រៀន
តើមានអ្វីខ្លះនឹងជួយអាជីវកម្មខ្ញុំរកប្រាក់បានកាន់តែច្រើន ?
-
ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។
-
មើល ៖« កង់ ឬមាន់ ? » ( ពុំមានវីដេអូឬ ? សូមមើលអត្ថបទនៅ ទំព័រ ១០២) ។
-
អាន ៖ទ្រព្យសកម្ម គឺជាអ្វីមួយដែលអាជីវកម្មមាន ដែលវាមានតម្លៃ ។ អ្នកអាចទិញ និង លក់ទ្រព្យសកម្មបាន ។ ឧទាហរណ៍ ម៉ារៀ អាចទិញកៅអីមួយដើម្បីអង្គុយ ពេលលក់ស៊ុត ហើយនាងអាចលក់មាន់ ។ ទាំងនេះជាទ្រព្យសកម្ម ។
ទ្រព្យសកម្មដែលឲ្យផលច្រើន បង្កើតប្រាក់សម្រាប់អាជីវកម្ម ។ មេមាន់របស់ ម៉ារៀ គឺជាទ្រព្យសកម្មដែលឲ្យផលច្រើនដោយសារវាផលិតស៊ុត ដែលម៉ារៀលក់បានប្រាក់ ។ កៅអីជាទ្រព្យសកម្ម ប៉ុន្តែពុំមែនជាទ្រព្យសកម្មដែលឲ្យផលច្រើនទេ ។ វាពុំរកបានប្រាក់ទេ ។
-
ពិភាក្សា ៖ម្ចាស់អាជីវកម្មជោគជ័យប្រើទ្រព្យសកម្មដែលឲ្យផលច្រើនដើម្បីពង្រីកអាជីវកម្ម ។ តើម៉ាស៊ីនដេរ ឬកង់ជាទ្រព្យសកម្មដែលឲ្យផលច្រើនយ៉ាងដូចម្ដេច ?
ម្ចាស់អាជីវកម្មជោគជ័យប្រើទ្រព្យសកម្មដែលឲ្យផលច្រើនដើម្បីពង្រីកអាជីវកម្ម ។
-
អនុវត្ត ៖សូមជ្រើសរើសដៃគូ ។ សូមរៀបរាប់ពីទ្រព្យសកម្ម ដែលឲ្យផលច្រើនដែលមានក្នុងអាជីវកម្មរបស់អ្នកហើយនោះ ៖
-
អាន ៖សំណួរប្រចាំសប្ដាហ៍—តើខ្ញុំប្រើទ្រព្យសកម្មដែលឲ្យផលច្រើននេះ ដើម្បីពង្រីកអាជីវកម្មខ្ញុំយ៉ាងដូចម្ដេច ?
សកម្មភាពប្រចាំសប្ដាហ៍—ខ្ញុំនឹងរកទ្រព្យសកម្ម ដែលខ្ញុំមាន ហើយកំណត់ពីរបៀបដើម្បីធ្វើឲ្យវាកាន់តែមានផលច្រើន ។ ខ្ញុំនឹងរក ហើយផ្ដល់អាទិភាពដល់ទ្រព្យសកម្មដទៃទៀតដែលខ្ញុំត្រូវការ ។
តើខ្ញុំអាចធ្វើឲ្យទ្រព្យសកម្មរបស់ខ្ញុំកាន់តែមានផលច្រើនយ៉ាងដូចម្ដេច ?
-
អាន ៖សូមអានបទគម្ពីរនៅខាងស្តាំដៃ ។ យើងត្រូវតែប្រើទ្រព្យសកម្មដោយឈ្លាសវៃ ។ យើងថែទាំទ្រព្យសកម្មរបស់យើង ដើម្បីវាអាចឲ្យផលច្រើន ។
-
ពិភាក្សា ៖តើមានរឿងអ្វីនឹងកើតឡើងចំពោះអាជីវកម្មរបស់ម៉ារៀ បើនាងពុំយកចិត្តទុកដាក់នឹងទ្រព្យសកម្មដែលឲ្យផលច្រើន ( មាន់របស់នាង ) នោះ ?
-
អនុវត្ត ៖ឥឡូវសូមមើលទៅទ្រព្យសកម្មរបស់អាជីវកម្មទាំងនេះ ។ តើទ្រព្យសកម្មខាងក្រោមណាមួយ ដែលជាទ្រព្យសកម្មឲ្យផលច្រើនថ្មីៗនេះ ?
