រៀន
យើងគឺជាចំណែកនៃ « ឃ្លាំងរបស់ព្រះអម្ចាស់ »
-
ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។
-
អនុវត្ត ៖សូមបង្កើតក្រុមដែលមួយក្រុមៗមានគ្នាបីនាក់ ។ សូមប្ដូរកៅអីរបស់អ្នក ហើយដាក់ឲ្យអង្គុយទល់មុខគ្នា ។
-
ម្នាក់ក្នុងចំណោមអ្នក គួរតែប្រាប់ម្នាក់ទៀតអំពីការសម្រេចជោគជ័យមួយ ។ អ្នកអាចនិយាយថា « ខ្ញុំបានទទួលរង្វាន់ ‹ សេវាកម្មល្អបំផុត › នៅកន្លែងធ្វើការ » ឬ « ខ្ញុំបានបម្រើបេសកកម្មមួយ » ( ឬនៅក្នុងការហៅបម្រើក្នុងសាសនាចក្រផ្សេងទៀត ) ឬ « ខ្ញុំជាម្ដាយគេ » ។
-
ឥឡូវ មនុស្សពីរនាក់ទៀត គួរតែប្រាប់អ្នកនូវជំនាញ និងសមត្ថភាពដែលត្រូវតែមាន ដើម្បីសម្រេចនូវជោគជ័យនោះ ឲ្យលឿនបំផុតតាមដែលពួកគេអាចធ្វើបាន ។ ពួកគេគួរចំណាយពេលមួយនាទី ។ បើអ្នកនិយាយថា « ខ្ញុំបានបម្រើបេសកកម្ម » នោះអ្នកដទៃអាចនិយាយយ៉ាងលឿនថា « នោះអ្នកគឺជាសិស្សក្លាហាន សិស្សល្អ មនុស្សឧស្សាហ៍ ជាអ្នកដឹកនាំ អ្នកធ្វើការសង្គម ជាអ្នកចេះដាក់គោលដៅ ធ្វើល្អនឹងមនុស្សដទៃ ជាគ្រូបង្រៀន ជាអ្នកដាក់ផែនការល្អ ហើយអាចធ្វើការងារលំបាកៗបាន » ។
-
សូមធ្វើដដែលៗនេះជាមួយមនុស្សគ្រប់គ្នា ។
-
-
ពិភាក្សា ៖តើអ្នកមានអារម្មណ៍យ៉ាងណា ពេលអ្នកដទៃនិយាយអំពីទេពកោសល្យ និងជំនាញរបស់អ្នក ?
-
អាន ៖គ្រប់ជំនាញ និងសមត្ថភាពទាំងអស់ ដែលយើងម្នាក់ៗមាន គឺជាចំណែកនៃឃ្លាំងរបស់ព្រះអម្ចាស់ ។
-
ពិភាក្សា ៖សូមអានបទគម្ពីរនៅខាងស្តាំដៃ ។ តើក្រុមរបស់យើងអាចធ្វើការរួមគ្នា ហើយ « ស្វែងរកចំណាប់អារម្មណ៍ » របស់សមាជិកក្រុមផ្សេងទៀតបានដែរឬទេ ?
-
អនុវត្ត ៖សូមធ្វើសកម្មភាពដំបូងបង្អស់របស់យើងជាក្រុម ។ សូមចំណាយពេលប្រាំនាទី ហើយសម្រេចចិត្តដាក់ឈ្មោះក្រុមរបស់យើង ។
សរសេរឈ្មោះក្រុមដូចខាងក្រោម ៖
តើយើងនឹងធ្វើអ្វីខ្លះនៅក្នុងក្រុមនេះ ?
-
អាន ៖យើងនឹងធ្វើការរួមគ្នាជាក្រុមមួយ ដើម្បីជួយគ្នាទៅវិញទៅមកចាប់ផ្ដើម និងពង្រីកអាជីវកម្មរបស់យើង ។ យើងក៏មានគោលដៅកាន់តែធំផងដែរ--ដើម្បីក្លាយជាមនុស្សមានភាពខ្លួនទីពឹងខ្លួន ដូច្នេះយើងអាចបម្រើអ្នកដទៃបានកាន់តែល្អប្រសើរ ។ នៅពេលយើងអាចមើលថែខ្លួនយើង នោះយើងអាចជួយអ្នកដទៃបានល្អប្រសើរជាង ។
-
មើល ៖សូមមើលរឿងដ៏ជោគជ័យនេះ « សាំយ៉ូអែល ៖ ជួសជុលកុំព្យូទ័រ » ។ ( បើអ្នកពុំមានវីដេអូទេ សូមបន្ដអានដូចខាងក្រោម ) ។
-
អនុវត្ត ៖នៅ១២សប្ដាហ៍ក្រោយ អ្នកនឹងឆ្លើយសំណួរអាជីវកម្មដូចខាងក្រោមនេះ ។ សូមអានសំណួរអាជីវកម្មរួមគ្នា ដែលនឹងជាចម្លើយនៅក្នុងក្រុមភាពខ្លួនទីពឹងខ្លួននេះ ។
សប្ដាហ៍
របៀបដើម្បីចាប់ផ្ដើមអាជីវកម្មរបស់ខ្ញុំ
សប្ដាហ៍
របៀបដើម្បីពង្រីកអាជីវកម្មរបស់ខ្ញុំ
១
តើខ្ញុំចាប់ផ្ដើម ឬធ្វើឲ្យអាជីវកម្មរបស់ខ្ញុំកាន់តែប្រសើរឡើងយ៉ាងដូចម្ដេច ?
