Faasoa Atu Punaoa a le Ekalesia
Faasoaina o Punaoa a le Ekalesia—e aofia ai vasega o le faalagolago o le tagata ia te ia lava, vasega o le EnglishConnect, vaega o le toefaaleleia mai Mea ua Fai ma Vaisu, ma vasega ma polokalama faaleaoaoga—e mafai ona avea o se auala mamana e fesoasoani ai i tagata ia faaleleia atili o latou olaga ma maua se nofoaga i totonu o lo tatou faapotopotoga o le Au Paia o Aso e Gata Ai.
A o i ai Iesu Keriso i le lalolagi, sa fesoasoani o Ia i tagata i o latou manaoga faaletino faapea ma o latou manaoga faaleagaga. Sa Ia fafaga i e fiaaai ma faamalolo i e mamai. Sa Ia siitia i latou ma fesoasoani ia i latou na siomia ai o Ia. E mafai foi ona tatou faia lena mea e ala i le faasoaina atu o punaoa a le Ekalesia e taulimaina ai manaoga faaletino ma faaleagaga.
Punaoa a le Ekalesia o loo Avanoa
O Le Ekalesia a Iesu Keriso o le Au Paia o Aso e Gata Ai e lagolagoina punaoa nei e faavae i le faatuatua. Tatou te taliaina tagata taitoatasi uma mai faatuatuaga uma e auai. Tatou tutupu, fesootai, ma aoao faatasi.
EnglishConnect
Atinae ou tomai o le Igilisi ao e suesue ma faataitai i totonu o se vaega o talanoaga fegalegaleai.
Malosi Fetuunai Faalelagona
Aoao tomai faatino e faatonutonu ai luitau o le olaga ma faafailele ai lou soifua maloloina faalelagona.
BYU–Pathway i le Lalolagi Atoa
Mauaina o se tusipasi ma ni faailoga o aoaoga maualuga i luga o upegatafailagi i se tau taugofie
FamilySearch
Faaaoga e leai se totogi o le piliona o faamaumauga e atiae ai lou gafa o le aiga ma ia maua ou tuaa
Inisitituti mo le Autalavou Matutua
Auai i vasega, aoaoga faamasani, ma gaoioiga e faaogatotonu ia Iesu Keriso e fesoasoani e taiala lou tuputupu ae faaleagaga ma faaletino.
Seminare mo le Autalavou
Faamalosia lou faavae mo le aoaoina faaleagaga i le olaga atoa ma le tuputupu ae faaletagata lava ia e ala i le suesueina o aoaoga a Iesu Keriso.
Toe Faaleleia Mai Mea ua Fai ma Vaisu
Auai i se fonotaga a vaega lagolago e tuufaatasi ai laasaga mo le toe faaleleia ua faamaonia faatasi ma le faatuatua i le Atua.
Tupe Patino
Aoao e fatu ma mulimuli i se paketi, aveese aitalafu, ma teu faafaigaluega ma le poto.
Amataina ma le Faaolaina o La’u Pisinisi
Aoao e ausia manaoga o tagata faatau, fatu ni auala mo le maketiina, ma taulima au faamaumauga.
Saili se Galuega Sili Atu
Aoao ia mafai ona atagiagofie lou tulaga lelei i pule o galuega, atiae ni tomai i le sailiga o galuega, upega tafailagi ma saunia mo faatalanoaga.
A’oga mo se Galuega Sili Atu
Aoao e sailiili, fatufatu, ma faailoa atu fuafuaga mo aoaoga ma matata.
Fesoasoani o le Olaga
O punaoa mo luitau o le olaga e pei o sauaga mataga, vaetamaga, maliu, manaoga faapitoa, faalematua, ponokalafi, pule i le ola, ma isi mea.
JustServe
Saili avanoa i le lotoifale e volenitia ai e tutusa ma mea e te fiafia i ai ma tomai.
Faitotoa Aloaia o Ala o Faasalalauga Faa-agafesootai a le Ekalesia
O le isi punaoa e mafai ona e faasoa atu o alaata o faasalalauga faaagafesootai a le Ekalesia. A e mulimuli ai, e mafai ona e maua ma faasoa faigofie atu le savali o le faamoemoe, toafilemu, malosi, ma le alofa i le aiga ma uo. O le Ekalesia e i ai se lisi o “Faitotoa Aloaia o Ala o Faasalalauga Faa-agafesootai mo Taitai ma Vaega a le Ekalesia.” O mataupu e tuu i luga mai nei faitotoa e mafai ona musuia ai tagata e faalatalata atu ia Iesu Keriso ma faateleina lo latou manao e ulufale i totonu o se sootaga faalefaafeagaiga ma Ia.
Auala e Faasoa Atu ai e ala i Ala o Faasalalauga Faa-agafesootai
A e faasoa atu faamatalaga e uiga i le Ekalesia e ala i au faitotoa o le ala o faasalalauga faa-agafesootai.
-
Mafaufau e tuu i luga malamalamaga loloto e te maua mai le auai i le lotu, tatalo mo le taitaiga, po o le faitauina o tusitusiga paia i luga o lau faitotoa patino o ala o faasalalauga faa-agafesootai.
-
Faaali le lotofaafetai mo faamanuiaga a le Atua ma mo le mana faamalolo a Iesu Keriso.
-
Faasoa atu se tusiga mai se faitotoa a le Ekalesia. Tuu se manatu patino ma se valaaulia, pe mafaufau e fai atu se fesili tatala e uiga i le faatuatua.
-
Faasoa pe tuu i luga se mea ua e aoaina i se vasega o le faalagolago o le tagata ia te ia lava, vasega inisitituti, po o le vasega EnglishConnect, ma valaaulia au uo tou te o mai.