Burime për Dhënien e Shërbesës me Kuorume të Përforcuara të Priftërisë Melkizedeke dhe Shoqata të Përforcuara të Ndihmës

Këto burime i ndihmojnë udhëheqësit ndërkohë që përgatiten të japin udhëzim dhe kur udhëheqin diskutime në këshilla të zonave, këshilla bashkërendues, konferenca të kunjeve, këshilla të kunjeve, këshilla të lagjeve dhe mësime të së dielës.

Sugjerime për Përdorimin e Këtyre Burimeve

Në një mbledhje të këshillit, udhëheqësit mund ta fillojnë diskutimin për ndryshimet e shpallura në konferencën e përgjithshme të prillit 2018 duke lexuar pjesën e parathënies së dokumentit, të përfshirë me letrën e Presidencës së Parë të datës 2 prill 2018, “Dhënia e Shërbesës me Kuorume të Përforcuara të Priftërisë Melkizedeke dhe Shoqata të Përforcuara të Ndihmës” (shih dheniaesherbeses.KishaeJezuKrishtit.org).

Anëtarët e këshillit gjithashtu mund të shohin dhe diskutojnë materialin filmik Një Vizion për Dhënien e Shërbesës (shih “Materiale Filmike” më poshtë). Materiale filmike shtesë dhe burime të tjera sigurohen për ta përmirësuar këtë diskutim dhe mund të përdoren në mbledhje të ardhshme të këshillit ose në mjedise të tjera. Secili segment në materialin filmik Dhënia e Shërbesës së Efektshme ndiqet nga një pyetje që mund ta diskutojë grupi.

Materiale Filmike

Materialet filmike në vijim përfshijnë pjesë të shkëputura nga konferenca e përgjithshme e prillit 2018 dhe nga mbledhje të udhëheqjes të konferencës së përgjithshme me Autoritetet e Përgjithshme, Të Shtatëdhjetët Zonalë dhe Drejtues/e të Përgjithshëm/me.

Një Vizion për Dhënien e Shërbesës (4:41)

Dhënia e Shërbesës së Efektshme (15:01) përmban segmentet vijuese:

1. “Përse Japim Shërbesë” (2:43). Pyetje: Përse japim shërbesë?

2. “E Thjeshtë, e Individualizuar dhe e Udhëhequr nga Shpirti” (2:20) Pyetje: Si mund t’i mbajmë përpjekjet tona të thjeshta dhe të udhëhequra nga Shpirti?

3. “Vështrim i Përgjithshëm mbi Intervistat për Dhënien e Shërbesës” (3:53) Pyetje: Si mund t’i bekojnë individët dhe familjet intervistat e efektshme për dhënien e shërbesës?

4. “Një Përpjekje e Bashkërenduar” (2:49). Pyetje: Si mund të na ndihmojë një përpjekje e bashkërenduar që të kujdesemi për të gjithë fëmijët e Perëndisë?

5. “Ftesë për të Vepruar” (3:24). Pyetje: Si mund ta vëmë më mirë në zbatim vizionin për dhënien e shërbesës, të dhënë nga Presidenca e Parë dhe Kuorumi i Dymbëdhjetë Apostujve?

Intervistat për Dhënien e Shërbesës (19:18)

Referencat nga Shkrimet e Shenjta

Mateu 10:39; 22:37–39; Lluka 22:32; Gjoni 10:11; 13:34; 21:15–16; Galatasve 5:13; Mosia 23:18; Doktrina e Besëlidhje 20:51–53

Burime Shtesë

• Botimet e majit 2018 të revistave Liahona dhe Ensign dhe ejamendiq.ChurchofJesusChrist.org sigurojnë burime që mund të përdoren në diskutimet e të dielave të katërta rreth dhënies së shërbesës në mbledhjet e kuorumit të pleqve dhe të Shoqatës së Ndihmës.

• Informacion shtesë, i titulluar “Parimet e Dhënies së Shërbesës”, do të përfshihet në botimet e ardhshme të revistave Liahona dhe Ensign.