៧
តើខ្ញុំនឹងពង្រីកអាជីវកម្មរបស់ខ្ញុំយ៉ាងដូចម្ដេច ?
២
តើមនុស្សចង់ទិញអ្វីខ្លះ ?
៨
តើខ្ញុំគួរតែមានប្រាក់ប៉ុន្មានដើម្បីវិនិយោគពង្រីកអាជីវកម្មរបស់ខ្ញុំ ?
៣
តើខ្ញុំទិញផលិតផលរបស់ខ្ញុំ ហើយកំណត់ថ្លៃលក់ផលិតផលយ៉ាងដូចម្ដេច ?
៩
តើខ្ញុំដឹងថា ខ្ញុំគួរប្រើប្រាក់កម្ចីដើម្បីពង្រីកអាជីវកម្មរបស់ខ្ញុំយ៉ាងដូចម្ដេច ?
៤
តើខ្ញុំដឹងថាអាជីវកម្មរបស់ខ្ញុំកំពុងទទួលបានប្រាក់ចំណេញយ៉ាងដូចម្ដេច ?
១០
តើខ្ញុំនឹងទាក់ទាញអតិថិជនឲ្យកាន់តែច្រើន ហើយបញ្ចប់ការលក់ដូចម្ដេច ?
៥
តើខ្ញុំញែកប្រាក់អាជីវកម្មចេញពីប្រាក់គ្រួសាររបស់ខ្ញុំយ៉ាងដូចម្ដេច ?
១១
តើខ្ញុំនឹងបង្កើនប្រាក់ចំណេញរបស់ខ្ញុំយ៉ាងដូចម្ដេច ?
៦
តើអាជីវកម្មខ្ញុំកំពុងតែរីកចម្រើនយ៉ាងដូចម្ដេច ?
១២
តើខ្ញុំបន្ដកែលម្អអាជីវកម្មរបស់ខ្ញុំយ៉ាងដូចម្ដេច ?
-
អាន ៖រាល់សប្ដាហ៍ យើងអាចធ្វើការតាំងចិត្ត ធ្វើសកម្មភាព ចូលរួមក្នុងការប្រជុំរបស់យើងទាន់ពេល ហើយរាយការណ៍ទៅកាន់ក្រុម ។ នៅពេលយើងធ្វើការជាក្រុម នោះយើងនឹងទទួលជោគជ័យជាមួយគ្នា ! នេះគឺជាសំណួរ និងសកម្មភាពសម្រាប់សប្ដាហ៍នេះ ។
-
អាន ៖សំណួរប្រចាំសប្ដាហ៍—តើខ្ញុំគួរផ្ដោតកិច្ចខិតខំរបស់ខ្ញុំដើម្បីចាប់ផ្ដើម ឬពង្រីកអាជីវកម្មរបស់ខ្ញុំពីត្រង់ណាទៅ ?
សកម្មភាពប្រចាំសប្ដាហ៍--ប្រើផែនទីអាជីវកម្មជោគជ័យប្រចាំថ្ងៃ ដើម្បីរៀនពីទីតាំងហើយផ្ដោតការខិតខំរបស់ខ្ញុំ ដើម្បីចាប់ផ្ដើម និងពង្រីកអាជីវកម្មរបស់ខ្ញុំ ។
ពេលនៅសល់ទាំងប៉ុន្មានពីការប្រជុំនេះ នឹងជួយយើងឆ្លើយសំណួរនេះ ហើយធ្វើសកម្មភាពនេះ ។
តើខ្ញុំអាចគ្រប់គ្រងហិរញ្ញវត្ថុរបស់ខ្ញុំដោយឈ្លាសវៃយ៉ាងដូចម្ដេច ?
