Si Jesukristo Nagtawag sa lyang mga Apostoles

Katuyoan

Aron sa pagtabang sa matag bata nga makaangkon og labaw nga gugma ug pagtahud alang sa mga Apostoles nga gitawag ni Jesukristo ingon nga iyang linaing mga saksi.

Pagpangandam

Sa mainampoon nga paagi pagtuon sa Mateo 4:18–22, Lucas 5:1–11, 6:12–16, Mateo 16:13–19, Marcos 3:13–19, 16:15, Mga Buhat 10:39–43, 3 Nephi 12:1–2, ug Doktrina ug mga Pakigsaad 107:23. Dayon pagtuon sa leksyon ug paghukom unsaon nimo pagtudlo ang mga bata sa asoy sa kasulatan (tan-awa sa “Pagpangandam sa Imong mga Leksyon,” p. vii, ug “Pagtudlo gikan sa mga Kasulatan,” p. viii.)
Dugang mga basahonon: Mateo 10:2–4, Marcos 1:16–20, ug Juan 1:35–51.
Pilia ang mga pangutana sa panaghisgutan ug mga kalihokan sa pagpalambo nga maoy makapaapil sa mga bata ug labing makatabang nila sa pagkab-ot sa katuyoan sa leksyon.
Mga materyal nga gikinahanglan:
1. Usa ka Biblia o usa ka Bag-ong Tugon alang sa matag bata.
2. Ubay-ubay nga mga kopya sa Doktrina ug mga Pakigsaad.
3. Tsart sa Ikaunom nga Artikulo sa Hugot nga Pagtuo (65006).
4. Mga Hulagway 7-10, Si Jesus ug ang mga Mangingisda (Pakete sa mga Hulagway sa Ebanghelyo 209; 62496), ug 7-11, Si Kristo nga Nag-orden sa mga Apostoles (Pakete sa mga Hulagway sa Ebanghelyo 211; 62557), ug usab ang mga hulagway sa bag-ong mga Apostoles (64329–64378. Kon ang mga hulagway wala sa inyong librarya sa balay-tigumanan, tan-awa sa labing bag-ong isyu sa usa ka magasin sa Simbahan).

Gisugyot nga Kalamboan sa Leksyon

Pagdapit og usa ka bata nga mohatag sa pagsugod nga pag-ampo.

Pang-atensyon nga Kalihokan

Isulat ang mosunod nga mga pakisayran sa kasulatan diha sa pisara:

Pang-atensyon nga Kalihokan

Ipapangita sa mga bata ang mga pakisayran aron sa pagpangita sa usa ka mahinungdanon nga pulong nga makita diha sa matag usa. Ikaw mahimong mopundok sa mga bata sa tinagurha o tinagutlo. Kon sila nagkinahanglan og tabang, sultihi sila nga ang pulong nagsugod sa letra nga A (Apostol).

Ipabasa sa usa ka bata ang Doktrina ug mga Pakigsaad 107:23 nganha sa klase aron masayran ngano nga ang Apostol usa ka mahinungdanong alagad sa Ginoo.

Mga Asoy sa Kasulatan

Pinaagi sa pagpakita sa mga huiagway sa angay nga mga higayon, itudlo ang mga asoy sa pagtawag ni Jesus sa iyang mga tinun-an (Mateo 4:18–22; Lucas 5:1–11) ug sa wala madugay ang Napulog Duha ka mga Apostoles (Marcos 3:13–19; Lucas 6:12–16). (Alang sa gisugyot nga mga paagi sa pagtudlo sa mga asoy sa kasulatan, tan-awa sa “Pagtudlo gikan sa mga Kasulatan,” p. viii.)

Samtang ikaw nagtudlo niining mga asoy, siguroha nga ang mga bata nakasabut nga si Jesus adunay daghang mga sumusunod, gitawag og mga tinun-an, Sa dihang siya unang mitawag kang Pedro, Andres, Santiago, ug Juan gikan sa ilang mga bangka sa pangisda, siya mitawag kanila nga mahimong mga tinun-an. Gikan sa iyang dako kaayo nga pundok sa mga tinun-an siya mipili og napulog duha ka mga lalaki nga mahimong iyang mga Apostoles (tan-awa sa Lucas 6:13). Siya miorden kanila sa samang paagi nga ang mga Apostoles giorden karon, pinaagi sa pagpandong sa mga kamot, ug mihatag kanila sa sama nga katungod nga anaa sa mga Apostoles karon (tan-awa sa Marcos 3:13–15).

Mga Pangutana sa Panaghisgutan ug Paggamit

Pagtuon sa mosunod nga mga pangutana ug sa mga pakisayran sa kasulatan samtang ikaw nag-andam sa imong leksyon. Gamita ang mga pangutana nga sa imong pagtuo labing makatabang sa mga bata nga makasabut sa mga kasulatan ug makagamit sa mga baruganan diha sa ilang mga kinabuhi. Ang pagbasa sa mga pakisayran uban sa mga bata diha sa klase makatabang kanila nga makasabut sa mga kasulatan.

Mga Pangutana sa Panaghisgutan ug Paggamit

Unsa ang panginabuhi nila ni Pedro, Andres, Santiago, ug Juan? (Mateo 4:18–22.) Unsa ang gipasabut niini nga “mga mangingisda sa mga katawhan”? (Mateo 4:19.) Sa unsang paagi nga ang mga Apostoles sa karon “mga mangingisda sa mga katawhan”? (D&P 18:27–29.)
Giunsa nila ni Pedro, Andres, Santiago ug Juan pagtubag sa dihang si Jesus misulti kanila sa pagsunod kaniya? (Mateo 4:19–22.) Ipasabut nga ang dayon nagpasabut nga walay langan. Sa unsang paagi nga ang ilang tubag nagpakita nga sila mituo nga si Jesus mao ang Kristo? (Pahinumdom nga ang Hubad ni Joseph Smith sa Mateo 4:18 nagpahayag nga si Jesus nagsulti kanila kon si kinsa siya sa wala pa siya nagdapit kanila nga mosunod kaniya.) Ngano nga mahinungdanon alang kanato nga masayud nga si Jesukristo mao ang Anak sa Dios?
Unsa ang gisulti ni Jesus kang Simon nga pagabuhaton sa iyang mga pukot? (Lucas 5:4) (Ipasabut nga si Simon, si Simon Pedro, ug si Pedro usa lamang ka tawo.) Ngano kaha nga si Simon nakapangutana sa gipabuhat ni Jesus? (Lucas 5:5.) Unsa ang nahitabo? (Lucas 5:6–7.) Ngano nga kining maong panghitabo nakatabang sa mga tinun-an sa pagbaton og hugot nga pagtuo kang Jesus? (Lucas 5:8–10.) Unsa ang gibuhat nila ni Pedro, Santiago, ug Juan aron mapamatud-an nga sila adunay hugot nga pagtuo kang Jesus? (Lucas 5:11.) Unsaon nato pagpakita nga kita nagsunod ni Jesukristo?
Unsa ka dugay si Jesus nag-ampo sa wala pa siya motawag sa iyang mga Apostoles? (Lucas 6:12.) Ngano sa inyong pagtuo nga si Jesus nag-ampo sa wala pa siya mohimo niining mahinungdanon nga desisyon? Kinsa ang nagtawag sa mga Apostoles karon? (Ang Langitnong Amahan nagtudlo sa Unang Kapangulohan pinaagi sa pagdasig.)
Ang mga kasulatan naghisgot sa mga tinun-an ug mga Apostoles. Unsa ang kalainan tali sa usa ka tinun-an ug usa ka Apostol? (Lucas 6:13.)

Ipasabut nga ang usa ka tinun-an usa ka sumusunod ni Jesukristo. Ang usa ka Apostol mao ang usa sa pinili nga panon sa mga lalaki kinsa gi-orden isip usa ka linain nga saksi ni Jesukristo ngadto sa tibuok kalibutan. Siya nagpamatuod nga si Jesus mao ang Anak sa Dios ug nga siya nabanhaw. Siya mosiguro nga ang ebanghelyo gisangyaw sa tanang dapit sa kalibutan. (Tan-awa sa Marcos 16:15 ug D&P 107:23.)

Mga Pangutana sa Panaghisgutan ug Paggamit

Ikaw usa ba ka tinun-an o usa ka Apostol?
Unsa ang buot ipasabut isip usa ka linain nga saksi ni Jesukristo? (Mga Buhat 4:33; 10:39–43; D&P 107:23.) Giunsa ni Pedro pagsaksi nga si Jesus mao ang Kristo? (Mateo 16:13–17.) Unsa ang gisaad ni Jesus kang Pedro tungod sa pagpamatuod ni Pedro? (Mateo 16:18–19.) Tabangi ang mga bata nga makasabut nga ang “mga yawe sa gingharian” mao ang katungod nga gihuptan sa mga Apostoles sa pagbuhat sa gimbuhaton sa Langitnong Amahan ug ni Jesus dinhi sa yuta. Ang asoy sa pagdawat nila ni Pedro, Santiago, ug Juan niining gisaad nga mga yawe didto sa Bukid sa Transpigurasyon pagahisgutan sa leksyon 15.
Giunsa sa mga Apostoles sa pagsaksi nga si Jesus mao ang Kristo karon?

Isaysay ang mosunod nga asoy ni Elder David B. Haight, usa ka Apostol sa Ginoo:

“Sa kagabhion sa kalisdanan sa akong panglawas, ako nasayud nga adunay mabug-at nga butang nga nahitabo kanakou…. Ako nangamuyo sa akong Langitnong Amahan nga lugwayan pa ang akong kinabuhi og taudtaud aron sa paghatag kanako og gamay nga panahon sa pagbuhat sa lyang gimbuhaton, kon kini lyang pagbuot.

“Samtang nagpadayon sa pag-ampo, ako nawad-an sa panimuot. Ang siren sa paramediko nga trak mao ang katapusan nga akong nahinumdoman sa wala pa ako mawad-i sa panimuot, nga milungtad sa daghang mga adlaw.

