A’oa’o Atu le A’oa’oga Faavae

Taulai atu i upumoni e taitai atu ai i le liua ma atia’e ai le faatuatua ia Iesu Keriso.

Tomai: Fai fesili e fesoasoani ai i tagata aoga e faailoa ma faaupu mataupu faavae o le liuaina.

Faamatalatala

Na ta’ua mai e Peresitene Henry B. Eyring o le Au Peresitene Sili, “O se mataupu faavae e liua ai o se mataupu e tau atu ai i le usitai i le finagalo o le Atua” (“Converting Principles” [saunoaga i se faasauga ma Elder L. Tom Perry, Feb. 2, 1996], 1). O se tasi o auala e fesoasoani ai i tagata aoga e faailoa ma ta’u mai mataupu faavae e liua ai o le fai atu lea ia i latou o se fesili suesue e uunaia ai i latou e vaavaai mo fasifuaitau e fesoasoani ia i tatou e faateleina ai lo tatou faatuatua ma le usiusitai i le finagalo o le Atua. O le isi auala e fesoasoani ai ia i latou e faailoa ma ta’u mai mataupu faavae e liua ai o le fai atu lea o fesili tulitatao pe a uma ona faasoa mai e se tagata aoga se tala, aafiaga, po o se faamalamalamaga. O fesili tulitatao e valaaulia ai tagata aoga e toe faamatala a latou faamatalaga i se auala faigofie e atia’e ai le faatuatua ia Keriso ma se naunautaiga e usitai i le finagalo o le Atua.

Faataitaiga

Fesili e sailiili ai:

1. A o e suesue i le Mataupu Faavae ma Feagaiga 121:41–46, o a fasifuaitau ua e vaai i ai e mafai ona musuia ai oe e usitai ma maua le faatuatua i le finagalo o le Atua?

2. A o e faitaua le Iosua 1:5–9, o le a se mea o e vaaia e fesoasoani e te manao ai e fai le finagalo o le Atua?

3. O a upumoni e te maua i le Mataio 7:7–12 o le a fesoasoani e atia’e ai lou faatuatua ia Iesu Keriso ma mulimuli ai ia te Ia?

O nei lava fesili e mafai ona suia teisi e fai ai ni fesili tulitatao e fesoasoani ai i tagata aoga e ta’u mai se mataupu faavae e liua ai.

Aafiaga o le tagata aoga: Ua faasoa mai e Maria se aafiaga o le faia o se fesili i le tatalo na taitai atu ai i se tali na te lei manao i ai.

Fesili a le faiaoga: “I se fasifuaitau se tasi, o le a se mea na e aoaoina mai lena aafiaga e mafai ona fesoasoani i isi ia faatuatua ia Iesu Keriso ma mulimuli i Lana taitaiga?”

Faamalamalamaga a le tagata aoga: Na faasoa mai e Kaila se faamalamalamaga matagofie ae umi o mea sa ia aoaoina i ana suesuega o tusitusiga paia i le po na muamua atu.

Fesili a le faiaoga: “I se faamatalaga faigofie, o le a se mea na e aoaoina o le a fesoasoani ia te oe e latalata atili atu ai i le Tama Faalelagi ma Iesu Keriso?”

Tala a le tagata aoga: Ua faasoa mai e Katana se tala e uiga i le ala na ia usitaia ai le tulafono o le sefuluai tusa lava pe sa faigata.

Fesili a le Faiaoga: “I se fuaiupu se tasi, ae faapefea lena aafiaga o le a fesoasoani ia te oe e faaauau ai ona faatuatua ia Keriso pe a faigata ona mulimuli ia te Ia?”

Kiliki ii e matamata ai i se vitio o lenei faataitaiga

Faataitai

Tusi fesili e saili ai mo fuaitau nei o mau:

• Iakopo 1:5–6

• 2 Nifae 32:8–9

• Iosefa Samita—Talafaasolopito 1:11–13

Tusi se fesili tulitatao mo tulaga faataitai taitasi e fesoasoani ai i tagata aoga e ta’u mai se mataupu faavae e liua ai:

• Sa faasoa mai e Elena se aafiaga patino maoae i le mulimuli i se uunaiga mai le Agaga.

• Na tuuina mai e Kilisi se faamalamalamaga tele o mea sa ia aoaoina mai le tala ia Tavita ma Koliata.

• Sa faasoa mai e Mele se tala patino o le liliu atu ia Iesu Keriso ina ua maliu se tagata o le aiga.

Talanoaina pe Mafaufau Loloto

• O le a se mea o e aoaoina e uiga i le fesoasoani i tagata aoga e taulai atu i mataupu faavae o le liuaina?

• E mafai faapefea e lenei faiga ona fesoasoani i tagata aoga e aoao atu ai le aoaoga faavae e pei ona maua i le afioga a le Atua?

Faaaoga

I lenei aoaoga ua e faataitaia ai ni tomai se lua e fesoasoani i le tagata aoao e faailoa ma manino ai le tulaga o mataupu faavae o le liuaina: fesili e saili ai ma fesili tulitatao. A o e mafaufau i au tagata aoga, filifili se tomai se tasi e faaaoga ai o le a sili ona aoga mo i latou. I lenei vaiaso, a o e saunia fuaitau taitasi o mau, ia faaauau pea ona e fesili ifo ia te oe lava, “E mafai faapefea ona ou fesoasoani i le tagata aoao ia iloa ma ta’u mai se mataupu faavae e liua ai?” E mafai ona e tusia lena fesili i lalo e fai ma faamanatu ia te oe a o e sauniuni.

A uma ona e tusia se fesili e fesoasoani i le tagata aoao e faailoa pe faaupu se mataupu faavae e liua ai, taumafai e vaai faalemafaufau pe faapefea ona taliina e tagata aoga. Afai e te vaai faalemafaufau ia i latou o ta’u mai se mataupu faavae e liua ai, ia tausisia. Afai e te vaai faalemafaufau i tagata aoga o loo tauivi e ta’u mai se mataupu faavae e liua ai, ia suia le fesili ina ia fesoasoani ai ia ausia le taunuuga faamoemoeina.

E Te Fia Aoao Atili?

• (David A. Bednar, “O Mataupu Faavae o La’u Talalelei,” konafesi aoao, Ape. 2021

• Henry B. Eyring, “The Power of Teaching Doctrine,” konafesi aoao, Ape. 1999