« វិធីចែកចាយដំណឹងល្អ » វិធីចែកចាយដំណឹងល្អ ( ឆ្នាំ២០២៤ )
ការចែកចាយដំណឹងល្អ
វិធីចែកចាយដំណឹងល្អ
ចែកចាយដំណឹងល្អដោយការស្រឡាញ់ ការចែកចាយ និងការអញ្ជើញ
ព្រះអម្ចាស់ដែលមានព្រះជន្មរស់ឡើងវិញបានណែនាំដល់ពួកសាវករបស់ទ្រង់ ៖ « ចូរអ្នករាល់គ្នាទៅពេញសព្វក្នុងលោកីយទាំងមូល ហើយផ្សាយដំណឹងល្អទូទៅដល់គ្រប់មនុស្សទាំងអស់ចុះ » ( ម៉ាកុស ១៦:១៥ ) ។ ទំនួលខុសត្រូវនោះអនុវត្តចំពោះពួកយើងនៅសព្វថ្ងៃនេះ ។
អែលឌើរ ហ្គែរី អ៊ី ស្ទីវ៉ែនសុន បានរំឭកយើងថា « ការបង្គាប់ដ៏អស្ចារ្យរបស់ព្រះអង្គសង្គ្រោះ អាចសម្រេចបានតាមរយៈគោលការណ៍ដ៏សាមញ្ញ ងាយស្រួលយល់ ដែលត្រូវបានបង្រៀនដល់យើងម្នាក់ៗតាំងពីកុមារភាពមក ៖ ស្រឡាញ់ ចែកចាយ និងអញ្ជើញ » ( « ស្រឡាញ់ ចែកចាយ អញ្ជើញ » លីអាហូណា ខែឧសភា ឆ្នាំ២០២២ ទំព័រ៨៤ ) ។ គោលការណ៍ទាំងនេះគឺជាវិធីដ៏រឹងមាំ និងមានឥទ្ធិពលដែលអ្នកអាចចែកចាយដំណឹងល្អជាមួយមនុស្សតាមរបៀបងាយៗ និងសាមញ្ញ ។
ការអធិស្ឋានសម្រាប់ឱកាសដើម្បីចែកចាយដំណឹងល្អគឺជាចំណុចដ៏ល្អមួយដើម្បីចាប់ផ្ដើម ។ ព្រះវរបិតាសួគ៌នឹងណែនាំអ្នកឲ្យដឹងពីអ្វីដែលមនុស្សនៅជុំវិញអ្នកត្រៀមខ្លួននឹងទទួល រួមទាំងរបៀបដើម្បីផ្ដល់ការអញ្ជើញដល់ពួកគេផងដែរ ។ នៅពេលដែលអ្នករស់នៅតាមសេចក្ដីជំនឿរបស់អ្នក ហើយធ្វើតាមការបំផុសគំនិតខាងវិញ្ញាណដើម្បីចែកចាយដំណឹងល្អ អ្នកអាចដកពិសោធន៍នូវអំណរដែលកើតចេញពីការជួយមនុស្សឲ្យមករកព្រះគ្រីស្ទជារៀងរាល់ថ្ងៃបាន ។
ណែនាំមិត្តភក្តិទៅកាន់ពួកអ្នកផ្សព្វផ្សាយសាសនា
ការអញ្ជើញមិត្តភក្តិឲ្យជួបជាមួយពួកអ្នកផ្សព្វផ្សាយសាសនាគឺជាវិធីដ៏មានឥទ្ធិពលមួយដើម្បីចែកចាយដំណឹងល្អរបស់ព្រះយេស៊ូវគ្រីស្ទ ។ ព្រះវរបិតាសួគ៌ស្គាល់ ហើយស្រឡាញ់មិត្តរបស់អ្នកយ៉ាងឥតខ្ចោះ ។ ទ្រង់នឹងជួយអ្នកឲ្យដឹងថាពេលណា និងរបៀបណាដើម្បីផ្ដល់ការអញ្ជើញទៅកាន់ពួកគេដើម្បីជួបជាមួយពួកអ្នកផ្សព្វផ្សាយសាសនា ។
នៅពេលអ្នកណែនាំមិត្តភក្តិរបស់អ្នកទៅកាន់ពួកអ្នកផ្សព្វផ្សាយសាសនា សូមទាក់ទងទៅពួកអ្នកផ្សព្វផ្សាយសាសនាដើម្បីជួយពួកគេឲ្យយល់ពីតម្រូវការ ចំណាប់អារម្មណ៍ និងសំណួររបស់មិត្តភក្តិអ្នក ។ សូមចូលរួមក្នុងការពិភាក្សាអំពីដំណឹងល្អ និងមេរៀនផ្សព្វផ្សាយសាសនាជាមួយមិត្តភក្តិរបស់អ្នកដោយផ្ទាល់ ឬតាមអនឡាញ ។
ជួយមិត្តភក្តិថ្វាយបង្គំជាមួយយើង
សម្រាប់មនុស្សជាច្រើន ការចូលរួមព្រះវិហារថ្មីមួយអាចគួរឲ្យភ័យខ្លាច ។ អ្នកអាចជួយមិត្តភក្តិរបស់អ្នកឲ្យមានបទពិសោធន៍វិជ្ជមានក្នុងការថ្វាយបង្គំជាមួយពួកបរិសុទ្ធថ្ងៃចុងក្រោយ នៅកន្លែងណាដែលពួកគេរស់នៅដោយនាំពួកគេទៅកាន់ការប្រជុំនៅព្រះវិហារជាមួយអ្នក ឬដោយជួយពួកគេឲ្យស្វែងរកក្រុមជំនុំមួយនៅក្បែរពួកគេដោយប្រើ ទីតាំងសាលាប្រជុំ ។
ចែកចាយព្រះគម្ពីរមរមន
ព្រះគម្ពីរមរមនផ្ដល់នូវសេចក្តីសង្ឃឹម ពង្រឹងសេចក្ដីជំនឿលើព្រះយេស៊ូវគ្រីស្ទ ហើយអនុញ្ញាតឲ្យព្រះវិញ្ញាណប្រទានដល់មនុស្សនូវភាពសុខសាន្ត និងការណែនាំក្នុងគ្រប់ទិដ្ឋភាពទាំងអស់នៃជីវិតរបស់ពួកគេ ។ មានវិធីជាច្រើនដែលអ្នកអាចចែកចាយព្រះគម្ពីរមរមនជាមួយអ្នកដទៃបាន ។ អ្នកអាចប្រាប់មនុស្សអំពីការបង្រៀនដែលអ្នកបានរៀនពីព្រះគម្ពីរនេះ ។ អ្នកអាចចែកចាយខគម្ពីរមួយជាមួយមិត្តភក្តិ ដែលទាក់ទងនឹងជីវិតរបស់ពួកគេ ។ អ្នកអាចពន្យល់ពីរបៀបដែលព្រះគម្ពីរនេះបានជួយអ្នកឲ្យរកឃើញសេចក្ដីសង្ឃឹម និងការព្យាបាលដែលព្រះយេស៊ូវប្រទានឲ្យ ។ អ្នកអាចចែកចាយគំនិតរបស់អ្នកនៅតាមអនឡាញ ហើយដាក់ស្លាក @thebookofmormon ។
ការចែកចាយធនធានដំណឹងល្អសម្រាប់ថ្នាក់ដឹកនាំ
គណៈប្រធានកូរ៉ុមអែលឌើរ និងគណៈប្រធានសមាគមសង្គ្រោះដឹកនាំក្នុងការជួយបំផុសគំនិតសមាជិកឲ្យស្រឡាញ់បុត្រាបុត្រីរបស់ព្រះ ដើម្បីចែកចាយដំណឹងល្អ និងដើម្បីអញ្ជើញអ្នកដទៃឲ្យទទួលបានពរជ័យរបស់ព្រះអង្គសង្គ្រោះ ( ក្បួនខ្នាតទូទៅ ២៣.៥.២ ) ។ ក្នុងនាមជាថ្នាក់ដឹកនាំ សូមដឹងថា ការខិតខំរបស់អ្នកត្រូវបានពង្រឹងយ៉ាងខ្លាំង នៅពេលសមាជិក និងពួកអ្នកផ្សព្វផ្សាយសាសនាសម្របសម្រួលកិច្ចខិតខំប្រឹងប្រែងរបស់ពួកគេដើម្បីនាំមនុស្សមកកាន់ព្រះគ្រីស្ទ ។
