“Mënyra për të Shpërndarë Ungjillin”, Mënyra për të Shpërndarë Ungjillin (2024)
Shpërndarja e Ungjillit
Mënyra për të Shpërndarë Ungjillin
Shpërndajeni Ungjillin duke Dhënë Dashuri, Treguar dhe Ftuar
Zoti i ringjallur i udhëzoi Apostujt e Tij: “Dilni në mbarë botën dhe i predikoni ungjillin çdo krijese” (Marku 16:15). Ajo përgjegjësi gjen zbatim sot edhe për ne.
Plaku Geri E. Stivenson na kujton se “porosia e madhe e Shpëtimtarit mund të kryhet nëpërmjet parimeve të thjeshta dhe lehtësisht të kuptueshme që i mësohen secilit prej nesh që nga fëmijëria: jepni dashuri, tregoni dhe ftoni” (“Jepni Dashuri, Tregoni, Ftoni”, Liahona, maj 2022, f. 84). Këto parime janë mënyra të ndërthurura dhe të fuqishme se si mund ta shpërndani ungjillin te njerëzit në mënyra të zakonshme dhe të natyrshme.
Bërja e lutjeve për mundësi që ta shpërndani ungjillin është një pikë e mirë për t’ia filluar. Ati Qiellor do t’ju udhërrëfejë drejt asaj që të dini se për çfarë janë gati njerëzit përreth jush dhe se çfarë ftese t’u bëni atyre. Teksa e jetoni besimin tuaj dhe i ndiqni nxitjet shpirtërore për ta shpërndarë ungjillin, mund të përjetoni gëzimin i cili vjen nga ndihma që u jepni njerëzve për të ardhur te Krishti çdo ditë.
Njihini Miqtë me Misionarët
Ftesa ndaj miqve për t’u takuar me misionarët, është një mënyrë e fuqishme për ta shpërndarë ungjillin e Jezu Krishtit. Ati Qiellor i njeh dhe i do përsosurisht miqtë tuaj. Ai do t’ju ndihmojë të dini se kur dhe si t’u bëni ftesa atyre për t’u takuar me misionarët.
Pasi t’i rekomandoni miqtë tuaj te misionarët, ofrojuni ndihmë misionarëve që ata të kuptojnë nevojat, interesat dhe pyetjet e miqve tuaj. Merrni pjesë në diskutimet e ungjillit dhe mësimet e misionarëve me miqtë tuaj fizikisht ose përmes internetit.
T’i Ndihmojmë Miqtë të Adhurojnë me Ne
Shumë njerëz mund të druhen nga frekuentimi i një kishe të re. Mund t’i ndihmoni miqtë tuaj të kenë një përvojë pozitive gjatë adhurimit me shenjtorët e ditëve të mëvonshme, pavarësisht se ku jetojnë, duke i marrë me vete në mbledhjet e Kishës ose duke i ndihmuar të gjejnë një bashkësi afër tyre duke përdorur funksionin Gjetësi i Shtëpive të Mbledhjeve.
Shpërndajeni Librin e Mormonit
Libri i Mormonit ofron shpresë, forcon besimin te Jezu Krishti dhe e lejon Shpirtin t’u japë njerëzve paqe dhe udhëheqje në të gjitha aspektet e jetës së tyre. Ka shumë mënyra se si mund ta shpërndani Librin e Mormonit tek të tjerët. Mund t’u tregoni njerëzve rreth një mësimi që morët prej atij libri. Mund të shpërndani një varg te miqtë që lidhet me jetën e tyre. Mund të shpjegoni se si libri ju ka ndihmuar të zbuloni shpresën dhe shërimin që ofron Jezusi. Mund t’i shkruani mendimet tuaja në internet dhe të bashkëngjitni emërtimin @libriimormonit.
Shpërndarja e Burimeve të Ungjillit për Udhëheqësit
Presidencat e kuorumit të pleqve dhe të Shoqatës së Ndihmës marrin drejtimin për të ndihmuar në frymëzimin e anëtarëve që t’i duan fëmijët e Perëndisë, ta shpërndajnë ungjillin dhe t’i ftojnë të tjerët të marrin bekimet e Shpëtimtarit (Manuali i Përgjithshëm, 23.5.2). Si udhëheqës, dijeni se përpjekjet tuaja përforcohen ndjeshëm kur anëtarët dhe misionarët i bashkërendojnë përpjekjet e tyre për t’i sjellë njerëzit te Krishti.