រូបភាពម៉ាស៊ីនដេរម៉ាស៊ីនដេរ
គ្លូរៀ កំពុងដេរអាវជាច្រើនថ្ងៃនេះ ។
រូបភាពកង់កង់ខូច
ដេវីឌ សង្ឃឹមថានឹងជួសជុលកង់គាត់ ហើយប្រើវាឆាប់ៗនេះ ។
រូបភាពមាន់មាន់ ដែលមិនពង
ម៉ារៀ កំពុងរង់ចាំមើលថា តើមាន់នាងចាប់ផ្ដើមពងហើយឬនៅ ។
-
អាន ៖យើងត្រូវការប្រើទ្រព្យសកម្មរបស់យើងឲ្យមានផលបំផុតតាម ដែលអាចធ្វើទៅបាន ។ អានឧទាហរណ៍ដូចខាងក្រោមអំពីអ្នកកាន់កាប់ត្រួតត្រាដ៏ឈ្លាសវៃ ។
-
ពិភាក្សា ៖តើគ្លូរៀ គឺជាអ្នកត្រួតត្រាឈ្លាសវៃក្នុងការប្រើទ្រព្យសកម្មដែលឲ្យផលច្រើនរបស់នាងយ៉ាងដូចម្ដេច ? តើអ្នកអាចធ្វើឲ្យទ្រព្យសកម្មរបស់អ្នកកាន់តែឲ្យផលច្រើនយ៉ាងដូចម្ដេច ?
តើខ្ញុំអាចទទួលបានទ្រព្យសកម្មដែលឲ្យផលច្រើនបន្ថែមទៀតយ៉ាងដូចម្ដេច ?
-
អនុវត្ត ៖សូមគិតអំពីទ្រព្យសកម្មដែលអ្នកអាចទទួលបាន ដែលនឹងជួយអ្នកពង្រីកអាជីវកម្មរបស់អ្នក ។ សូមសរសេរវានៅខាងក្រោមនេះ ។
ប្រភេទនៃទ្រព្យសកម្ម
ទ្រព្យសកម្មដែលខ្ញុំមាន
ទ្រព្យសកម្មថ្មីដែលអាចជួយពង្រីកអាជីវកម្មខ្ញុំ
ឧបករណ៍/ម៉ាស៊ីន
យាន្តជំនិះ
អគារ
សត្វ
ផ្សេងៗ
-
អនុវត្ត ៖សូមបង្កើតក្រុមមួយ ដែលមានគ្នាពីរនាក់ផ្សេងទៀត ។ ពិភាក្សាពីមូលហេតុដែលទ្រព្យសកម្មទាំងនេះ នឹងជួយអាជីវកម្មរបស់អ្នកឲ្យរីកចម្រើន ។
-
អនុវត្ត ៖តើអ្នកអាចទទួលបានទ្រព្យសកម្មដែលអ្នកបានសរសេរនៅទំព័រមុនយ៉ាងដូចម្ដេច ? ខាងក្រោមនេះ គឺជាបញ្ជីនៃវិធីដែលអ្នកធ្វើអាជីវកម្មទទួលបានទ្រព្យសកម្មថ្មី ។ សូមបែងចែកជាក្រុមដែលមានគ្នាបីនាក់ ហើយពិភាក្សាអំពីគុណសម្បត្តិ និងគុណវិបត្តិនៃជម្រើសនីមួយៗ ។ សូមសរសេរវានៅខាងក្រោមនេះ ។
វិធីដើម្បីទទួលបានទ្រព្យសកម្ម
គុណសម្បត្តិ
គុណវិបត្តិ
សន្សំដើម្បីទិញទ្រព្យសកម្មមួយ
មានដៃគូដែលមានទ្រព្យសកម្ម
ជួលទ្រព្យសកម្ម
ខ្ចីទ្រព្យសកម្ម
ខ្ចីប្រាក់កម្ចីដើម្បីទិញទ្រព្យសកម្ម
ផ្សេងៗ
-
អនុវត្ត ៖ឥឡូវនេះ សូមពិភាក្សាដូចខាងក្រោមជាមួយនឹងក្រុមតូចដដែលនោះ ៖
តើទ្រព្យសកម្មណាមួយ ដែលនឹងមានប្រយោជន៍បំផុតសម្រាប់អាជីវកម្មរបស់អ្នកឥឡូវនេះ ? តើវានឹងជួយអ្នករកបានប្រាក់យ៉ាងដូចម្ដេច ? តើវាងាយស្រួលដូចម្ដេចដើម្បីទិញវា ? តើមានវិធីមួយចំនួនអ្វីខ្លះ ដែលអ្នកអាចបង់ថ្លៃលើទ្រព្យសកម្មថ្មីបាន ?
-
មើល ៖សូមមើល រឿងដ៏ជោគជ័យមួយ « សូស៊ី ៖ ឡានក្រុងសាលាឯកជន » ដើម្បីមើលរបៀបដែលសូស៊ីបានធ្វើឲ្យអាជីវកម្មរបស់នាងបានកាន់តែប្រសើរឡើងដែលមានហើយនោះ និងរបៀបដែលនាងដាក់ផែនការដើម្បីទិញទ្រព្យសកម្មដែលឲ្យផលច្រើន ។ ( ពុំមានវីដេអូឬ ? សូមរំលងទៅ ទំព័របន្ទាប់ ) ។
តើខ្ញុំអាចគ្រប់គ្រងការចំណាយរបស់ខ្ញុំយ៉ាងដូចម្ដេច ?
-
អាន ៖ទ្រព្យសកម្មដែលឲ្យផលច្រើន ជួយអាជីវកម្មរបស់យើងរកបានប្រាក់ ។ ដើម្បីពង្រីកអាជីវកម្មរបស់យើង យើងក៏ចាំបាច់ត្រូវគ្រប់គ្រងចំណាយផងដែរ ។ ប៉ុន្តែពុំមែនរាល់ការចំណាយទាំងអស់ដូចគ្នានោះទេ !
-
មើល ៖« សូមប្រុងប្រយ័ត្ននឹងចំណាយថេរ » ( ពុំមានវីដេអូឬ ? សូមអាន ទំព័រ ១០៣ ) ។
-
អាន ៖ចំណាយប្រែប្រួល កើនឡើង ឬថយចុះជាមួយនឹងការលក់ ។
ចំណាយថេរ ត្រូវតែបង់ថ្លៃមិនថាយើងលក់បានចំនួនច្រើន ឬ តិចប៉ុណ្ណានោះទេ ។
ម្ចាស់អាជីវកម្មជោគជ័យបន្ថែមចំណាយថេរ ទាល់តែនៅពេលគេដឹងថា វានឹងជួយអាជីវកម្មឲ្យរកបានប្រាក់ច្រើនតែប៉ុណ្ណោះ ។
-
អនុវត្ត ៖សូមមើលទៅការចំណាយក្នុងអាជីវកម្មរបស់ដានីយ៉ែល ។ សូមគូសរង្វង់ ថេរ ឬ ប្រែប្រួល សម្រាប់ការចំណាយនិមួយៗ ។
ម្ចាស់អាជីវកម្មជោគជ័យ បន្ថែមចំណាយថេរ ទាល់តែពេលពួកគេនឹងបង្កើនប្រាក់ចំណេញប៉ុណ្ណោះ ។
ការចំណាយក្នុងអាជីវកម្មរបស់ដានីយ៉ែល
ជួលហាង
ថេរ
ប្រែប្រួល
ឈើសម្រាប់គ្រឿងសង្ហារិម
ថេរ
ប្រែប្រួល
ចំណាយសេវាដឹកជញ្ជូន
ថេរ
ប្រែប្រួល
ប្រាក់ឈ្នួលរបស់ដានីយ៉ែល
ថេរ
ប្រែប្រួល
-
អនុវត្ត ៖សូមសរសេរចំណាយអាជីវកម្មផ្ទាល់ខ្លួនរបស់អ្នក ។ សូមគូសរង្វង់ ប្រែប្រួល ឬ ថេរ សម្រាប់ការចំណាយនិមួយៗ ។
ចំណាយអាជីវកម្មរបស់ខ្ញុំ
ថេរ
ប្រែប្រួល
ថេរ
ប្រែប្រួល
ថេរ
ប្រែប្រួល
ថេរ
ប្រែប្រួល
ថេរ
ប្រែប្រួល
ថេរ
ប្រែប្រួល
ថេរ
ប្រែប្រួល
ថេរ
ប្រែប្រួល
-
អាន ៖អំឡុងសប្ដាហ៍ យើងនឹងកត់ត្រាចំណូល និង ចំណាយរបស់យើងដែលបង្ហាញថាមួយណាជាការចំណាយថេរ ហើយមួយណាជាការចំណាយប្រែប្រួល ហើយយើងនឹងនាំយករបាយការណ៍ប្រាក់ចំណូលរបស់យើងទៅការប្រជុំលើកក្រោយ ។