រៀន
តើខ្ញុំដឹងថាអាជីវកម្មរបស់ខ្ញុំកំពុងដំណើរការយ៉ាងដូចម្ដេចបាន ?
-
ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។
-
មើល ៖« ខ្ញុំពុំដឹងទេ » ( ពុំមានវីដេអូឬ ? សូមអាន ទំព័រ ៦០ ) ។
-
ពិភាក្សា ៖បើគ្មានកំណត់ត្រា តើអ្នកដឹងថាអាជីវកម្មរបស់អ្នកត្រូវបានទទួលប្រាក់ចំណេញយ៉ាងដូចម្ដេច ? តើអ្នកនឹងដឹងថាអតិថិជនអ្នកបានបង់លុយឲ្យអ្នក យ៉ាងដូម្តេច ? តើអ្នកនឹងដឹងពីការចំណាយសរុបរបស់អ្នកយ៉ាងដូចម្ដេច ?
-
អាន ៖សំណួរប្រចាំសប្ដាហ៍--តើខ្ញុំដឹងថាអាជីវកម្មរបស់ខ្ញុំកំពុងទទួលបានប្រាក់ចំណេញយ៉ាងដូចម្ដេច ?
សកម្មភាពប្រចាំសប្ដាហ៍--ខ្ញុំនឹងកត់តាមដានរាល់ចំណូល និងការចំណាយនៅក្នុងកំណត់ត្រារៀងរាល់ថ្ងៃចាប់ពីពេលនេះទៅ ។
អំឡុងការប្រជុំនេះ យើងនឹងរៀនជំនាញដើម្បីជួយយើងឆ្លើយសំណួរនេះ ហើយអនុវត្តសកម្មភាពទាំងនេះ ។
រូបភាពផែនទីអាជីវកម្មជោគជ័យបន្ទាប់មក អំឡុងសប្ដាហ៍នេះ យើងនឹងកត់តាមដានយ៉ាងជាក់ស្ដែងនូវចំណូល និងចំណាយក្នុងអាជីវកម្មរបស់យើង ដើម្បីមើលថាយើងកំពុងបង្កើតបានប្រាក់ចំណេញឬទេ ។ សូមអានវគ្គប្រាក់ចំណេញនៃផែនទីអាជីវកម្មជោគជ័យ ។
ហេតុអ្វីខ្ញុំគួររក្សាកំណត់ត្រាដែលសរសេរទុកដូច្នេះ ?
-
អនុវត្ត ៖សម្រាប់ការអនុវត្តនេះ សូមកុំសរសេរព័ត៌មានអ្វីសោះឡើយ ។ សូមចំណាយពេលមួយនាទីអានជាមួយដៃគូនៅ ទំព័រ ៦១ អំពីអាជីវកម្មគ្រឿងសង្ហារិមរបស់ដានីយ៉ែល សូមកុំសរសេរព័ត៌មានអ្វីសោះឡើយ ។ រួចត្រឡប់មកទីនេះវិញ ។
-
ពិភាក្សា ៖សូមព្យាយាមឆ្លើយសំណួរទាំងនេះដោយការចងចាំ ៖
-
តើអាជីវកម្មចំណាយប្រាក់ប៉ុន្មានក្នុងសប្ដាហ៍នេះ ?
-
តើអាជីវកម្មទទួលបានប្រាក់ប៉ុន្មានក្នុងសប្ដាហ៍នេះ ?
-
តើអាជីវកម្មទទួលបានប្រាក់ចំណេញ ឬខាតបង់ប៉ុន្មានក្នុងសប្ដាហ៍នេះ ?
តើអ្នកអាចចាំពីចំណូល ចំណាយ និងប្រាក់ចំណេញដោយកុំមើលបានឬទេ ? តើកំណត់ត្រាដែលបានសរសេរទុកសំខាន់យ៉ាងដូចម្ដេច ?
-
-
អនុវត្ត ៖ឥឡូវជាមួយដៃគូសូមត្រឡប់ទៅសេចក្ដីសង្ខេបអំពីអាជីវកម្មគ្រឿងសង្ហារិមរបស់ដានីយ៉ែលនៅ ទំព័រ ៦១ ហើយបន្ថែមប្រាក់ចំណាយ ចំណូល និងប្រាក់ចំណេញ ។ តើវាងាយស្រួលជាងឬ បើម្ចាស់អាជីវកម្មបានប្រើកំណត់ត្រាដើម្បីកត់ត្រាចំនួននោះ ?
