Summary sa Kasaysayan

Ang mosunod nga kronolohiya naghatag og usa ka mubo nga pagkahan-ay sa kasaysayan sa mga pagtulun-an ni Presidente George Albert Smith nga gipakita niini nga basahon.

1870, Abril 4	Natawo didto sa Siyudad sa Salt Lake, Utah, ngadto nila ni John Henry ug Sarah Farr Smith.
1874–75	Ang iyang amahan, si John Henry Smith, nagserbisyo og misyon sa Great Britain. Si George Albert kwatro anyos sa dihang siya mibiya.
1880, Oktubre 27	Si John Henry Smith gi-ordinahan sa pagka-Apostol.
1882–85	Si John Henry Smith nagserbisyo isip presidente sa European Mission.
1883	Si George Albert Smith nagsugod sa pagtrabaho sa usa ka factory sa sinina sa edad nga 13.
1888	Nagsugod sa pagtrabaho sa usa ka kompanya sa railroad. Nag-antus siya og permanente nga kadaut sa iyang mga mata tungod sa iyang trabaho.
1891, Septyembre–Nobyembre	Nagserbisyo og misyon sa kasadpang Utah alang sa Young Men’s Mutual Improvement Association.
1892, Mayo 25	Naminyo kang Lucy Emily Woodruff didto sa Templo sa Manti Utah.
1892–94	Nagserbisyo og misyon didto sa habagatang Estados Unidos, nagsugod pipila lamang ka semana human sa iyang kaminyoon. Si Lucy mikuyog kaniya sa upat ka bulan didto sa misyon.
1903, Oktubre 8	Gi-ordinahan sa pagka-Apostol ni Presidente Joseph F. Smith.
1904	Misulat sa iyang “personal nga pamahayag sa gituohan,” usa ka lista sa 11 ka mga baruganan nga iyang gipasalig nga sundon (tan-awa sa mga pahina 1–2 niini nga basahon).
1909–12	Nag-antus og grabe nga mga problema sa panglawas.
1919–21	Nagdumala sa European Mission.
1921–35	Nagserbisyo isip kinatibuk-an nga superintendente sa Young Men’s Mutual Improvement Association.
1922	Napili nga bise-presidente sa National Society of the Sons of the American Revolution. Nagserbisyo siya niini nga katungdanan hangtud 1925 ug dayon miusab pagka 1944 ug 1946.
1930, Septyembre	Mitabang sa pag-organisar sa Utah Pioneer Trails and Landmarks Association aron sa pagpangita ug pagbutang og timaan sa makasaysayanon nga mga dapit sa Simbahan. Napili siya isip unang presidente sa organisasyon.
1933, Hulyo 27	Nahimong presidente sa Society for the Aid of the Sightless in Utah.
1934, Mayo 31	Nakadawat og Silver Buffalo, ang kinatas-an nga ganti nga gihatag sa Boy Scouts of America.
1935–36	Midumala sa pagpamantala sa Basahon ni Mormon sa braille.
1937, Nobyembre 5	Si Lucy namatay sa edad nga 68 human sa dugay-dugay nga pagkasakit.
1938, Enero–Hulyo	Mibisita sa mga misyon sa Simbahan didto sa South Pacific, lakip na ang mga paghunong didto sa Hawaii, Samoa, Tonga, Tahiti, New Zealand, ug Australia.
1943, Hulyo	Gi-set apart isip Presidente sa Korum sa Napulog Duha ka mga Apostoles.
1945, Mayo 21	Gi-set apart isip Presidente sa Ang Simbahan ni Jesukristo sa mga Santos sa Ulahing mga Adlaw.
1945, Septyembre 23	Mipahinungod sa Templo sa Idaho Falls Idaho.
1945, Nobyembre 2	Nakighimamat sa presidente sa Estados Unidos nga si Harry S Truman aron hisgutan ang mga paningkamot sa pagpadala og tabang ngadto sa Europe human sa Ikaduhang Gubat sa Kalibutan.
1946, Mayo	Mibisita sa mga miyembro sa Simbahan didto sa Mexico, ang unang Presidente sa Simbahan nga naghimo sa ingon. Mihatag og kopya sa Basahon ni Mormon ngadto sa presidente sa Mexico nga si Manuel Camacho.
1947, Hulyo 24	Mipahinungod sa This Is the Place Monument ug nagsaulog sa ika-usa ka gatus ka tuig sa pag-abut sa mga pioneer didto sa Salt Lake Valley.
1947	Mga miyembro sa Simbahan miabut og usa ka milyon.
1949, Septyembre 30– Oktubre 2	Mga partisipante sa labing una nga kinatibuk-ang komperensya nga gisibya sa telebisyon.
1951, Abril 4	Namatay didto sa Siyudad sa Salt Lake, Utah, sa iyang ika-81 nga adlawng natawhan.