ធនធាននានា
លក់ លក់ លក់
សូមប្តូរវេនគ្នាអានកថាមួយខាងក្រោម ។
អ្នកអត្ថាធិប្បាយ ៖ តើចាំអំពី ក្វាមី ដែលជាអ្នកលក់ចេកដោតចង្កាក់នោះទេ ? គាត់បានរកឃើញអាជីវកម្មមួយដែលហាក់ដូចជាជោគជ័យណាស់ ។ ហើយគាត់ត្រូវបានគេស្គាល់ថាជាអ្នកលក់ដ៏ពូកែម្នាក់ ។ ដូច្នេះវាគឺត្រូវណាស់ មែនទេ ?
គាត់បានធ្វើជាបង្អែមចេក ហើយបានសម្រេចចិត្តដើម្បីចាប់ផ្ដើមពីព្រលឹម ។ គាត់បានទៅកាច់ជ្រុងមួយជិតផ្ទះគាត់ ហើយខំប្រឹងប្រែងយ៉ាងខ្លាំងបំផុត ។ ប៉ុន្តែគ្មាននរណាទិញឡើយ ។ កាលណាគាត់កាន់តែខំ ទំនិញរបស់គាត់កាន់តែគ្មាននរណាទិញ ។ គាត់ថែមទាំងបានស្រែកដាក់មនុស្សថា ៖
« នេះនែ៎ នេះជាចេកឆ្ងាញ់ណាស់ ! រសជាតិឆ្ងាញ់ ! ជាអ្វីដែលអ្នកចង់បាន ! អញ្ចឹង ខ្ញុំនឹងលក់ពីរគិតថ្លៃតែមួយទេ ! ហេ ។ … »
ប៉ុន្តែមនុស្សនឹងមិនក្រឡេកមើលឡើយ ។ គាត់ខកចិត្តយ៉ាងខ្លាំងក៏បានទៅផ្ទះមុនអាហារថ្ងៃត្រង់ ។ តើមានរឿងអ្វី ?
ក្វាមី បានអង្គុយចុះ ហើយបានគិត ។ គាត់ជាមនុស្សបរាជ័យឬ ? តើវាជាផលិតផលមិនល្អឬ ? តើចុះអ្នកដែលឲ្យយោបល់នេះដល់គាត់—តើអ្នកនោះកុហកគាត់ឬ ? បន្ទាប់មកគាត់បានចាំពីអ្វីដែលម្នាក់នោះបាននិយាយអំពីការស្រាវជ្រាវទីផ្សារជាមួយអតិថិជន— ថាគេចូលចិត្តអ្វី លក់ពេលណា ទីតាំងណា របៀបដែលពួកគេទិញជាមួយមិត្តភក្ដិ—អ្វីដែលសំខាន់បំផុតសម្រាប់ពួកគេ ! ក្វាមី បានចង់លក់ដូច្នោះខ្លាំងណាស់ ដែលគាត់បានភ្លេចអ្វីដែលសំខាន់បំផុត—ដោះស្រាយបញ្ហាឲ្យអតិថិជន !
ដូច្នេះគាត់បានចាប់ផ្ដើមសារជាថ្មី ហើយនេះជាអ្វីដែលគាត់បានធ្វើ ៖
—គាត់បានរង់ចាំដល់ថ្ងៃរសៀល និងល្ងាច ពេលមនុស្សចង់ទទួលទានអ្វីដែលផ្អែមៗ ។
—គាត់បានជ្រើសរើសទីតាំងមួយ ដែលមានមនុស្សជាច្រើនបានចំណាយពេលជាមួយគ្នា ។
—គាត់បានសម្រេចចិត្តចាក់ភ្លេងរីករាយខ្លះៗដើម្បីទាក់ទាញ ថែមទាំងច្រៀងតាមផងដែរ—ដែលជាលក្ខណៈពិសេសមួយ ! យ៉ាងហោចណាស់មនុស្សបានចាប់ផ្ដើមញញឹម ។
—ហើយគាត់បានហុចចេកឲ្យស្រីៗពីរបីដោយឥតគិតថ្លៃដែលអង្គុយនៅជុំវិញមិត្តភក្ដិខ្លួនឲ្យសាកភ្លក់មើល—រួចហើយសួរពួកគេឮៗថាពួកគេចូលចិត្តឬទេ ។ ធ្វើអញ្ចឹងល្អមែន !
នៅពេលការលក់កើនឡើង នោះគាត់បានសម្រេចចិត្តសាកលក់តម្លៃខ្ពស់ជាង—ហើយគ្មាននរណារអ៊ូររទាំនោះទេ ! រួចគាត់បានសាកល្បងបញ្ចុះថ្លៃមួយចំនួន ប៉ុន្ដែនោះកាត់បន្ថយប្រាក់ចំណេញ ហើយពុំបង្កើនការលក់ទេ ដូច្នេះគាត់បានឈប់ ។ ហើយគាត់ក៏បានរៀនរបៀបពិបាកផងដែរ អំពីរយៈពេលប៉ុន្មានដែលទំនិញកករបស់គាត់ នឹងនៅបានយូរក្នុងធុងទឹកក—អតិថិជនមិនចូលចិត្តចេកជោរៗទេ ។
នៅពេលគាត់ទៅផ្ទះវិញយប់នោះ គាត់បានរិះរកគំនិតនានា អំពីបដាថ្មីសម្រាប់« បុរសច្រៀងលក់ចេក » ។ គាត់អាចធ្វើពិធីជប់លៀង ! គាត់អាចធ្វើវាលក់សម្រាប់ពិធីបុណ្យ ! គាត់អាច…មែនហើយគាត់ត្រូវយកវាតាមខ្លួន ។ ប៉ុន្តែតើអ្នកបានឃើញរបៀបដែលគាត់បានរៀនបន្ថែមគុណតម្លៃសម្រាប់អតិថិជនគាត់ឬទេ ?
សូមត្រឡប់ទៅ ទំព័រ ១៤៨វិញ
ការធ្វើទីផ្សារឬ ?
សូមជ្រើសរើសតួ ហើយដើរតួដូចខាងក្រោម ៖
ណាអូមី ៖ ហេ៎ម៉ារៀ ។ ខ្ញុំឈាងចូលលេង ហើយប្រាប់ថា យើងពិតជាចូលចិត្តណាស់ ដែលអាចទិញស៊ុតពីឯង ។ វាងាយស្រួលណាស់ !
ម៉ារៀ ៖ សួស្ដី ណាអូមី ។ ការធ្វើឲ្យអតិថិជនខ្ញុំរីករាយ គឺជារឿងសំខាន់ចំពោះខ្ញុំ ។
ណាអូមី ៖ អាជីវកម្មយ៉ាងម៉េចហើយ ?
ម៉ារៀ ៖ ខ្ញុំគិតថាល្អ ។ ខ្ញុំបាននិយាយជាមួយអតិថិជន—ហើយនិយាយទៅម្ចាស់អាជីវកម្មដទៃទៀតមួយចំនួនដែរ ។ ហើយខ្ញុំបានរៀនច្រើន ។ តាមពិត ខ្ញុំបានដឹងថា ខ្ញុំអាចលក់ទឹកដោះគោជាមួយនឹងស៊ុត ។
ណាអូមី ៖ តើនោះដំណើរការយ៉ាងម៉េចដែរ ?
ម៉ារៀ ៖ មែនហើយ ល្អ ។ ប៉ុន្តែខ្ញុំពុំអាចមានមនុស្សគ្រប់គ្រាន់មកទិញ ។ អ្នកចង់ចាប់ផ្ដើមការលក់សម្រាប់ខ្ញុំឬទេ ?
ណាអូមី ៖ ខ្ញុំអត់ទិញទេ ! អាជីវកម្មរបស់យើង កំពុងរីកចម្រើន ហើយយើងពិតជារវល់ណាស់ ។ ខ្ញុំមានមិត្តភក្ដិម្នាក់ ដែលបានជួយយើងជាមួយនឹងគំនិតអាជីវកម្មមួយចំនួន និងការលក់បានកើនស្ទើរគុណនឹងពីរ !
ម៉ារៀ ៖ ទីផ្សារ ?
ណាអូមី ៖ មែនហើយ ។ យើងបានចាប់ផ្ដើមគិតច្រើនអំពីអតិថិជនរបស់យើង ហើយនឹងរបៀបដើម្បីរកមនុស្សឲ្យច្រើនដូចពួកគេ ។ បន្ទាប់មកយើងបានសាកល្បងគំនិតមួយចំនួន ហើយយើងរកឃើញគំនិតបីដែលដំណើរការយ៉ាងល្អ ។ យើងគ្រាន់តែបន្តព្យាយាម និង សាកល្បង ។
ម៉ារៀ ៖ ខ្ញុំបានសាកល្បងរបៀបមួយ ។
ណាអូមី ៖ របៀបអ្វីទៅ ?
ម៉ារៀ ៖ មានមនុស្សម្នាក់ចូលមក ហើយឲ្យខ្ញុំទិញកាតអាជីវកម្ម ។
ណាអូមី ៖ តើវាជួយឬទេ ?
ម៉ារៀ ៖ ពុំមែនសម្រាប់ខ្ញុំទេ តែវាដំណើរការល្អសម្រាប់បុរសដែលលក់កាត !
ណាអូមី ៖ សូមស្ដាប់ ខ្ញុំអាចជួយអ្នកឲ្យអនុវត្តនូវគំនិតទីផ្សារខ្លះៗ បើអ្នកចង់ … ហើយខ្ញុំនឹងមិនលក់អ្វីដល់អ្នកឡើយ ។
ម៉ារៀ ៖ មែនហើយ នោះស្ដាប់ទៅល្អណាស់ !
សូមត្រឡប់ទៅ ទំព័រ ១៥២វិញ
សូមជួយទិញអ្វីមួយ !
សូមជ្រើសរើសតួ ហើយដើរតួដូចខាងក្រោម ៖
អ្នកអត្ថាធិប្បាយ ៖ អតិថិជនដើរមកហាងរបស់ម៉ារៀ ។
ម៉ារៀ ៖ [ ក្នុងគំនិតនាង ] ទីបំផុត មានអតិថិជនម្នាក់មកទីនេះហើយ ។ សូមជួយទិញអ្វីមួយ! សូមទិញ ។
សាំយូអែល ៖ [ ក្នុងគំនិតគាត់ ] ស្ត្រីនោះ ច្បាស់ជាសំឡឹងដាក់ខ្ញុំហើយ ។ តើខ្ញុំអាចចូលទិញ ដោយគ្មានមើលដោយល្អិតល្អន់បានទេ ?
ម៉ារៀ ៖ [ ក្នុងគំនិតនាង ] សូមទិញស៊ុតខ្លះទៅ ! ខ្ញុំត្រូវការប្រាក់ខ្លះ ។
សាំយូអែល ៖ [ ក្នុងគំនិតគាត់ ] នេះជារឿងចម្លែក ។ ខ្ញុំត្រូវទៅហើយ ។
ម៉ារៀ ៖ [ ក្នុងគំនិតនាង ] ម៉េចហ្នឹង ? ទេ ! ខ្ញុំអាចរកបានប្រាក់ចូលយ៉ាងច្រើនមកពីទំនិញនោះ ។
[ នាងបានស្រែកឮៗថា ] តើលោកចង់ទិញអ្វីទេ ?
សាំយូអែល ៖ ទេ អរគុណហើយ ។
អ្នកអត្ថាធិប្បាយ ៖ អតិថិជនម្នាក់ទៀតដើរមកហាងរបស់ម៉ារៀ ។
លូសៀ ៖ [ ក្នុងគំនិតនាង ] កន្លែងនេះមានអ្វីដែលខ្ញុំត្រូវការ ។ ខ្ញុំគួរចូលមើលសិន ។
ម៉ារៀ ៖ [ ក្នុងគំនិតនាង ] ល្អណាស់ អតិថិជនមួយទៀតហើយ ។ នាងមើលទៅដូចជាមានលុយ ។ សូមជួយទិញអ្វីមួយទៅ !
[ នាងបានស្រែកឮៗថា ] តើអ្នកចង់ទិញអ្វី ?
លូសៀ ៖ ខ្ញុំគ្រាន់តែដើរមើលទេ ។
ម៉ារៀ ៖ អ្នកត្រូវការស៊ុតខ្លះទេ ? ស៊ុតទាំងនេះ បានមកពីមាន់ដែលល្អបំផុត … ហើយខ្ញុំក៏មានទឹកដោះគោស្រស់ៗផងដែរ ។
[ ក្នុងគំនិតនាង ] នាងអាចទិញបាន ។ ប្រហែលជានាងនឹងទិញទាំងអស់ ។
លូសៀ ៖ ពុំមែនជាអ្វីដែលខ្ញុំរកទិញទេ ។
ម៉ារៀ ៖ ខ្ញុំមានទឹកដោះគោច្រើនទៀត ។
លូសៀ ៖ ទេ អរគុណហើយ ។
ម៉ារៀ ៖ អ្នកគួរតែទិញវាទៅ ។ វាស្រស់ ហើយមានអនាម័យ និងល្អបំផុតនៅក្នុង…
លូសៀ ៖ អត់ទេ ។ អរគុណ ខ្ញុំទៅវិញហើយ ។
សូមត្រឡប់ទៅ ទំព័រ ១៥៤ វិញ
សួរ ស្ដាប់ ផ្ដល់យោបល់
សូមជ្រើសរើសតួ ហើយដើរតួដូចខាងក្រោម ៖
ម៉ារៀ ៖ សួស្ដី ខ្ញុំឈ្មោះម៉ារៀ ! តើអ្នកឈ្មោះអ្វីដែរ ?
សៀលវីយ៉ា ៖ ខ្ញុំឈ្មោះ សៀលវីយ៉ា ។
ម៉ារៀ ៖ តើអ្នកលក់នៅទៅនេះឬ ? យើងមានលក់ថែម បើអ្នកទិញស៊ុតប្រាំគ្រាប់ នោះថែមឲ្យមួយគ្រាប់ទៀត !
សៀលវីយ៉ា ៖ ចា៎ស សូមអរគុណ ។
ម៉ារៀ ៖ តើអ្នកបានឭការលក់នេះតាមរបៀបណា ?
សៀលវីយ៉ា ៖ មិត្តខ្ញុំបានប្រាប់ខ្ញុំអំពីវា ។ នាងនិយាយថា អ្នកលក់ថែមស៊ុត និងទឹកដោះគោកាលពីម្សិលមិញនេះ ។ ហើយនាងបាននិយាយថាវាស្រស់ៗទៀត ។
ម៉ារៀ ៖ ល្អណាស់ ។ ខ្ញុំរីករាយដែលនាងចូលចិត្តវា ។ ផលិតផលរបស់យើង គឺតែងតែស្រស់ៗ ហើយឆ្ងាញ់ៗ ។ មែនហើយ តើអ្នកត្រូវការស៊ុតប៉ុន្មានគ្រាប់ ?
សៀលវីយ៉ា ៖ ខ្ញុំត្រូវការ…អើ…ប្រហែលប្រាំគ្រាប់ ។
ម៉ារៀ ៖ ល្អ ខ្ញុំនឹងយកវាឲ្យអ្នក ។ …ប៉ុន្តែខ្ញុំបានសម្គាល់ឃើញថាអ្នកស្ទាក់ស្ទើរ ដោយមិនដឹងយកប៉ុន្មានគ្រាប់ ?
សៀលវីយ៉ា ៖ ចា៎ស មែនហើយ ។ គ្រួសារបងប្រុសខ្ញុំផ្លាស់មកនៅជាមួយយើងនៅថ្ងៃស្អែក ។ ខ្ញុំពុំដឹងថា ខ្ញុំនឹងទិញប៉ុន្មានដើម្បីឲ្យគ្រប់គ្នាបរិភោគទេ ។ ប៉ុន្តែគាត់ពុំមានជម្រើសផ្សេងឡើយ ។
ម៉ារៀ ៖ អូ៎ ខ្ញុំយល់ហើយ ។ មែនហើយ អ្នកនឹងមានពរដោយការជួយពួកគេ ។ តើអ្នកធ្វើម្ហូបអ្វី ?
សៀលវីយ៉ា ៖ ខ្ញុំពុំប្រាកដទេ ។ ខ្ញុំកំពុងគិតថា ចង់យកប្រាក់សន្សំទុករបស់យើងទៅទិញសាច់ខ្លះៗដើម្បីចំអិននឹងបរិភោគជាមួយស៊ុតនេះ ។ ខ្ញុំពិតជាត្រូវការលៃលកវាណាស់ ។
ម៉ារៀ ៖ ខ្ញុំយល់ហើយ ។ យើងគ្មានប្រាក់គ្រប់គ្រាន់ដើម្បីទិញសាច់ច្រើនទេ ដូច្នេះខ្ញុំគ្រាន់តែប្រើស៊ុតយើងប៉ុណ្ណោះ ។ ខ្ញុំច្របល់វានឹងបន្លែខ្លះៗ ហើយបន្ថែមទឹកដោះគោខ្លះ ។ ខ្ញុំមានលក់ទឹកដោះគោនៅទីនេះហើយមិត្តខ្ញុំនៅឆ្លងផ្លូវនោះមានបន្លែស្រស់ៗ ។ អ្នកអាចចំអិនបានច្រើនក្នុងតម្លៃទាបតាមរបៀបនេះ ។ តើអ្នកចង់បានស៊ុតបន្ថែម និងទឹកដោះគោខ្លះឬទេ ? វាអស់លុយបន្តិចទៀតមែន…តែវានៅតែអស់តិចជាងសាច់ !
សៀលវីយ៉ា ៖ ពិតហើយ នោះជាគំនិតល្អណាស់ ។ អរគុណ ! ធ្វើម្ហូបសម្រាប់មនុស្សដប់មួយនាក់ ។ ចា៎ស ខ្ញុំចង់ទិញស៊ុតបន្ថែមពីរបី និងទឹកដោះគោខ្លះទៀត ។
ម៉ារៀ ៖ សម្រាប់មនុស្សដប់មួយនាក់ ទិញប្រាំបីគ្រាប់ទៅល្មមហើយ…ហើយអ្នកនឹងបានមួយគ្រាប់ដោយឥតគិតថ្លៃ !
សៀលវីយ៉ា ៖ អូ៎ ខ្ញុំនឹងអាចមកម្ដងទៀតនៅថ្ងៃស្អែក ។
ម៉ារៀ ៖ អត់អីទេ ។ ខ្ញុំនឹងនៅទីនេះលក់ឲ្យអ្នកគ្រប់ពេល ។ ប៉ុន្តែ អ្នកនឹងពុំទទួលបានស៊ុតដែលថែមនោះទៀតឡើយ ។ តើចង់ឲ្យខ្ញុំដាក់ក្នុងថង់ឲ្យអ្នកឥឡូវនេះឬ ?
សៀលវីយ៉ា ៖ មែនហើយ អ្នកនិយាយត្រូវ ។ វាសមនឹងតម្លៃហើយ ។ សូមអរគុណ ។
សូមត្រឡប់ទៅ ទំព័រ ១៥៤វិញ