តើខ្ញុំបង្កើតទម្លាប់នៃការរក្សាកំណត់ត្រាបានយ៉ាងដូចម្ដេច ?
-
ពិភាក្សា ៖ម្ចាស់អាជីវកម្មជោគជ័យរក្សាកំណត់ត្រាប្រចាំថ្ងៃ ។ តើអ្នកពេញចិត្តនឹងការរក្សាកំណត់ត្រាឬទេ ? តើវាជាទម្លាប់មួយសម្រាប់អ្នកឬ ? តើមានអ្វីខ្លះ ដែលរារាំងអ្នកមិនឲ្យរក្សាកំណត់ត្រា ?
ម្ចាស់អាជីវកម្មជោគជ័យរក្សាកំណត់ត្រាប្រចាំថ្ងៃ ។
ឧបករណ៍សម្រាប់ការរក្សាកំណត់ត្រា ៖
-
សូមថតចម្លងកំណត់ត្រាចំណូល និង ការចំណាយ និងរបាយការណ៍ចំណូលនៅ ទំព័រ ៥៥
-
សៀវភៅបញ្ជីចំណូលចំណាយ
-
សៀវភៅកំណត់ចំណាំនៅចំណុចនៃការលក់
-
-
អាន ៖ពេលខ្លះវាអាចនឹងពិបាកដើម្បីចាប់ផ្ដើមមានទម្លាប់ថ្មី ទោះជាយើងដឹងថា វាសំខាន់ក្ដី ។ នេះគឺជាយុទ្ធសាស្ត្រប្រាំយ៉ាងសម្រាប់ការរក្សាកំណត់ត្រាជោគជ័យ ៖
-
ការចាំពី « មូលហេតុ »-- នោះអ្នកអាចរកបាននូវការលើកទឹកចិត្ត តាមរយៈការគិតអំពីមនុស្សដែលនឹងទទួលប្រយោជន៍មកពីការរក្សាកំណត់ត្រារបស់អ្នក ដូចជា កូនចៅរបស់អ្នកជាដើម ។
-
កែលម្អជំនាញ-- អ្នកអាចនឹងត្រូវការជំនាញថ្មីដើម្បីរក្សាកំណត់ត្រាបានល្អ ។ ការពិភាក្សារបស់យើងថ្ងៃនេះ នឹងជួយអ្នករៀនជំនាញទាំងនេះ ។
-
សូមជ្រើសរើសមិត្តភក្ដិ ពុំមែនអ្នកសមគំនិតទេ-- មិត្តម្នាក់ គឺជាមនុស្សម្នាក់ដែលជួយអ្នកធ្វើរឿងត្រឹមត្រូវ ។ អ្នកសមគំនិត គឺជាមនុស្សម្នាក់ដែលជួយអ្នកធ្វើរឿងខុស ។ សូមសួរមនុស្សជុំវិញអ្នក រួមទាំងស្វាមី ឬភរិយារបស់អ្នក ដើម្បីជួយអ្នកបន្ដរក្សាកំណត់ត្រា ។
-
ប្រើរង្វាន់ ឬការដាក់ទោសដោយឈ្លាសវៃ និងតិចតួច-- ឲ្យរង្វាន់ខ្លួនឯងចំពោះការរក្សាកំណត់ត្រាប្រចាំថ្ងៃ ។
-
ទាញយកឧបករណ៍-- តើអ្នកនឹកគិតថា អាចជីកអណ្ដូងមួយដោយពុំប្រើឧបករណ៍ឬទេ ? ត្រូវប្រាកដថា អ្នកមានឧបករណ៍ ដើម្បីធ្វើនូវអ្វីដែលចាំបាច់ត្រូវធ្វើបាន ។ តើឧបករណ៍អ្វី នឹងជួយអ្នករក្សាកំណត់ត្រាបាននោះ ? យើងនឹងរៀនអំពីឧបករណ៍មួយចំនួននៅពេលក្រោយក្នុងការប្រជុំនេះ ។
-
-
ពិភាក្សា ៖តើយើងម្នាក់ៗនឹងយល់ព្រមប្រើយុទ្ធសាស្ត្រទាំងនេះដើម្បីបង្កើតទម្លាប់សំខាន់នៃការរក្សាកំណត់ត្រាល្អដែរឬទេ ?
តើខ្ញុំរក្សាកំណត់ត្រាចំណូលនិងចំណាយយ៉ាងដូចម្ដេច ?
-
អាន ៖កំណត់ត្រាចំណូល និងចំណាយ គឺជាទម្រង់អាជីវកម្មជាទូទៅមួយ ។ យើងគួរប្រើវារៀងរាល់ថ្ងៃដើម្បីកត់ត្រាលំហូរប្រាក់ចូលនិងលំហូរប្រាក់ចេញក្នុងអាជីវកម្មរបស់យើង ។
នៅចាំ ដានីយ៉ែល នៅក្នុងវីដេអូ « ខ្ញុំពុំដឹងទេ » ឬទេ ? គាត់បានចាប់ផ្ដើមកត់ត្រាតាមដានចំណូល និងចំណាយរបស់គាត់ ដោយការប្រើជំហានដូចខាងក្រោម ។
-
អនុវត្ត ៖សូមផ្គូរផ្គងលេខនៅក្នុងតារាងនេះទៅនឹងលេខនៅក្នុងកំណត់ត្រាចំណូលនិង ចំណាយនៅទំព័របន្ទាប់ជាមួយនឹងដៃគូ ។
ជំហាននានាដើម្បីបង្កើតកំណត់ត្រាចំណូល និងចំណាយ
១ដានីយ៉ែលមាន១៥០០ នៅក្នុងប្រអប់លុយអាជីវកម្មរបស់គាត់ ។ គាត់បានដាក់ចំនួននោះជាតុល្យភាពចាប់ផ្ដើមរបស់គាត់ នៅដើមសប្ដាហ៍ ។
ថ្ងៃច័ន្ទ
២បានលក់កៅអីចំនួន ៤ ។ នៅក្នុងជួរឈរចំណូល គាត់ដាក់ ២០០ ។
៣បន្ថែម២០០ ទៅតុល្យភាពសាច់ប្រាក់ ។ តុល្យភាពថ្មី = ១៧០០ ។
៤បង់ថ្លៃជួលផ្ទះ ១០០ ។ នៅក្នុងជួរឈរចំណាយ គាត់ដាក់ -១០០ ។
៥ដក ១០០ ពីតុល្យភាពសាច់ប្រាក់ ។ តុល្យភាពថ្មី = ១៦០០ ។
ថ្ងៃអង្គារ
៦បានបង់ទៅ ម៉ាក់ស្វែល ៥០០ ។ នៅក្នុងជួរឈរចំណាយ គាត់ដាក់ -៥០០ ។
៧ដក ៥០០ ពីតុល្យភាពសាច់ប្រាក់ ។ តុល្យភាពថ្មី = ១១០០ ។
ថ្ងៃពុធ
៨បានលក់តុមួយ និងកៅអីមួយឈុត ។ នៅក្នុងជួរឈរចំណូល គាត់ដាក់ ៤០០ ។
៩បន្ថែម៤០០ ទៅតុល្យភាពសាច់ប្រាក់ ។ តុល្យភាពថ្មី = ១៥០០ ។
ថ្ងៃព្រហស្បតិ៍
១០បានលក់គ្រឿងសង្ហារិមបន្ទប់ដេក ។ នៅក្នុងជួរឈរចំណូល គាត់ដាក់ ១០០០ ។
១១បន្ថែម១០០០ ទៅតុល្យភាពសាច់ប្រាក់ ។ តុល្យភាពថ្មី = ២៥០០ ។
ថ្ងៃសុក្រ
១២បានទិញសម្ភារ ។ នៅក្នុងជួរឈរចំណាយ គាត់ដាក់ -១៥០០ ។
១៣ដក ១៥០០ ពីតុល្យភាពសាច់ប្រាក់ ។ តុល្យភាពថ្មី = ១០០០ ។
ថ្ងៃសៅរ៍
១៤បានលក់តុមួយ ។ នៅក្នុងជួរឈរចំណូល គាត់ដាក់ ៤០០ ។
១៥បន្ថែម៤០០ ទៅតុល្យភាពសាច់ប្រាក់ ។ តុល្យភាពថ្មី = ១៤០០ ។
១៦ដានីយ៉ែលបានបញ្ចប់សប្តាហ៍នេះជាមួយនឹង១៤០០ នៅក្នុងប្រអប់លុយអាជីវកម្មរបស់គាត់ ។
-
អាន ៖ដានីយ៉ែល បានសរសេរទុកនូវចំណូល និងចំណាយប្រចាំថ្ងៃរបស់គាត់ ។ កំណត់ត្រា ចំណូល និងចំណាយរបស់គាត់ មើលទៅមានទម្រង់ដូចនេះ នៅចុងសប្ដាហ៍ ។
កំណត់ត្រាចំណូល និងចំណាយហាងគ្រឿងសង្ហារិមរបស់ដានីយ៉ែល ៖ ខែ សីហា ១៤–២០
កាលបរិច្ឆេទ
ការពិពណ៌នា
ចំណាយ
ចំណូល
តុល្យភាពសាច់ប្រាក់
តុល្យភាព ដើមគ្រា នៃអាជីវកម្មរបស់ដានីយ៉ែល
១៥០០ ១
ថ្ងៃ ច័ន្ទ ១៤/៥
បានលក់កៅអីចំនួន ៤ ។
២០០ ២
១៧០០ ៣
ថ្ងៃ ច័ន្ទ ១៥/៥
បង់ថ្លៃជួលផ្ទះ
-១០០ ៤
១៦០០ ៥
ថ្ងៃអង្គារ ១៦/៥
បានបង់ប្រាក់ឈ្នួលទៅ ម៉ាក់ស្វែល
-៥០០ ៦
១១០០ ៧
ថ្ងៃ ពុធ ទី ១៧/៥
បានលក់តុមួយ និងកៅអីមួយឈុត ។
៤០០ ៨
១៥០០ ៩
ថ្ងៃ ព្រហស្បតិ៍ ទី ១៨/៥
បានលក់គ្រឿងសង្ហារិមបន្ទប់ដេក ។
១០០០ ១០
២៥០០ ១១
ថ្ងៃ សុក្រ ទី ១៩/៥
បានបង់សម្រាប់សម្ភារ ។
-១៥០០ ១២
១០០០ ១៣
ថ្ងៃ សៅរ៍ ទី ២០/៥
បានលក់តុមួយ ។
៤០០ ១៤
១៤០០ ១៥
តុល្យភាព ដើមគ្រា នៃអាជីវកម្មរបស់ដានីយ៉ែល
១៤០០ ១៦
-
ពិភាក្សា ៖នៅក្នុងវីដេអូ និយោជិតរបស់ដានីយ៉ែល ម៉ាក់ស្វែល បាននិយាយថា គាត់ពុំទាន់បានបើកប្រាក់ឈ្នួលឲ្យទេ ។ តើកំណត់ត្រានេះជួយដានីយ៉ែលដោះស្រាយបញ្ហានោះយ៉ាងដូចម្ដេច ?
តើរបាយការណ៍ចំណូលជាអ្វី ?
-
អាន ៖ទម្រង់បែបបទអាជីវកម្មសំខាន់មួយទៀត គឺរបាយការណ៍ចំណូល។ សូមចាំថា តើវាលំបាកប៉ុណ្ណា ដើម្បីគណនាប្រាក់ចំណេញដោយការចងចាំ អំឡុងពេលសកម្មភាពរបស់យើងនោះ ? របាយការណ៍ចំណូលនឹងជួយច្រើន ! វាសង្ខេបរាល់ដំណើរការអំឡុងគ្រាមួយ ដូចជាមួយសប្ដាហ៍ មួយខែ មួយត្រីមាស ឬមួយឆ្នាំ ។ ការសង្ខេបនោះ ប្រាប់យើងថាតើអាជីវកម្មទទួលបានប្រាក់ចំណេញ អំឡុងគ្រានោះឬទេ ។
របាយការណ៍ចំណូល មានបង្ហាញដូចជា ៖
-
ចំណូល ។
-
ចំណាយ ។
-
