Pagpakigtambayayong sa Uban

Mga Grupo sa Sibiko, Relihiyon, ug Komunidad

Samtang ang mga lider sa Simbahan mohiusa sa ilang mga paningkamot ngadto sa ubang mga grupo, ang Ginoo makapadako niana nga mga paningkamot ug makapanalangin sa mas daghan sa Iyang mga anak. Ang tanang mga pakig-inter-aksiyon niini nga mga grupo kinahanglan nga matinahoron ug matinud-anon. Ang mga lider sa Simbahan giawhag nga mopahigayon og mga pakigsultihanay sa mga grupo sa sibiko, relihiyon, ug komunidad aron maghisgot og mga kahigayonan sa pagpakigtambayayongay. Ang mga lider kinahanglan morebyo una sa gisugyot nga pagpakigtambayayong, lakip na sa bisan unsang pinansiyal nga mga pasalig, uban sa mga lider sa area sa dili pa mosulod ngadto sa relasyon sa pagpakigtambayayong.

Mga Lider sa Gobyerno ug sa Prisohan o Bilanggoan

Ang pagpalambo sa maayong relasyon uban sa pamunoan sa gobyerno ug prisohan makadugang sa abilidad sa Simbahan sa pagpangalagad ug pagpanalangin niadtong gusto natong suportahan. Ang mga lider sa Simbahan mahimong motabang sa pag-establisar niini nga mga relasyon. Ang mga lider ug mga miyembro kinahanglang morespeto kanunay sa mga kawani sa prisohan, mga palisiya, ug sa mga gawi. Makapakita kini nga masaligan sila.

Mga Chaplain

Ang chaplain sa prisohan maoy usa ka tawo nga gisuholan sa pasilidad sa bilanggoan aron suportahan ang mga tawo sa tanang relihiyon. Ang pag-amuma og maayong relasyon sa mga chaplain makatabang nimo sa pagserbisyo sa mga nabilanggo nga mga indibidwal.

Ang dugang nga mga kapanguhaan alang sa pagpakigtambayayong sa mga chaplain makita dinhi.