Gaoioiga a Uarota Tuufaatasi
Fai gaoioiga a lau uarota ia manaia ma talia ai tagata uma. Ona valaaulia lea o ou tuaoi ma uo e auai. O le valaaulia o uo e mafai ona faigofie. E toatele uo e fia auai i a outou gaoioiga, aua laia le fefe e valaaulia i latou, ma aua le popole pe afai e le talia e se tasi lau ofo. O le toatele lava o le a faafetai mo lou manatu atu ia i latou, ae o isi atonu e mananao e auai i se isi gaoioiga.
A e auai atu i gaoioiga a le uarota, vaavaai mo tagata e te le iloa. Fai atu, Talofa. Talia lelei i latou. Faalu se taimi e faamasani ai ia i latou. Ia mautinoa o latou iloa le mea o loo tupu, ma le auala sili ona lelei e auai ai i le gaoioiga. Na aoao mai Elder Gerrit W. Gong: “O gaoioiga faaagafesootai ma auaunaga a uarota e mafai ona fausia ni sootaga fou ma tumau o le talalelei. … I le tele o nofoaga i le Ekalesia, o nai nisi gaoioiga … e mafai ona fusia faatasi ai i tatou ma se auai ma le lotogatasi. … O gaoioiga fiafia o le talalelei e valaaulia ai foi tuaoi ma uo. O agafesootai ma auaunaga e masani ona o faatasi “O Loo Tautalagia Iinei le Alofa,” Liahona, Nov. 2023, 112).
O le faasoa atu o gaoioiga a le tatou uarota, o se auala maoae lea e alofa, faasoa, ma valaaulia ai i auala masani ma faalenatura, ma fesoasoai tatou te lagona ai le Agaga ma le olioli o le faasoaina atu o le talalelei.
Faataitaiga o le uepisaite a le uarota: