Pagpangalagad ngadto sa mga Indibidwal ug sa mga Pamilya nga adunay Usa ka Minahal nga Nabilanggo

Tan-awa usab sa Tabang alang sa mga Sakop sa Pamilya sa Nabilanggo o Kanhi Nabilanggo nga mga Indibidwal.

Ang adunay ginikanan nga anaa sa prisohan makaapekto sa mental nga kahimsog, sosyal nga kinaiya, ug sa mga oportunidad sa edukasyon sa anak. Ang emosyonal nga truma nga mahitabo ug ang praktikal nga mga kalisdanan nga nakabalda sa kinabuhi sa pamilya mas mahimong lisod pinaagi sa diskriminasyon nga giatubang tungod kay adunay ginikanan nga anaa sa prisohan o bilanggoan. Tingali nakasinati sila og truma kalabot sa pagkadakop sa ilang ginikanan o mga kasinatian nga misangpot niini. Ang mga anak sa nabilanggo nga mga ginikanan mahimong miatubang usab og lain pang lisod nga mga kasinatian sa pagkabata, sama sa pagsaksi sa kabayolente diha sa ilang mga komunidad o panimalay o pagkabantang sa druga o pag-abuso sa alkohol.

Ang mga lider mahimong magpakitabang sa prosesyonal sa mental nga kahimsog kay mohatag sila og suporta. Tabangi ang mga bata nga makakat-on sa pag-ampo ngadto sa Dios ug sa pagpalambo sa pagtuo diha ni Jesukristo. Dapita sila ngadto sa simbahan ug sa ubang regular nga sosyal nga mga kalihokan aron makahimamat og bag-ong mga higala ug makakaplag og hingpit nga kalipay.