ចំណេញ ( ឬខាត ) ។
-
-
អនុវត្ត ៖សូមផ្គូរផ្គងលេខនៅក្នុងតារាងនេះទៅនឹងលេខនៅក្នុងកំណត់ត្រាចំណូលនិង ចំណាយនៅទំព័របន្ទាប់ជាមួយនឹងដៃគូ ។
ជំហាននានាដើម្បីបង្កើតរបាយការណ៍ចំណូល
ចំណូល
១ចំនួនសរុបនៃការលក់កៅអី គាត់ដាក់ ២០០។
២ចំនួនសរុបនៃការលក់តុ គាត់ដាក់ ៤០០ ។
៣ចំនួនសរុបនៃការលក់គ្រឿងសង្ហារិមបន្ទប់បាយមួយឈុត គាត់ដាក់ ៤០០ ។
៤ចំនួនសរុបនៃការលក់គ្រឿងសង្ហារិមបន្ទប់ដេកមួយឈុត គាត់ដាក់ ១០០០ ។
៥គាត់បន្ថែមទៅការលក់សរុបរបស់គាត់ ។ ចំណូលសរុបរបស់គាត់សម្រាប់មួយសប្ដាហ៍ ៖
ចំណាយ
៦សម្រាប់ការចំណាយថ្លៃជួលផ្ទះ គាត់ដាក់ -១០០ ។
៧សម្រាប់ការចំណាយថ្លៃសម្ភារ គាត់ដាក់ -១៥០០ ។
៨សម្រាប់ប្រាក់ឈ្នួលនិយោជិត គាត់ដាក់ -៥០០ ។
៩គាត់បន្ថែមទៅការចំណាយសរុបរបស់គាត់ ។ ប្រាក់ចំណាយសរុបសម្រាប់មួយសប្ដាហ៍ ៖ -២១០០ ។
ចំណេញ ( ឬខាត )
១០គាត់បានដកការចំណាយចេញពីចំណូលរបស់គាត់ ៖ ២០០០-២១០០=-១០០ ។
-
ពិភាក្សា ៖តើរបាយការណ៍ចំណូលនេះប្រាប់យើងអ្វីខ្លះ អំពីអាជីវកម្មរបស់ដានីយ៉ែល ?
តើគ្រាណាខ្លះ ដែលត្រូវបានគិតដោយរបាយការណ៍ចំណូលនេះ ?
តើអាជីវកម្មរបស់ដានីយ៉ែលបានទទួលប្រាក់ចំណេញក្នុងសប្ដាហ៍នេះដែរឬទេ ?
តើដានីយ៉ែលអាចដំណើរការអាជីវកម្មបែបបនេះរាល់សប្ដាហ៍ឬ ? ហេតុអ្វីអាច ឬ ហេតុអ្វីមិនអាច ?
ម្ចាស់អាជីវកម្មជោគជ័យ ស្វែងរកប្រាក់ចំណេញប្រចាំថ្ងៃ ។
របាយការណ៍ចំណូលនៃអាជីវកម្មគ្រឿងសង្ហារិមរបស់ដានីយ៉ែល ( ថ្ងៃច័ន្ទ-ថ្ងៃសៅរ៍ )
ចំណូល
លក់កៅអី
២០០
១
លក់តុ
៤០០
២
លក់គ្រឿងសង្ហារិមបន្ទប់បាយ
៤០០
៣
លក់គ្រឿងសង្ហារិមបន្ទប់ដេក
១០០០
៤
ចំណូលសរុប
២០០០
៥
ចំណាយ
ថ្លៃជួលផ្ទះ
-១០០
៦
សម្ភារ
-១៥០០
៧
ប្រាក់ឈ្នួលនាយកជិត
-៥០០
៨
ចំណាយសរុប
-២១០០
៩
ចំណេញ ( ឬខាត )
-១០០
១០
តើខ្ញុំអាចបង្កើតកំណត់ត្រាចំណូល និងចំណាយ ហើយនឹងរបាយការណ៍ចំណូលយ៉ាងដូចម្ដេច ?