-
អាន ៖ការមានភាពខ្លួនទីពឹងខ្លួន រួមមាន ការចំណាយតិចជាងចំណូល និងការមានប្រាក់សន្សំទុក ។ ការសន្សំប្រាក់ទុក អាចជួយយើងបំពេញនូវការចំណាយដែលពុំរំពឹងទុក ឬជួយយើងផ្គត់ផ្គង់សម្រាប់ខ្លួនយើង និងក្រុមគ្រួសារយើង ពេលចំណូលរបស់យើងទាបជាងការដែលយើងរំពឹងទុក ។ ជាចំណែកមួយនៃក្រុមនេះ យើងតាំងចិត្តដើម្បីសន្សំប្រាក់ទុករាល់សប្ដាហ៍ ទោះជាមួយកាក់ឬពីរកាក់ក្ដី ។
-
ពិភាក្សា ៖នៅតំបន់ខ្លះ វាជាគំនិតល្អមួយដើម្បីសន្សំប្រាក់នៅក្នុងធនាគារ ។ នៅតំបន់ផ្សេងទៀត វាពុំមែនជាគំនិតល្អទេ ដូចជាពេលដែលប្រទេសមានអតិផរណាខ្ពស់ ឬពេលធនាគារពុំមានស្ថេរភាព ។ តើមានលក្ខខណ្ឌល្អដើម្បីសន្សំប្រាក់ក្នុងធនាគារនៅតំបន់របស់អ្នកឬទេ ? តើធនាគារណាមួយ ដែលផ្ដល់អត្រាការប្រាក់សម្រាប់ការសន្សំខ្ពស់បំផុតនោះ ?
-
អាន ៖ផ្នែកមួយទៀតនៃការមានភាពខ្លួនទីពឹងខ្លួន គឺការពុំជំពាក់បំណុលផ្ទាល់ខ្លួន ។ ប្រាក់កម្ចីផ្ទាល់ខ្លួនគឺត្រូវបានចំណាយច្រើនជាងដែលយើងអាចបង់ ។ ពួកព្យាការីបានប្រឹក្សាយើងឲ្យចៀសវាងពីបំណុលផ្ទាល់ខ្លួន ហើយពេលយើងក្លាយជាមានភាពខ្លួនទីពឹងខ្លួនកាន់តែខ្លាំង នោះយើងនឹងកាត់បន្ថយ ឬលុបបំបាត់បំណុលផ្ទាល់ខ្លួនបាន ។ ទោះជាយ៉ាងណា បំណុលអាជីវកម្ម អាចជាការឈ្លាសវៃក្នុងករណីមួយចំនួន ។ ជាចំណែកនៃក្រុមនេះ យើងនឹងរៀនអំពីរបៀបដើម្បីដឹងថា ពេលណាដែលប្រាក់កម្ចីមួយ អាចជួយយើងពង្រីកអាជីវកម្មរបស់យើងបាននោះ ។
ជាញឹកញាប់ ភាពអាសន្នខាងការឈឺថ្កាត់ បណ្ដាលឲ្យមានការចំណាយហិរញ្ញវត្ថុដ៏ច្រើន ។ ការធានារ៉ាប់រង និងកម្មវិធីថែទាំសុខភាពរបស់រដ្ឋាភិបាល ជាញឹកញាប់ អាចជួយការពារទប់ទល់នឹងការចំណាយទាំងនេះ ។ សូមចុះឈ្មោះទិញកម្មវិធីធានារ៉ាប់រង ឬកម្មវិធីថែទាំសុខភាពរបស់រដ្ឋាភិបាល ដែលអាចជាផ្នែកមួយសំខាន់នៃផ្លូវរបស់យើងដើម្បីមានភាពខ្លួនទីពឹងខ្លួន ។
-
ពិភាក្សា ៖ការធានារ៉ាប់រងមួយចំនួន ( ដូចជាការធានារ៉ាប់រងខាងសុខភាព និងការធានារ៉ាប់រងអាយុជីវិត ) គឺងាយរកបាន និងមានប្រយោជន៍ជាងប្រភេទធានារ៉ាប់រងដទៃទៀត ។ អ្នកផ្ដល់សេវាការធានារ៉ាប់រងមួយចំនួនល្អ ហើយមួយចំនួនទៀតពុំស្មោះត្រង់ទេ ។ តើជម្រើសនៃការធានារ៉ាប់រងល្អបំផុតក្នុងតំបន់អ្នកមានអ្វីខ្លះ ?
តើខ្ញុំនឹងក្លាយជាម្ចាស់អាជីវកម្មដ៏ជោគជ័យម្នាក់យ៉ាងដូចម្ដេច ?
-
អនុវត្ត ៖ផែនទីអាជីវកម្មជោគជ័យ មានរៀបរាប់នូវអ្វីៗដែលម្ចាស់អាជីវកម្មដ៏ជោគជ័យធ្វើ ។ សូមជួបជាមួយដៃគូ ។ សូមបើកទៅ ផែនទីអាជីវកម្មជោគជ័យ នៅទំព័រចុងក្រោយនៃសៀវភៅលំហាត់នេះ ។
សូមប្តូរវេនគ្នាអានអំពីរបៀបដែលម្ចាស់អាជីវកម្មដ៏ជោគជ័យរកចម្លើយចំពោះសំណួរ « តើមនុស្សចង់ទិញអ្វីខ្លះ ?
-
ពិភាក្សា ៖តើផែនទីអាជីវកម្មជោគជ័យអាចជួយអ្នកក្លាយជាម្ចាស់អាជីវកម្មដ៏ជោគជ័យម្នាក់យ៉ាងដូចម្ដេច ?
-
អាន ៖
នៅក្នុងសៀវភៅលំហាត់នេះ នៅពេលយើងឃើញរូបនេះ យើងដឹងថាគោលការណ៍នេះ គឺនៅលើផែនទីអាជីវកម្មជោគជ័យ ។
ផែនទីអាជីវកម្មជោគជ័យ គឺពុំគ្រាន់តែសម្រាប់ការប្រជុំរបស់យើងនោះទេ ។ យើងប្រើវាជាទៀងទាត់អំឡុងសប្ដាហ៍ ។ ពេលណាយើងជួបបញ្ហា ឬឱកាសមួយ នោះយើងមើលទៅផែនទីអាជីវកម្មជោគជ័យដើម្បីមើលនូវអ្វីដែលម្ចាស់អាជីវកម្មដ៏ជោគជ័យនឹងធ្វើ ។
តើខ្ញុំនឹងកែលម្អអាជីវកម្មរបស់ខ្ញុំយ៉ាងដូចម្ដេច ?
-
អាន ៖ម្ចាស់អាជីវកម្មដ៏ជោគជ័យ អាចពិពណ៌នាយ៉ាងច្បាស់អំពីអាជីវកម្មរបស់ពួកគេ ។ ការណ៍នេះជួយពួកគេផ្ដោតទៅលើអ្វីដែលបង្កើតលុយ និងអ្វីដែលពុំបង្កើតលុយ ។ វាក៏ជួយពួកគេផងដែរ ដើម្បីទទួលជំនួយពីអ្នកដទៃ ដូចជាពីម្ចាស់អាជីវកម្មដទៃទៀត ឬពីអ្នកផ្តល់ប្រាក់កម្ចី ។ ម្ចាស់អាជីវកម្មដ៏ជោគជ័យ កត់ត្រាតាមដានការរីកចម្រើននៃអាជីវកម្មរបស់ខ្លួន ។
សប្ដាហ៍នេះ សូមយកសៀវភៅកត់ចំណាំទទេមួយមកសម្រាប់អាជីវកម្មរបស់អ្នក ។ អ្នកនឹងប្រើសៀវភៅកំណត់ចំណាំនេះ ដើម្បីសរសេរពីគំនិត និងយោបល់នានាសម្រាប់អាជីវកម្មរបស់អ្នក ហើយរក្សាកំណត់ត្រានានានៃដំណើរការអាជីវកម្មរបស់អ្នក ។ យើងនឹងប្រើសៀវភៅកំណត់ចំណាំអាជីវកម្មរបស់យើងនៅក្នុងការប្រជុំយើង និងអំឡុងសប្ដាហ៍ ។
នៅក្នុងសៀវភៅលំហាត់នេះ នៅពេលយើងឃើញរូបនេះ យើងដឹងថាគោលការណ៍នេះ គឺនៅលើផែនទីអាជីវកម្មជោគជ័យ ។
តើខ្ញុំសង្កេតមើលអាជីវកម្មមួយ ហើយគិតអំពីអាជីវកម្មជោគជ័យយ៉ាងដូចម្ដេច ?
-
អាន ៖ជាផ្នែកនៃការតាំងចិត្តសកម្មភាពសម្រាប់សប្ដាហ៍នេះ យើងនឹងរៀនប្រើផែនទីអាជីវកម្មជោគជ័យ ដើម្បីសង្កេតមើលអាជីវកម្ម និងមើលថាតើវាធ្វើតាមគោលការណ៍សម្រាប់ភាពជោគជ័យឬទេ ។
-
អនុវត្ត ៖សូមបង្កើតក្រុមដែលមានគ្នាបីនាក់ ។ សូមប្ដូរកៅអីរបស់អ្នក ហើយដាក់ឲ្យអង្គុយទល់មុខគ្នា ។ ការប្រើផែនទីអាជីវកម្មជោគជ័យ សូមធ្វើតាមការណែនាំទាំងនេះ ៖
-
ប្រាប់អំពីអាជីវកម្មក្នុងមូលដ្ឋានមួយ ដែលអ្នកទាំងអស់គ្នាស្គាល់អ្វីមួយអំពីវា ។ បន្ទាប់មក ឲ្យមនុស្សម្នាក់សួរសំណួរចេញមកពីផែនទីនោះ ។ ឧទាហរណ៍ « នៅហាងសង្ហារិម តើម្ចាស់អាជីវកម្ម មើលទៅស្គាល់នូវអ្វីដែលអតិថិជនចង់ទិញដែរឬទេ ? ឬ « តើគាត់មើលទៅដឹងពីរបៀបលក់ដែរឬទេ ? »
-
អ្នកផ្សេងទៀត ចំណាយពេលមួយ ឬពីរនាទី ឆ្លើយសំណួរផ្ដោតទៅលើចំណេះដឹងអំពីអាជីវកម្មរបស់ពួកគេ និងគោលការណ៍ចេញមកពីផែនទី ។ ឧទាហរណ៍ « បាទ/ចា៎ស ម្ចាស់អាជីវកម្មដឹងពីអ្វីដែលមនុស្សឲ្យតម្លៃ » ។ ឬ « ទេ ម្ចាស់អាជីវកម្មពុំដឹងរបៀបបញ្ចប់ការលក់ទេ » ។
-
សូមធ្វើដូចនេះបីទៅបួនដង ។
-
ឥឡូវ និយាយអំពីអាជីវកម្មផ្ទាល់ខ្លួនរបស់អ្នកវិញ ។ តើអ្នកធ្វើនូវអ្វីដែលម្ចាស់អាជីវកម្មដ៏ជោគជ័យធ្វើដែរឬទេ ?
-
-
អនុវត្ត ៖ជាមួយដៃគូ សូមបើកទៅ ទំព័រ ១៣–១៤ ។ សូមអាន ហើយពិភាក្សាពីរបៀបដែលអ្នកនឹងសង្កេតមើលអាជីវកម្មសប្ដាហ៍នេះ ។
ហេតុអ្វីព្រះអម្ចាស់ចង់ឲ្យយើងមានភាពខ្លួនទីពឹងខ្លួន ?
-
ពិភាក្សា ៖ហេតុអ្វីព្រះអម្ចាស់ចង់ឲ្យយើងមានភាពខ្លួនទីពឹងខ្លួន ?
-
អាន ៖សូមអានការដកស្រង់នៅខាងស្តាំដៃ ។
-
ពិភាក្សា ៖តើកិច្ចខិតខំរបស់យើងដើម្បីចាប់ផ្ដើម ឬពង្រីកអាជីវកម្មមួយ ក្លាយជា « គោលបំណងបរិសុទ្ធ » មួយ ដូចដែលអែលឌើរ គ្រីស្ដូហ្វឺសុន បានមានប្រសាសន៍យ៉ាងដូចម្ដេច ?
-
អាន ៖ព្រះអម្ចាស់ មានព្រះចេស្ដាដើម្បីជួយយើងឲ្យមានភាពខ្លួនទីពឹងខ្លួន ។ ទ្រង់មានបន្ទូលថា « មើលចុះ យើងជាព្រះ ហើយយើងជាព្រះនៃអព្ភូតហេតុទាំងឡាយ » ( នីហ្វៃទី ២ ២៧:២៣) ។ នៅពេលយើងឧទ្ទិសថ្វាយកិច្ចខិតខំរបស់យើងក្នុងអាជីវកម្ម ដើម្បីគោលបំណងបរិសុទ្ធនៃការក្លាយជាមានភាពខ្លួនទីពឹងខ្លួន នោះព្រះអម្ចាស់នឹងដឹកនាំយើងតាមរយៈការបំផុសគំនិត ។ នៅពេលយើងបង្ហាញពីសេចក្ដីជំនឿរបស់យើងដោយការស្ដាប់ និងការគោរពតាមការបំផុសគំនិត នោះព្រះអម្ចាស់នឹងធ្វើអព្ភូតហេតុទាំងឡាយរបស់ទ្រង់ ហើយសម្រេចកិច្ចខិតខំរបស់យើងជាងយើងធ្វើដោយខ្លួនឯង ។