa, ako nakahukom….nga ako dili gayud motilaw ug tsa, kape, tabako, o bino….

“Ang panahon sa paghukom sa…pagkamatinuoron nauna nang daan sa usa ka tindera nga mohatag nimo og sobra nga sukli. Ang panahon sa paghukom batok sa paggamit og [ilegal] nga mga drugas nauna nang daan sa usa ka higala nga imong ganahan kinsa mosungog nimo nga talawan o [matarung]. Ang panahon sa paghukom nga kita dili mohimo og butang nga dili maayo kay sa kahigayunan nga makapuyo sa kahangturan uban sa atong [Langitnong] Amahan mao karon” (“Decisions: Why It’s Important to Make Some Now,” New Era, Abr. 1971, p. 3).
Pag-ampo nga ikaw makalikay sa tintasyon (Marcos 14:38) ug nga kon ikaw gitintal, ikaw adunay gahum ug hugot nga pagtuo nga makigbatok. Ipasabut nga ang adlaw-adlaw nga pag-ampo, pagpaningkamot nga makalikay sa bisan unsa nga matang sa tintasyon, ug sa pagpadayon sa takus nga paga-lagad ug mga kalihokan makatabang kanato.
Paminaw ngadto sa Espiritu Santo. Ipasabut nga human kita mabunyagi, kita gihatagan sa gasa sa Espiritu Santo, nga makatabang nato sa pagbuntog sa tintasyon (tan-awa sa D&P 11:12).

Hangyoa ang mga bata sa pagsulti mahitungod sa mga kasinatian diin sila gitintal. Sultihi sila sa pagpakigbahin unsa ang ilang gibuhat sa paglikay o pagpakigbatok sa tintasyon.

Gamita ang mga tintasyon nga nasulat diha sa pisara sa panahon sa kalihokan sa sinugdanan sa leksyon. Hisguti ang pipila niini sa tagsatagsa, ug pahunahuna ang mga bata kon unsa nga paagi nga ang usa ka sa batan-on makalikay ug makabatok sa matag usa. Hangyoa ang mga bata sa pagpili nga tinago sa usa ka tintasyon nga buot sila nga makaandam sa pagpakigbatok ug magplano unsaon nila paglikay ug pagpakigbatok niini nga tintasyon.

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan sa bisan unsang higayon sa panahon sa leksyon o ingon nga usa ka ribyu, katingbanan, o hagit.

Pagdula og “Unsa kaha kon” nga dula. Isulat diha sa mga piraso sa papel “Unsa kaha kon” nga mga pangutana nga naghulagway sa mga tintasyon nga ang mga sakop sa klase mahimong mag-atubang, sama sa mga sanglitanan nga mga pangutana sa ubos. Ipakuha sa usa ka bata ang usa sa mga pangutana sa kahon o garapon, ipabasa ang pangutana, ug ipatubag kini. Dayon ipapili niana nga bata ang lain pa nga maoy mopili og lain nga “Unsa kaha kon” nga pangutana gikan sa kahon. Hatagi og gibug-aton nga ang paghukom nang daan usa ka mahinungdanon nga tabang sa pagpakigbatok sa tintasyon.

Unsa kaha kon ikaw makakita og usa ka butang nga gipanag-iya sa uban? Unsa kaha kon ikaw misaad sa imong amahan nga ikaw motabang niya apan dunay usa nimo ka higala nga miabot og mihangyo nga makigdula nimo?

Unsa kaha kon ang imong mga higala nagbiay-biay kanimo sa dili nimo pagtabako sa pipila ka mga sigarilyo nga ilang nakaplagan (o pag-inom og alkohol o paggamit og drugas)?

Unsa kaha kon ikaw masayud nga ikaw mahimutang sa kasamok kon ikaw mosulti sa tinuod?
Tuguti ang mga bata nga magdula og inamang o modala sa papel nga dula sa pagpakigbatok sa mga tintasyon.
Pag-andam og “Tintasyon nga mga Kard.” Diha sa 3” por 5” nga mga kard o sa mga piraso sa papel isulat ang mga tintasyon nga mahimo nga anaa sa mga bata, sama sa pagpamakak, pagpangawat, paggamit og bulgar nga pinulungan, ug uban pa. Sa laing mga kard, “Tabang nga mga Kard”, isulat ang Hugot nga Pagtuo diha ni Jesukristo, Mga Ginikanan, Mga Magtututdlo, Maayo nga mga higala, Pag-ampo, Pagpuasa, Mga Pangulo sa Simbahan, Mga Kasulatan, ang Espiritu Santo, Paglikay sa mga tintasyon, ug uban pang mga butang nga makatabang sa mga katawhan sa pagpakigbatok sa tintasyon.s

Ibutang ang Tintasyon nga mga Kard nga nakakulob sa usa ka hapnig ug ang Tabang nga mga Kard sa laing hapnig. Papilia ang usa ka bata og usa ka Tabang ug usa ka Tintasyon nga kard ug sultihi ang klase kon unsa ang nakasulat sa matag usa. Pahisguti sa klase kon sa unsa nga paagi nga ang nasulat sa Tabang nga kard makapasayon sa pagpakigbatok o paglikay sa kon unsa ang anaa sa Tintasyon nga kard. Tugoti ang matag bata sa pagpili sa mga kard.
Ipakigbahin sa mga bata ang mosunod nga kinutlo gikan ni Presidente Joseph Fielding Smith: “Ang mga batasan sayon lang kaayo nga pagaumolon. Sayon kaayo ang pag-umol sa maayong batasan sama sa pag-umol sa mga dautan” (New Era, Hulyo 1972, p. 23). Tingali ikaw buot nga motabang sa mga bata sa pagsag-ulo niini nga kinutlo.
Hangyoa ang mga bata sa paghingalan sa pipila ka mga hukom nga ilang nabuhat nga makatabang nila sa pagpakigbatok sa tintasyon sa umaabot.
Tabangi ang mga bata sa pagsag-ulo sa Mateo 4:4.
Ipaawit o ipabasa sa mga bata ang mga pulong sa “Keep the Commandments” (Children’s Songbook, p. 146).

Panapos

Pagpamatuod

Ipamatuod nga kita adunay gahum sa pagpakigbatok sa mga tintasyon nga moabut nato. Ipadayag ang imong gugma alang kang Jesus ug sa iyang panig-ingnan sa pagpakigbatok sa mga tintasyon ni Satanas.

Gisugyot nga Basahonon sa Panimalay

Isugyot sa mga bata nga magtuon sa Mateo 4:1–11 sa panimalay isip ribyu niini nga leksyon.

Pagdapit og usa ka bata nga mohatag sa panapos nga pag-ampo.