Tregoni për Veprimtaritë e Lagjes
Bëjini veprimtaritë tuaja të lagjes interesante dhe mikpritëse për të gjithë njerëzit. Pastaj ftojini fqinjët dhe miqtë tuaj të marrin pjesë. Shumë miq do të duan të na bashkohen në veprimtaritë tona, ndaj mos kini frikë t’i ftoni. Mos u shqetësoni nëse dikush nuk e pranon ftesën tuaj.
Kur merrni pjesë në aktivitetet e lagjes, kërkoni njerëz që nuk i njihni. Përshëndetini. Urojuni mirëseardhjen. Shpenzoni kohë për t’u njohur me ta. Sigurohuni që ata ta dinë se çfarë po ndodh dhe si të marrin pjesë më së miri në aktivitet.
Materialet filmike rreth Shpërndarjes së Ungjillit (të gjitha materialet filmike në anglisht)
Shikojini këto materiale filmike për të parë mënyra se si mund të jepni dashuri, tregoni dhe ftoni në mënyra të zakonshme dhe të natyrshme çdo ditë.
Shpërndarja e materialeve filmike të Ungjillit në Media Library [Biblioteka e Mjeteve të Informimit]
Shpërndajini Burimet e Kishës
Kur Jezu Krishti ishte në tokë, Ai i ndihmoi njerëzit për nevojat e tyre fizike, si dhe për nevojat e tyre shpirtërore. Ai ushqeu të uriturit dhe shëroi të sëmurët. Ai i lartësoi ata dhe i ndihmoi njerëzit përreth Tij. Ne mund ta bëjmë këtë gjithashtu duke shpërndarë burimet e Kishës që ndihmojnë për trajtimin e nevojave fizike dhe shpirtërore të njerëzve.
Burime të Kishës në Dispozicion
Kisha e Jezu Krishtit e Shenjtorëve të Ditëve të Mëvonshme financon burimet vijuese të bazuara te besimi. I mirëpresim të gjithë individët, nga çdo besim fetar, që të marrin pjesë.
Kursi EnglishConnect
Zhvillojini zotësitë tuaja në gjuhën angleze teksa studioni dhe merrni pjesë në një grup bashkëbisedimi me ndërveprim.
Ripërtëritja Emocionale
Mësoni zotësi praktike për të manovruar përgjatë sfidave të jetës dhe ushqyer shëndetin tuaj emocional.
UBJ-Pathway Mbarëbotëror
Fitoni certifikata, diploma dyvjeçare dhe diploma universitare përmes internetit me një çmim të përballueshëm.
Programi FamilySearch
Hyni pa pagesë te miliarda dokumente për të ndërtuar pemën tuaj familjare dhe për të gjetur paraardhësit tuaj.
Instituti për Të Rinjtë në Moshë Madhore
Bashkojuni orëve mësimore, seminareve praktike dhe veprimtarive të përqendruara te Jezu Krishti që do t’ju ndihmojnë për t’ju udhërrëfyer drejt rritjes suaj shpirtërore dhe vetjake.
Seminari për Rininë
Forcojeni themelin tuaj për të mësuarit shpirtëror gjatë gjithë jetës dhe rritjes vetjake duke hulumtuar mësimet e Jezu Krishtit.
Riaftësimi nga Varësitë
Frekuentoni një mbledhje të grupit të përkrahjes që ndërthur hapat e provuar të riaftësimit me besimin në Perëndi.
Financat Vetjake
Mësoni se si të krijoni dhe t’i përmbaheni një buxheti, të hiqni borxhin dhe të investoni me mençuri.
Nisja dhe Rritja e Biznesit Tim
Mësoni se si të plotësoni nevojat e klientit, të krijoni strategji tregtare dhe se si të administroni dokumentet tuaja.
Gjej një Vend Pune më të Mirë
Mësoni se si të spikatni te punëdhënësit, të zhvilloni zotësi në kërkimin e një vendi pune, të zgjeroni rrjetin dhe të përgatiteni për intervista.
Arsimim për Punë më të Mirë
Mësoni se si të bëni kërkime, si të krijoni dhe të paraqitni arsimimin dhe planet për karrierën.
Ndihmë për Jetën
Gjeni burime për sfidat e jetës, të tilla si keqtrajtimi, birësimi, vdekja, aftësitë e kufizuara, prindërimi, pornografia, vetëvrasja e shumë të tjera.