-
អាន ៖ដើម្បីដឹងថា អាជីវកម្មរបស់យើងទទួលបានប្រាក់ចំណេញឬអត់ នោះយើងត្រូវការរបាយការណ៍ចំណូល ។ ដើម្បីបង្កើតរបាយការណ៍ចំណូល យើងត្រូវការកំណត់ត្រាចំណូល និងចំណាយ ។
-
អនុវត្ត ៖អ្នកបានឃើញរបៀបដែល ដានីយ៉ែល បានរក្សាកំណត់ត្រាចំណូល និង ចំណាយ និងរបៀបដែលគាត់បានប្រើដើម្បីធ្វើរបាយការណ៍ចំណូលហើយ ។ ឥឡូវ ធ្វើការជាមួយដៃគូ ដើម្បីបង្កើតរបាយការណ៍ចំណូលមួយសម្រាប់ យ៉ូសែប ។ បំពេញកំណត់ត្រាចំណូល និងចំណាយ និងរបាយការណ៍ចំណូលនៅ ទំព័របន្ទាប់ ។
-
សូមបង្កើតកំណត់ត្រាចំណូល និងចំណាយសម្រាប់អាជីវកម្មសំណង់របស់យ៉ូសែប ។
-
សូមបង្កើតរបាយការណ៍ចំណូល សម្រាប់អាជីវកម្មសំណង់របស់យ៉ូសែប ។
-
នៅពេលអ្នកសាកល្បងធ្វើការណ៍នេះ បើអ្នកត្រូវការជំនួយបង្កើតកំណត់ត្រាចំណូល និងចំណាយ ឬរបាយការណ៍ចំណូល សូមបើកទៅ ទំព័រ ៥៦ សម្រាប់ចម្លើយ ។
កំណត់ត្រាចំណូល និងចំណាយចាប់ពីថ្ងៃច័ន្ទ-ថ្ងៃសៅរ៍
កាលបរិច្ឆេទ
ការពិពណ៌នា
ចំណាយ
ចំណូល
តុល្យភាព
តុល្យភាពសាច់ប្រាក់ដើមគ្រានៃ អាជីវកម្ម
៣០០០
ចំណាយ & ចំណូលសរុប
របាយការណ៍ចំណូលនៃអាជីវកម្មគ្រឿងសង្ហារិមរបស់ដានីយ៉ែល ( ថ្ងៃច័ន្ទ-ថ្ងៃសៅរ៍ )
ចំណូល
ចំណូលសរុប
ចំណាយ
ចំណាយសរុប
ចំណេញ ( ឬខាត )
-
-
ពិភាក្សា ៖តើអ្នកបានរៀនអ្វីខ្លះអំពីអាជីវកម្មរបស់យ៉ូសែប មកពីការមើលរបាយការណ៍ចំណូលរបស់គាត់នោះ ?
ម្ចាស់អាជីវកម្មធនតូចគ្រប់ទីកន្លែង ពឹងលើអំណាចនៃទម្រង់បែបបទទាំងនេះ ។ តើអ្នកមានបានរក្សាទុកកំណត់ត្រាចំណូល និងចំណាយ ឬរបាយការណ៍ចំណូលដែរឬទេ ? បើទុក តើវាបានជួយអ្នកយ៉ាងដូចម្ដេច ?
-
អនុវត្ត ៖បើអ្នកពុំទាន់រក្សាទុកកំណត់ត្រាទេ សូមថតចម្លងកំណត់ត្រាចំណូល និងចំណាយ និងរបាយការណ៍ចំណូលពីខាងលើចូលក្នុងសៀវភៅកំណត់ចំណាំអាជីវកម្មរបស់អ្នក ។
-
អាន ៖សូមកត់ត្រាចំណូល និងចំណាយរបស់អ្នកប្រចាំថ្ងៃ ហើយនៅចុងសប្ដាហ៍ បង្កើតរបាយការណ៍ចំណូល ។ សូមបន្ដធ្វើដូចនេះជារៀងរាល់ថ្ងៃ និងសប្ដាហ៍ ពេលអាជីវកម្មរបស់អ្នករីកចម្រើន ។ អ្នកនឹងត្រូវការកំណត់ត្រាអាជីវកម្មទាំងនេះសម្រាប់ក្រុមប្រជុំនៅសប្ដាហ៍ទីប្រាំពីរ និងទីប្រាំបី ។
-
មើល ៖រៀនរបៀបដើម្បីរក្សាកំណត់ត្រា បានជួយ វ៉ាញជែលីស ពង្រីកអាជីវកម្មរបស់គាត់ ។ មើលរឿងជោគជ័យ « វ៉ាញជែលីស ៖ អ្នកលេងសៀកតាមផ្លូវ » ។ ( ពុំមានវីដេអូឬ ? សូមបន្ដអាន ) ។