ចែកចាយសកម្មភាពវួដ
សូមធ្វើឲ្យសកម្មភាពវួដរបស់អ្នកគួរឲ្យចាប់អារម្មណ៍ និងស្វាគមន៍ដល់មនុស្សទាំងអស់ ។ បន្ទាប់មក សូមអញ្ជើញអ្នកជិតខាង និងមិត្តភក្តិរបស់អ្នកឲ្យចូលរួម ។ មិត្តភក្ដិជាច្រើនចង់ចូលរួមសកម្មភាពរបស់យើង ដូច្នេះចូរកុំខ្លាចនឹងអញ្ជើញគេឡើយ ។ សូមកុំបារម្ភ ប្រសិនបើនរណាម្នាក់មិនទទួលយកការអញ្ជើញរបស់អ្នក ។
នៅពេលដែលអ្នកចូលរួមសកម្មភាពវួដ សូមស្វែងរកមនុស្សដែលអ្នកមិនស្គាល់ ។ សូមរាក់ទាក់ពួកគេ ។ សូមស្វាគមន៍ពួកគេ ។ សូមចំណាយពេលដើម្បីស្គាល់ពួកគេ ។ សូមប្រាកដថា ពួកគេដឹងពីអ្វីដែលកំពុងកើតឡើង និងរបៀបចូលរួមយ៉ាងល្អបំផុតក្នុងសកម្មភាពនេះ ។
វីដេអូអំពីការចែកចាយដំណឹងល្អ ( គ្រប់វីដេអូទាំងអស់ជាភាសាអង់គ្លេស )
សូមទស្សនាវីដេអូទាំងនេះដើម្បីមើលវិធីដែលអ្នកអាចស្រឡាញ់ ចែកចាយ និងអញ្ជើញតាមវិធីធម្មតា និងសាមញ្ញជារៀងរាល់ថ្ងៃ ។
ចែកចាយធនធាននានារបស់សាសនាចក្រ
នៅពេលដែលព្រះយេស៊ូវគ្រីស្ទនៅលើផែនដី ទ្រង់បានជួយដល់មនុស្សដែលមានសេចក្ដីត្រូវការខាងសាច់ឈាម ព្រមទាំងសេចក្ដីត្រូវការខាងវិញ្ញាណរបស់ពួកគេផងដែរ ។ ទ្រង់បានប្រទានអាហារដល់អ្នកស្រេកឃ្លាន ហើយបានព្យាបាលដល់អ្នកឈឺ ។ ទ្រង់បានលើកពួកគេឡើង ហើយបានជួយពួកអ្នកដែលនៅជុំវិញទ្រង់ ។ យើងក៏អាចធ្វើបែបនេះបានដែរ តាមរយៈការចែកចាយធនធានរបស់សាសនាចក្រដែលជួយដោះស្រាយតម្រូវការខាងសាច់ឈាម និងខាងវិញ្ញាណរបស់មនុស្ស ។
ធនធានសាសនាចក្រដែលមាន
សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ជួយឧបត្ថម្ភជាធនធានដែលផ្អែកលើសេចក្ដីជំនឿដូចខាងក្រោមនេះ ។ យើងសូមស្វាគមន៍បុគ្គលទាំងអស់ពីគ្រប់ជំនឿឲ្យមកចូលរួម ។
កម្មវិធី EnglishConnect
អភិវឌ្ឍជំនាញភាសាអង់គ្លេសរបស់អ្នក នៅពេលអ្នកសិក្សា និងហាត់រៀននៅក្នុងការសន្ទនាជាក្រុម ។
ភាពធន់ខាងសតិអារម្មណ៍
រៀនជំនាញជាក់ស្តែងដើម្បីស្វែងរកទិសដៅឆ្លងកាត់ឧបសគ្គនៅក្នុងជីវិត ហើយថែទាំសុខភាពផ្លូវចិត្តរបស់អ្នក ។
BYU–Pathway Worldwide
ទទួលបានវិញ្ញាបនបត្រ និងសញ្ញាបត្របរិញ្ញាបត្ររង និងបរិញ្ញាបត្រតាមអនឡាញក្នុងតម្លៃសមរម្យ ។
កម្មវិធីស្រាវជ្រាវក្រុមគ្រួសារ
ចូលទៅកាន់កំណត់ត្រារាប់ពាន់លានដោយឥតគិតថ្លៃដើម្បីស្ថាបនាមែកធាងគ្រួសាររបស់អ្នក ហើយស្វែងរកបុព្វការីជនរបស់អ្នក ។
ថ្នាក់វិទ្យាស្ថានសម្រាប់យុវមជ្ឈិមវ័យ
ចូលរួមក្នុងថ្នាក់រៀននានា កម្មវិធីសិក្ខាសាលា និងសកម្មភាពទាំងឡាយដែលផ្តោតទៅលើព្រះយេស៊ូវគ្រីស្ទ ដើម្បីជួយណែនាំដល់ការរីកចម្រើនខាងវិញ្ញាណ និងការរីកចម្រើនផ្ទាល់ខ្លួនរបស់អ្នក ។
ថ្នាក់សិក្ខាសាលាសម្រាប់យុវវ័យ
ពង្រឹងគ្រឹះរបស់អ្នកសម្រាប់ការរៀនសូត្រខាងវិញ្ញាណពេញមួយជីវិត និងការរីកចម្រើនផ្ទាល់ខ្លួនដោយស្វែងយល់ពីការបង្រៀនរបស់ព្រះយេស៊ូវគ្រីស្ទ ។
ការព្យាបាលការញៀន
ចូលរួមការប្រជុំក្រុមគាំទ្រមួយដែលជាការបន្សំរវាងជំហានព្យាបាលដែលបានដកពិសោធន៍ហើយ ជាមួយនឹងសេចក្ដីជំនឿលើព្រះ ។
ហិរញ្ញវត្ថុផ្ទាល់ខ្លួន
រៀនពីរបៀបបង្កើត និងធ្វើតាមគម្រោងថវិកា លុបបំបាត់បំណុល និងវិនិយោគដោយឈ្លាសវៃ ។
ការចាប់ផ្ដើម និងការពង្រីកអាជីវកម្មរបស់ខ្ញុំ
រៀនពីរបៀបបំពេញតាមតម្រូវការរបស់អតិថិជន បង្កើតយុទ្ធសាស្រ្តទីផ្សារ និងគ្រប់គ្រងកំណត់ត្រារបស់អ្នក ។
ស្វែងរកការងារល្អប្រសើរមួយ
រៀនពីរបៀបធ្វើឲ្យលេចធ្លោចំពោះនិយោជក អភិវឌ្ឍជំនាញស្វែងរកការងារ បង្កើតបណ្តាញ និងរៀបចំសម្រាប់ការចូលសម្ភាសន៍ ។
ការអប់រំសម្រាប់ការងារកាន់តែប្រសើរ
រៀនពីរបៀបស្រាវជ្រាវ បង្កើត និងបង្ហាញពីគម្រោងនៃការអប់រំ និងអាជីព ។
ជួយដល់ជីវិត
ស្វែងរកធនធានសម្រាប់ជួយដល់បញ្ហាជីវិតដូចជា ការរំលោភបំពាន ការសុំកូនមកចិញ្ចឹម ការស្លាប់ ពិការភាព ការចិញ្ចឹមកូន រូបអាសគ្រាម ការធ្វើអត្តឃាត និងអ្វីជាច្រើនទៀត ។