A’oa’o atu e ala i le Agaga

Tuu atu soo le molimau ma valaaulia tagata aoao e faasoa mai o latou lagona, aafiaga, ma molimau.

Tomai: Fatu ni uunaiga e fesoasoani i tamaiti aoga e faaleo mai o latou lagona, aafiaga, ma molimau.

Faamatalatala

Ao faasoa mai e tamaiti aoga o latou lagona, aafiaga, ma molimau, o le a molimau mai le Agaga Paia i le moni o mea o loo latou fai mai ai, i o latou lava mafaufau ma loto faapea foi i isi. O uunaiga o se tasi lea o auala e fesoasoani ai ia i latou e faasoa mai. O nei uunaiga e masani ona aofia ai ni vaega se lua: O le vaega muamua e valaaulia ai tamaiti aoga e mafaufau loloto i o latou lagona, aafiaga, ma molimau ma e mafai ona fesootai atu i isi meafaigaluega faafaiaoga, e pei o ata, fesili, suesuega o mataupu faataitai, ata vitio pupuu, ma viiga. O le vaega lona lua e maua ai se avanoa mo tagata aoga e amata ai ona faasoa mai. E mafai ona faia lenei mea e ala i le valaaulia o tamaiti aoga e mafaufau pe faapefea ona latou faaumaina se fasifuaitau e lei uma. O le matapule taua o nei uunaiga, e fesoasoani i tamaiti aoga e fesootai ai ma le Agaga Paia e fesoasoani ia i latou e amata ona mafaufau e uiga i se auala e faaleo ai o latou lagona, aafiaga, ma molimau.

Faataitaiga

Faataitaiga o Ata

O loo e aoao atu le Mataupu Faavae ma Feagaiga 45:1–5, ma o le mataupu faavae o le “O Iesu Keriso o lo tatou Fautua i le Tama.” E te faaali atu i tamaiti aoga lenei ata o Iesu Keriso ma faaaoga le uunaiga “Afai e mafai ona ou tau atu ia Iesu Keriso se mafuaaga se tasi ou te alofa ai ia te Ia, o le a ou faasoa atua …”

Faataitaiga o Viiga

O loo outou usuina faatasi o se vasega le “Ua Ou Iloa o Loo Soifua Lo’u Faaola”. E te valaaulia tamaiti aoga e vaavaai mo a latou laina e fiafia i ai e fesoasoani ia i latou e faauma ai le fasifuaitau lenei: “Ou te iloa o loo soifua Iesu Keriso e …”

Kiliki ii e matamata ai se vitio o lenei faataitaiga

Faataitai

Faaaoga le isi lima minute e sosoo ai ma faailoa mai se ata, viiga, po o se ata vitio e uiga ia Iesu Keriso lea e fesootai i se mataupu faavae po o se aoaoga faavae i se poloka mau o loo loma. Ia maua se uunaiga o le a fesoasoani i tamaiti aoga e mafaufau ai ona faasoa mai lea o o latou lagona mo, aafiaga ma, po o molimau ia Iesu Keriso e faatatau i le mataupu faavae po o le aoaoga faavae ua filifilia.

Talanoaina pe Mafaufau Loloto

• E mafai faapefea e le tuuina atu o se uunaiga ona fesoasoani i tagata aoao e faasoa mai o latou lagona, aafiaga, ma molimau?

• O le a se mea ua e aoaoina mai e uiga i le fesoasoani i tagata aoao ia lagona atili le mautinoa i le faasoaina atu o molimau ma lagona anoa?

Faaaoga

Atiina ae se uunaiga mo lesona taitasi i lenei vaiaso e fesoasoani i tamaiti aoga e faasoa mai o latou lagona, aafiaga, ma molimau.

E Te Fia Aoao Atili?

• “Taitaia ni Talanoaga Musuia,” Aoao Atu i le Ala a le Faaola (2016), 33–34

• “Manatu mo le Aoao Mai ma le Aoao Atu Faatekinolosi,” ChurchofJesusChrist.org