Pagpakigbahin sa mga Kalihokan sa Ward

Buhata nga ang inyong mga kalihokan sa ward makapaikag ug maabi-abihon ngadto sa tanang mga tawo. Dayon dapita ang inyong mga silingan ug mga higala sa pag-apil. Ang pagdapit sa mga higala mahimong yano. Daghang mga higala ang gusto nga moapil sa atong mga kalihokan, busa ayaw kahadlok sa pagdapit kanila, ug ayaw kabalaka kon adunay dili modawat sa inyong tanyag. Kadaghanan magmapasalamaton sila nga inyong gihunahuna, ug ang uban tingali gusto nga moapil sa laing kalihokan.

Kon moapil kamo og mga kalihokan sa ward, pangita sa mga tawo nga wala ninyo mailhi. Sulti og hello. Abi-abiha sila. Paggahin og panahon sa pag-ilaila kanila. Seguroha nga nahibalo sila kon unsa ang mahitabo ug unsaon nga makaapil sa labing maayo diha sa kalihokan. Si Elder Gerrit W. Gong mitudlo: “Ang mga kalihokan nga sosyal ug serbisyo sa ward makatabang sa pag-ugmad og bag-o ug malungtarong mga kasuod sa ebanghelyo. … Sa daghang mga dapit sa Simbahan, ang pipila ka dugang nga mga kalihokan sa ward. … mobugkos kanato pinaagi sa mas dakong pagbati sa pagkasakop ug panaghiusa. … Ang makalingaw nga mga kalihokan makadapit usab sa mga silingan ug mga higala. Ang pakigdait ug serbisyo sa kasagaran magkauban” (“Ang Gugma Gipamulong Dinhi,” Liahona, Nob. 2023, 112).

Ang pagpakigbahin sa atong mga kalihokan sa ward usa ka maayong paagi sa paghigugma, pagpakigbahin, ug pagdapit sa normal ug natural nga mga paagi ug nagtabang kanato nga mobati sa Espiritu ug sa kamaya sa pagpakigbahin sa ebanghelyo.

Sampol nga website sa ward: