E nāhea vau i te tauturu i te mau melo e nā roto nei i te au’orehete (dysphorie de genre) ’aore rā e hi’o nei ia rātou iho ’ei huriāhete (transgenre) ?

’Aita teie tahua natirara e paraparau nei nō ni’a i te au’orehete ’aore rā te huriāhete. Terā rā, e rave rahi o te mau parau tumu rarahi tei fa’a’itehia i ni’a i teie tahua natirara (mai te faufa’a rahi nō te tauahira’a ’e te hāmani maita’i) ’o tē tano nō te feiā mo’a e nā roto nei i te au’orehete ’aore rā e hi’o nei ia rātou iho ’ei huriāhete. Terā rā, e mea ta’a ’ē roa te fa’ahina’arora’a ta’ata nō tōna iho ’āpeni ’e te au’orehete. ’Ei hi’ora’a, te feiā e nā roto i te au’orehete, e nehenehe ato’a rātou e nā roto i te fa’ahina’arora’a ta’ata nō tō rātou iho ’āpeni, ’aore rā ’aita, ’e nō te rahira’a o te ta’ata e nā roto i te fa’ahina’arora’a ta’ata nō tō rātou iho ’āpeni, ’aita rātou i hina’aro e taui i tō rātou ’āpeni. I te hi’ora’a a te tahu’a manava ’e te fa’aterera’a fa’aro’o, e mea ta’a ’ē nā mea e piti. Nō te mau ha’amāramaramara’a hau atu, hi’o Transgender: Understanding Yourself [Te huriāhete : Te ta’ara’a ia ’oe iho] ’e Transgender: Supporting Others [Te huriāhete : Te pāturura’a ia vetahi ’ē], ChurchofJesusChrist.org.