“Ang mapintas nga kasakit ug kagubot sa mga katawhan miundang. Ako ania na sa kalma, malinawon nga kahimtang; ang tanan kalma ug hilum….

“Ako wala makadungog og tingog apan nakahibalo nga anaa sa atubangan sa balaan nga linalang ug kahimtang. Sa misunod nga mga takna ug mga adlaw, adunay nagbalikbalik sa akong hunahuna sa walay katapusan nga misyon ug mahimayaon nga kahimtang sa Anak sa Tawo. Ako mosaksi kaninyo nga Siya mao si Jesus ang Kristo, ang Anak sa Dios, Manluluwas sa tanan, Manunubos sa tanang katawhan, Tighatag sa walay kinutuban nga gugma, kalooy, ug kapasayloan, ang Kahayag ug Kinabuhi sa kalibutan. Ako nasayud na niining kamatuoran kaniadto-ako wala gayud magduhaduha ni mahibulong. Apan karon ako nasayud, tungod sa gisulti sa Espiritu sa akong kasingkasing ug kalag, niining balaanong mga kamatuoran sa usa ka labing talagsaon nga paagi.

“Ako gipakita og kinatibuk-ang panan-awon sa lyang yutan-on nga pagpangalagad: sa lyang bunyag, sa lyang pagtulun-an, sa lyang pag-ayo sa mga masakiton ug mga bakol, ang mabiaybiayon nga husay, sa lyang pagkalansang sa krus, lyang pagkabanhaw ug pagkayab. Dihay misunod nga mga talan-awon sa lyang yutan-ong pagpangalagad sa akong hunahuna sa makapadani nga detalye, nagpanghimatuod sa mga asoy sa mga nakasaksi diha sa kasulatan. Ako gitudloan, ug ang mga mata sa akong panabut nabuksan pinaagi sa Balaang Espiritu sa Dios alang sa pagsud-ong sa daghang mga butang” (sa Taho sa Komperensya, Okt. 1989, p. 73; o Ensign, Nob. 1989, pp. 59–60).

Mga Pangutana sa Panaghisgutan ug Paggamit

Kinsa ang mga Apostoles dinhi sa yuta karon?

Ilha ang mga ngalan sa mga kalalakihan sa Unang Kapangulohan ug sa Korum sa Napulog Duha ka mga Apostoles. Isulti ang imong nahibaloan mahitungod sa mga Apostoles karong panahona, tingali mopokus sa usa kinsa bag-ohay lang miduaw o hapit na moduaw sa inyong dapit.

Mga Pangutana sa Panaghisgutan ug Paggamit

Sa unsang paagi nga ang atong mga kinabuhi mapanalanginan kon kita maminaw sa tambag sa mga Apostoles? (3 Nephi 12:1–2.)

Artikulo sa Hugot nga Pagtuo

Tabangi ang mga bata nga makasag-ulo sa ikaunom nga artikulo sa hugot nga pagtuo.

Mga Kalihokan sa Pagpalambo

Ikaw mahimong mogamit og usa o labaw pa sa mosunod nga mga kalihokan sa bisan unsang higayon sa panahon sa leksyon o ingon nga usa ka ribyu, katingbanan, o hagit.

Pagdala nganha sa klase og tinagsatagsa ka mga huiagway sa Unang Kapangulohan ug sa Napulog Duha ka mga Apostoles. Isulat ang ilang mga ngalan sa laing piraso nga papel ug ipaparisparis sa mga bata ang mga ngalan ug mga huiagway ug unya ipahan-ay sumala sa pagkasenyor. Kon walay tinagsatagsa nga mga huiagway, ipahan-ay sa mga bata ang mga ngalan sumala sa pagkasenyor. Tuguti ang matag bata nga mahatagan og higayon.
Isulat ug hisguti ang mga ngalan sa Napulog Duha ka mga Apostoles nga gitawag ni Jesus. (Lucas 6:12–16.)
Ginamit ang labing bag-ong mga taho sa komperensya o mga isyu sa komperensya sa mga magasin sa Simbahan, ipapangita sa mga bata ang mga pakigpulong nga gihatag sa mga Apostoles. Hangyoa sila sa pagpangita sa mga dapit niining mga pakigpulong diin ang mga Apostoles mipahayag sa ilang linaing mga pagsaksi ni Jesukristo (kini sa kasagaran anaa sa katapusan sa ilang mga mensahe).

Panapos

Pagpamatuod

Ipakigbahin uban sa mga bata ang imong pasalamat sa mga Apostoles, ug sultihi sila kon sa unsa nga paagi nga ang imong kinabuhi napanalanginan sa dihang ikaw misunod sa ilang mga tambag. Ihatag ang imong pagsaksi nga si Jesus mitawag og mga Apostoles, pinaagi sa buhi nga propeta, aron sa pagsaksi sa Iyang ngalan ug sa pagsangyaw sa ebanghelyo sa tibuok kalibutan.

Gisugyot nga Basahonon sa Panimalay

Isugyot nga ang mga bata magtuon sa Mateo 4:18–22 diha sa panimalay ingon nga usa ka pagribyu niini nga leksyon.

Pagdapit og usa ka bata nga mohatag sa panapos nga pag-ampo.