Te mau rāve’a tauturu nō te aupurura’a ma te pupu autahu’ara’a a Melehizedeka ’e te Sōtaiete Tauturu i ha’apūaihia

E tauturu teie mau rāve’a tauturu i te feiā fa’atere ’a fa’aineine ai rātou nō te hōro’a i te mau arata’ira’a ’e ’a rautī ai i te mau ’āpo’ora’a ārea, te mau ’āpo’ora’a fa’aaura’a, te mau ’āmuira’a titi, te mau ’āpo’ora’a titi, te mau ’āpo’ora’a pāroita ’e te mau ha’api’ira’a i te sābati.

Mau mana’o nō te fa’a’ohipara’a i teie mau rāve’a tauturu

I roto i te hō’ē ’āpo’ora’a, e nehenehe te feiā fa’atere e ha’amata i te tāu’ara’a parau nō ni’a i te mau tauira’a i fa’aarahia i roto i te ’āmuira’a rahi nō ’Ēperēra 2018, nā roto i te tai’ora’a i te tuha’a ’ōmuara’a o te parau i ’āpitihia i te rata a te Peresidenira’a Mātāmua, nō te 2 nō ’Ēperēra 2018, « Aupuru ma te mau pupu autahu’ara’a a Melehizedeka ’e te Sōtaiete Tauturu i ha’apūaihia » (hi’o ministering.ChurchofJesusChrist.org).

E nehenehe ato’a te mau melo o te ’āpo’ora’a e māta’ita’i ’e e paraparau nō ni’a i te video Hō’ē hi’ora’a ātea nō te aupurura’a (hi’o i te « Mau video » i raro nei). Tē vai ra te tahi atu mau video ’e mau rāve’a tauturu nō te fa’ananea atu ā teie tāu’ara’a parau, ’e e nehenehe e fa’a’ohipa i te reira i roto i te tahi atu mau ’āpo’ora’a ’aore rā i te tahi atu taime. I roto i te mau tuha’a tāta’itahi o te video Te aupurura’a manuia, tē vai nei hō’ē uira’a ’o tā te pupu e nehenehe e paraparau.

Mau video

I roto i te mau video i muri nei, tē vai ra te mau tuha’a nō roto mai i te ’āmuira’a rahi nō ’Eperēra 2018 ’e nō roto mai i te mau rurura’a a te feiā fa’atere o te ’āmuira’a rahi ’e te mau Huimana fa’atere rahi, te mau Hitu ’Ahuru ārea ’e te mau ti’a fa’atere rahi.

Hō’ē hi’ora’a ātea nō te aupurura’a (4:41)

I roto i Te aupurura’a manuia (15:01), tē vai nei te mau tuha’a i muri nei :

1. « Te tumu tātou e aupuru ai i te ta’ata » (2:43). Uira’a : Nō te aha tātou e aupuru ai i te ta’ata ?

2. « ’Ōhie, mai te au i terā ta’ata ’e terā ta’ata, ’e e arata’ihia e te Vārua » (2:20). Uira’a : E aha te ’ohipa e rave ’ia vai ’ōhie noa tā tātou mau tauto’ora’a ’e ’ia arata’ihia e te Vārua ?

3. « Hi’ora’a nō te mau uiuira’a nō te aupurura’a » (3:53). Uira’a : Nāhea te mau uiuira’a nō te aupurura’a manuia e ha’amaita’i ai i te ta’ata ’e te mau ’utuāfare ?

4. « Hō’ē tauto’ora’a nahonaho maita’i » (2:49). Uira’a : Nāhea te hō’ē tauto’ora’a nahonaho maita’i e tauturu ai ia tātou ’ia ha’apa’o maita’i i te tā’āto’ara’a o te mau tamari’i a te Atua ?

5. « E anira’a manihini ’ia rave » (3:24). Uira’a : Nāhea tā tātou e nehenehe ai e fa’atupu maita’i a’e i te hi’ora’a ātea nō te aupurura’a i hōro’ahia mai e te Peresidenira’a Mātāmua ’e te pupu nō te Tino ’Ahuru Ma Piti ’āpōsetolo ?

Mau uiuira’a nō te aupurura’a (19:18)

Mau ’īrava pāpa’ira’a mo’a

Mataio 10:39 ; 22:37–39 ; Luka 22:32 ; Ioane 10:11 ; 13:34 ; 21:15–16 ; Galatia 5:13 ; Mosia 23:18 ; Te Parau Ha’api’ira’a ’e te mau Parau Fafau 20:51–53

Te tahi atu ā mau rāve’a tauturu

• Tē hōro’a nei te ve’a nō Mē 2018 o te Liahona ’e te Ensign, nā reira ato’a te comefollowme.ChurchofJesusChrist.org, i te tahi mau rāve’a tauturu e nehenehe e fa’a’ohipa i roto i te mau tāu’ara’a parau nō te maha o te sābati nō ni’a i te aupurura’a, i roto i te mau purera’a a te pupu peresibutero ’e Sōtaiete Tauturu.

• E tu’uhia te tahi atu ā mau ha’amāramaramara’a i roto i te mau ve’a Liahona ’e te Ensign i raro a’e i te upo’o parau « Te mau parau tumu nō te aupurura’a ».