Ipakigbahin ang mga Kapanguhaan sa Simbahan
Ang pagpakigbahin sa mga kapanguhaan sa Simbahan—lakip na sa mga klase sa pagbarog pinaagi sa kinaugalingong paningkamot, mga klase sa EnglishConnect, mga pundok sa pagkaayo gikan sa pagkaadik, ug mga klase ug mga programa sa edukasyon—mahimong usa ka gamhanang pamaagi aron matabangan ang mga tawo nga mapalambo ang ilang kinabuhi ug makakaplag og dapit diha sa atong komunidad sa mga Santos sa Ulahing mga Adlaw.
Sa dinhi pa si Jesukristo sa kalibotan, Iyang gitabangan ang mga tawo sa ilang pisikal nga mga panginahanglan ingon man sa ilang espirituhanong mga panginahanglan. Iyang gipakaon ang mga gigutom ug giayo ang mga masakiton. Iyang gibayaw sila ug gitabangan kadtong naglibot Kaniya. Mabuhat usab nato kana pinaagi sa pagpakigbahin sa mga kapanguhaan sa Simbahan aron mahatag ang pisikal ug espirituhanong mga panginahanglan sa mga tawo karon.
Anaa nga mga Kapanguhaan sa Simbahan
Ang Simbahan ni Jesukristo sa mga Santos sa Ulahing mga Adlaw nag-esponsor sa mosunod nga nakabase sa pagtuo nga mga kapanguhaan. Atong gihangop ang tanang indibidwal gikan sa matag tinuohan nga moapil. Magdungan kita sa paglambo, pagkonektar, ug pagkat-on.
EnglishConnect
Palamboa ang inyong mga kahanas sa Iningles samtang kamo magtuon ug magpraktis sa interactive nga pundok sa panag-istoryahanay.
Emosyonal nga Kalig-on
Magkat-on og praktikal nga mga kahanas aron maatubang ang mga hagit sa kinabuhi ug maatiman ang inyong emosyonal nga kahimsog.
BYU–Pathway Worldwide
Kab-ota ang mga sertipiko ug mga kurso sa associate ug bachelor sa online sa maabot lamang nga presyo.
FamilySearch
Libre nga akses sa binilyon nga mga rekord aron mabuhat ang inyong family tree ug pangitaa ang inyong mga katigulangan
Mga Institute alang sa Mga Young Adult
Apil og mga klase, mga workshop, ug mga kalihokan nga nakasentro kang Jesukristo aron makatabang sa paggiya sa inyong espirituhanon ug personal nga paglambo.
Mga Seminary alang sa Kabatan-onan
Palig-ona ang inyong tukoranan alang sa tibuok kinabuhi nga espirituhanong pagkat-on ug personal nga paglambo pinaagi sa pagsusi sa mga pagtulun-an ni Jesukristo.
Pagkaayo gikan sa Pagkaadik
Tambong og miting sa grupo sa pagsinuportahay nga gilakipan og nasulayan na nga mga lakang sa pagkaayo uban sa hugot nga pagtuo sa Dios.
Personal nga Panalapi
Magkat-on sa paghimo ug sa pagsunod og badyet, pagtangtang sa utang, ug maalamon nga pagpamuhunan.
Pagsugod ug Pagpalambo sa Akong Negosyo
Magkat-on sa pagtubag sa mga panginahanglan sa mga kustomer, maghimo og mga estratehiya sa pagpamaligya, ug magdumala sa inyong mga rekord.
Mangita og Mas Maayong Trabaho
Magkat-on nga mailhan dayon sa mga tig-empleyo, mopalambo og mga kahanas sa pagpangita og trabaho, network, ug mangandam alang sa mga interbiyo.
Edukasyon alang sa Mas Maayong Trabaho
Magkat-on sa pagsiksik, paghimo, ug pagpresentar sa mga plano sa edukasyon ug karera.
Tabang sa Kinabuhi
Mga kapanguhaan alang sa mga hagit sa kinabuhi sama sa pag-abuso, pagsagop, pagkamatay, pagkaadunay kakulangan, pagkaginikanan, pornograpiya, paghikog, ug uban pa.
JustServe
Pangita og lokal nga mga kahigayonan sa pagboluntaryo nga motukma sa inyong mga interes ug mga kahanas.
Opisyal nga mga Account sa Simbahan sa Social Media
Lain pang kapanguhaan nga inyong mapakigbahin mao ang mga channel sa social media sa Simbahan. Kon kamo mo-follow niini, makakaplag kamo ug sayon ra nga makapakigbahin og mga mensahe sa paglaom, kalinaw, kalig-on, ug gugma ngadto sa pamilya ug sa mga higala. Ang Simbahan adunay lista sa “Official Social Media Accounts for Church Leaders and Groups.” Ang mga post gikan niini nga mga account makadasig sa katawhan aron mas mopaduol ni Jesukristo ug mopadugang sa ilang interes nga mosulod ngadto sa usa ka relasyon sa pakigsaad uban Kaniya.
Unsaon sa Pagpakigbahin pinaagi sa Social Media
Kon kamo mopakigbahin og impormasyon mahitungod sa Simbahan pinaagi sa inyong mga account sa social media:
-
Ikonsiderar ang pag-post og mga hunahuna nga inyong nadawat gikan sa pagtambong sa simbahan, sa pag-ampo alang sa giya, o sa pagbasa sa mga kasulatan diha sa inyong personal nga account sa social media.
-
Ipadayag ang pasalamat alang sa mga panalangin sa Dios ug sa makaayo nga gahom ni Jesukristo.
-
Pagpakigbahin og post gikan sa account sa Simbahan. Pagbilin og personal nga hunahuna ug usa ka pagdapit, o ikonsiderar ang pagpangutana og makapamalandong nga pangutana mahitungod sa hugot nga pagtuo.
-
Pagpakigbahin o pag-post og usa ka butang nga inyong nakat-onan sa klase sa pagbarog pinaagi sa kinaugalingong paningkamot, klase sa institute, o klase sa EnglishConnect, ug dapita ang inyong mga higala nga mokuyog ninyo.